کی تلاش کا نتیجه | موضو - نظم, صفحہ omission

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "omission"

نظم کے متعلقہ نتیجہ "omission"

نظم

کسی دراز میں پڑی ہوں گی
میری آنکھوں سے لپٹی روغنی پتلیاں
جن پہ بہتان ہے
حبس رسیدہ کمرے کی سسکیاں کاٹ کھانے کا
تنومند خاتون کی ترسیب زدہ رانوں کے بیچ
تصادم کے حلقے میں پڑا
زرد سیلن کے خول میں رخنے بنتا
شہر معدوم کا لاشہ نوچتے خدا کو گھورتا ہوا میں
خدا جو سرخ دوشیزہ کے بدن پر کندہ بوسہ گاہوں کے مانند مقدس
سیاہ مست ملاح کی عورت میرے سینے پہ سر رکھتے ہوئے چنگھاڑتی ہے
وہ جہاز کے مستول سے کود کر مرا تھا
جنگ کے دنوں میں پرتگالی حسینہ سے ملاقات
وہ یقیناً مجھے مبتلا کر سکتی تھی
مگر
ہم جزیروں سے خالی ہاتھ لوٹنے والے قسم کھاتے ہیں
ہمارے پاس مشکیزوں میں سستے گڑ کی شراب ہے
اور کچھ دوست جو وافر مقدار میں تمباکو اگا رہے ہیں
سرطانی رطوبتوں میں لتھڑے
ہمارے ٹخنے بارود سے زخمی ہیں
ہم اپنے بازوؤں سے جھڑتے ہوئے بال تمہیں دکھا سکتے ہیں
نم خوردہ بندوقوں اور ناکارہ جیپوں کے علاوہ
ہمارے قبضے میں چند لڑکیاں اور رسد خانے ہیں
دھجیاں اور چیتھڑے سمیٹنے کو نحیف انگلیاں زیادہ نہیں ہیں
نچلی دراز سے میری بہتان زدہ آنکھیں نکال لاؤ
میرے بچے
کاش تمہیں جوانی میں موت آ جاتی

حسن علوی

نظم

اپنے ماضی کے تصور سے ہراساں ہوں میں
اپنے گزرے ہوئے ایام سے نفرت ہے مجھے
اپنی بے کار تمناؤں پہ شرمندہ ہوں
اپنی بے سود امیدوں پہ ندامت ہے مجھے

ساحر لدھیانوی

نظم

یہ فصل امیدوں کی ہم دم
اس بار بھی غارت جائے گی
سب محنت صبحوں شاموں کی
اب کے بھی اکارت جائے گی
کھیتی کے کونوں کھدروں میں
پھر اپنے لہو کی کھاد بھرو
پھر مٹی سینچو اشکوں سے
پھر اگلی رت کی فکر کرو

فیض احمد فیض

نظم

جہاں زاد اس دور میں روز ہر روز
وہ سوختہ بخت آ کر
مجھے دیکھتی چاک پر پا بہ گل سر بہ زانو
تو شانوں سے مجھ کو ہلاتی
(وہی چاک جو سال ہا سال جینے کا تنہا سہارا رہا تھا!)
وہ شانوں سے مجھ کو ہلاتی
حسن کوزہ گر ہوش میں آ
حسن اپنے ویران گھر پر نظر کر
یہ بچوں کے تنور کیونکر بھریں گے
حسن اے محبت کے مارے
محبت امیروں کی بازی
حسن اپنے دیوار و در پر نظر کر
مرے کان میں یہ نوائے حزیں یوں تھی جیسے
کسی ڈوبتے شخص کو زیر گرداب کوئی پکارے!
وہ اشکوں کے انبار پھولوں کے انبار تھے ہاں
مگر میں حسن کوزہ گر شہر اوہام کے ان
خرابوں کا مجذوب تھا جن
میں کوئی صدا کوئی جنبش
کسی مرغ پراں کا سایہ
کسی زندگی کا نشاں تک نہیں تھا!

ن م راشد

نظم

دل میں ناکام امیدوں کے بسیرے پائے
روشنی لینے کو نکلا تو اندھیرے پائے

ساحر لدھیانوی

نظم

یہ جبر کدہ آزاد افکار کا دشمن ہے
ارمانوں کا قاتل ہے امیدوں کا رہزن ہے
جذبات کا مقتل ہے جذبات کا مدفن ہے

اختر شیرانی

نظم

سامراج کے دوست ہمارے دشمن ہیں
انہی سے آنسو آہیں آنگن آنگن ہیں
انہی سے قتل عام ہوا آشاؤں کا
انہی سے ویراں امیدوں کا گلشن ہے

حبیب جالب

نظم

مفلس کی جوانی عید کے دن جب صبح سے آہیں بھرتی ہے
دنیا یہ امیروں کی دنیا تب عید کی خوشیاں کرتی ہے

نشور واحدی

نظم

میں نے سوچا تھا کہ اس بار مرے آنگن میں
رنگ بکھریں گے امیدوں کی دھنک ٹوٹے گی
میری تنہائی کے عارض پہ شفق پھوٹے گی

کفیل آزر امروہوی

نظم

میں نے گل ریز بہاروں کی تمنا کی تھی
مجھے افسردہ نگاہوں کے سوا کچھ نہ ملا
چند سہمی ہوئی آہوں کے سوا کچھ نہ ملا
جگمگاتے ہوئے تاروں کی تمنا کی تھی
میں نے موہوم امیدوں کی پناہیں ڈھونڈیں
شدت یاس میں مبہم سا اشارہ نہ ملا
ڈگمگاتے ہوئے قدموں کو سہارا نہ ملا
ہائے کس دشت بلا خیز میں راہیں ڈھونڈیں
اب فسوں ساز بہاروں سے مجھے کیا مطلب
آج ہی میری نگاہوں میں وہ منظر توبہ
میں نے دیکھے ہیں لپکتے ہوئے نشتر توبہ
خلد بر دوش نظاروں سے مجھے کیا مطلب
آسماں نور کے نغمات سے معمور سہی
میں نے گھٹتی ہوئی چیخوں کے سنے ہیں نوحے
ہائے وہ اشک جو پلکوں سے ڈھلک بھی نہ سکے
زندگی حسن و جوانی سے ابھی چور سہی
کبھی ضو پاش ستاروں کی تمنا تھی مجھے
آج ذروں کو بھی مقصود بنا رکھا ہے
آج کانٹوں کو کلیجے سے لگا رکھا ہے
کبھی گل ریز بہاروں کی تمنا تھی مجھے

ادا جعفری

نظم

اک ہمکتے بچے کی
مٹھیوں کے پھولوں پر
تتلیوں کی یورش سی
اور ماں کی نظروں میں
سیکڑوں امیدوں کے
شوخ رنگ گلدستے

علی سردار جعفری

نظم

ہزار پھولوں سے آباد باغ ہستی ہے
اجل کی آنکھ فقط ایک کو ترستی ہے
کئی دلوں کی امیدوں کا جو سہارا ہو
فضائے دہر کی آلودگی سے بالا ہو
جہاں میں آ کے ابھی جس نے کچھ نہ دیکھا ہو
نہ قحط عیش و مسرت نہ، غم کی ارزانی
کنار رحمت حق میں اسے سلاتی ہے
سکوت شب میں فرشتوں کی مرثیہ خوانی
طواف کرنے کو صبح بہار آتی ہے
صبا چڑھانے کو جنت کے پھول لاتی ہے

فیض احمد فیض

نظم

شفق نزع میں لے رہی تھی سنبھالا
اندھیرے کا غم کھا رہا تھا اجالا
ستاروں کے رخ سے نقاب اٹھ رہی تھی
فضاؤں سے موج شباب اٹھ رہی تھی
مئے زندگی جام مے نوش میں تھی
وہ کیف مسرت، وہ لمحات رنگیں
وہ احساس مستی وہ جذبات رنگیں
وہ پر کیف عالم وہ دل کش نظارے
وہ جلووں کے بہتے ہوئے خشک دھارے
وہ نمکین آغاز شب اللہ اللہ
نمائش کی وہ تاب و تب اللہ اللہ
وہ باب مزمل پہ جشن چراغاں
فلک پر ہوں جیسے ستارے درخشاں
فضاؤں میں گونجے ہوئے وہ ترانے
وہ جاں بخش نغمے وہ پر لطف گانے
وہ ہر سمت حسن و لطافت کی جانیں
وہ آراستہ صاف ستھری دکانیں
کہیں پر ہے نظارہ کاری گری کا
کہیں گرم ہوٹل ہے پیشاوری کا
بہ قدر سکوں وہ دلوں کا بہلنا
امیروں غریبوں کا یکجا ٹہلنا
نمایاں نمایاں وہ یاران کالج
وہ عشرت بہ داماں جوانان کالج
کوئی تیز دستی و چستی پہ نازاں
کوئی صحت و تندرستی پہ نازاں
کوئی حسن کی جلوہ ریزی پہ مائل
کوئی شوخ نظروں کی تیزی پہ مائل
ادھر چشم حیراں کی نظارہ سازی
ادھر حسن والو کی جلوہ طرازی
خراماں خراماں وہ ہمجولیوں میں
نکلتی ہوئی مختلف ٹولیوں میں
نقابوں میں وہ بے نقابی کا عالم
جو لاتا ہے دل پر خرابی کا عالم
کسی کا وہ چہرے سے آنچل اٹھانا
کسی کا کسی سے نگاہیں چرانا
کبھی یک بیک چلتے چلتے ٹھہرنا
نگاہوں سے جلووں کی اصلاح کرنا
کبھی اک توجہ دکانوں کی جانب
کبھی اک نظر نوجوانوں کی جانب
تماشا غرض کامیاب آ رہا تھا
نمائش پہ گویا شباب آ رہا تھا
ادھر ہم بھی بزم تخیل سجا کر
کھڑے ہو گئے ایک دکاں پہ آ کر
نظر مل گئی دفعتاً اک نظر سے
دھڑکنے لگا دل محبت کے ڈر سے
ادھر تو نظر سے جبیں سائیاں تھیں
ادھر سے بھی کچھ ہمت افزائیاں تھیں
خلش دل کی دونوں کو تڑپا گئی تھی
محبت کی منزل قریب آ گئی تھی
خیالات میں اس طرف اک تلاطم
لبوں پر ادھر ہلکا ہلکا تبسم
نگاہوں سے عہد وفا ہو رہا تھا
اشاروں سے مطلب ادا ہو رہا تھا
ادھر عشق کے بام و در سج رہے تھے
گھڑی میں جو دیکھا تو نو بج رہے تھے
یکایک جواں کچھ مرے پاس آئے
جو تھے آستینوں پہ بلے لگائے
کہا اتنی تکلیف فرمائیے گا
نمائش سے تشریف لے جائیے گا
غرض چل دئے گھر کو مجبور ہو کر
محبت کے جلووں سے معمور ہو کر
ہوئی جاری رہی تھی عجب حالت دل
کوئی چھین لے جیسے پڑھتے میں ناول
ہم اس طرح باب مزمل سے نکلے
لہو جیسے ٹوٹے ہوئے دل سے نکلے
بہر حال اب بھی وہی ہے نمائش
نوید طرب دے رہی ہے نمائش
وہی جشن ہے اور وہی زندگی ہے
مگر جیسے ہر شے میں کوئی کمی ہے
ارے او نگاہوں پہ چھا جانے والی
مرے دل کو رہ رہ کے یاد آنے والی
تری طرح جلوہ نما ہے نمائش
ترے حسن کا آئنا ہے نمائش
نمائش میں تیری لطافت ہے پنہاں
نمائش میں تیری نزاکت ہے پنہاں
نگاہوں کو ناحق تری جستجو ہے
یقیناً نمائش کے پردے میں تو ہے

شکیل بدایونی

نظم

حسن یہ محبت
کہ جس کو تری سوختہ بخت گردانتی ہے
امیروں کی بازی
تو میرے تئیں یہ امیروں کی بازی کہاں
صرف بازی گری تھی
محبت ہمیشہ سے مفلس کا سرمایۂ جاں رہی ہے
یہی تو وہ پونجی ہے
جس تک امیروں کے ہاتھ اب بھی پہنچے نہیں ہیں
تجھے یہ گماں تھا
کہ عورت
محبت کی بازی میں بے جان پتے کی صورت
کسی دست چابک کی مرہون منت
وہ اس کھیل میں ایک مہرے کی صورت
کہ جب جس نے چاہا
اسے ایک گھر سے اٹھا کر
کسی دوسرے گھر کا مالک بنایا
کہ عورت فقط ایک پتھر کی مورت
یہ تصویر حیرت یوں ہی چپ کھڑی ہے
یوں ہی چپ رہے گی
مگر یوں نہیں ہے

عشرت آفریں

نظم

فریب جنت فردا کے جال ٹوٹ گئے
حیات اپنی امیدوں پہ شرمسار سی ہے
چمن میں جشن ورود بہار ہو بھی چکا
مگر نگاہ گل و لالہ سوگوار سی ہے

ساحر لدھیانوی

نظم

خدایا اب کے یہ کیسی بہار آئی
خدا سے کیا گلہ بھائی
خدا تو خیر کس نے اس کا عکس نقش پا دیکھا
نہ دیکھا تو بھی دیکھا اور دیکھا بھی تو کیا دیکھا
مگر توبہ مری توبہ یہ انساں بھی تو آخر اک تماشا ہے
یہ جس نے پچھلی ٹانگوں پر کھڑا ہونا بڑے جتنوں سے سیکھا ہے
ابھی کل تک جب اس کے ابروؤں تک موئے پیچاں تھے
ابھی کل تک جب اس کے ہونٹ محروم زنخداں تھے
ردائے صد زماں اوڑھے لرزتا کانپتا بیٹھا
ضمیر سنگ سے بس ایک چنگاری کا طالب تھا
مگر اب تو یہ اونچی ممٹیوں والے جلو خانوں میں بستہ ہے
ہمارے ہی لبوں سے مسکراہٹ چھین کر اب ہم پہ ہنستا ہے
خدا اس کا خدائی اس کی ہر شے اس کی ہم کیا ہیں
چمکتی موٹروں سے اڑنے والی دھول کا ناچیز ذرہ ہیں
ہماری ہی طرح جو پائمال سطوت میری و شاہی میں
لکھوکھا آب دیدہ پا پیادہ دل زدہ واماندہ راہی ہیں
جنہیں نظروں سے گم ہوتے ہوئے رستوں کی گم پیما لکیروں میں
دکھائی دے رہی ہیں آنے والی منزلوں کی دھندلی تصویریں
ضرور اک روز بدلے گا نظام قسمت آدم
بسے گی اک نئی دنیا سجے گا اک نیا عالم
شبستاں میں نئی شمعیں گلستاں میں نیا موسم
وہ رت اے ہم نفس جانے کب آئے گی
وہ فصل دیر رس جانے کب آئے گی
یہ نو نمبر کی بس جانے کب آئے گی

مجید امجد

نظم

بہت
امیدوں کا بوجھ
کاندھوں پہ لے کے پڑھنا
سبھی کے
خوابوں کو
اپنی آنکھوں میں
بھر کے پڑھنا

سراج فیصل خان

نظم

لیکن اے میری امیدوں کے حسیں تاج محل
میں تری بھوک کو لوری ہی سنا سکتی ہوں
تیرا رہ رہ کے یہ رونا نہیں دیکھا جاتا
اب تجھے دودھ نہیں خون پلا سکتی ہوں

کفیل آزر امروہوی

نظم

کہیں کھو گیا وہ بچپنا
کہیں کھو گئی وہ بچی
جو اچھی ہوا کرتی تھی
جو سچی ہوا کرتی تھی
اب بھی دل اس کا بچہ ہے پر دنیا دیکھ رو گیا
نا امیدی کی اس بھیڑ میں وہ امیدوں سنگ بھی کھو گیا
ایک آہ جو چھوٹی تھی امید اس کی جو لوٹی تھی
اسے توڑ توڑ کر
اب جوڑ جوڑ کر
وہ آس جوڑنے چلی ہے
روح جان کر اپنی وہ
یہ راز چھوڑنے چلی ہے
زنجیروں کی اس دنیا کے سب
وہ بندھن توڑنے چلی ہے
ہر ٹیڑھی راہوں کو وہ کچھ ایسے موڑ نے چلی ہے
کے دکھ تو ہو پر حتاشہ نہ ہو
ایک جنون ہو پر بے تحاشہ نہ ہو

انکتا گرگ

نظم

پھر نیا سال دبے پاؤں چلا آیا ہے
اور مٹتے ہوئے مدھم سے نقوش
دور ماضی کی خلاؤں میں نظر آتے ہیں
جیسے چھوڑی ہوئی منزل کا نشاں
جیسے کچھ دور سے آتی ہوئی آواز جرس
کون سہمے ہوئے مایوس دیوں کو دیکھے
پھر بھی یہ مجھ کو خیال آتا ہے
کتنی نوخیز امیدوں کو سہارے نہ ملے
کتنی ڈوبی ہوئی کشتی کو کنارے نہ ملے
زلف لہرائی پہ ساون کی گھٹا بن نہ سکی
صبح ہنستی رہی بجھتے رہے کتنے چہرے
چوڑیاں ٹوٹ گئیں مانگ کے سیندور اجڑے
گود ویران ہوئی
نغمے تخلیق ہوئے ہونٹ سلے
کتنے فن پاروں کے انبار لگے
شاہراہوں پہ جلانے کے لئے
آشیانے کا تصور ہی ابھی آیا تھا
بجلیاں کوند گئیں
ہیروشیما چیخ اٹھا
کتنا پر ہول سماں
کتنی بھیانک تاریخ
یہ مہ و سال کے پھیلے ہوئے جال
پھر نیا سال دبے پاؤں چلا آیا ہے
روز و شب جیسے اندھیرے میں لٹیروں کے گروہ
اپنی تاریک کمیں گاہوں میں چھپ کر بیٹھیں
اور داماندہ سارا ہی کوئی
اجنبی راہوں سے ڈرتا ہوا گھبرایا ہوا
اپنی کوئی ہوئی منزل کی طرف جاتا ہو
اور لٹیرے اسے تنہا پا کر
اس کے سینے کا لہو لے لیں امیدوں کے دیے بجھ جائیں
کون لیکن دل انساں کی تپش چھین سکے
پھر نیا سال دبے پاؤں چلا آیا ہے
کتنی باریک ہے یہ صبح کی پہلی کرن
کون جانے کہ نئی دام بھی کیا لائے گی
کان میں آج بھی مانوس صدا آتی ہے
وہی ڈالر کا طلسم
وہی تہذیب و تمدن کے پرانے دعوے
وہی پسماندہ ممالک کی ترقی کا فریب
وہی تاریخ سیاست کے پرانے شاطر
ایٹمی جنگ کا اعلان کیا کرتے ہیں
کون لیکن دل انساں کی تپش چھین سکے
ارتقا آہن و فولاد سے کس طرح رکے
ٹوٹ جائیں گے مہ و سال کے پھیلے ہوئے جال
پھر نیا سال دبے پاؤں چلا آتا ہے
جاؤ تاریک مکانوں میں چراغاں کر دو
آج زنجیر کی اک اور کڑی ٹوٹ گئی
آج دنیا کے عوام
اپنے سینے سے لگائے ہوئے اپنی تاریخ
اپنے ہاتھوں میں نئے عہد کا فرمان لئے
اک نئی راہ پہ بڑھتے ہی چلے جاتے ہیں
روز و شب جیسے اندھیرے میں لٹیروں کے گروہ
ہاتھ باندھے ہوئے قدموں پہ جبینیں رکھ دیں
پھر نیا سال دبے پاؤں چلا آیا ہے
جاؤ تاریک مکانوں میں چراغاں کر دو

اختر پیامی

Load More

ریختہ فاؤنڈیشن کی دیگر ویب سائٹس

تلاش

URD

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

بولیے