Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for ".nmt"

Nazm MATCHES FOR ".nmt"

Nazm

shishon ka masiha koi nahin

in dono.n me.n ran pa.Dtaa hai
nit bastii-bastii nagar-nagar
har baste ghar ke siine me.n
har chaltii raah ke maathe par

Faiz Ahmad Faiz
Nazm

muflisi

jab aadmii ke haal pe aatii hai muflisii
kis kis tarah se us ko sataatii hai muflisii
pyaasaa tamaam roz biThaatii hai muflisii
bhuukaa tamaam raat sulaatii hai muflisii
ye dukh vo jaane jis pe ki aatii hai muflisii
kahiye to ab hakiim kii sab se ba.Dii hai shaa.n
ta.aziim jis kii karte hai.n to ab aur KHaa.n
muflis hu.e to hazrat-e-luqmaa.n kiyaa hai yaa.n
iisaa bhii ho to ko.ii nahii.n puuchhtaa miyaa.n
hikmat hakiim kii bhii Dubaatii hai muflisii
jo ahl-e-fazl aalim o faazil kahaate hai.n
muflis hu.e to kalma talak bhuul jaate hai.n
vo jo Gariib-Gurabaa ke la.Dke pa.Dhaate hai.n
un kii to umr bhar nahii.n jaatii hai muflisii
muflis kare jo aan ke mahfil ke biich haal
sab jaane.n roTiyo.n kaa ye Daalaa hai is ne jaal
gir gir pa.De to ko.ii na liye use sambhaal
muflis me.n hove.n laakh agar ilm aur kamaal
sab KHaak bech aa ke milaatii hai muflisii
jab roTiyo.n ke baTne kaa aa kar pa.De shumaar
muflis ko deve.n ek tava.ngar ko chaar chaar
gar aur maa.nge vo to use jhi.Dke.n baar baar
muflis kaa haal aah bayaa.n kyaa karuu.n mai.n yaar
muflis ko is jagah bhii chabaatii hai muflisii
muflis kii kuchh nazar nahii.n rahtii hai aan par
detaa hai apnii jaan vo ek ek naan par
har aan TuuT pa.Dtaa hai roTii ke KHvaan par
jis tarah kutte la.Dte hai.n ik ustuKHvaan par
vaisaa hii mufliso.n ko la.Daatii hai muflisii
kartaa nahii.n hayaa se jo ko.ii vo kaam aah
muflis kare hai us ke ta.ii.n insiraam aah
samjhe na kuchh halaal na jaane haraam aah
kahte hai.n jis ko sharm-o-hayaa na.ng-o-naam aah
vo sab hayaa-o-sharm u.Daatii hai muflisii
ye muflisii vo shai hai ki jis ghar me.n bhar ga.ii
phir jitne ghar the sab me.n usii ghar ke dar ga.ii
zan bachche rote hai.n goyaa naanii guzar ga.ii
ham-saaya puuchhte hai.n ki kyaa daadii mar ga.ii
bin murde ghar me.n shor machaatii hai muflisii
laazim hai gar Gamii me.n ko.ii shor-Gul machaa.e
muflis baGair Gam ke hii kartaa hai haa.e haa.e
mar jaave gar ko.ii to kahaa.n se use uThaa.e
is muflisii kii KHvaariyaa.n kyaa kyaa kahuu.n mai.n haa.e
murde ko be kafan ke ga.Daatii hai muflisii
kyaa kyaa muflisii kii kahuu.n KHvaarii phaka.Diyaa.n
jhaa.Duu baGair ghar me.n bikhartii hai.n jhaka.Diyaa.n
kone me.n jaale lapTe hai.n chhappar me.n maka.Diyaa.n
paisaa na hove jin ke jalaane ko lak.Diyaa.n
dariyaa me.n un ke murde bahaatii hai muflisii
biibii kii nath na la.Dko.n ke haatho.n ka.De rahe
kap.De miyaa.n ke baniye ke ghar me.n pa.De rahe
jab ka.Diyaa.n bik ga.ii.n to kha.nDar me.n pa.De rahe
zanjiir ne kivaa.D na patthar ga.De rahe
aaKHir ko ii.nT ii.nT khudaatii hai muflisii
naqqaash par bhii zor jab aa muflisii kare
sab rang dam me.n kar de musavvir ke kirkire
suurat bhii us kii dekh ke mu.nh khi.nch rahe pare
tasviir aur naqsh me.n kyaa rang vo bhare
us ke to mu.nh kaa rang u.Daatii hai muflisii
jab KHuub-ruu pe aan ke pa.Dtaa hai din siyaah
phirtaa hai bose detaa hai har ik ko KHvaah-maKHvaah
hargiz kisii ke dil ko nahii.n hotii us kii chaah
gar husn ho hazaar ruupe kaa to us ko aah
kyaa kau.Diyo.n ke mol bikaatii hai muflisii
us KHuub-ruu ko kaun de ab daam aur diram
jo kau.Dii kau.Dii bose ko raazii ho dam-ba-dam
Topii puraanii do to vo jaane kulaah-e-jism
kyuu.nkar na jii ko us chaman-e-husn ke ho Gam
jis kii bahaar muft luTaatii hai muflisii
aashiq ke haal par bhii jab aa muflisii pa.De
ma.ashuuq apne paas na de us ko baiThne
aave jo raat ko to nikaale vahii.n use
is Dar se ya.anii raat o dhannaa kahii.n na de
tohmat ye aashiqo.n ko lagaatii hai muflisii
kaise hii dhuum-dhaam kii ranDii ho KHush-jamaal
jab muflisii ho kaan pa.De sar pe us ke jaal
dete hai.n us ke naach ko ThaTThe ke biich Daal
naache hai vo to farsh ke uupar qadam sambhaal
aur us ko u.ngliyo.n pe nachaatii hai muflisii
us kaa to dil Thikaane nahii.n bhaav kyaa bataa.e
jab ho phaTaa dupaTTa to kaahe se mu.nh chhupaa.e
le shaam se vo sub.h talak go ki naache gaa.e
auro.n ko aaTh saat to vo do Take hii paa.e
is laaj se ise bhii lajaatii hai muflisii
jis kasbii ranDii kaa ho halaakat se dil hazii.n
rakhtaa hai us ko jab ko.ii aa kar tamaash-bii.n
ik paun paise tak bhii vo kartii nahii.n nahii.n
ye dukh usii se puuchhiye ab aah jis ke ta.ii.n
sohbat me.n saarii raat jagaatii hai muflisii
vo to ye samjhe dil me.n ki Dhelaa jo paa.uu.ngii
dam.Dii ke paan dam.Dii ke missii ma.ngaa.uu.ngii
baaqii rahii chhadaam so paanii bharaa.uu.ngii
phir dil me.n sochtii hai ki kyaa KHaak khaa.uu.ngii
aaKHir chabiinaa us kaa bhunaatii hai muflisii
jab muflisii se hove kalaavant kaa dil udaas
phirtaa hai le tambuure ko har ghar ke aas-paas
ik paav ser aane kii dil me.n lagaa ke aas
gorii kaa vaqt hove to gaataa hai vo babhaas
yaa.n tak havaas us ke u.Daatii hai muflisii
muflis biyaah beTii kaa kartaa hai bol bol
paisaa kahaa.n jo jaa ke vo laave jahez mol
joruu kaa vo galaa ki phuuTaa ho jaise Dhol
ghar kii halaal-KHorii talak kartii hai ThiThol
haibat tamaam us kii uThaatii hai muflisii
beTe kaa biyaah ho to na byaahii na saathii hai
ne raushnii na baaje kii aavaaz aatii hai
maa.n piichhe ek mailii chadar o.Dhe jaatii hai
beTaa banaa hai duulhaa to baavaa baraatii hai
muflis kii ye baraat cha.Dhaatii hai muflisii
gar byaah kar chalaa hai sahar ko to ye balaa
shahdaar naanaa hiij.Daa aur bhaaT mu.nDcha.Daa
khii.nche hu.e use chale jaate hai.n jaa-ba-jaa
vo aage aage la.Dtaa hu.aa jaataa hai chalaa
aur piichhe Tap.Diyo.n ko bajaatii hai muflisii
darvaaze par zanaane bajaate hai.n taaliyaa.n
aur ghar me.n baiThii Domnii detii hai.n gaaliyaa.n
maalan gale kii haar ho dau.Dii le Daaliyaa.n
saqqaa kha.Daa sunaataa hai baate.n razaaliyaa.n
ye KHvaarii ye KHaraabii dikhaatii hai muflisii
ko.ii shuum be-hayaa ko.ii bolaa nikhaTTuu hai
beTii ne jaanaa baap to meraa nikhaTTuu hai
beTe pukaarte hai.n ki baabaa nikhaTTuu hai
biibii ye dil mai.n kahtii hai achchhaa nikhaTTuu hai
aaKHir nikhaTTuu naam dharaatii hai muflisii
muflis kaa dard dil me.n ko.ii Thaantaa nahii.n
muflis kii baat ko bhii ko.ii maantaa nahii.n
zaat aur hasab-nasab ko ko.ii jaantaa nahii.n
suurat bhii us kii phir ko.ii pahchaantaa nahii.n
yaa.n tak nazar se us ko giraatii hai muflisii
jis vaqt muflisii se ye aa kar hu.aa tabaah
phir ko.ii is ke haal pa kartaa nahii.n nigaah
daaliidarii kahe ko.ii Thahraa de ruu-siyaah
jo baate.n umr bhar na sunii hove.n us ne aah
vo baate.n us ko aa ke sunaatii hai.n muflisii
chuulhaa tavaanaa paanii ke maTke me.n aabii hai
piine ko kuchh na khaane ko aur ne rakaabii hai
muflis ke saath sab ke ta.ii.n be-hijaabii hai
muflis kii joruu sach hai ki yaa.n sab kii bhaabii hai
izzat sab us ke dil kii ga.nvaatii hai muflisii
kaisaa hii aadmii ho par iflaas ke tufail
ko.ii gadhaa kahe use Thahraa de ko.ii bail
kap.De phaTe tamaam ba.Dhe baal phail phail
mu.nh KHushk daa.nt zard badan par jamaa hai mail
sab shakl qaidiyo.n kii banaatii hai muflisii
har aan dosto.n kii mohabbat ghaTaatii hai
jo aashnaa hai.n un kii to ulfat ghaTaatii hai
apne kii mehr Gair kii chaahat ghaTaatii hai
sharm-o-hayaa o izzat-o-hurmat ghaTaatii hai
haa.n naaKHun aur baal ba.Dhaatii hai muflisii
jab muflisii hu.ii to sharaafat kahaa.n rahii
vo qadr zaat kii vo najaabat kahaa.n rahii
kap.De phaTe to logo.n me.n izzat kahaa.n rahii
ta.aziim aur tavaazo.a kii baabat kahaa.n rahii
majlis kii juutiyo.n pe biThaatii hai muflisii
muflis kisii kaa la.Dkaa jo le pyaar se uThaa
baap us kaa dekhe haath kaa aur paa.nv kaa ka.Daa
kahtaa hai ko.ii juutii na leve kahii.n churaa
naT-khaT uchakkaa chor daGaabaaz gaTh-kaTaa
sau sau tarah ke aib lagaatii hai muflisii
rakhtii nahii.n kisii kii ye Gairat kii aan ko
sab KHaak me.n milaatii hai hurmat kii shaan ko
sau mehnato.n me.n us kii khapaatii hai jaan ko
chorii pe aa ke Daale hii muflis ke dhyaan ko
aaKHir nadaan bhiik ma.ngaatii hai muflisii
duniyaa me.n le ke shaah se ai yaar taa-faqiir
KHaaliq na muflisii me.n kisii ko kare asiir
ashraaf ko banaatii hai ik aan me.n faqiir
kyaa kyaa mai.n muflisii kii KHaraabii kahuu.n 'naziir'
vo jaane jis ke dil ko jalaatii hai muflisii

Nazeer Akbarabadi
Nazm

online aashiq

net iijaad hu.aa hijr ke maaro.n ke liye
search engine hai ba.Dii chiiz ku.nvaaro.n ke liye

Khalid Irfan
Nazm

mele

baap kii u.nglii thaame
ik nanhaa saa bachcha
pahle-pahal mele me.n gayaa to
apnii bholii-bhaalii
kancho.n jaisii aa.nkho.n se
ik duniyaa dekhii
ye kyaa hai aur vo kyaa hai
sab us ne puuchhaa
baap ne jhuk kar
kitnii saarii chiizo.n aur khelo.n kaa
us ko naam bataayaa
naT kaa
baaziigar kaa
jaaduugar kaa
us ko kaam bataayaa
phir vo ghar kii jaanib lauTe
god ke jhuule me.n
bachche ne baap ke ka.ndhe par sar rakkhaa
baap ne puuchhaa
nii.nd aatii hai

Javed Akhtar
Nazm

shahr-nama

ko.ii taajir-e-hasb-o-nasab
ko.ii dii.n-farosh qadiim hai
yahaa.n kafsh-bar bhii imaam hai.n
yahaa.n na.at-KHvaa.n bhii kaliim hai

Ahmad Faraz
Nazm

mujhe sochne de

merii naakaam mohabbat kii kahaanii mat chhe.D
apnii maayuus uma.ngo.n kaa fasaana na sunaa
zindagii talKH sahii zahr sahii sam hii sahii
dard o aazaar sahii jabr sahii Gam hii sahii
lekin is dard-o-Gam o jabr kii vus.at ko to dekh
zulm kii chhaa.nv me.n dam to.Dtii KHilqat ko to dekh
apnii maayuus uma.ngo.n kaa fasaana na sunaa
merii naakaam mohabbat kii kahaanii mat chhe.D
jalsa-gaaho.n me.n ye dahshat-zada sahme amboh
rahguzaaro.n pe falaakat-zada logo.n ke giroh
bhuuk aur pyaas se pazh-murda siyah-faam zamii.n
tiira-o-taar makaa.n muflis o biimaar makii.n
nau-e-insaa.n me.n ye sarmaaya o mehnat kaa tazaad
amn o tahziib ke parcham tale qaumo.n kaa fasaad
har taraf aatish o aahan kaa ye sailaab-e-aaziim
nit-na.e tarz pe hotii hu.ii duniyaa taqsiim
lahlahaate hu.e kheto.n pe javaanii kaa samaa.n
aur dahqaan ke chhappar me.n na battii na dhu.aa.n
ye falak-bos mile.n dilkash o siimii.n baazaar
ye Galaazat pe jhapaTte hu.e bhuuke naadaar
duur saahil pe vo shaffaaf makaano.n kii qataar
sarsaraate hu.e pardo.n me.n simaTte gulzaar
dar-o-diivaar pe anvaar kaa sailaab-e-ravaa.n
jaise ik shaa.er-e-mad.hosh ke KHvaabo.n kaa jahaa.n
ye sabhii kyuu.n hai ye kyaa hai mujhe kuchh sochne de
kaun insaa.n kaa KHudaa hai mujhe kuchh sochne de
apnii maayuus uma.ngo.n kaa fasaana na sunaa
merii naakaam mohabbat kii kahaanii mat chhe.D

Sahir Ludhianvi
Nazm

ek kamra-e-imtihan mein

is tarah ke manzar mai.n
imtihaan-gaaho.n me.n dekhtaa hii rahtaa thaa
naql karne vaalo.n ke
nit-na.e tariiqo.n se
aap lutf letaa thaa dosto.n se kahtaa thaa
kis taraf se jaane ye
aaj dil ke aa.ngan me.n ik KHayaal aayaa hai
saik.Do.n savaalo.n saa ik savaal laayaa hai
vaqt kii adaalat me.n
zindagii kii suurat me.n
ye jo tere haatho.n me.n ik savaal-naama hai
kis ne ye banaayaa hai
kis liye banaayaa hai
kuchh samajh me.n aayaa hai

Amjad Islam Amjad
Nazm

hubb-e-watan

sunte ho saama.iin-e-baa-tamkii.n
sunte ho haazriin-e-sadr-nashii.n
jo hai.n duniyaa me.n qaum ke hamdard
banda-e-qaum un ke hai.n zan o mard
baap kii hai du.aa ye bahr-e-pisar
qaum kii mai.n banaa.uu.n us ko sipar
maa.n KHudaa se ye maa.ngtii hai muraad
qaum par se nisaar ho aulaad
bhaa.ii aapas me.n karte hai.n paimaa.n
tuu agar maal de to mai.n duu.n jaa.n
ahl-e-himmat kamaa ke laate hai.n
ham-vatan faa.ede uThaate hai.n
kahii.n hote hai.n madrase jaarii
daKHl aur KHarj jin ke hai.n bhaarii
aur kahii.n hote hai.n club qaa.em
mab.has-e-hikmat aur adab qaa.em
nit-na.e khulte hai.n davaa-KHaane
bante hai.n saik.Do.n shifaa-KHaane
mulk me.n jo maraz hai.n aalam-giir
qaum par un kii farz hai tadbiir
hai.n sadaa is udhe.D-bun me.n tabiib
ki ko.ii nusKHa haath aa.e ajiib
qaum ko pahu.nche manfa.at jis se
mulk me.n phaile.n faa.ede jis ke
khap ga.e kitne ban ke jhaa.Do.n me.n
mar ga.e saik.Do.n pahaa.Do.n me.n
likhe jab tak jiye safar-naame
chal diye haath me.n qalam thaame
go safar me.n uThaa.e ra.nj-e-kamaal
kar diyaa par vatan ko apne nihaal
hai.n ab in ke gavaah hubb-e-vatan
dar-o-diivaar-e-paris o london
kaam hai.n sab bashar ke ham-vatano.n
tum se bhii ho sake to mard bano
chho.Do afsurdagii ko josh me.n aa.o
bas bahut so.e uTTho hosh me.n aa.o
qaafile tum se ba.Dh ga.e koso.n
rahe jaate ho sab se piichhe kyuu.n
qaafilo.n se agar milaa chaaho
mulk aur qaum kaa bhalaa chaaho
gar rahaa chaahte ho izzat se
bhaa.iyo.n ko nikaalo zillat se
un kii izzat tumhaarii izzat hai
un kii zillat tumhaarii zillat hai
qaum kaa mubtadil hai jo insaa.n
be-haqiiqat hai garche hai sultaa.n
qaum duniyaa me.n jis kii hai mumtaaz
hai faqiirii me.n bhii vo baa-e.azaaz
izzat-e-qaum chaahte ho agar
jaa ke phailaa.o un me.n ilm-o-hunar
zaat kaa faKHr aur nasab kaa Guruur
uTh ga.e ab jahaa.n se ye dastuur
ab na sayyad kaa iftiKHaar sahiih
na barhaman ko shudr par tarjiih
hu.ii turkii tamaam KHaano.n me.n
kaT ga.ii ja.D se KHaandaano.n me.n
qaum kii izzat ab hunar se hai
ilm se yaa ki siim-o-zar se hai
ko.ii din me.n vo daur aa.egaa
be-hunar bhiik tak na paa.egaa
na rahe.nge sadaa yahii din raat
yaad rakhnaa hamaarii aaj kii baat
gar nahii.n sunte qaul 'haalii' kaa
phir na kahnaa ki ko.ii kahtaa thaa

Altaf Hussain Hali
Nazm

jaane kyun aisa hun main

lambe vaqt se soch rahaa huu.n
jaane kyuu.n aisaa huu.n mai.n
milne se ghabraataa huu.n mai.n jhuuT nahii.n kah paataa huu.n
us ke shikve us kii shikaayat jhag.De se Dar jaataa huu.n
idhar-udhar kii baate.n mujh ko zaraa na KHush kar paatii hai.n
jaane kyuu.n aisaa huu.n mai.n
dost nahii.n ban paate mere
rishte nahii.n sambhalte hai.n
bejaa mohabbat bejaa takalluf
dono.n ochhe lagte hai.n
auro.n kii kamiyo.n ko bilkul
achchhaa nahii.n kah paataa huu.n
jaane kyuu.n aisaa huu.n mai.n
achchhe bhale kaamo.n me.n aksar
der bahut kar detaa huu.n
ammii se baate.n karnii huu.n beTii ke school ho jaanaa
ko.ii nayaa novel pa.Dhnaa ho ko.ii kahaanii likhnii ho
sab ko Taaltaa rahtaa huu.n
jaane kyuu.n aisaa huu.n mai.n
bhii.D bhare shahro.n se mujh ko
vahshat sii ho jaatii hai
gaa.nv jangal sunsaan jag.he.n
aksar KHush aa jaatii hai.n
ko.ii alha.D chehra dekhuu.n man ko vo bhaa jaataa hai
jaane kyuu.n aisaa huu.n mai.n
pe.Do.n ke pairaahan dekhuu.n phuulo.n kii KHushbuu ko suu.nghuu.n
ra.ng-bira.ngii titliyaa.n pak.Duu.n halkii halkii buu.nde.n bhii
ThanDii naram havaa.e.n jab jab chupke se chhuu jaatii hai.n
yaa koyal kii bolii sun luu.n man byaakul ho jaataa hai
jaane kyuu.n aisaa huu.n mai.n
naT banjaaran sanyaasii aur khel-tamaashe vaale log
kha.nDar viiraana jaltii dhuup phuulii sarso.n dhaan ke khet
laal pata.ng aur piilii mainaa indr-dhanush aur nadii kii dhaar
aate hai.n jab KHvaab me.n mere diivaana ho jaataa huu.n
jaane kyuu.n aisaa huu.n mai.n
bahut mujhe achchhaa kahte hai.n buraa bhii ko.ii kahtaa hai
saamne merii mad.h-saraa.ii piichhe gaalii detaa hai
hamdardii hai ko.ii dikhaataa ko.ii saazish kartaa hai
phir bhii chup chup saa rahtaa huu.n jaise bahut anjaan huu.n mai.n
jaane kyuu.n aisaa huu.n mai.n
tho.Dii sii aazaadii mujh ko tho.Daa bahut vaqt kaa ziyaa.n
kabhii kabhaar kii achchhii baate.n kisii kisii kaa sachchaa pyaar
chhoTii-moTii ko.ii sharaarat khilkhilaa kar ha.nsnaa bhii
ye sab KHush kar jaate hai.n jab to
lagtaa hai ki zinda huu.n
jaane kyuu.n aisaa huu.n mai.n

Abu Bakr Abbad
Nazm

guru-nanak

hai.n kahte naanak shaah jinhe.n vo puure hai.n aagaah guruu
vo kaamil-e-rahbar jag me.n hai.n yuu.n raushan jaise naah guruu
maqsuud muraad ummiid sabhii bar laate hai.n dil-KHvaah guruu
nit lutf-o-karam se karte hai.n ham logo.n kaa nirbaah guruu
is baKHshish ke is azmat ke hai.n baabaa naanak shaah guruu
sab siis navaa ardaas karo aur har dam bolo vaah guruu
har aan dilo.n vich yaa.n apne jo dhyaan guruu kaa dharte hai.n
aur sevak ho kar un ke hii har suurat beach kahaate hai.n
gird apnii lutf-o-inaayat se sukh chain unhe.n dikhlaate hai.n
KHush rakhte hai.n har haal unhe.n sab man kaa kaaj banaate hai.n
is baKHshish ke is azmat ke hai.n baabaa naanak shaah guruu
sab siis navaa ardaas karo aur har dam bolo vaah guruu
din raat jinho.n ne yaa.n dil vich hai yaad guruu se kaam liyaa
sab man ke maqsad bhar paa.e KHush-vaqtii kaa ha.ngaam liyaa
dukh dard me.n apne dhyaan lagaa jis vaqt guruu kaa naam liyaa
pal beach guruu ne aan unhe.n KHush-haal kiyaa aur thaam liyaa
is baKHshish ke is azmat ke hai.n baabaa naanak shaah guruu
sab siis navaa ardaas karo aur har dam bolo vaah guruu
altaaf jinho.n par hai.n un ke so KHuubii haasil hai un ko
har aan 'naziir' ab yaa.n tum bhii to baabaa naanak shaah kaho
is baKHshish ke is azmat ke hai.n baabaa naanak shaah guruu
sab siis navaa ardaas karo aur har dam bolo vaah guruu

Nazeer Akbarabadi
Nazm

musafir

musaafir yuu.nhii giit gaa.e chalaa jaa
sar-e-rahguzar kuchh sunaa.e chalaa jaa
tirii zindagii soz-o-saaz-e-mohabbat
ha.nsaa.e chalaa jaa rulaa.e chalaa jaa
tire zamzame hai.n KHunuk bhii tapaa.n bhii
lagaa.e chalaa jaa bujhaa.e chalaa jaa
ko.ii laakh roke ko.ii laakh Toke
qadam apne aage ba.Dhaa.e chalaa jaa
hasii.n bhii tujhe raaste me.n mile.nge
nazar mat milaa muskuraa.e chalaa jaa
mohabbat ke naqshe tamannaa ke KHaake
banaa.e chalaa jaa miTaa.e chalaa jaa
qadaamat hade.n khii.nchtii hii rahegii
qadaamat kii buniyaad Dhaa.e chalaa jaa
qasam shauq kii fitrat-e-muztarib kii
yuu.nhii nit-na.ii dhun me.n gaa.e chalaa jaa
jo parcham uThaa hii liyaa sar-kashii kaa!
use aasmaa.n tak u.Daa.e chalaa jaa

Asrarul Haq Majaz
Nazm

roe bhagat kabir

puuchh na kyaa lahore me.n dekhaa ham ne miyaa.n-'naziir'
pahne.n suiT a.ngrezii bole.n aur kahlaa.e.n 'miir'
chaudhariyo.n kii muTThii me.n hai shaa.ir kii taqdiir
ro.e bhagat kabiir
ik-duuje ko jaahil samjhe.n naT-khaT buddhiivaan
metro me.n jo chaa.e pilaa.e bas vo baap samaan
sab se achchhaa shaa.ir vo hai jis kaa yaar mudiir
ro.e bhagat kabiir
sa.Dko.n par bhuuke phirte hai.n shaa.ir mausiiqaar
actorso.n ke baap liye phirte hai.n motor-kaar
film-nagar tak aa pahu.nche hai.n sayyad piir faqiir
ro.e bhagat kabiir
laal-diin kii koThii dekhii rang bhii jis kaa laal
shahr me.n rah kar KHuub u.Daa.e dahqaano.n kaa maal
aur kahe ajdaad ne baKHshii mujh ko ye jaagiir
ro.e bhagat kabiir
jis ko dekho leader hai aur se milo vakiil
kisii tarah bhartaa hii nahii.n hai peT hai un kaa jhiil
majbuuran sun.naa pa.Dtii hai un sab kii taqdiir
ro.e bhagat kabiir
mahfil se jo uTh kar jaa.e kahlaa.e vo bor
apnii masjid kii taariife.n baaqii juute-chor
apnaa jhang bhalaa hai pyaare jahaa.n hamaarii hiir
ro.e bhagat kabiir

Habib Jalib
Nazm

waqt ki piTh par

vaqt kii piiTh par
kachche lamho.n ke dhaago.n me.n lipTaa hu.aa
shahr kii sii.Dhiyo.n par saraktaa hu.aa
nit na.e
KHud-kushii ke tariiqo.n kaa muujid banaa
habshii raato.n ke jangal me.n bikhrii hu.ii
lams kii haDDiyaa.n
chun rahaa huu.n na jaane mai.n kis ke liye
jab mire naam ke lafz tanhaa the logo
tumhe.n surKH ho.nTo.n kii KHairaat
kaise milii ye bataa.o
refrigerator me.n rakkhii hu.ii tashtarii me.n
mirii dono.n aa.nkhe.n barahna pa.Dii thii.n
vahaa.n tak kisii KHvaab ke haath pahu.nche nahii.n
kabuutar kii aa.nkho.n me.n
TuuTe hu.e aasmaano.n kaa tanazzul na dekho
badan ke shikasta kha.nDar se nikal bhaagne ke liye phir
tumhaarii madad kii zaruurat hai mujh ko

Adil Mansuri
Nazm

hum

bisaat par jo bhii hai
vo hone kii mohlato.n me.n asiir
paiham badal rahaa hai
vajuud vo hiddat-e-ravaa.n hai
jo nit-na.ii hai.ato.n me.n baaqii hai
aur us ko fanaa nahii.n

Zia Jalandhari
Nazm

naya din

suuraj!
ik naT-khaT baalak-saa
din bhar shor machaa.e
idhar udhar chi.Diyo.n ko bikhere
kirno.n ko chhitraa.e
qalam daraa.ntii barush hathau.Daa
jagah jagah phailaa.e

Nida Fazli
Nazm

mujhe kahna hai

nahii.n mai.n yuu.n nahii.n kahtaa
ki ye duniyaa jahannam aur ham sab is kaa ii.ndhan hai.n
nahii.n yuu.n bhii nahii.n kahtaa
ki ham jannat ke baasii hai.n
saro.n par laa-javrdii shaamiyaane aur pairo.n me.n
niraale zaa.eqo.n vaale phalo.n ke pe.D shiir o shahad kii nahre.n machaltii hai.n
mujhe to bas yahii kuchh aam sii kuchh chhoTii chhoTii baate.n kahnii hai.n
mujhe kahnaa hai
is dhartii pe gulshan bhii hai.n sahraa bhii
mahaktii narm miTTii bhii
aur us kii kokh me.n KHvaabo.n kaa jaaduu aane vaalii nit na.ii faslo.n kii KHushbuu bhii
chaTaKHtii aur taptii saKHt be-his KHuun kii pyaasii chaTaane.n bhii
mujhe kahnaa hai
ham sab apnii dhartii kii
buraa.ii aur bhalaa.ii saKHtiyo.n aur narmiyo.n achchhaa.iyo.n kotaahiyo.n har ra.ng
har pahluu ke maz.har hai.n
hame.n insaan kii maanind
KHair o shar mohabbat aur nafrat dushmanii aur dostii ke saath jiinaa hai
isii dhartii kaa shahad o sam
isii dhartii ke khaT-miTh jaane pahchaane maze kaa jaam piinaa hai
mujhe bas itnaa kahnaa hai
ki ham ko aasmaano.n yaa KHalaa.o.n kii ko.ii maKHluuq mat samjho

Bashar Nawaz
Nazm

tumhaari aankhen

tumhaarii aa.nkhe.n
tumhaarii kaalii chamaktii aa.nkhe.n
zamaane ke saagar me.n
do aabnuusii kashtiyaa.n
jin kii tah me.n
taare ja.De hu.e hai.n
palko.n ke mastuul thartharaate hai.n
har gha.Dii har dam
hiltii Doltii bahtii chalii jaa rahii hai.n
mat roko in ko
inhe.n lambe duur-daraaz safar karne do
dukh kii tilmilaatii lahro.n
aa.nsuu.o.n ke bha.nvar me.n
pha.nsne do in ko
aur inhe.n phir
nit-na.ii anjaanii aashaa.o.n ke
sunahre saahilo.n se
Takraane do
aise vaiso.n ke paas inhe.n le jaa.o
jahaa.n KHushiyo.n ke hiire
patthar ke saath mile-jule
chatiyal maidaano.n me.n
bikhre pa.De hu.e hai.n
aur jahaa.n uu.nchii nokiilii saKHt
chaTaano.n ke siine
chiir kar
naazuk naayaab mahakte phuul nikal aa.e hai.n
guzarne do
in maTiyaale bhuure saayo.n ke
niiche se un ko
jo dil ko Thahraa dete hai.n
aur un aasmaanii niilii
raushniyo.n kii halkii maddham zau
pa.Dne do in par
jin se
man ke sab a.ndhiyaare
dhul jaate hai.n
aazaad rakho
apnii in achchhii aa.nkho.n ko aazaad
barkhaa me.n baadal
sahraa me.n aahuu
ban me.n jaise mor papiihe ho.n
phir ye tumhaarii
kaalii aa.nkhe.n
aabnuus kii do mahaktii bahaktii kashtiyaa.n
indr-dhanush ke
saato.n ra.ngo.n se bhar jaa.e.ngii
aur ham tum se puuchhe.nge
bataa.o
ye do aa.nkhe.n tumhaarii
hame.n kyo.n itnii achchhii lagtii hai.n

Sajjad Zaheer
Nazm

unhen mujhse shikayat hai

unhe.n mujh se shikaayat hai ki mai.n maazii me.n jiitii huu.n
mire ash.aar me.n aaseb hai.n guzre zamaano.n ke
vo kahte hai.n kii yaade.n saa.e kii maanind mere saath rahtii hai.n
ye sach hai is se kab inkaar hai mujh ko
mai.n aksar jaagte din me.n bhii aa.nkhe.n muu.nd letii huu.n
ko.ii suurat ko.ii aavaaz ko.ii zaa.iqa yaa lams jab jaaduu jagaataa hai
to gard-aaluud miinaa-taur tasviire.n achaanak bolne lagtii hai.n naaTak-manch sajtaa hai
kisii TuuTe hu.e sanduuq me.n rakkhe hu.e
bosiida maKHtuute se ko.ii daastaa.n tamsiil ban jaatii hai
jii uThte hai.n sab kirdaar maazii ke
sipaahii baadshaah KHil.at navaadir raqs-o-mausiiqii
kisii ke paa.nv me.n paa.el dhanak aa.nchal
kisii shamshiir kii bijlii ghanii barsaat kii badlii
kisii baara-darii me.n raag diipak kaa
kisii sehn-e-gulistaa.n me.n kadam ke pe.D par baiThii hu.ii chi.Diyaa.n
achaanak jaag jaatii hai.n
kisii gumnaam qasbe me.n ko.ii TuuTii hu.ii mehraab KHasta-haal-Dev.Dhii kii jhalak
ma.aduum kar detii hai hotel chaa.e-KHaane bas ke adde Dher kuu.De ke
ka.ii sadiyaa.n guzar jaatii hai.n sar se
aur ko.ii gum-gashta shahr-e-raftagaa.n bedaar hotaa hai
isii manzar kaa hissa ban ke mai.n tasviir ho jaatii huu.n kho jaatii huu.n maazii me.n
me.n aksar aabnaa-e-vaqt par kaaGaz kii naav Daal detii huu.n
to paanii apnaa rasta mo.D detaa hai
mai.n jab chaahuu.n
salonii saa.nvlii naT-khaT madhur yaade.n uThaa laa.uu.n la.Dakpan ke gharo.ndo.n se
mai.n jab chaahuu.n to kaalii koTharii me.n qaid
ranjiida pashemaa.n zaKHm-KHuurda-saa.ato.n biite dino.n ko pyaar se chhuu kar
dilaasa duu.n thapak kar loriyaa.n duu.n
KHuub ro.uu.n KHuub ro.uu.n shaant ho jaa.uu.n
ye maazii meraa maazii hai
faqat mere tasarruf me.n hai
merii milkiyyat hai meraa virsa hai
na meraa haal par bas hai
aur aane vaalaa kal bhii kis ne dekhaa hai

Azra Naqvi
Nazm

kash samajhdar na banun

siskii aur qahqaha
mai.n apne paa.nv tale se jannat nikaal kar
ba.Dii KHushii se tumhe.n sau.npne ke liye tayyaar huu.n
mai.n apne paa.nv me.n ba.ndhii grihastii kii be.Diyo.n ko
bas tho.Daa saa Dhiilaa kar rahii huu.n
ziyaada duur nahii.n jaa.uu.ngii
ek qahqaha lagaa kar ek siskii bhar kar
yaa ek nazm likh kar lauT aa.uu.ngii
mai.n aazaad aurat huu.n lekin
agar mere bachcho.n ke baalo.n me.n liikhe.n pa.D jaa.e.n
un kii gardan par pasiina milii miTTii nazar aa.e
mere khaano.n me.n masaalaho.n kii tartiib ga.Dba.D ho jaa.e
bachcho.n ke home-work kii copy par
not-done likhaa hu.aa aa jaa.e
ghar aa.e mehmaano.n ko KHush-aamdiid kahte hu.e
ek cup chaa.e bhii na pilaa sakuu.n
office se lauTte hu.e thake hu.e shauhar se
haal-ahvaal bhii na puuchhuu.n
to merii saa.nse.n ghuTTii hu.ii
aur qahqaha phaTii phaTii aa.nkhe.n
aur nazm adhuuraa KHvaab lagtii hai
KHudaa ne nubuvvat ataa karte hu.e imaam banaate hu.e
puurii qalandarii ataa karte hu.e
mujh par e'tibaar nahii.n kiyaa thaa
puurii qaum ko a.alaa nasl dene kii zimmedaarii
faqat merii hai
is aa.alii mansab par kaam karte karte
mai.n thak bhii to saktii huu.n
merii ittifaaqii ruKHsat manzuur ho chukii hai
mai.n jaa rahii huu.n ek siskii bharne ek qahqaha lagaane
aur ek nazm likhne ke liye
chhuTTii aKHlaaqii taur par manzuur hone ke baavajuud
ghar kii har chiiz ko mujh se shikaayat
kyuu.n hai
bachcho.n ke chehre par Gussa dekh kar sochtii huu.n
qahqaha ayyaashii aur siskii yaa aas hai
aur nazm paa.nv me.n chubhaa hu.aa kaa.nch kaa Tuk.Daa hai
merii maa.n kahtii hai
tum mujh se achchhii maa.n nahii.n ho
tum ajab ho ghar shauhar aur bachcho.n ke alaava
aur bhii kuchh chaahtii ho
merii beTii mere haath se qalam chhiin kar
kahtii hai french-fry banaa kar do
mai.n sochtii huu.n
merii beTii ko bhii jab
ek qahqahe nazm yaa tasviir ke liye
apnii zindagii kii tijorii se
kuchh pal darkaar ho.nge
to mai.n use kyaa mashvara duu.ngii
qahqaha bachpan kii bichh.Dii hu.ii sakhii
siskii haatho.n se u.Dtaa hu.aa panchhii
aur nazm gunaah hai

Ateeya Daud
Nazm

tumhein likhna na aata tha

kabhii tum apne pahluu me.n liTaa kar
aasmaa.n ke nit-na.e asraar samjhaatii.n
vo dekho
kahkashaa.n kahte hai.n jis ko ye haqiiqat me.n
nabii-jii kii savaarii ke qadam kii dhuul hai saarii

Ishrat Afreen
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now