Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for ",wAWF"

Nazm MATCHES FOR ",wawf"

Nazm

main use waqif-e-ulfat na karun

sochtaa huu.n ki bahut saada-o-maasuum hai vo
mai.n abhii us ko shanaasaa-e-mohabbat na karuu.n
ruuh ko us kii asiir-e-Gam-e-ulfat na karuu.n
us ko rusvaa na karuu.n vaqf-e-musiibat na karuu.n

Noon Meem Rashid
Nazm

ek rah-guzar par

vo jis kii diid me.n laakho.n masarrate.n pinhaa.n
vo husn jis kii tamannaa me.n jannate.n pinhaa.n
hazaar fitne tah-e-paa-e-naaz KHaak-nashii.n
har ik nigaah KHumaar-e-shabaab se ra.ngii.n
shabaab jis se taKHayyul pe bijliyaa.n barse.n
vaqaar jis kii rafaaqat ko shoKHiyaa.n tarse.n
adaa-e-laGzish-e-paa par qayaamate.n qurbaa.n
bayaaz-ruKH pe sahar kii sabaahate.n qurbaa.n
siyaah zulfo.n me.n vaarafta nik.hato.n kaa hujuum
taviil raato.n kii KHvaabiida raahato.n kaa hujuum
vo aa.nkh jis ke banaav pa KHaaliq itraa.e
zabaan-e-sher ko taariif karte sharm aa.e
vo ho.nT faiz se jin ke bahaar laala-farosh
bahisht o kausar o tasniim o salsabiil ba-dosh
gudaaz jism qabaa jis pe saj ke naaz kare
daraaz qad jise sarv-e-sahii namaaz kare
Garaz vo husn jo mohtaaj-e-vasf-o-naam nahii.n
vo hasan jis kaa tasavvur bashar kaa kaam nahii.n
kisii zamaane me.n is rah-guzar se guzraa thaa
ba-sad Guruur o tajammul idhar se guzraa thaa
aur ab ye raah-guzar bhii hai dil-fareb o hasii.n
hai is kii KHaak me.n kaif-e-sharaab-o-sher makii.n
havaa me.n shoKHii-e-raftaar kii adaa.e.n hai.n
fazaa me.n narmii-e-guftaar kii sadaa.e.n hai.n
Garaz vo husn ab is rah kaa juzv-e-manzar hai
niyaaz-e-ishq ko ik sajda-gah mayassar hai

Faiz Ahmad Faiz
Nazm

hubb-e-watan

ham bhii hubb-e-vatan me.n hai.n go Garq
ham me.n aur un me.n hai magar ye farq
ham hai.n naam-e-vatan ke diivaane
vo the ahl-e-vatan ke parvaane
jis ne yuusuf kii daastaa.n hai sunii
jaantaa hogaa ruu.edaad us kii
misr me.n qaht jab pa.Daa aa kar
aur hu.ii qaum bhuuk se muztar
kar diyaa vaqf un pe baitulmaal
lab tak aane diyaa na harf-e-savaal
khatiyaa.n aur koThe khol diye
muft saare zaKHiire tol diye
qaafile KHaalii haath aate the
aur bharpuur yaa.n se jaate the
yuu.n ga.e qaht ke vo saal guzar
jaise bachcho.n kii bhuuk vaqt-e-sahar

Altaf Hussain Hali
Nazm

bahut ghuTan hai

vo falsafe jo har ik aastaa.n ke dushman the
amal me.n aa.e to KHud vaqf-e-aastaa.n nikle

Sahir Ludhianvi
Nazm

aaj ki raat na ja

aaj kii raat bahut raato.n ke baa'd aa.ii hai
kitnii farKHanda hai shab kitnii mubaarak hai sahar
vaqf hai mere liye terii mohabbat kii nazar
aaj kii raat na jaa

Makhdoom Mohiuddin
Nazm

KHatun-e-mashriq

husn ho jaa.egaa jab auro.n kaa vaqf-e-KHaas-o-aam
diidanii hogaa tire KHalvat-kade kaa ehtimaam

Josh Malihabadi
Nazm

husn aur mazduri

aasmaa.n jaan-e-tarab ko vaqf-e-ra.njuurii kare
sinf-e-naazuk bhuuk se ta.ng aa ke mazduurii kare

Josh Malihabadi
Nazm

phir sham hui

ko.ii dekhe ye majbuuriyaa.n duuriyaa.n
ek hii shahr me.n ham kahaa.n tum kahaa.n
dosto.n ne bhii chho.Dii hai.n dil-daariyaa.n
aaj vaqf-e-Gam-e-ulfat-e-raa.egaa.n
ham jo phirte hai.n vahshat-zada sargiraa.n
the kabhii saahib-e-aabruu shahr me.n
log taano.n se kyaa kyaa jataate nahii.n
aise raahii to manzil ko paate nahii.n
jii se ik duusre ko bhulaate nahii.n
saamne bhii magar aate jaate nahii.n
aur jaa.e.n to aa.nkhe.n milaate nahii.n
haa.e kyaa kyaa nahii.n guftuguu shahr me.n

Ibn۔e۔Insha
Nazm

salam logo

tumhaare dam se harii zamiine.n
KHushii se daaman-bharii mashiine.n
hai.n us ke baa-vasf bhiigii bhiigii
tumhaarii ashko.n se aastiine.n
mai.n sochtaa huu.n rahe.ngii kab tak
sitam ke aage jhukii jabiine.n

Habib Jalib
Nazm

kuchh de ise ruKHsat kar

shaa.er hai to adnaa hai, aashiq hai to rusvaa hai
kis baat me.n achchhaa hai kis vasf me.n aalii hai

Ibn۔e۔Insha
Nazm

fursat ki tamanna mein

yuu.n vaqt guzartaa hai
fursat kii tamannaa me.n
jis tarah ko.ii pattaa
bahtaa hu.aa dariyaa me.n
saahil ke qariib aa kar
chaahe ki Thahar jaa.uu.n
aur sair zaraa kar luu.n
us aks-e-moshajjar kii
jo daaman-e-dariyaa par
zebaa.ish-e-dariyaa hai
yaa baad kaa vo jho.nkaa
jo vaqf-e-ravaanii hai
ik baaG ke goshe me.n
chaahe ki yahaa.n dam luu.n
daaman ko zaraa bhar luu.n
us phuul kii KHushbuu se
jis ko abhii khilnaa hai
fursat kii tamannaa me.n
yuu.n vaqt guzartaa hai

Hafeez Jalandhari
Nazm

paisa

naqsh yaa.n jis ke miyaa.n haath lagaa paise kaa
us ne tayyaar har ik ThaaTh kiyaa paise kaa
ghar bhii paakiiza imaarat se banaa paise kaa
khaanaa aaraam se khaane ko milaa paise kaa
kap.Daa tan kaa bhii milaa zeb-fazaa paise kaa
jab hu.aa paise kaa ai dosto aa kar sanjog
ishrate.n paas hu.ii.n duur hu.e man ke rog
khaa.e jab maal-puu.e duudh dahii mohan-bhog
dil ko aanand hu.e bhaag ga.e rog aur dhog
aisii KHuubii hai jahaa.n aanaa hu.aa paise kaa
saath ik dost ke ik din jo mai.n gulshan me.n gayaa
vaa.n ke sarv-o-suman-o-laala-o-gul ko dekhaa
puuchhaa us se ki ye hai baaG bataa.o kis kaa
us ne tab gul kii tarah ha.ns diyaa aur mujh se kahaa
mehrbaa.n mujh se ye tum puuchhaa ho kyaa paise kaa
ye to kyaa aur jo hai.n is se ba.De baaG-o-chaman
hai.n khile kiyaariyo.n me.n nargis-o-nasriin-o-suman
hauz favvaare hai.n ba.nglo.n me.n bhii parde chalvan
jaa-ba-jaa qumrii-o-bulbul kii sadaa shor-afgan
vaa.n bhii dekhaa to faqat gul hai khilaa paise kaa
vaa.n ko.ii aayaa liye ek murassaa pi.nj.Daa
laal dastaar-o-dupaTTaa bhii haraa juu.n-totaa
is me.n ik baiThii vo mainaa ki ho bulbul bhii fidaa
mai.n ne puuchhaa ye tumhaaraa hai rahaa vo chupkaa
niklii minqaar se mainaa ke sadaa paise kaa
vaa.n se niklaa to makaa.n ik nazar aayaa aisaa
dar-o-diivaar se chamke thaa pa.Daa aab-e-talaa
siim chuune kii jagah us kii thaa ii.nTo.n me.n lagaa
vaah-vaa kar ke kahaa mai.n ne ye hogaa kis kaa
aql ne jab mujhe chupke se kahaa paise kaa
ruuThaa aashiq se jo maashuuq ko.ii haT kaa bharaa
aur vo minnat se kisii taur nahii.n hai mantaa
KHuubiyaa.n paise kii ai yaaro kahuu.n mai.n kyaa kyaa
dil agar sang se bhii us kaa ziyaada thaa ka.Daa
mom-saa ho gayaa jab naam sunaa paise kaa
jis gha.Dii hotii hai ai dosto paise kii numuud
har tarah hotii hai KHush-vaqti-o-KHuubii bahbuud
KHush-dilii taazgii aur KHurmii kartii hai duruud
jo KHushii chaahiye hotii hai vahii.n aa maujuud
dekhaa yaaro to ye hai aish-o-mazaa paise kaa
paise vaale ne agar baiTh ke logo.n me.n kahaa
jaisaa chaahuu.n to makaa.n vaisaa hii Daaluu.n banvaa
harf-e-takraar kisii kii jo zabaa.n par aayaa
us ne banvaa ke diyaa jaldii se vaisaa hii dikhaa
us kaa ye kaam hai ai dosto yaa paise kaa
naach aur raag kii bhii KHuub-sii tayyaarii hai
husn hai naaz hai KHuubii hai tarah-daarii hai
rabt hai pyaar hai aur dostii hai yaarii hai
Gaur se dekhaa to sab aish kii bisyaarii hai
ruup jis vaqt hu.aa jalva-numaa paise kaa
daam me.n daam ke yaaro jo miraa dil hai asiir
is liye hotii hai ye merii zabaa.n se taqriir
jii me.n KHush rahtaa hai aur dil bhii bahut aish-paziir
jis qadar ho sakaa mai.n ne kiyaa tahriir 'naziir'
vasf aage mai.n likhuu.n taa-ba-kujaa paise kaa

Nazeer Akbarabadi
Nazm

yaum-e-mai

sadaa aa rahii hai mare dil se paiham
ki hogaa har ik dushman-e-jaa.n kaa sar KHam
nahii.n hai nizaam-e-halaakat me.n kuchh dam
zaruurat hai insaan kii amn-e-aalam
fazaa.o.n me.n lahraa.egaa surKH parcham
sadaa aa rahii hai mire dil se paiham
na zillat ke saa.e me.n bachche pale.nge
na haath apne qismat ke haatho.n male.nge
musaavaat ke diip ghar ghar jale.nge
sab ahl-e-vatan sar uThaa ke chale.nge
na hogii kabhii zindagii vaqf-e-maatam
fazaa.o.n me.n lahraa.egaa surKH parcham

Habib Jalib
Nazm

ahd-e-tifli

takte rahnaa haa.e vo pahro.n talak suu-e-qamar
vo phaTe baadal me.n be-aavaaz-paa us kaa safar
puuchhnaa rah rah ke us ke koh-o-sahraa kii KHabar
aur vo hairat daroG-e-maslahat-aamez par
aa.nkh vaqf-e-diid thii lab maa.il-e-guftaar thaa
dil na thaa meraa saraapaa zauq-e-istifsaar thaa

Allama Iqbal
Nazm

diwali

diivaalii
raghubir kii paak yaad kaa unvaa.n liye hu.e
zulmat ke ghar me.n jalva-e-taabaa.n liye hu.e
taariikiyo.n me.n nuur kaa saamaa.n liye hu.e
aa.ii hai apne saath charaaGaa.n liye hu.e
allaah-re ye taab ye tanviir ye jamaal
KHurshiid kii nazar bhii hai jamnii yahaa.n muhaal
taarii hai zaahido.n pe bhii aalam suruur kaa
ab kis liye KHayaal ho huur-o-qusuur kaa
aalam to dekhiye shab-e-yaldaa pe nuur kaa
julte hai.n ye charaaG ki jalva hai tuur kaa
manzar bahisht kaa hai ye shab hai shab-e-baraat
tanviir-e-aaftaab kaa partav hai aaj raat
vo raam jo ki kaamil-e-sidq-o-safaa rahaa
vo raam jo ki saalik-e-raah-e-huda rahaa
vo raam jo ki aa.iina-e-haq-numaa rahaa
vo raam jo ki qaate-e-jaur-o-jafaa rahaa
ye raat yaadgaar hai us nek zaat kii
us paikar-e-KHuluus kii vaalaa sifaat kii
chaudah baras ke baa'd jo aayaa vatan me.n raam
har lab thaa vaqf-e-naGma to har dil thaa shaad-kaam
thii rashk-e-nuur sub.h-e-banaras avadh kii shaam
ahl-e-ayodhyaa kii zabaa.n par thaa ye kalaam
ham be-baso.n kaa qaafila-saalaar aa gayaa
ban-baasiyo.n kii fauj kaa sardaar aa gayaa

Arsh Malsiyani
Nazm

fikr

ba-ii.n in.aam-e-vafaa uf ye taqaaza-e-hayaat
zindagii vaqf-e-Gam-e-KHaak-nashiina.n kar de
KHuun-e-dil kii ko.ii qiimat jo nahii.n hai to na ho
KHuun-e-dil nazr-e-chaman-bandi-e-dauraa.n kar de

Asrarul Haq Majaz
Nazm

kahan hai aa ja

raahat-e-banda-e-be-daam kahaa.n hai aa jaa
paikar-e-husn sar-e-baam kahaa.n hai aa jaa
raunaq-e-bazm hai o jaam kahaa.n hai aa jaa
ziinat-e-jalva-gah-e-aam kahaa.n hai aa jaa
ai umiid-e-dil-e-naa-kaam kahaa.n hai aa jaa
terii furqat KHalal-andaaz-e-sukuun-e-paiham
terii furqat dil-e-maayuus pe ik turfa sitam
terii furqat sabab-e-kaavish-o-bedaarii-e-Gam
tuu nahii.n hai to phir aaraam kahaa.n hai aa jaa
shaahid-e-aur-e-siyah-baKHt o shab-e-taar huu.n mai.n
KHuugar-e-naala-e-lazzat-kash-e-aavaaz huu.n mai.n
daam-e-tuufaan-e-havaadis me.n giraftaar huu.n mai.n
roz-o-shab muntazir-e-diid-e-ruKH-e-yaar huu.n mai.n
dil hai vaqf-e-Gam-e-aalaam kahaa.n hai aa jaa
sho.ala-e-bar-kaf-e-gul daaG-e-jigar tere baGair
KHaar-bardosh hai daamaan-e-nazar tere baGair
KHuu.n-fishaa.n hai shab-e-Gam diida-e-tar tere baGair
chalan aataa hii nahii.n shaam-o-sahar tere baGair
muntazir huu.n sahar-o-shaam kahaa.n hai aa jaa
daur-e-taariikii-e-Gam se shab-e-tanhaa.ii se
dam-ba-dam josh-e-junuu.n kii sitam-aaraa.ii se
ka.aba-o-dair-o-kaliisaa kii jabii.n-saa.ii se
KHauf-e-majbuurii-o-naakaamii-o-rusvaa.ii se
ishq hai larza-bar-andaam kahaa.n hai aa jaa
muntashir hone lagii anjuman-e-naaz-e-hayaat
ban gayaa KHvaab har ik manzar-e-aaGaaz-e-hayaat
dam-shikasta saa nazar aane lagaa saaz-e-hayaat
ab ko.ii dam me.n hu.aa jaataa hai vaa raaz-e-hayaat
aa gayaa naza.a kaa ha.ngaam kahaa.n hai aa jaa

Shakeel Badayuni
Nazm

hubb-e-qaumi

hubb-e-qaumii kaa zabaa.n par in dino.n afsaana hai
baada-e-ulfat se pur dil kaa mire paimaana hai
jis jagah dekho mohabbat kaa vahaa.n afsaana hai
ishq me.n apne vatan ke har bashar diivaana hai
jab ki ye aaGaaz hai anjaam kaa kyaa puuchhnaa
baada-e-ulfat kaa ye to pahlaa hii paimaana hai
hai jo raushan bazm me.n qaumii taraqqii kaa charaaG
dil fidaa har ik kaa us par suurat-e-parvaana hai
mujh se is hamdardii-o-ulfat kaa kyaa hove bayaa.n
jo hai vo qaumii taraqqii ke liye diivaana hai
lutf yaktaa.ii me.n jo hai vo du.ii me.n hai kahaa.n
bar-KHilaaf is ke jo ho samjho ki vo diivaana hai
naKHl-e-ulfat jin kii koshish se ugaa hai qaum me.n
qaabil-e-taariif un kii himmat-e-mardaana hai
hai gul-e-maqsuud se pur gulshan-e-kashmiir aaj
dushmanii naa-ittifaaqii sabza-e-begaana hai
dur-fishaa.n hai har zabaa.n hubb-e-vatan ke vasf me.n
josh-zan har samt bahr-e-himmat-e-mardaana hai
ye mohabbat kii fazaa qaa.em hu.ii hai aap se
aap kaa laazim tah-e-dil se hame.n shukraana hai
har bashar ko hai bharosaa aap kii imdaad par
aap kii hamdardiyo.n kaa duur duur afsaana hai
jam.a hai.n qaumii taraqqii ke liye arbaab-e-qaum
rashk-e-firdaus un ke qadmo.n se ye shaadii-KHaana hai

Chakbast Braj Narayan
Nazm

bulbul

tujhe bahaar kaa ik murG-e-KHush-navaa samjhuu.n
ki dard-ma.nd dilo.n kii ko.ii sadaa samjhuu.n
sivaa ik aah ke saamaan-e-hast-o-buud hai kyaa
tuu hii bataa tiraa sarmaaya-e-vajuud hai kyaa
vo naqd-e-jaa.n hai ki hai naala-e-hazii.n teraa
nishaan-e-hastii-e-mauhuum kuchh nahii.n teraa
use bhii vaqf-e-tamanna-e-yaar kar denaa!
nisaar-e-jalva-e-gul jaan-e-zaar kar denaa!

Majnoon Gorakhpuri
Nazm

buzdil

maatahat kii za.iif aa.ankho.n me.n
ek bujhtii hu.ii zehaanat thii
afsaro.n ke latiif lahje me.n
qahr thaa, zahr thaa, KHitaabat thii
ye har ik din kaa vaaqi.a, us din
sirf is ahmiyat kaa haamil thaa
ki sharaafat ke zo.am ke baa-vasf
mai.n bhii in afsaro.n me.n shaamil thaa

Mustafa Zaidi
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now