کی تلاش کا نتیجه | موضو - نظم, صفحہ munavaar

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "munavaar"

نظم کے متعلقہ نتیجہ "munavaar"

نظم

جن کی آنکھوں کو رخ صبح کا یارا بھی نہیں
ان کی راتوں میں کوئی شمع منور کر دے
جن کے قدموں کو کسی رہ کا سہارا بھی نہیں
ان کی نظروں پہ کوئی راہ اجاگر کر دے

فیض احمد فیض

نظم

قوم نے پیغام گوتم کی ذرا پروا نہ کی
قدر پہچانی نہ اپنے گوہر یک دانہ کی
آہ بد قسمت رہے آواز حق سے بے خبر
غافل اپنے پھل کی شیرینی سے ہوتا ہے شجر
آشکار اس نے کیا جو زندگی کا راز تھا
ہند کو لیکن خیالی فلسفہ پر ناز تھا
شمع حق سے جو منور ہو یہ وہ محفل نہ تھی
بارش رحمت ہوئی لیکن زمیں قابل نہ تھی
آہ شودر کے لیے ہندوستاں غم خانہ ہے
درد انسانی سے اس بستی کا دل بیگانہ ہے
برہمن سرشار ہے اب تک مئے پندار میں
شمع گوتم جل رہی ہے محفل اغیار میں
بتکدہ پھر بعد مدت کے مگر روشن ہوا
نور ابراہیم سے آزر کا گھر روشن ہوا
پھر اٹھی آخر صدا توحید کی پنجاب سے
ہند کو اک مرد کامل نے جگایا خواب سے

علامہ اقبال

نظم

میرے اسکول مری یادوں کے پیکر سن لے
میں ترے واسطے روتا ہوں برابر سن لے
تیرے استادوں نے محنت سے پڑھایا ہے مجھے
تیری بینچوں نے ہی انسان بنایا ہے مجھے
نا تراشیدہ سا ہیرا تھا تراشا تو نے
ذہن تاریک کو بخشا ہے اجالا تو نے
علم کی جھیل کا تیراک بنایا ہے مجھے
خوف کو چھین کے بے باک بنایا ہے مجھے
تجھ سے شفقت بھی ملی تجھ سے محبت بھی ملی
دولت علم ملی مجھ کو شرافت بھی ملی
شفقتیں ایسی ملی ہیں مجھے استادوں کی
پرورش کرتا ہو جیسے کوئی شہزادوں کی
تیری چاہت میں میں اس درجہ بھی کھو جاتا تھا
تیری بینچوں پہ ہی کچھ دیر کو سو جاتا تھا

منور رانا

نظم

میرے ہنر میں صرف ہوئی ہے تری نظر
خیمہ ہے میرے نام کا بالائے بحر و بر
شہرت کی بزم تجھ سے منور نہیں مگر
فرق گدا پہ تاج ہے سلطاں برہنہ سر
پروانے کو وہ کون ہے جو مانتا نہیں
اور شمع کس طرف ہے کوئی جانتا نہیں

جوش ملیح آبادی

نظم

جب چودھویں شب کا چاند نکل کر دہر منور کرتا ہے
جب کوئی محبت کا مارا کچھ ٹھنڈی سانسیں بھرتا ہے

بہزاد لکھنوی

نظم

کیا ضروری ہے کہ ہم فون پہ باتیں بھی کریں
کیا ضروری ہے کہ ہر لفظ مہکنے بھی لگے
کیا ضروری ہے کہ ہر زخم سے خوشبو آئے
کیا ضروری ہے وفادار رہیں ہم دونوں
کیا ضروری ہے دوا ساری اثر کر جائے
کیا ضروری ہے کہ ہر خواب ہم اچھا دیکھیں
کیا ضروری ہے کہ جو چاہیں وہی ہو جائے
کیا ضروری ہے کہ موسم ہو ہمارا ساتھی
کیا ضروری ہے سفر میں کہیں سایہ بھی ملے
کیا ضروری ہے تبسم یوں ہی موجود رہے
کیا ضروری ہے ہر اک راہ میں جگنو چمکیں
کیا ضروری ہے کہ اشکوں کو روانی بھی ملے
کیا ضروری ہے کہ ملنا ہی مقدر ٹھہرے
کیا ضروری ہے کہ ہر روز ملیں ہم دونوں
ہم جہاں گاؤں بسائیں وہاں اک جھیل بھی ہو
کیا ضروری ہے محبت تری تکمیل بھی ہو

منور رانا

نظم

کل رات
بارش سے جسم
اور آنسوؤں سے
چہرہ بھیگ رہا تھا
اس کے غم کی پردہ داری
شاید خدا بھی کرنا چاہتا تھا
لیکن دھوپ نکلنے کے بعد
جسم تو سوکھ گیا
لیکن آنکھوں نے
قدرت کا کہنا ماننے سے
بھی
انکار کر دیا
اس کے اداس
ہونٹ پتھر کے ہو گئے تھے
اور پتھر مسکرا نہیں سکتے

منور رانا

نظم

یہ کہنے کو ہے میری داستاں پر
سبھی اوراق میں قصے ہیں تیرے
ہے نا ممکن انہیں گن پائے کوئی
میرے اندر کئی قصے ہیں تیرے
بدن ہوں میں میری انگڑائی ہے تو
میرے احساس کی رعنائی ہے تو
بدولت تیرے دنیا دیکھتا ہوں
نظر کا نور ہے بینائی ہے تو
منور ہو گیا بن رنگ روغن
میرا چہرہ تیرے جلوؤں سے روشن
تری رونق میں دنیا کو دکھوں میں
تجھے خود سے الگ کیسے کروں میں

چندر شیکھر ورما

نظم

اس کی ہر بات
ہر اشارے
ہر کنائے کو میں آسانی سے
سمجھ لیتا تھا
لیکن پتہ نہیں کیوں اس نے
میرے لکھے ہوئے پرانے خطوط میں
سوئے ہوئے بے قصور لفظوں کو
اپنی لال رنگ کی لپ اسٹک سے
ہرا کرنے کی کوشش کی ہے
کیوں

منور رانا

نظم

تو درد محبت کا طلب گار ازل سے
تو مہر و مروت کا پرستار ازل سے
تو محرم ہر لذت اسرار ازل سے
ورثہ تیرا رعنائی افکار ازل سے

جگن ناتھ آزاد

نظم

اس کی انگلیاں ہمیشہ سچ بولتی ہیں
بڑا یقین تھا اسے اپنی انگلیوں پر
ان کے سچے ہونے پر بھی بڑا ناز تھا
وہ ہمیشہ اپنی انگلیوں کو
باتوں باتوں میں چوم لیتی تھی
ایک دن نادانی میں اس نے
اپنی انگلیاں میرے ہونٹوں پر رکھ دیں
اس دن سے اس کی انگلیاں سچ نہیں بولتیں
صرف جھوٹ بولتی ہیں

منور رانا

نظم

چہرے تمام دھندلے نظر آ رہے ہیں کیوں
کیوں خواب رتجگوں کی حویلی میں دب گئے
ہے کل کی بات انگلی پکڑ کر کسی کی میں
میلے میں گھومتا تھا کھلونوں کے واسطے
جتنے ورق لکھے تھے مری زندگی نے سب
آندھی کے ایک جھونکے میں بکھرے ہوئے ہیں سب
میں چاہتا ہوں پھر سے سمیٹوں یہ زندگی
بچے تمام پاس کھڑے ہیں بجھے بجھے
شوخی نہ جانے کیا ہوئی رنگت کہاں گئی
جیسے کتاب چھوڑ کے جاتے ہوئے ورق
جیسے کہ بھولنے لگے بچہ کوئی سبق
جیسے جبیں کو چھونے لگے موت کا عرق
جیسے چراغ نیند کی آغوش کی طرف
بڑھنے لگے اندھیرے کی زلفیں بکھیر کر
بھولے ہوئے ہیں ہونٹ ہنسی کا پتہ تلک
دروازہ دل کا بند ہوا چاہتا ہے اب
کیا سوچنا کہ پھول سے بچوں کا ساتھ ہے
اب میں ہوں اسپتال کا بستر ہے رات ہے

منور رانا

نظم

فضا میں گرم بگولوں کا رقص جاری ہے
افق پہ خون کی مینا چھلک رہی ہے ابھی
کہاں کا مہر منور کہاں کی تنویریں
کہ بام و در پہ سیاہی جھلک رہی ہے ابھی

ساحر لدھیانوی

نظم

چاہتوں کا جہان ہے اردو
راحتوں کا نشان ہے اردو
عشق کا اعتبار اور وقار
حسن کی آن بان ہے اردو
دل فزا ضو کدہ صباحت کا
اور ملاحت کی کان ہے اردو
نثر کا ہے خرام خوش ہنگام
شاعری کی اڑان ہے اردو
زندہ ہے اپنا ذوق و شوق اس سے
آرزوؤں کی جان ہے اردو
لطف ہستی کا رنگ مستی کا
خوش نما کاروان ہے اردو
ذکر آرائش خم کاکل
کیف ہندوستان ہے اردو
دفتر اتحاد و یک جہتی
پیار کی داستان ہے اردو
ایکتا ہے انیکتا میں بھی
دوست داری کا مان ہے اردو
غالبؔ و میرؔ اس کے شیدا تھے
جن کی روح روان ہے اردو
آتشؔ و مومنؔ و نظیرؔ و جگرؔ
جن کی رنگیں زبان ہے اردو
اس کے عاشق نسیمؔ اور چکبستؔ
جن کے جذبوں کی شان شان ہے اردو
دوست اس کے سرورؔ اور سرشارؔ
اس لئے شادمان ہے اردو
درد مند اس کے پریم چندؔ رہے
جن کے باعث جوان ہے اردو
اس کے مشتاق ملاؔ اور فراقؔ
جن کے دل کا بیان ہے اردو
نعرہ زن جوشؔ کا خروش اس میں
جوش کی ترجمان ہے اردو
فیضؔ و اقبالؔ و کرشن چندر سے
وسعت بے کران ہے اردو
دھوم محرومؔ کی ہوئی اس میں
اور منورؔ کی آن ہے اردو
راشدؔ و میراجیؔ کی البیلی
شوخ ادا راز دان ہے اردو
فطنت و فن کی دولت بیدار
کرشن موہنؔ کی جان ہے اردو

کرشن موہن

نظم

قوم نے پیغام گوتم کی ذرا پروا نہ کی
قدر پہچانی نہ اپنے گوہر یک دانہ کی
آہ بد قسمت رہے آواز حق سے بے خبر
غافل اپنے پھل کی شیرینی سے ہوتا ہے شجر
آشکار اس نے کیا جو زندگی کا راز تھا
ہند کو لیکن خیالی فلسفے پر ناز تھا
شمع حق سے جو منور ہو یہ وہ محفل نہ تھی
بارش رحمت ہوئی لیکن زمیں قابل نہ تھی
آہ شودر کے لئے ہندوستاں غم خانہ ہے
درد انسانی سے اس بستی کا دل بیگانہ ہے
برہمن سرشار ہے اب تک مے پندار میں
شمع گوتم جل رہی ہے محفل اغیار میں
بت کدہ پھر بعد مدت کے مگر روشن ہوا
نور ابراہیم سے آذر کا گھر روشن ہوا
پھر اٹھی آخر صدا توحید کی پنجاب سے
ہند کو اک مرد کامل نے جگایا خواب سے

علامہ اقبال

نظم

اک بوسیدہ مسجد میں
دیواروں محرابوں پر
اور کبھی چھت کی جانب
میری آنکھیں گھوم رہی ہیں
جانے کس کو ڈھونڈ رہی ہیں
میری آنکھیں رک جاتی ہیں
لوہے کے اس خالی ہک پر
جو خالی خالی نظروں سے
ہر اک چہرہ دیکھ رہا ہے
اک ایسے انسان کا شاید
جو اک پنکھا لے آئے گا
لائے گا اور دور کرے گا
مسجد کی بے سامانی کو
خالی ہک کی ویرانی پر
میں نے جب اس ہک کو دیکھا
میری ننھی پھول سی بیٹی
میری آنکھوں میں دوڑ آئی
بھولی ماں نے اس کی
اپنی پیاری راج دلاری بیٹی کے
دونوں کانوں کو
اپنے ہاتھوں سے چھید دیا ہے
پھولوں جیسے کانوں میں پھر
نیم کے تنکے ڈال دیے ہیں
امیدوں آسوں کے سہارے
دل ہی دل میں سوچ رہی ہے
جب ہم کو اللہ ہمارا
تھوڑا سا بھی پیسہ دے گا
بیٹی کے کانوں میں اس دن
بالیاں ہوں گی بندے ہوں گے
میں نے انتھک محنت کر کے
پنکھا ایک خرید لیا ہے
مسجد کے اس خالی ہک کو
میں نے پنکھا سونپ دیا ہے
ہک میں پنکھا دیکھ کے مجھ کو
ہوتا ہے محسوس کہ جیسے
میری بیٹی بالیاں پہنے
گھر کی چھت پر گھوم رہی ہے

منور رانا

نظم

یہاں عثمان بابا والا اونچا تعزیہ اب بھی کھڑا ہوتا ہے
جس کی جھلملاہٹ میرے اندر ایسے رقصاں ہے
کہ اس کی خیرگی سے روح تک میری منور ہے
مرے اندر جو ہے اک درد کی ننھی سی لو روشن
اسی آواز کی بالیدگی کا ایک پرتو ہے
مرے عثمان بابا کی وہ اشکوں سے دھلی آواز
نو کی رات کو جو وہ شہادت نامہ پڑھتا تھا
غم شبیر کا یہ سوز اس پر ختم تھا گویا

عشرت آفریں

نظم

سامنے تو ہے مگر تیرا منور چہرہ
اسی جاہل کو نظر آتا ہے
جو یہ کہتا ہے کہ تیمور کی فوجیں جس وقت
اپنے دشمن پہ بڑھا کرتی تھیں
عورتیں پیچھے رہا کرتی تھیں
اور جو عالم تھے جو فاضل تھے وہ یہ سوچتے تھے
ہار کس شخص کی ہے جیت ہے کس کی چھوڑو
ہم بھی کن چھوٹی سی باتوں میں الجھ بیٹھے ہیں
چلتے چلتے مجھے تیزی سے خیال آیا ہے
تیرا یہ جوڑا جو کھل جائے بکھر جائے تو پھر کیا ہوگا
میری تاریخ کہ تیری تاریخ
پھیل کر آج پہ (اور کل پہ بھی) چھا جائے گی
سوچنے والے کو اک پل میں بتا جائے گی
عورتیں پیچھے اگر ہوں بھی تو آگے ہی رہا کرتی ہیں
اور فلاطوں کا چچا ہاتھ میں تلوار لیے آگے بڑھا کرتا ہے
لو وہ جوڑا بھی فلاطوں ہی سے کچھ کہنے لگا
اور رستے میں اسے کون ملے گا تیمور
اور وہ اس سے کہے گا کہ یہاں کیوں آئی
جا مرے پیچھے چلی جا کہ ترے پیچھے ہمیشہ ہر دم
علم یوں رینگتے ہی رینگتے بڑھتا جائے
جیسے ہر بات کے پیچھے ہر بات
رینگتے رینگتے بڑھتی ہی چلی جاتی ہے
اور ہر ایک فلاطوں جو شرر بن کے چمکتا ہے وہ مٹ جاتا ہے

میراجی

نظم

اس کی بنائی ہوئی ہر تصویر
اخباروں کی خبر بن جاتی ہے
اس کی ہر پینٹنگ کو انعامات للچائی ہوئی نظروں سے دیکھتے ہیں
اس کے برش سے رنگوں کا رنگ کھل جاتا ہے
وہ قدرت کے ہر نظارے کو
اپنے رنگ اور برش سے قید کر لیتا ہے
لیکن
اس کی بیوی کی کوکھ میں
کوئی تصویر نہیں ہوتی
اس کے برش سے آنگن کی کلکاریاں ناواقف ہیں
شاید اس مصور سے
کائنات کا سب سے بڑا مصور ناراض ہے

منور رانا

نظم

اے رہبر منزل تری رفتار کے صدقے
اے مہر منور ترے انوار کے صدقے
اے بندۂ حق گو تری گفتار کے صدقے
اے صاحب ایماں ترے کردار کے صدقے
تو بندہ و صاحب بھی تھا محتاج و غنی بھی
جلووں کا امیں بھی ترے لب پہ ارنی بھی
ہر چہرۂ مردم کے خد و خال برے تھے
دیکھو جسے اس شخص کے اعمال برے تھے
ملا کے بھی پنڈت کے بھی اعمال برے تھے
جو جھوٹ نے پھیلائے تھے وہ جال برے تھے
سچا ترا دن اور تری رات بھی سچی
سچا ترا سودا تیری ہر بات بھی سچی
اس در کا پجاری کوئی اس در کا پجاری
مغرب کا پجاری کوئی خاور کا پجاری
مینا کا پجاری کوئی ساغر کا پجاری
قبروں کا پجاری کوئی بنجر کا پجاری
کثرت تھی یہاں شرک کی توحید نہیں تھی
روزوں کا بھلاوا تھا مگر عید نہیں تھی
تو ہندو و مسلم کے گناہوں سے تھا واقف
مذہب کی سسکتی ہوئی آہوں سے تھا واقف
تو شعبدہ بازوں کی نگاہوں سے تھا واقف
تو منزل توحید کی راہوں سے تھا واقف
در حق کے کبھی بندۂ حاجی پہ کھلے ہیں
گنگا میں نہا کر بھی کبھی پاپ دھلے ہیں
تو نے یہ کہا سب سے بڑا حکم رضائی
تو نے یہ کہا سانچ کی قیمت نہیں پائی
تو نے یہ کہا سو کے یہ سب عمر گنوائی
تو نے یہ کہا جھوٹ ہے سب زہد ریائی
پر معنی و پر مغز ہیں نیکی کے اشارے
ہر حال میں ہر رنگ میں رہبر ہیں ہمارے
میں مست مئے عشق ہوں تن ریش قلندر
تیرتھ ہے اگر کوئی تو اس من کے ہے اندر
جاؤں میں کہاں سجدے کو من میرا ہے مندر
ہے عزم مرا فاتح دارا و سکندر
گاتے ہیں جسے دیوتا بھی چودہ رتن بھی
رقصاں ہے اسی در پہ میری جان بھی تن بھی
جو درس دیا تو نے وہ عظمت کا امیں ہے
وہ پریم کی اخلاق کی خاتم کا نگیں ہے
کندن جو نہ ہو جائے وہ سونا ہی نہیں ہے
حق گو ہے جو دنیا ہی میں جنت کا مکیں ہے
سر جھکتے ہیں سب کے تری سرکار میں آ کر
ہم سجدہ کناں ہیں ترے دربار میں آ کر

عرش ملسیانی

Load More

ریختہ فاؤنڈیشن کی دیگر ویب سائٹس

تلاش

URD

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

بولیے