hāsil huā hai tujh ko mujhī se shu'ūr-e-zāt

maiñ terā aa.ina huuñ mirā ehtirām kar

hasil hua hai tujh ko mujhi se shu'ur-e-zat

main tera aaina hun mera ehtiram kar

kūza-gar kis ko mayassar rahī fursat terī

kyoñ hameñ chaak se 'ujlat meñ utārā tū ne

kuza-gar kis ko mayassar rahi fursat teri

kyon hamein chaak se 'ujlat mein utara tu ne

ai naqsh-gar yaqīn kar achchhā nahīñ banā

lā phir se kā.enāt kā naqsha banā.ūñ maiñ

ai naqsh-gar yaqin kar achchha nahin bana

la phir se kaenat ka naqsha banaun main

bachchoñ ke haath meñ bhalā dete haiñ aisī chiiz

dekho ḳharāb ho ga.ī mujh se ye zindagī

bachchon ke hath mein bhala dete hain aisi chiz

dekho KHarab ho gai mujh se ye zindagi

shikastagī thī kuchh aisī ki kūza-gar merā

banā ke mujh ko baḌī der tak udaas rahā

shikastagi thi kuchh aisi ki kuza-gar mera

bana ke mujh ko baDi der tak udas raha