Search result for

SEARCH RESULTS

Showing search results for "khajuuro.n"

See All

POETS/AUTHORS/ARTISTS

Nasib Khatuoon

Author

MOST RELEVANT MATCHES FOR "khajuuro.n"

Nazm

jahan rehana rahti thi

khajuuro.n ke tale vo jo kha.nDar se jhilmilaate hai.n
ye sab 'rehaana' ke ma.asuum afsaane sunaate hai.n
vo in kha.nDaro.n me.n ik din suurat-e-afsaana rahtii thii
yahii vaadii hai vo hamdam jahaa.n 'rehaana' rahtii thii

Akhtar Shirani

Ghazal

roz ham jaltii hu.ii ret pe chalte hii na the
ham ne saa.e me.n khajuuro.n ke bhii aaraam kiyaa

Ambar Bahraichi

Nazm

safir-e-laila-1

safiir-e-lailaa yahii kha.nDar hai.n jahaa.n se aaGaaz-e-daastaa.n hai
zaraa saa baiTho to mai.n sunaa.uu.n
fasiil-e-qarya ke surKH patthar aur un pe azhdar-nishaan burje.n gavaah qarya kii azmato.n kii
chahaar jaanib naKHiil-e-tuubaa aur us me.n bahte faraavaa.n chashme
buland pe.Do.n ke ThanDe saa.e the shaaKH-e-zaituu.n isii jagah thii
yahii sutuu.n the jo dekhte ho pa.De hai.n murda giddho.n ke maanind
uThaa.e rakhte the in ke shaane aziim qasro.n kii sa.ngii.n saqfe.n
yahii vo dar hai.n safiir-e-lailaa ki jin ke taKHte u.Daa liye hai.n dino.n kii aavaara sarsaro.n ne
yahii.n se guzrii thii.n surKH uu.nTo.n kii vo qataare.n
ki un kii pushte.n sanobaro.n ke safed paalaan le ke chaltii.n
uThaa.e phirtii.n javaan pariyo.n kii mahmalo.n ko
ye sehan-e-qarya hai un jag.ho.n par ghanii khajuuro.n kii sabz shaaKHe.n
falak se taaza phalo.n ke KHoshe churaa ke bhartii thii.n pahlu.o.n me.n
safed paanii ke sau ku.e.n yuu.n bhare hu.e the
ki chau.Dii mashko.n ko haath bhar kii hii rassiyaa.n thii.n
mazaaf-e-qarya me.n sabza-gaahe.n aur in me.n chartii thii.n farba bhe.De.n
shimaal-e-qarya me.n niil-gaa.e.n manaar-e-masjid se dekhte the
pare hazaaro.n kabuutaro.n ke fasiil-e-qarya se gumbado.n tak
paro.n ko zoro.n se pha.D.pha.Daate the aur sehno.n me.n dau.Dte the
yahii.n thaa sab kuchh safiir-e-lailaa
isii jagah par jahaa.n babuulo.n ke KHaar phirte hai.n chuuhiyo.n kii savaariyo.n par
jahaa.n parindo.n ko haul aate hai.n raakh u.Dtii hai haDDiyo.n kii
yahii vo vahshat-saraa hai jis me.n dilo.n kii aa.nkhe.n laraz rahii hai.n
safiir-e-lailaa tum aaj aa.e ho to bataa.uu.n
tire musaafir yahaa.n se nikle ufuq ke parbat se us taraf ko
vo aise nikle ki phir na aa.e
hazaar kohna du.aa.e.n garche buzurg ho.nTo.n se uTh ke baam-e-falak pe pahu.nchii.n
magar na aa.e
aur ab yahaa.n par na ko.ii mausam na baadalo.n ke shafiiq saa.e
na suurajo.n kii safed dhuupe.n
faqat sazaa.e.n hai.n uu.ngh-bhartii kariih chehro.n kii deviyaa.n hai.n
safiir-e-lailaa
yahaa.n jo din hai.n vo din nahii.n hai.n
yahaa.n kii raate.n hai.n be-sitaara
sahar me.n ko.ii namii nahii.n hai

Ali Akbar Natiq

Ghazal

guzaarii zindagii jis ne khajuuro.n kii chataa.ii par
vo bosiida rasuulullah kaa bistar yaad aataa hai

Syed Zafar Kashipurii

Nazm

aansuon ke ratjagon se

saare manzar ek jaise
saarii duniyaa ek sii
naashpaatii ke daraKHto.n se
khajuuro.n kii ghanii shaaKHo.n talak
duniyaa achaanak ek jaisii ho ga.ii hai
misr ke ahraam kii mahzuu.n fazaa.e.n
dam-ba-KHud hai.n kuufa o baGdaad ke baazaar me.n
kaazimain o mash.had-e-e.araaq se nauhe nikal kar
sarhad-e-labnaan tak pahu.nche hu.e hai.n
shahr-e-dillii ke a.ndhere
zulmat-e-lahore se milne lage hai.n
shor kaabul kaa sunaa.ii detaa hai
bartaania kii mahfilo.n me.n
KHvaahish-e-newyark zinda hotii hai
Dhaake kii puraanii dilrubaa galiyo.n me.n
goyaa saarii duniyaa ek jaisii ho ga.ii hai
saare manzar ek se
uj.Dii hu.ii aa.nkho.n me.n saare KHvaab
yaado.n kaa fusuu.n ummiid ke saare fasurda aaftaab
ek ho sakte hai.n
aa.o in se mil-milaa kar ik jahaan-e-taaza-tar paidaa kare.n
in lahuu kii buu.ndo.n se
raste sajaa.e.n
aa.nsu.o.n ke ratjago.n se aarzuu-e-chashm-e-tar paidaa kare.n

Ain Tabish

See All

BOOKS MATCHES FOR "khajuuro.n"

Falaahatun-Nakhl

Nawab Aziz Jang Bahadur wila

Others

Pakistan

Mohammad Sayeed

Journalism

Khajoor Ki Kasht

Nawa Azeez Jang Bahadur

Agriculture

Zahir Dehlawi Bahaisiyat-e-Marsia Nigar

Nasib Khatuoon

Criticism

MORE MATCHES FOR "khajuuro.n"

Sher

roz ham jaltii hu.ii ret pe chalte hii na the
ham ne saa.e me.n khajuuro.n ke bhii aaraam kiyaa

Ambar Bahraichi

Ghazal

phir khajuuro.n ke daraKHto.n me.n dhu.aa.n saa kis liye
aag jab taapii na thii aur qaafila Thahraa na thaa

Prem Kumar Nazar

Nazm

wo dil hairan nahin hote

havaa aur dhuup kaa qarno.n puraanaa saath hai
aur zindagii mauj-e-ravaa.n hai
vo kisii pal ruk nahii.n saktii
na-jaane kitne barso.n kii ye pur-asraar tanhaa.ii
mire dil me.n
khajuuro.n ke daraKHto.n kii tarah
yuu.n iistaada hai
ki uj.De qartaba ke saare manzar
merii aa.nkho.n me.n larazte hai.n
na-jaane kitne barso.n kii udaasii ke
a.ndhere gumbado.n me.n guu.njte
jaa.n-soz andeshe
musalsal mujh pe yuurish karte hai.n
aur undulus ke kuucha-o-baazaar aur baaGo.n ko
faulaadii sumo.n se rau.ndte
gho.Do.n kii Taapo.n se
miraa siina dhamaktaa hai
mire ehsaas kii ye ranjishe.n
aur ruuh ke ye dukh kisii ik saa.at-e-saffaak ne
mujh ko nahii.n sau.npe
ki ye to asal me.n vo jaal hai
taariiKH kii mak.Dii jo sadiyo.n se
mire andar kahii.n
chup-chaap buntii hai
havaa aur dhuup merii zindagii ke manzaro.n me.n
be-sabaatii kii alaamat hai.n
zamii.n kii gardisho.n se tez hai
haalaat kii gardish
isii ne mere sar me.n KHaak Daalii hai
yahii to merii aa.nkho.n me.n
pighaltii barf kii diivaar chuntii hai
ye kis kii baat suntii hai
mirii saa.nso.n me.n
Garnaata kii dhuul
u.Dtii hai
aur KHaamosh dehlii kii
havaa.e.n sarsaraatii hai.n
huu.n
havaa kaa ruKH badalne par
vo dil hairaa.n nahii.n hote

Mubeen Mirza

Ghazal

tahziib apnii aap numuu kar rahii hai aaj
piipal se ug pa.De hai.n khajuuro.n ke chaar pe.D

Muneer Jafri

Nazm

jangal: ek hasht pahlu taswir

vo khajuuro.n ke daraKHto.n kii qataar-andar-qataar
ek-dam siidhii kha.Dii samba.ndh rekhaa.e.n zamiin-o-aasmaa.n ke darmiyaan
aasmaanii shaamiyaana in sutuuno.n ke siro.n ko chho.D kar
be-sutuu.n gumbad-saa KHud laTkaa hu.aa

Ameeq Hanafi

Ghazal

tahziib apnii aap numuu kar rahii hai aaj
piipal se ug pa.De hai.n khajuuro.n ke chaar pe.D

Muneer Jafri

Nazm

tumne KHud-kushi kyon ki

mai.n KHud-kushii na kartaa to mar jaataa
mai.n ne bachcho.n kii aa.nkho.n me.n
KHvaahishe.n bilaktii dekhii.n to
aa.ngan me.n
sebo.n ke bonsai daraKHt lagaa diye
jab bachche ba.De hu.e
aur unho.n ne seb to.Dnaa chaahe
sebo.n ke daraKHt khajuuro.n ke daraKHt ban ga.e
bachcho.n ke haath
du.aa.o.n kii tarah uThe rahe ga.e
mai.n ne khajuur ke tane ko baa.nho.n me.n le liyaa
aur zaKHmii pairo.n se dau.Dtaa
uupar cha.Dh gayaa
to vahaa.n seb nahii.n the
mai.n ne bachcho.n kii phailii hu.ii jholiyaa.n dekhii.n
aur un me.n chhalaa.ng lagaa dii

Qazi Ejaz Mehwar

Nazm

rishta apne mazi ka

saahil-e-sindh par
ek duKHaanii kashtii ravaa.n
jis me.n baiThe hu.e kuchh hasii.n naujavaa.n
ik hasii.n saa kinaaraa jo aayaa nazar
ruk ga.e log sab
aur hairat se har chiiz dekhaa kiye
sar uThaa.e khajuuro.n ke kuchh pe.D the
sarsaraatii havaa
pal rahii thii jo buu-e-mohabbat kii aaGosh me.n

Salma Javed

Ghazal

mire virse me.n to sahraa hii likkhaa hai magar mujh ko
madiine kii khajuuro.n se sajaa manzar banaanaa hai

Shaukat Hashmi

Nazm

bashaarat pani ki

puraanii baat hai
lekin ye anhonii sii lagtii hai
vo sab pyaase the
miilo.n kii masaafat se badan behaal thaa un kaa
jahaa.n bhii jaate vo dariyaa.o.n ko suukhaa hu.aa paate
ajab banjar zamiino.n kaa safar darpesh thaa un ko
kahii.n paanii na miltaa thaa
khajuuro.n ke daraKHto.n se unho.n ne uu.nT baa.ndhe
aur thak kar so ga.e saare
unho.n ne KHvaab me.n dekhaa
khajuuro.n ke daraKHto.n kii qataare.n KHatm hotii hai.n jahaa.n
paanii chamaktaa hai
vo sab jaage
har ik jaanib tahayyur se nazar Daalii
vo sab uTThe
mahaare.n thaam kar haatho.n me.n uu.nTo.n kii
khujuuro.n ke daraKHto.n kii qataare.n KHatm hone me.n na aatii thii.n
zabaane.n suukh kar kaa.nTaa hu.ii thii.n
aur uu.nTo.n ke qadam aage na uThte the
vo sab chiiKHe
bashaarat dene vaale ko sadaa dii
aur zamiin ko pair se rag.Daa
har ik jaanib tahayyur se nazar Daalii
khujuuro.n ke daraKHto.n kii qataare.n KHatm thii.n
paanii chamaktaa thaa!!

Zubair Rizvi

SEARCH RESULTS

POETS/AUTHORS/ARTISTS

MOST RELEVANT MATCHES FOR "khajuuro.n"

Nazm

Akhtar Shirani

Ghazal

Ambar Bahraichi

Nazm

Ali Akbar Natiq

Ghazal

Syed Zafar Kashipurii

Nazm

Ain Tabish

BOOKS MATCHES FOR "khajuuro.n"

MORE MATCHES FOR "khajuuro.n"

Sher

Ambar Bahraichi

Ghazal

Prem Kumar Nazar

Nazm

Mubeen Mirza

Ghazal

Muneer Jafri

Nazm

Ameeq Hanafi

Ghazal

Muneer Jafri

Nazm

Qazi Ejaz Mehwar

Nazm

Salma Javed

Ghazal

Shaukat Hashmi

Nazm

Zubair Rizvi

Rekhta Foundation

Rekhta Dictionary

Sufinama

Hindwi

Rekhta Learning

Rekhta Books