Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for ".biro"

Nazm MATCHES FOR ".biro"

Nazm

jawab-e-shikwa

dil se jo baat nikaltii hai asar rakhtii hai
par nahii.n taaqat-e-parvaaz magar rakhtii hai
qudsi-ul-asl hai rif.at pe nazar rakhtii hai
KHaak se uThtii hai garduu.n pe guzar rakhtii hai
ishq thaa fitnagar o sarkash o chaalaak miraa
aasmaa.n chiir gayaa naala-e-bebaak miraa
piir-e-garduu.n ne kahaa sun ke kahii.n hai ko.ii
bole sayyaare sar-e-arsh-e-barii.n hai ko.ii
chaa.nd kahtaa thaa nahii.n ahl-e-zamii.n hai ko.ii
kahkashaa.n kahtii thii poshiida yahii.n hai ko.ii
kuchh jo samjhaa mire shikve ko to rizvaa.n samjhaa
mujh ko jannat se nikaalaa hu.aa insaa.n samjhaa
thii farishto.n ko bhii hairat ki ye aavaaz hai kyaa
arsh vaalo.n pe bhii khultaa nahii.n ye raaz hai kyaa
taa-sar-e-arsh bhii insaa.n kii tag-o-taaz hai kyaa
aa ga.ii KHaak kii chuTkii ko bhii parvaaz hai kyaa
Gaafil aadaab se sukkaan-e-zamii.n kaise hai.n
shoKH o gustaaKH ye pastii ke makii.n kaise hai.n
is qadar shoKH ki allaah se bhii barham hai
thaa jo masjuud-e-malaa.ik ye vahii aadam hai
aalim-e-kaif hai daanaa-e-rumuuz-e-kam hai
haa.n magar ijz ke asraar se naa-mahram hai
naaz hai taaqat-e-guftaar pe insaano.n ko
baat karne kaa saliiqa nahii.n naa-daano.n ko
aa.ii aavaaz Gam-a.ngez hai afsaana tiraa
ashk-e-betaab se labrez hai paimaana tiraa
aasmaa.n-giir hu.aa naara-e-mastaana tiraa
kis qadar shoKH-zabaa.n hai dil-e-diivaana tiraa
shukr shikve ko kiyaa husn-e-adaa se tuu ne
ham-suKHan kar diyaa bando.n ko KHudaa se tuu ne
ham to maa.il-ba-karam hai.n ko.ii saa.il hii nahii.n
raah dikhlaa.e.n kise rah-rav-e-manzil hii nahii.n
tarbiyat aam to hai jauhar-e-qaabil hii nahii.n
jis se ta.amiir ho aadam kii ye vo gil hii nahii.n
ko.ii qaabil ho to ham shaan-e-ka.ii dete hai.n
Dhuu.nDne vaalo.n ko duniyaa bhii na.ii dete hai.n
haath be-zor hai.n ilhaad se dil KHuugar hai.n
ummatii baa.is-e-rusvaa.i-e-paiGambar hai.n
but-shikan uTh ga.e baaqii jo rahe but-gar hai.n
thaa braahiim pidar aur pisar aazar hai.n
baada-aashaam na.e baada nayaa KHum bhii na.e
haram-e-kaaba nayaa but bhii na.e tum bhii na.e
vo bhii din the ki yahii maaya-e-raanaa.ii thaa
naazish-e-mausam-e-gul laala-e-sahraa.ii thaa
jo musalmaan thaa allaah kaa saudaa.ii thaa
kabhii mahbuub tumhaaraa yahii harjaa.ii thaa
kisii yakjaa.ii se ab ahd-e-Gulaamii kar lo
millat-e-ahmad-e-mursil ko maqaamii kar lo
kis qadar tum pe giraa.n sub.h kii bedaarii hai
ham se kab pyaar hai haa.n nii.nd tumhe.n pyaarii hai
tab-e-aazaad pe qaid-e-ramazaa.n bhaarii hai
tumhii.n kah do yahii aa.iin-e-vafaadaarii hai
qaum maz.hab se hai maz.hab jo nahii.n tum bhii nahii.n
jazb-e-baaham jo nahii.n mahfil-e-anjum bhii nahii.n
jin ko aataa nahii.n duniyaa me.n ko.ii fan tum ho
nahii.n jis qaum ko parvaa-e-nasheman tum ho
bijliyaa.n jis me.n ho.n aasuuda vo KHirman tum ho
bech khaate hai.n jo aslaaf ke madfan tum ho
ho niko naam jo qabro.n kii tijaarat kar ke
kyaa na bechoge jo mil jaa.e.n sanam patthar ke
safha-e-dahr se baatil ko miTaayaa kis ne
nau-e-insaa.n ko Gulaamii se chhu.Daayaa kis ne
mere ka.abe ko jabiino.n se basaayaa kis ne
mere qur.aan ko siino.n se lagaayaa kis ne
the to aabaa vo tumhaare hii magar tum kyaa ho
haath par haath dhare muntazir-e-fardaa ho
kyaa kahaa bahr-e-musalmaa.n hai faqat vaada-e-huur
shikva bejaa bhii kare ko.ii to laazim hai shu.uur
adl hai faatir-e-hastii kaa azal se dastuur
muslim aa.ii.n hu.aa kaafir to mile huur o qusuur
tum me.n huuro.n kaa ko.ii chaahne vaalaa hii nahii.n
jalva-e-tuur to maujuud hai muusaa hii nahii.n
manfa.at ek hai is qaum kaa nuqsaan bhii ek
ek hii sab kaa nabii diin bhii iimaan bhii ek
haram-e-paak bhii allaah bhii qur.aan bhii ek
kuchh ba.Dii baat thii hote jo musalmaan bhii ek
firqa-bandii hai kahii.n aur kahii.n zaate.n hai.n
kyaa zamaane me.n panapne kii yahii baate.n hai.n
kaun hai taarik-e-aa.iin-e-rasuul-e-muKHtaar
maslahat vaqt kii hai kis ke amal kaa me.aar
kis kii aa.nkho.n me.n samaayaa hai shi.aar-e-aGyaar
ho ga.ii kis kii nigah tarz-e-salaf se be-zaar
qalb me.n soz nahii.n ruuh me.n ehsaas nahii.n
kuchh bhii paiGaam-e-mohammad kaa tumhe.n paas nahii.n
jaa ke hote hai.n masaajid me.n saf-aaraa to Gariib
zahmat-e-roza jo karte hai.n gavaaraa to Gariib
naam letaa hai agar ko.ii hamaaraa to Gariib
parda rakhtaa hai agar ko.ii tumhaaraa to Gariib
umaraa nashsha-e-daulat me.n hai.n Gaafil ham se
zinda hai millat-e-baizaa Gorabaa ke dam se
vaa.iz-e-qaum kii vo puKHta-KHayaalii na rahii
barq-e-tab.ii na rahii shola-maqaalii na rahii
rah ga.ii rasm-e-azaa.n ruuh-e-bilaalii na rahii
falsafa rah gayaa talqiin-e-Gazaalii na rahii
masjide.n marsiyaa.n-KHvaa.n hai.n ki namaazii na rahe
yaanii vo sahib-e-ausaaf-e-hijaazii na rahe
shor hai ho ga.e duniyaa se musalmaa.n naabuud
ham ye kahte hai.n ki the bhii kahii.n muslim maujuud
vaz.a me.n tum ho nasaaraa to tamaddun me.n hunuud
ye musalmaa.n hai.n jinhe.n dekh ke sharmaa.e.n yahuud
yuu.n to sayyad bhii ho mirzaa bhii ho afGaan bhii ho
tum sabhii kuchh ho bataa.o to musalmaan bhii ho
dam-e-taqriir thii muslim kii sadaaqat bebaak
adl us kaa thaa qavii laus-e-maraa.aat se paak
shajar-e-fitrat-e-muslim thaa hayaa se namnaak
thaa shujaa.at me.n vo ik hasti-e-fauq-ul-idraak
KHud-gudaazii nam-e-kaifiyat-e-sahbaa-yash buud
KHaalii-az-KHesh shudan suurat-e-miinaa-yash buud
har musalmaa.n rag-e-baatil ke liye nashtar thaa
us ke aa.iina-e-hastii me.n amal jauhar thaa
jo bharosaa thaa use quvvat-e-baazuu par thaa
hai tumhe.n maut kaa Dar us ko KHudaa kaa Dar thaa
baap kaa ilm na beTe ko agar azbar ho
phir pisar qaabil-e-miiraas-e-pidar kyuu.nkar ho
har ko.ii mast-e-mai-e-zauq-e-tan-aasaanii hai
tum musalmaa.n ho ye andaaz-e-musalmaanii hai
haidarii faqr hai ne daulat-e-usmaanii hai
tum ko aslaaf se kyaa nisbat-e-ruuhaanii hai
vo zamaane me.n mu.azziz the musalmaa.n ho kar
aur tum KHvaar hu.e taarik-e-qur.aa.n ho kar
tum ho aapas me.n Gazabnaak vo aapas me.n rahiim
tum KHataa-kaar o KHataa-bii.n vo KHataa-posh o kariim
chaahte sab hai.n ki ho.n auj-e-surayyaa pe muqiim
pahle vaisaa ko.ii paidaa to kare qalb-e-saliim
taKHt-e-faGfuur bhii un kaa thaa sariir-e-ka.e bhii
yuu.n hii baate.n hai.n ki tum me.n vo hamiyat hai bhii
KHud-kushii sheva tumhaaraa vo Gayuur o KHuddaar
tum uKHuvvat se gurezaa.n vo uKHuvvat pe nisaar
tum ho guftaar saraapaa vo saraapaa kirdaar
tum taraste ho kalii ko vo gulistaa.n ba-kanaar
ab talak yaad hai qaumo.n ko hikaayat un kii
naqsh hai safha-e-hastii pe sadaaqat un kii
misl-e-anjum ufuq-e-qaum pe raushan bhii hu.e
but-e-hindii kii mohabbat me.n birhman bhii hu.e
shauq-e-parvaaz me.n mahjuur-e-nasheman bhii hu.e
be-amal the hii javaa.n diin se bad-zan bhii hu.e
in ko tahziib ne har band se aazaad kiyaa
laa ke ka.abe se sanam-KHaane me.n aabaad kiyaa
qais zahmat-kash-e-tanhaa.i-e-sahraa na rahe
shahr kii khaa.e havaa baadiya-paimaa na rahe
vo to diivaana hai bastii me.n rahe yaa na rahe
ye zaruurii hai hijaab-e-ruKH-e-lailaa na rahe
gila-e-zaur na ho shikva-e-bedaad na ho
ishq aazaad hai kyuu.n husn bhii aazaad na ho
ahd-e-nau barq hai aatish-zan-e-har-KHirman hai
aiman is se ko.ii sahraa na ko.ii gulshan hai
is na.ii aag kaa aqvaam-e-kuhan ii.ndhan hai
millat-e-KHatm-e-rusul shola-ba-pairaahan hai
aaj bhii ho jo braahiim kaa iimaa.n paidaa
aag kar saktii hai andaaz-e-gulistaa.n paidaa
dekh kar ra.ng-e-chaman ho na pareshaa.n maalii
Kaukab-e-Guncha se shaaKHe.n hai.n chamakne vaalii
KHas o KHaashaak se hotaa hai gulistaa.n KHaalii
Gul-bar-andaaz hai KHuun-e-shohdaa kii laalii
ra.ng garduu.n kaa zaraa dekh to unnaabii hai
ye nikalte hu.e suuraj kii ufuq-taabii hai
ummate.n gulshan-e-hastii me.n samar-chiida bhii hai.n
aur mahruum-e-samar bhii hai.n KHizaa.n-diida bhii hai.n
saik.Do.n naKHl hai.n kaahiida bhii baaliida bhii hai.n
saik.Do.n batn-e-chaman me.n abhii poshiida bhii hai.n
naKHl-e-islaam namuuna hai birau-mandii kaa
phal hai ye saik.Do.n sadiyo.n kii chaman-bandii kaa
paak hai gard-e-vatan se sar-e-daamaa.n teraa
tuu vo yuusuf hai ki har misr hai kan.aa.n teraa
qaafila ho na sakegaa kabhii viiraa.n teraa
Gair yak-baa.ng-e-daraa kuchh nahii.n saamaa.n teraa
naKHl-e-shama astii o dar shola do-resha-e-tuu
aaqibat-soz bavad saaya-e-andesha-e-tuu
tuu na miT jaa.egaa iiraan ke miT jaane se
nashsha-e-mai ko ta'alluq nahii.n paimaane se
hai ayaa.n yurish-e-taataar ke afsaane se
paasbaa.n mil ga.e ka.abe ko sanam-KHaane se
kashti-e-haq kaa zamaane me.n sahaaraa tuu hai
asr-e-nau-raat hai dhundlaa saa sitaaraa tuu hai
hai jo ha.ngaama bapaa yurish-e-bulGaarii kaa
Gaafilo.n ke liye paiGaam hai bedaarii kaa
tuu samajhtaa hai ye saamaa.n hai dil-aazaarii kaa
imtihaa.n hai tire iisaar kaa KHuddaarii kaa
kyuu.n hiraasaa.n hai sahiil-e-faras-e-aadaa se
nuur-e-haq bujh na sakegaa nafas-e-aadaa se
chashm-e-aqvaam se maKHfii hai haqiiqat terii
hai abhii mahfil-e-hastii ko zaruurat terii
zinda rakhtii hai zamaane ko haraarat terii
kaukab-e-qismat-e-imkaa.n hai KHilaafat terii
vaqt-e-fursat hai kahaa.n kaam abhii baaqii hai
nuur-e-tauhiid kaa itmaam abhii baaqii hai
misl-e-buu qaid hai Gunche me.n pareshaa.n ho jaa
raKHt-bar-dosh havaa-e-chamanistaa.n ho jaa
hai tunak-maaya tuu zarre se bayaabaa.n ho jaa
naGma-e-mauj hai ha.ngaama-e-tuufaa.n ho jaa
quvvat-e-ishq se har past ko baalaa kar de
dahr me.n ism-e-mohammad se ujaalaa kar de
ho na ye phuul to bulbul kaa tarannum bhii na ho
chaman-e-dahr me.n kaliyo.n kaa tabassum bhii na ho
ye na saaqii ho to phir mai bhii na ho KHum bhii na ho
bazm-e-tauhiid bhii duniyaa me.n na ho tum bhii na ho
KHema-e-aflaak kaa istaada isii naam se hai
nabz-e-hastii tapish-aamaada isii naam se hai
dasht me.n daaman-e-kohsaar me.n maidaan me.n hai
bahr me.n mauj kii aaGosh me.n tuufaan me.n hai
chiin ke shahr maraaqash ke bayaabaan me.n hai
aur poshiida musalmaan ke iimaan me.n hai
chashm-e-aqvaam ye nazzaara abad tak dekhe
rif.at-e-shaan-e-rafaanaa-lakaa-zikrak dekhe
mardum-e-chashm-e-zamii.n yaanii vo kaalii duniyaa
vo tumhaare shohdaa paalne vaalii duniyaa
garmii-e-mehr kii parvarda hilaalii duniyaa
ishq vaale jise kahte hai.n bilaalii duniyaa
tapish-andoz hai is naam se paare kii tarah
Gota-zan nuur me.n hai aa.nkh ke taare kii tarah
aql hai terii sipar ishq hai shamshiir tirii
mire darvesh KHilaafat hai jahaa.ngiir tirii
maa-sivaa-allaah ke liye aag hai takbiir tirii
tuu musalmaa.n ho to taqdiir hai tadbiir tirii
kii mohammad se vafaa tuu ne to ham tere hai.n
ye jahaa.n chiiz hai kyaa lauh-o-qalam tere hai.n

Allama Iqbal
Nazm

ruh-e-arzi aadam ka istiqbaal karti hai

khol aa.nkh zamii.n dekh falak dekh fazaa dekh!
mashriq se ubharte hu.e suuraj ko zaraa dekh!
is jalva-e-be-parda ko parda me.n chhupaa dekh!
ayyaam-e-judaa.ii ke sitam dekh jafaa dekh!
betaab na ho maarka-e-biim-o-rajaa dekh!
hai.n tere tasarruf me.n ye baadal ye ghaTaa.e.n
ye gumbad-e-aflaak ye KHaamosh fazaa.e.n
ye koh ye sahraa ye samundar ye havaa.e.n
thii.n pesh-e-nazar kal to farishto.n kii adaa.e.n
aa.iina-e-ayyaam me.n aaj apnii adaa dekh!
samjhegaa zamaana tirii aa.nkho.n ke ishaare!
dekhe.nge tujhe duur se garduu.n ke sitaare!
naapaid tire bahr-e-taKHayyul ke kinaare
pahu.nche.nge falak tak tirii aaho.n ke sharaare
taamiir-e-KHudii kar asar-e-aah-e-rasaa dekh
KHurshiid-e-jahaa.n-taab kii zau tere sharar me.n
aabaad hai ik taaza jahaa.n tere hunar me.n
jachte nahii.n baKHshe hu.e firdaus nazar me.n
jannat tirii pinhaa.n hai tire KHuun-e-jigar me.n
ai paikar-e-gul koshish-e-paiham kii jazaa dekh!
naala.nda tire uud kaa har taar azal se
tuu jins-e-mohabbat kaa KHariidaar azal se
tuu piir-e-sanam-KHaana-e-asraar azal se
mehnat-kash o KHuu.n-rez o kam-aazaar azal se
hai raakib-e-taqdiir-e-jahaa.n terii razaa dekh!

Allama Iqbal
Nazm

barsat ki bahaaren

sabzo.n pe biir bhuuTii Tiilo.n upar dhatuuree
pissuu se machchharo.n se ro.e ko.ii basore
bichchhuu kisii ko kaaTe kii.Daa kisii ko ghuure
aa.ngan me.n kansalaa.ii kono.n me.n khankhajuure
kyaa kyaa machii hai.n yaaro barsaat kii bahaare.n

Nazeer Akbarabadi
Nazm

sayyad ki lauh-e-turbat

ai ki teraa murG-e-jaa.n taar-e-nafas me.n hai asiir
ai ki terii ruuh kaa taa.ir qafas me.n hai asiir
is chaman ke naGma-pairaao.n kii aazaadii to dekh
shahr jo uj.Daa hu.aa thaa us kii aabaadii to dekh
fikr rahtii thii mujhe jis kii vo mahfil hai yahii
sabr-o-istiqlaal kii khetii kaa haasil hai yahii
sa.ng-e-turbat hai miraa girviida-e-taqriir dekh
chashm-e-baatin se zaraa is lauh kii tahriir dekh
mudda.aa teraa agar duniyaa me.n hai ta.aliim-e-dii.n
tark-e-duniyaa qaum ko apnii na sikhlaanaa kahii.n
vaa na karnaa firqa-bandii ke liye apnii zabaa.n
chhup ke hai baiThaa hu.aa ha.ngaama-e-mahshar yahaa.n
vasl ke asbaab paidaa ho.n tirii tahriir se
dekh ko.ii dil na dukh jaa.e tirii taqriir se
mahfil-e-nau me.n puraanii daastaano.n ko na chhe.D
ra.ng par jo ab na aa.e.n un fasaano.n ko na chhe.D
tuu agar ko.ii mudabbir hai to sun merii sadaa
hai dilerii dast-e-arbaab-e-siyaasat kaa asaa
arz-e-matlab se jhijak jaanaa nahii.n zebaa tujhe
nek hai niyyat agar terii to kyaa parvaa tujhe
banda-e-momin kaa dil biim-o-riyaa se paak hai
quvvat-e-farmaa.n-ravaa ke saamne bebaak hai
ho agar haatho.n me.n tere KHaam-e-mojiz raqam
shiisha-e-dil ho agar teraa misaal-e-jaam-e-jam
paak rakh apnii zabaa.n tilmiiz-e-rahmaanii hai tuu
ho na jaa.e dekhnaa terii sadaa be-aabruu
sone vaalo.n ko jagaa de sher ke e.ajaaz se
KHirman-e-baatil jalaa de sho.ala-e-aavaaz se

Allama Iqbal
Nazm

pand-nama

ai majaaz ai taraana-baar majaaz
zinda paiGambar-e-bahaar majaaz
ai baruu-e-saman-vishaa.n gul-posh
ai ba kuu-e-muGaa.n tamaam KHarosh
ai parastaar-e-mah-ruKHaan-e-jahaa.n
ai kamaa.n-daar-e-shaa.iraan-e-javaa.n
tujh se taabaa.n jabiin-e-mustaqbil
ai mire siina-e-umiid ke dil
ai majaaz ai mubassir-e-KHad-o-KHaal
ai shu.uur-e-jamaal o sham-e-KHayaal
ai surayyaa-fareb o zohra-navaaz
shaa.ir-e-mast o rind-e-shaahid-baaz
naaqid-e-ishva-e-shabaab hai tuu
sub.h-e-fardaa kaa aaftaab hai tuu
tujh ko aayaa huu.n aaj samjhaane
haif hai tuu agar buraa maane
KHud ko Garq-e-sharaab-e-naab na kar
dekh apne ko yuu.n KHaraab na kar
shaa.irii ko tirii zaruurat hai
daur-e-fardaa kii tuu amaanat hai
sirf terii bhalaa.ii ko ai jaa.n
ban ke aayaa huu.n naaseh-e-naadaa.n
ek Thahraav ik takaan hai tuu
dekh kis darja dhaan-paan hai tuu
na.ng hai mahz ustuKHaa.n honaa
saKHt ihaanat hai naa-tavaa.n honaa
ustuKHvaanii badan duKHaanii post
ek sa.ngiin jurm hai ai dost
sharm kii baat hai vajuud-e-saqiim
naa-tavaanii hai ik gunaah-e-aziim
jism aur ilm turfa taaqat hai
yahii insaan kii nubuvvat hai
jo za.iif-o-aliil hotaa hai
ishq me.n bhii zaliil hotaa hai
har hunar ko jo ek daulat hai
ilm aur jism kii zaruurat hai
kasrat-e-baada rang laatii hai
aadmii ko lahuu rulaatii hai
KHush-dilo.n ko rulaa ke ha.nstii hai
sham-e-aKHtar bujhaa ke ha.nstii hai
aur jab aafat jigar pe laatii hai
ri.nd ko maulvii banaatii hai
mai se hotaa hai maqsad-e-dil faut
mai hai buniyaad-e-maulviyyat-o-maut
kaan me.n sun ye baat hai nashtar
maulviyyat hai maut se bad-tar
is se hotaa hai kaar-e-umr tamaam
is se hotaa hai aql ko sarsaam
is me.n insaa.n kii jaan jaatii hai
is me.n shaa.ir kii aan jaatii hai
ye zamiin aasmaan kyaa shai hai
aan jaa.e to jaan kyaa shai hai
gauhar-e-shaah-vaar chun pyaare
mujh se ik gur kii baat sun pyaare
Gam to bantaa hai chaar din me.n nashaat
shaadmaanii se rah bahut mohtaat
Gam ke maare to jii rahe hai.n hazaar
nahii.n bachte hai.n aish ke biimaar
aan me.n dil ke paar hotii hai
pa.nkhu.Dii me.n vo dhaar hotii hai
juu-e-ishrat me.n Gam ke dhaare hai.n
yaKH-o-shabnam me.n bhii sharaare hai.n
haa.n sambhal kar lataafato.n ko barat
TuuT jaa.e kahii.n na ko.ii parat
dekh kar shiisha-e-nashaat uThaa
ye varaq hai varaq hai sone kaa
kaaGaz-e-baad ye nagiina hai
balki ai dost aabgiina hai
saaGar-e-shabnam-e-KHush-aab hai ye
aabgiina nahii.n habaab hai ye
rok le saa.ns jo qariib aa.e
Thes us ko kahii.n na lag jaa.e
teG-e-mastii ko ehtiyaat se chhuu
varna Tapkegaa u.ngliyo.n se lahuu
mastiyo.n me.n hai taab-e-jalva-e-maah
aur siyah mastiyaa.n KHudaa kii panaah
KHuub hai ek had pe qaa.em nasha
halkaa phulkaa subuk mulaa.em nasha
haa.n adab se uThaa adab se jaam
taaki aab-e-halaal ho na haraam
jaam par jaam jo cha.Dhaate hai.n
uu.nT kii tarah bilbilaate hai.n
zindagii kii havas me.n marte hai.n
mai ko rusvaa-e-dahr karte hai.n
yaad hai jab 'jigar' cha.Dhaate the
kyaa alif ho ke hin-hinaate the
merii gardan me.n bhar ke chand aahe.n
paa.nv se Daalte the vo baa.nhe.n
aql kii maut ilm kii pastii
al-amaa.n la.anat-e-siyah mastii
uf ghaTaa-Top nashshe kaa tuufaan
bhuut ifriit dev jin shaitaan
laat ghuu.nsa chha.Dii chhurii chaaquu
lib-libaahaT lu.aab kaf badbuu
tanz aavaaza barhamii ifsaad
ta.an tashnii.a maz.haka iiraad
shor huu-haq abe-tabe hai hai
aukhiyaa.n gaaliyaa.n dhamaake qai
mas-masaahaT Gashii tapish chakkar
soz sailaab sansanii sarsar
chal-chaKHe chiiKH chunaa.n-chunii.n chi.nghaa.D
chaKH-chaKHe chaa.uu.n chaa.uu.n chiil-chilhaa.D
lappaa-Dukki lataam laam la.Daa.ii
haul haijaan haa.nk haathaa-paa.ii
khalbalii kaa.o.n kaa.o.n khaT-manDal
hau.nk ha.ngaama hamhama halchal
uljhan aavaargii udham aiThan
bhau.nk bhau.n bhau.n bhinan bhinan bhan-bhan
dhaul-dhappaa dhaka.D-paka.D dhutkaar
tahlka tuu ta.Daaq tuf takraar
buu bhabhak bhay bikas barar bhau.nchaal
dabdabe dandanaahaTe.n dhammaal
gaah narmii o lutf o mehr o salaam
gaah talKHii o turshii o dushnaam
aql kii maut ilm kii pastii
al-amaa.n la.anat-e-siyah mastii
sirf nashshe kii bhiigne de mase.n
in ko ban.ne na de kabhii mo.nchhe.n
al-amaa.n KHaufnaak kaalaa nasha
oh riish-o-buruut vaalaa nasha
azhdar-e-marg o dev-e-KHuu.n-KHvaarii
al-amaa.n nashsha-e-''jaTaadhaarii''
nashshe kaa jhuT-puTaa hai nuur-e-hayaat
jhuTpuTe ko banaa na kaalii raat
nashshe kii tez raushnii bhii Galat
chaudhvii.n kii sii chaa.ndnii bhii Galat
zehn-e-insaa.n ko baKHshtaa hai jamaal
nashsha ho jab ye qadr-e-nuur-e-hilaal
Gurfa-e-aql bhe.D to akasr
par use kach-kachaa ke band na kar
raat ko lutf-e-jaam hai pyaare
din kaa piinaa haraam hai pyaare
din hai ifriit-e-aaz kii khankaar
raat paazeb naazukii jhankaar
din hai KHaashaak KHaak dhuul dhu.aa.n
raat aa.iina anjuman afshaa.n
din musallah davaa.n kamar basta
raat taaq-o-ravaaq-o-gul-dasta
din hai faulaad-e-sa.ng teG-e-alam
raat kam-KHvaab pa.nkhu.Dii shabnam
din hai shevan duhaa.iyaa.n dukh.De
raat mast a.nkh.Diyaa.n javaa.n mukh.De
din ka.Dii dhuup kii bad-aaha.ngii
raat pichhle pahar kii saara.ngii
din bahaadur kaa baan biir kii rath
raat champaa-kalii a.nguuThii nath
din hai tuufaan-e-jumbish-o-raftaar
raat miizaan-e-kaakul-o-ruKHsaar
aaftaab-o-sharaab hai.n bairii
botale.n din ko hai.n pachhal pairii
kar na paamaal hurmat-e-auqaat
raat ko din banaa na din ko raat
pii magar sirf shaam ke ha.ngaam
aur vo bhii ba-qadr-e-yak-do jaam
vahii insaa.n hai KHurram-o-KHursand
jo hai miqdaar o vaqt kaa paaband
mere piine hii par na jaa mirii jaa.n
mujh se jiinaa bhii siikh hai.n qurbaa.n
us ke piine me.n rang aataa hai
jis ko jiine kaa Dha.ng aataa hai
ye nasaa.eh bahut hai.n besh-bahaa
jald so jald jaag jald nahaa
baaG me.n jaa tuluu.a se pahle
taa nigaar-e-sahar se dil bahle
sarv-o-shamshaad ko gale se lagaa
har chaman-zaad ko gale se lagaa
mu.nh a.ndhere fazaa-e-gulshan dekh
saahil o sabza-zaar o sausan dekh
gaah aavaara abr-paare dekh
in kii raftaar me.n sitaare dekh
jaise kohre me.n taab-e-ruu-e-nikuu
jaise jangal me.n raat ko jugnuu
gul kaa mu.nh chuum ik tarannum se
nahr ko gudgudaa tabassum se
jism ko kar araq se nam-aaluud
taaki shabnam pa.Dhe lahak ke daruud
phe.nk sanjiidgii kaa sar se baar
naach uchhal dandanaa chhalaa.nge.n maar
dekh aab-e-ravaa.n kaa aa.iina
dau.D saahil pe taan kar siina
mast chi.Diyo.n kaa chahchahaanaa sun
mauj-e-nau-mashq kaa taraana sun
bostaa.n me.n sabaa kaa chalnaa dekh
sabza o sarv kaa machalnaa dekh
shabnam-aaluud kar suKHan kaa libaas
chakh dhundalke me.n buu-e-gul kii miThaas
shaa.irii ko khilaa havaa-e-sahar
is kaa nafqa hai terii gardan par
raqs kii lahr me.n ho gum lab-e-nahr
yuu.n adaa kar uruus-e-sher kaa mahr
jazb kar bostaa.n ke naqsh-o-nigaar
zehan me.n khol misr kaa baazaar
narm jho.nko.n kaa aab-e-haivaa.n pii
buu-e-gul ra.ng-e-shabnamistaa.n pii
gun-gunaa kar nazar uThaa kar pii
sub.h kaa shiir daGdaGa kar pii
taaki mujre ko aa.e.n kul barkaat
daulat jism o ilm o aql o hayaat
ye na ta.ana na ye ulahnaa hai
ek nukta bas aur kahnaa hai
Gaibat-e-nuur ho ki kasrat-e-nuur
zulmat-e-taam ho ki sho.ala-e-tuur
ek saa hai vabaal dono.n kaa
tiirgii hai ma.aal dono.n kaa
darKHur-e-saahab-e-ma.aal nahii.n
har vo shai jis me.n e'tidaal nahii.n
shaadmaanii se pii nahii.n saktaa
jis ko haukaa ho jii nahii.n saktaa
ai pisar ai baraadar ai hamraaz
ban na is tarah duur kii aavaaz
ko.ii biimaar tan nahii.n saktaa
KHaadim-e-KHalq ban nahii.n saktaa
KHidmat-e-KHalq farz hai tujh par
daur-e-maazii kaa qarz hai tujh par
asr-e-haazir ke shaa.ir-e-KHuddaar
qarz-daarii kii maut se hoshyaar
zehn-e-insaaniyat ubhaar ke jaa
zindagaanii kaa qarz utaar ke jaa
tujh pe hindostaan naaz kare
umr terii KHudaa daraaz kare

Josh Malihabadi
Nazm

tel ke saudagar

buKHaaraa samarqand ik KHaal-e-hinduu ke badle!
bajaa hai buKHaaraa samarqand baaqii kahaa.n hai.n?
buKHaaraa samarqand niindo.n me.n mad.hosh
ik niil-guu.n KHaamushii ke hijaabo.n me.n mastuur
aur rahravo.n ke liye un ke dar band
so.ii hu.ii mah-jabiino.n kii palko.n ke maanind
ruusii ''hama-uust'' ke taaziyaano.n se ma.azuur
do mah-jabiine.n!
buKHaaraa samarqand ko bhuul jaa.o
ab apne daraKHshanda shahro.n kii
tahraan o mash.had ke saqf o dar-o-baam kii fikr kar lo
tum apne na.e daur-e-hosh-o-amal ke dil-aavez chashmo.n ko
apnii na.ii aarzuu.o.n ke in KHuub-suurat kinaayo.n ko
mahfuuz kar lo!
in uu.nche daraKHshanda shahro.n kii
kotah fasiilo.n ko mazbuut kar lo
har ik burj-o-baaro par apne nigahbaa.n cha.Dhaa do
gharo.n me.n havaa ke sivaa
sab sadaa.o.n kii sham.e.n bujhaa do!
ki baahar fasiilo.n ke niiche
ka.ii din se rahzan hai.n KHema-fagan
tel ke buu.Dhe sauda-garo.n ke libaade pahan kar
vo kal raat yaa aaj kii raat kii tiirgii me.n
chale aa.e.nge ban ke mehmaa.n
tumhaare gharo.n me.n
vo daavat kii shab jaam-o-miinaa lu.Dhaa.e.nge
naache.nge gaa.e.nge
be-saaKHta qahqaho.n hamhamo.n se
vo garmaa.e.ngee KHuun-e-mahfil!

Noon Meem Rashid
Nazm

ek nazm bachchon ki taraf se

ye ta.aliim gar mil bhii jaa.e to kyaa hai
ye school hai ik KHaraabo.n kii duniyaa
savaalo.n kii bastii javaabo.n kii duniyaa
ye pencil ye kaaGaz kitaabo.n kii duniyaa
ye ta.aliim gar mil bhii jaa.e to kyaa hai
na english hii jaanuu.n na social hii bhaa.e
na bio hii samjhuu.n na hindii hii aa.e
jo marzii chale to karuu.n sab ko bye
ye ta.aliim gar mil bhii jaa.e to kyaa hai
musiibat hai kaisii sahar kii jagaa.ii
sabhii log sote hai.n o.Dhe razaa.ii
magar merii qismat me.n hai mu.nh dikhaa.ii
ye ta.aliim gar mil bhii jaa.e to kyaa hai
buraa muuD us par savaa man kaa basta
aur us par jise dekhiye ro.ab kastaa
yahaa.n meraa bachpan hai har shai se sastaa
ye ta.aliim gar mil bhii jaa.e to kyaa hai
zaraa dost se baat kar le.n to aafat
kisii vaqt chhup kar guzar le.n to aafat
ijaazat kisii se agar le.n to aafat
ye ta.aliim gar mil bhii jaa.e to kyaa hai
na filmo.n kii baate.n na khelo.n kii baate.n
ye be-kaar kii paas failo.n kii baate.n
usuulo.n ke qisse jhamelo.n kii baate.n
ye ta.aliim gar mil bhii jaa.e to kyaa hai
ye ta.aliim gar mil bhii jaa.e to kyaa hai
mere saamne se haTaa lo kitaabe.n
mire teachero tum sambhaalo kitaabe.n
principal ke kaa.ndho.n pe Daalo kitaabe.n

Asna Badr
Nazm

punjab

sar-zamiin-e-hind kaa ye baazuu-e-shamshiir-e-zan
jis ke mardaan-e-jarii hai.n sho.ala-baar-o-saf-shikan

Arsh Malsiyani
Nazm

baadal

chhaa.e hu.e hai.n chaar taraf paara-haa-e-abr
aaGosh me.n liye hu.e duniyaa-e-aab-o-ra.ng
mere liye hai un kii garaj me.n suruud-o-cha.ng
paiGaam-e-imbisaat hai mujh ko sadaa-e-abr
uTThii hai halke halke suro.n me.n navaa-e-abr
aur qatr-haa-e-aab bajaate hai.n jal-tara.ng
gahraa.iyo.n me.n ruuh kii jaagii hai har uma.ng
dil me.n utar rahe hai.n mire naGm-haa-e-abr
muddat se luT chuke the tamannaa ke baar-o-barg
chhaayaa hu.aa thaa ruuh pe goyaa sukuut-e-marg
chho.Daa hai aaj ziist ko KHvaab-e-jumuud ne
un baadalo.n se taaza hu.ii hai hayaat phir
mere liye javaan hai ye kaa.enaat phir
shaadaab kar diyaa hai dil un ke suruud ne!

Noon Meem Rashid
Nazm

parwin club se aati hai

ab mammy daddy kahte hai.n cultured hamaarii beTii hai
pahlii bhii club me.n jaatii thii ye third hamaarii beTii hai
sa.Dko.n pe ye u.Dtii phirtii hai ik bird hamaarii beTii hai
maz.hab kii puraanii rasmo.n se injured hamaarii beTii hai

Khalid Irfan
Nazm

jihat ki talash

yahaa.n daraKHt ke uupar ugaa hu.aa hai daraKHt
zamiin ta.ng hai (jaise kabhii faraaKH na thii)
havaa kaa kaal pa.Daa hai, namii bhii aam nahii.n
samundaro.n ko bilo kar fazaa.o.n ko math kar
janam diye hai.n agar chand abr ke Tuk.De
jhapaT liyaa hai unhe.n yuu.n daraaz shaaKHo.n ne
ki niim-jaa.n tane ko zaraa KHabar na hu.ii
ja.De.n bhii KHaak tale ek hii lagan me.n ravaa.n
na tiirgii se mafar hai, na raushnii kaa savaal
zamii.n me.n paa.nv dha.nse hai.n fazaa me.n haat buland
na.ii jihat kaa lage ab daraKHt me.n paivand

Shakeb Jalali
Nazm

kaTas

kamaal karte hai.n ishq vaale
ye daastaa.n hai quruun-e-uula se peshtar kii
jab ek la.Dkii se devtaa ne birog paayaa
to aa.nsuu.o.n kaa mahal banaayaa
ye ishq thaa so
zamii.n kii buniyaad hil ga.ii thii
sa.Dak ke taaro.n se mil ga.ii thii
ye ishq thaa so
na us ne lamho.n se maat khaa.ii
na us ko sadiyaa.n bigaa.D paa.ii.n
kaTaas ab bhii vahii.n kha.Daa hai
har ek patthar gavaah ban kar vahii.n pa.Daa hai
ye KHaak pahle hii muztarib thii
ab aur hairaan ho ga.ii hai
pujaariyo.n ke nafas kii utran
havaa musalmaan ho ga.ii hai
mohabbato.n se bhare sahiife to taaqcho.n me.n sajaa diye hai.n
aqiidato.n ne shivaa ke aa.nsuu vuzuu ke qaabil banaa diye hai.n
nasiib vaale hii aa.nsuu.o.n se vuzuu kare.nge
qabaa-e-girya rafuu kare.nge
kaTaas apne hii aap me.n gum
adam se ilhaaq kar rahaa hai
ka.ii mazaahib kii lau jalaa.e
sadaa-e-ilhaad kar rahaa hai
aur is jhamele ke paas baiThaa
ko.ii tumhe.n yaad kar rahaa hai
ajab masaafat se chuur hai ye
ajiib fariyaad kar rahaa hai
ise nikaalo ye is jagah kaa
sukuun barbaad kar rahaa hai
kamaal karte hai.n ishq vaale
ye daastaa.n hai quruun-e-uula se peshtar kii jab ek la.Dkii
se devtaa ne birog paayaa
to aa.nsuu.o.n kaa mahal banaayaa

Ikram Basra
Nazm

holi

har ek phuul hu.aa ra.ng-baar holii me.n
har ek shaaKH hai suurat-nigaar holii me.n
gulo.n se mauj-e-shafaq rang khelne aa.ii
ajab hai arz-o-samaa par bahaar holii me.n
vo surKH-posh gulistaa.n me.n rang khelaa hai
gul-o-saman pe hai turfa nikhaar holii me.n
har ek chiiz se ra.ng-e-vafaa Tapaktaa hai
shahiid-e-ishq kii hai yaadgaar holii me.n
kuchh is tarah se hu.ii gul pe shabnam-afshaanii
qabaa-e-gul hai javaahar-nigaar holii me.n
jidhar nigaah uThii surKHiyaa.n nazar aa.ii.n
har ek shai hai fasaana-nigaar holii me.n
hai kaa.enaat me.n josh-e-numuu kii jumbish se
har ek zarre kaa dil be-qaraar holii me.n
qadam ke niiche hai farsh-e-zamurradii.n 'ra.anaa'
hai sar pe saaya-e-abr-e-bahaar holii me.n

Birj Lal Raana
Nazm

do-aba bast jalandhar

suur biiro.n suurmaa.o.n pahalvaano.n ke vatan
mehnatii bando.n jiyaalo.n ke kisaano.n ke vatan

Arsh Malsiyani
Nazm

ek mojiza

shai na jaaniye saahib
balki yuu.n samajh liije
ek maKHmalii chaadar
par gulaab kii pattii
nuur ke jaziire par
ek chaa.nd kaa Tuk.Daa
dil kii ek majzuubii
ek husn kii duniyaa
yuu.nhii ek goshe me.n
ik KHamosh sii la.Dkii
nuur-baar-o-gul-afshaa.n
pur-sukuun baiThii thii

Kazim Rizvi
Nazm

camera

os me.n tar ko.ii be-ghar titlii
niin-pe.D kii KHvaab-shaaKH par
piile dhaanii andesho.n kii
dhanak pahan ke sotii hai....
is kohre me.n
vo jaaduu-gar biir-bahuuTii kiran dikhaa.ii de
jo us ke majruuh paro.n se
shabnam kii zanjiir to.D ke
use rihaa.ii de

Saqi Faruqi
Nazm

KHak-e-hind

gautam ne aabruu dii is maa’bad-e-kuhan ko
sarmad ne is zamii.n par sadqe kiyaa badan ko
akbar ne jaam-e-ulfat baKHshaa is anjuman ko
sii.nchaa lahuu se apne raanaa ne is chaman ko
sab suur-biir apne is KHaak me.n nihaa.n hai.n
TuuTe hu.e kha.nDar hai.n yaa un kii haDDiyaa.n hai.n

Chakbast Braj Narayan
Nazm

maut

ajiib shai hai ye aadmii bhii
jo maut ke Dar se kaa.nptaa hai
jo aas kii Dor thaamtaa hai
use KHabar hai ki maut kyaa hai
magar vo phir bhii
fasiil-e-biim-o-rajaa kaa qaidii
KHud apnii karnii se bhaagtaa hai
use KHabar hai ki maut jiine kaa aasraa hai
use KHabar hai
ajiib lamha hai maut kaa bhii
na aas hamdam
na KHauf saathii

Farooq Nazki
Nazm

shahar-zade

hai KHud-faraamoshii pe Gaalib KHud-farebii kii chubhan
takraar se ta.abiir hai.n ye zindagii ke maah-o-san
yaksaaniyat ke dasht me.n khultaa hai nudrat kaa chaman
maayuus jazbo.n se idhar kuchh kar dikhaane kii lagan
biim-o-rajaa ke darmiyaa.n ham shahr-zaade hai.n magan

Salman Sarwat
Nazm

yaum-e-barq

tirii raushan-dimaaGii par hai.n naazaa.n aasmaa.n vaale
tirii naazuk-KHayaalii par hai.n hairaa.n gulsitaa.n vaale
tirii azmat ke qaa.il dil se hai.n saare-jahaa.n vaale
suKHan-daano.n kii mahfil me.n tuu sham-e-husn-e-mahfil hai
sitaaro.n me.n ziyaa-afroz misl-e-maah-e-kaamil hai
samajhte hai.n tujhe saalaar apnaa kaarvaa.n vaale
kahii.n alfaaz me.n husn-e-haqiiqii kii hai.n tasviire.n
kahii.n ash.aar me.n ramz-e-mohabbat kii hai.n tafsiire.n
tire diivaa.n ko jaam-e-jam samajhte hai.n jahaa.n vaale
kahii.n aa.nsuu kahii.n naGme kahii.n jalve javaanii ke
tire ash.aar aa.iine hai.n haal-e-zindagaanii ke
ki jin me.n apnii suurat dekh lete hai.n jahaa.n vaale
kahii.n hubb-e-vatan kii aag lafzo.n me.n bharii dekhii
kahii.n manzar-nigaarii kii hasii.n jaaduugarii dekhii
vo tashbiihe.n hai.n jin par naaz karte hai.n zabaa.n vaale
jahaa.n tuu ne zaraa barq-e-jamaal-e-sher chamkaa.ii
vahii.n ik zindagii kii lahr sii dau.Dii nazar aa.ii
tirii sho.ala-navaa.ii par hai.n chup shabnam-sitaa.n vaale
tire ash.aar ne ra.ng-e-qubuul-e-aam paayaa hai
jahaa.n me.n tuu ne apnii sheriyat se naam paayaa hai
hamesha yaad rakkhe.nge tujhe hindostaa.n vaale

Birj Lal Raana
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now