Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "a.asaab"

Nazm MATCHES FOR "a.asaab"

Nazm

taj-mahal

dost! mai.n dekh chukaa taaj-mahal
.....vaapas chal
marmarii.n marmarii.n phuulo.n se ubaltaa hiiraa
chaa.nd kii aa.nch me.n dahke hu.e siimii.n miinaar
zehn-e-shaa.er se ye kartaa hu.aa chashmak paiham
ek malika kaa ziyaa-posh o fazaa-taab mazaar
KHud ba-KHud phir ga.e nazro.n me.n ba-andaaz-e-savaal
vo jo rasto.n pe pa.De rahte hai.n laasho.n kii tarah
KHushk ho kar jo simaT jaate hai.n be-ras a.asaab
dhuup me.n khop.Diyaa.n bajtii hai.n taasho.n kii tarah
dost mai.n dekh chukaa taaj-mahal
.....vaapas chal

Kaifi Azmi
Nazm

good-night

nii.nd mere aasaab pe savaar ho chukii hai
umiid ne daaman jhaTak kar
dahliiz par uu.nghtii hu.ii aa.nkho.n ke haath zaKHmii kar diye hai.n
intizaar
apne mantiqii anjaam ko pahu.nch rahaa hai
ab mai.n so jaanaa chaahtaa huu.n
nii.nd se merii aa.nkhe.n band ho rahii hai.n
haa.n
sub.h agar merii aa.nkhe.n na khul sake.n
to mujhe mu.aaf kar denaa

Ali Sahil
Nazm

mardana kamzori

ek aise jahaa.n ko KHayaalo.n me.n laataa huu.n
jis me.n sabhii 'aurate.n
shaadmaanii me.n khul kar ha.nse.n
dard me.n mard bhii ro sake.n
mai.n bahut ro ke chillaa ke duniyaa ko batlaa sakuu.n
mere aa'saab me.n kis qadar dard hai
mai.n tasavvur me.n laataa huu.n aisii jagah
jis jagah mujh ko rotaa hu.aa dekh kar
ko.ii ye na kahe
mard ban mard ban

Shoaib Kiani
Nazm

meri tarah

ai mire dushman-e-jaa.n
mai.n tujhe aur to kuchh kah nahii.n saktaa lekin
kaash taqdiir kabhii tujh ko dikhaa.e vo din
jab mohazzab sii tavaa.if ko.ii
apne peshe kii mazammat kar ke
tujh se iz.haar-e-mohabbat kar ke
tere a.asaab pe nashshe kii tarah chhaa jaa.e
aur tujhe
us kii mohabbat kaa yaqii.n aa jaa.e
ai mire dushman-e-jaa.n

Qateel Shifai
Nazm

muflis

qarz kii darKHvaast kii uljhii hu.ii taqriir me.n
kapkapii a.asaab kii bechain dil kii larzishe.n

Josh Malihabadi
Nazm

uncha makan

apne a.asaab ko aasuuda banaane ke liye
bhuul kar tiirgi-e-ruuh ko mai.n aa pahu.nchaa
is bulandii ke qadam mai.n ne liye
jis pe tuu saika.Do.n aa.nkho.n ko jhapakte hu.e istaada hai
tire baare me.n sunaa rakkhii thii.n logo.n ne mujhe
kuchh hikaayaat-e-ajiib
mai.n ye suntaa thaa tire jism-e-giraa.n-baar me.n bistar hai bichhaa
aur ik naaznii.n leTii hai vahaa.n tanhaa.ii
ek phiikii sii thakan ban ke ghusii jaatii hai
zehn me.n us ke magar vo betaab
muntazir us kii hai parda larze
pairahan ek Dhalaktaa hu.aa baadal ban jaa.e
aur dar aa.e ik an-dekhii anokhii suurat
kuchh Garaz us ko nahii.n hai is se
dil ko bhaatii hai nahii.n bhaatii hai
aane vaale kii adaa
us kaa hai ek hii maqsuud vo istaada kare
bahr-e-a.asaab kii ta.amiir kaa ik naqsh-e-ajiib
jis kii suurat se karaahat aa.e
aur vo ban jaa.e tiraa madd-e-muqaabil pal me.n
zehn-e-insaanii kaa tuufaan kha.Daa ho jaa.e
aur vo naaznii.n be-saaKHta be-laag iraade ke baGair
ek girtii hu.ii diivaar nazar aane lage
shab ke be-ruuh tamaashaa.ii ko
bhuul kar apnii thakan kaa naGma
muKHtasar larzish-e-chashm-e-dar se
reg ke qasr ke maanind subuksaar kare
bahr-e-a.asaab kii ta.amiir kaa ik naqsh-e-ajiib
ek girtii hu.ii diivaar kii maanind lachak khaa jaa.e

Meeraji
Nazm

sabza-e-begana

hasab-nasab hai na taariiKH o jaa-e-paidaa.ish
kahaa.n se aayaa thaa maz.hab na valdiyat ma.aluum
maqaamii chhoTe se KHairaatii aspataal me.n vo
kahii.n se laayaa gayaa thaa vahaa.n ye hai marquum
mariiz raato.n ko chillaataa hai ''mire andar
asiir zaKHmii parinda hai ik, nikaalo ise
guluu-girafta hai ye habs-e-dam hai KHaa.if hai
sitam-rasiida hai mazluum hai bachaa lo ise''
mariiz chiiKHtaa hai dard se karaahtaa hai
ye vietnam, kabhii dominican, kabhii kashmiir
zar-e-kasiir, siyah qaume.n, KHaam madniyaat
kasiif tel ke chashme, avaam, istehsaal
zamii.n kii maut bahaa.im, fizaa.ii ja.ng, sitam
ijaara-daarii, subuk gaam, dilrubaa, atfaal
sarod-o-naGma, adab, sher, amn, barbaadii
janaaza ishq kaa, daf kii sadaa.e.n, murda KHayaal
taraqqii, ilm ke gahvaare, ruuh kaa madfan
KHudaa kaa qatl, ayaa.n zer-e-naaf zohra jamaal
tamaam raat ye be-rabt baate.n kartaa hai
mariiz saKHt pareshaanii kaa sabab hai yahaa.n
Garaz ki jo thaa shikaayat kaa ek daftar thaa
natiija ye hai usii roz muntaqil karke
use ik aur shifaa-KHaane ko ravaana kiyaa
sunaa gayaa hai vahaa.n nafsiyaat ke maahir
tabiib haaziq o nabbaaz doctor kitne
talab kiye ga.e aur sab ne ittifaaq kiyaa
ye ko.ii zehnii maraz hai, mariiz ne shaayad
kabhii parinda ko.ii paalaa hogaa lekin vo
adam-e-tavajjohii yaa ittifaaq se yuu.nhii
bichaara mar gayaa us maut kaa asar hai ye
ajiib chiiz hai taht-e-shu.uur insaa.n kaa
ye aur kuchh nahii.n ehsaas-e-jurm hai jis ne
dil o dimaaG pe qabza kiyaa hai is darja
mariiz qaatil o mujrim samajhtaa hai KHud ko!
kisii kii raa.e thii pasmaa.nda qaum kaa ik fard
mariiz hogaa isii vaaste siyah qaume.n
Gariib ke liye ik taboo ban ga.ii.n afsos
ko.ii ye kahtaa thaa ye asal me.n hai hubb-e-vatan
mariiz chaahtaa thaa ham kafiil ho.n apne
kisii bhii qaum ke aage na haath phailaa.e.n
yahii.n pe tel ke chashme hai.n, vo kare.n daryaaft!
gumaan kuchh ko thaa ye shaKHs ko.ii shaa.er hai
jo chaahtaa thaa jahaa.n-gardii me.n guzaare vaqt
hasiin aurte.n maa.il ho.n lutf-o-aish rahe
qalam ke zor se shohrat mile zamaane me.n
zar-e-kasiir bhii haath aa.e is bahaane se
magar Gariib kii sab koshishe.n ga.ii.n naakaam
shikast-e-paiham o ehsaas-e-naa-rasaa.ii ne
ye haal kar diyaa majruuh hoga.e a.asaab
Garaz ki nukta-rassii me.n guzar gayaa sab vaqt
vo chiiKHtaa hii rahaa dard kii davaa na milii
nashist baa'd nashist aur mu.aa.ene shab o roz
inhii.n me.n vaqt guzartaa gayaa shifaa na milii
phir ek shaam vahaa.n surma-dar-guluu aa.ii
jo us ke vaaste goyaa tabiib-e-haaziq thii
kisii ne phir na sunii dard se bharii aavaaz
karaahtaa thaa jo KHaamosh ho gayaa vo saaz

Akhtarul Iman
Nazm

december ki aawaz

december chiiKHtaa hai jab rago.n me.n
lutf se aarii pareshaa.n mahfilo.n me.n
mujh ko vo badnaam dushman yaad aataa hai
jo mere KHuun kaa pyaasaa galii se jab guzartaa thaa
mire a.asaab me.n ik sansanii sii dau.D jaatii thii
mai.n is lamhe kii barham aag me.n jaltaa hu.aa
mahsuus kartaa thaa
mai.n zinda huu.n musalsal huu.n
mai.n zinda huu.n musalsal huu.n
vo dushman mar gayaa
yaa dosto.n aa aa milaa
me.n sochtaa huu.n puuchhtaa huu.n
kaun batlaa.egaa
mere fikr aur ehsaas kii be-samt rau
bahtii hai roz-o-shab
december chiiKHtaa hai ab
kahaa.n manzil kahaa.n manzil

Balraj Komal
Nazm

anxiety

tez be-tartiib dha.Dkan aur nafs phuulaa hu.aa
zard chehra aur pasiine se badan bhiigaa hu.aa
jism ke har a.ng me.n jaise chubhe huu.n KHaar se
jis tarah a.asaab me.n har-dam ravaa.n ho.n bijliyaa.n
lamha lamha be-qaraarii be-yaqiinii vasvase
ai mirii jaa.n jab nahii.n hotii tuu mere saamne
tuu musalsal aisii kaifiyat hii me.n rahtaa huu.n mai.n

Kashif Rafiq
Nazm

dukhti haDDiyon ki wakalat

dikhtii haDDiyaa.n kahtii hai aaraam karo ab
dil kahtaa hai abhii nahii.n abhii to kaam pa.Daa hai sab
magar ek aur hii bolii boltaa hai dimaaG
pahle kaun saa tiir maar liyaa thaa aap ne jo ab phir chale hai.n jauhar dikhaane
sarau.Te kaa don khote aur sarshaar kaa KHudaa.ii faujdaarii bhii
ta.Dapte ho.nge qabr me.n pa.De pa.De
aap kii be-qaraariyaa.n dekh kar
duniyaa hii to badal Daalii aap ne apnii tahriiro.n aur taqriiro.n se
aur kyaa kahne hai.n aap kii siyaasat ke
soto.n ko jagaa diyaa aap ne
zer-dasto.n ko uThaa diyaa zabardasto.n ko giraa diyaa aap ne
sach-much kaa inqilaab hii to barpaa kar ke rakh diyaa aap ne
chho.D jaane diijiye bahut ho ga.ii janaab
sunahre harfo.n me.n likhaa jaa chukaa hai aap kaa naam an-likhii taariiKH me.n
aap vo hero hai.n ko.ii giit nahii.n gaataa jis ke
vo gumnaam sipaahii hai.n jise sirf
aasmaan kii aa.nkh ne dekhaa hotaa hai daad-e-shujaa.at dete
agar aap ke haatho.n vaaqa.ii ko.ii achchhaa kaam sarzad ho gayaa thaa to
yaqiinan pataa hogaa us kaa KHudaa ko
vo is kaa zaruur ajr degaa aap ko
aur sabr se ba.Dh kar kyaa ho saktaa hai ajr
sabr kiijiye zaraa
dukhtii haDDiyo.n kii bhii sun liijiye zaraa
is KHaana-KHaraab-e-dil kii maan kar hii to aap hu.e hai.n KHaana-KHaraab
hamesha bahkaayaa hai us ne aap ko
Galat-salat raasto.n par chalaayaa hai aap ko
jahaa.n chup rahne me.n maslahat thii vahaa.n bolne par uksaayaa hai aap ko
jab haath ba.Dhaa kar jaam uThaane kaa vaqt thaa to
inkisaarii ke chakkar me.n pha.nsaayaa hai aap ko
zaraa apne badan se pochhiye apnii umr aur phir puuchh kar dekhiye dil se
aap sattar ke hai.n naa magar badan kahe gaa saal
aur dil bataa.egaa chaaliis saal
is dil par KHuun kii gulaabii ne
huliya bigaa.D kar rakh diyaa hai achchhe-bhale insaan kaa
pa.Dhe-likkhe shariif aadmii ko dhakel diyaa hai
siyaasat ke qassaab-KHaane me.n
bha.ii jis kaa kaam usii ko saaje aur kare to The.ngaa baaje
aap kyuu.n pareshaan hote hai.n har barii KHabar par
vaise kabhii KHair kii KHabar bhii aa.ii hai vatan-e-aziiz se
yaad nahii.n rahaa aap ke to murshid bhii kahte the baar baar
vo kaam hamaarii zimmedaarii nahii.n hotaa jis kii anjaam-dahii kaa saamaan na de KHudaa
umar-faaruuq ko zeb detaa thaa fikrmand honaa
furaat ke kinaare bhuuk se mar jaane vaale kutte ke liye
is liye ki vo the KHaliifa-a-vaqt
to kan me.n KHvaah-maKHvaah
aap to kotvaal bhii nahii.n kisii shahr ke
aur chale hai.n puure malak kii fikr karne
balki saarii insaaniyat kaa Gam paal rakhaa hai aap ne to
mai.n ne pahle bhii kahaa shaa.iro.n kii bak bak na sunaa kare.n aap ziyaada
ba-qaul-e-KHudaa vo to aadii hai.n Galat-bayaanii ke
haahaa kaa.nTaa chubhe kisii ko ta.Dapte hai.n ham amiir saare jahaa.n kaa dard hamaare jigar me.n hai
aap ko auro.n kii pa.Dii hai.n pahle apnii to nabe.D le.n aap
charity begins at home janaab
aa.iye sukuun se baiThe do gha.Dii
ziyaada der kha.De rahne se aur ba.Dh jaa.egaa ghuTne kaa dard
kyaa KHayaal hai sabz chaa.e ke baare me.n
yaa phir pii liijiye ThanDaa miiThaa ruuh-afzaa
siine aasmaanii mausiiqii baaKH aur motzaarT kii
Dhiilaa chho.Diye zaraa a.asaab ko
so jaa.iye so jaa.iye nii.nd aa jaa.e agar
lorii duu.n aap ko
raat-din gardish me.n hai.n saat aasmaa.n
ho rahegaa kuchh na kuchh ghabraa.e.n kyaa

Mohammad Haneef Rame
Nazm

tashannuj

aaj kis aalam me.n hai.n ahbaab mere
aa.nkh me.n taab-o-tab o nam kuchh nahii.n
dil kisii refrigerator me.n rakhe ho.nge kahii.n
jism haazir hai.n yahaa.n Gaa.eb dimaaG
muskuraahaT: ik lipstick KHanda-peshaanii naqaab
ruuh: burqaa-posh: aa.nkhe.n be-hijaab!
kis liye mujh ko pareshaa.n kar rahe hai.n KHvaab mere
nii.nd ke zaKHmii kaf-e-paa se Tapaktaa hai KHud apnaa hii lahuu
KHvaab me.n phuulo.n se aatii hai KHud apne KHuu.n kii buu
be-amal huu.n (KHvaab me.n huu.n) phir bhii jaarii (ek benaam-o-nishaa.n sii) justujuu
darmiyaa.n se is zamii.n ko chiirtaa jaataa hai chaak-e-irtiqaa
maut aa kar khaTkhaTaatii rahtii hai dar aa.nkh kaa
kis liye khi.nchte chale jaate hai.n ye a.asaab mere
ahd-e-nau ke kis muGannii kaa junuu.n
taarsaptak mai.n unhe.n kartaa huu.n tune
kaun in taaro.n ko itnaa kas rahaa hai
TuuT jaa.e.nge to is naGme se bhii mahruum ho jaa.egaa saaz
jis me.n shaamil hai shikast-e-zaat kii aavaaz

Ameeq Hanafi
Nazm

sawari unT ki hai

savaarii uu.nT kii
yaa kaaTh ke a.asaab kii hai
aazmaa.ish ik anokhe KHvaab kii hai
putliyaa.n saakit hai.n
saaya uu.nT kaa hiltaa nahii.n
aa.ii.na-e-aasaar me.n
saarii shabiihe.n gum hu.ii hai.n
us ke hone kaa nishaa.n miltaa nahii.n
kab se galii me.n huu.n
kahaa.n hai vo mirii pyaarii
mirii siilan-zada uutaaq vaalii
vo suriilii ghanTiyo.n vaalii
zamiino.n paaniyo.n aur anfus o aafaaq vaalii
kis qadar aa.ankho.n ne koshish kii
magar ronaa nahii.n aataa
sabab kyaa hai
galii kaa aaKHirii konaa nahii.n aataa
galii ko hukm ho ab KHatm ho jaa.e
mai.n bhuure aur buu.Dhe uu.nT par baiThe hu.e
piirii ke din gintaa huu.n
shaayad is galii me.n rahne vaalaa
ko.ii us ke ahd kaa zambuur hii guzre
mai.n us kii baargah me.n
dast-basta ma.azarat kii bhiik maa.nguu.n
sar nadaamat se jhukaa.u.n
aur us zambuur ke sadqe
kisii din apne buu.Dhe jism ko
aur uu.nT ko le kar
galii kii aaKHirii had paar kar jaa.uu.n!!

Rafiq Sandelvi
Nazm

man arafa nafsahu

raushnii kii ek nannhii sii lakiir
mere kamre ke a.ndhere kaa badan
chupke chupke TaToltii hai
jis tarah habshii hasiina ke Dhale
sandal ke se
aabnuusii jism ke a.asaab me.n
tez suu.ii kii achaanak ik chubhan
sarsaraate saa.np kii maanind dau.Daatii hai KHuu.n
jhanjhanaa uThte hai.n saare taar-o-puu
aur phir aahista aahista kahii.n
zer-e-sat.h-e-jaan-o-dil
ye talaatum
ruk ke so jaataa hai
ya.anii
azhdar-e-aasuuda-KHaatir kii tarah
KHvaab-noshii.n ke u.Daataa hai maze

Shamsur Rahman Faruqi
Nazm

Thahre hue mausam ki ek nazm

kabhii mu.nh se aavaaz haatho.n se qismat aur aa.nkho.n se pahlii masarrat kaa paanii gire
to use mat uThaanaa
kabhii raat kii shaal se chaa.nd saalo.n kii muTThii se KHushbuu zamiino.n kii jholii se KHuraak
aur dil se qurbat kii KHvaahish gire
to use uThaanaa
kabhii shaam ke gho.nsle se parinda fajr se ibaadat kaa choGaa pahaa.Do.n se
sarmaa kaa pahlaa me.nh gire
to use mat uThaanaa
kabhii aasmaano.n se harf-e-munaajaat shaahiin kii aa.nkho.n se aa.nsuu havaa.o.n
se lambe safar kii hikaayat
Gulaamo.n ke daaman se aazaad sub.ho.n kii saa.at gire
to use mat uThaanaa
kabhii paa.nv se hausla aam ke pe.D se baur bachcho.n kii muTThii se lorii aur faslo.n pe
phailii hu.ii dhuup kaT kar gire
to use mat uThaanaa
nigaah apne dushman pe rakhnaa
safar ko amaanat samajhnaa
aur a.asaab jhukne na denaa
ki sab chiize.n apne se behtar ko apnii jagah de ga.ii hai.n

Asghar Nadeem Syed
Nazm

apne dariya ki pyas

sadaaqato.n ke junuu.n kaa
ham aisaa aa.iina hai.n
jo apne akso.n kaa maan kho kar
shikastagii kaa azaab sahne me.n mubtalaa hai
ham aise tuufaa.n kaa maajraa hai.n
jo TuuTte phuuTte chaTaKHte se
apne a.asaab ke bikharne kii aas me.n hai.n
jo tishna-lab saahilo.n kii maanind
apne dariyaa kii pyaas me.n hai.n
jo dasht-e-imkaan kii havaa.o.n kii
barguziida magar dariida libaas me.n hai.n

Farigh Bukhari
Nazm

angDai

barbat-e-nashv-o-numaa kii ek matvaalii tarang
guu.njte aa'saab khiltaa rang bajte ang ang
garm mausam kaa nikhaar

Abdul Hamid Adam
Nazm

jawani

bedaar hu.ii.n mahr-e-javaanii kii shu.aa.e.n
pa.Dne lagii.n aalam kii isii samt nigaahe.n
KHvaabiida the jazbaat badalne lage karvaT
ruu-e-sharar-e-tuur se ha.Tne lagaa ghuu.ngat
bharne lage baazuu to hu.e band-e-qabaa ta.ng
cha.Dhne lagaa tiflii pe javaanii kaa nayaa ra.ng
saaGar kii khanak ban ga.ii us shoKH kii aavaaz
barbat kii hu.ii gudgudii yaa jaag uThe saaz
a.azaa me.n lachak hai to hai ik loch kamar me.n
a.asaab me.n paara hai to bijlii hai nazar me.n
aane lagii har baat pe ruk ruk ke ha.nsii ab
ra.ngiin tamavvuj se giraa.n-baar hu.e lab
vo dekh badalte hu.e pahluu ko.ii uTThaa
vo dekh bigaa.De hu.e gesuu ko.ii uTThaa
vo dekh ki kis gul kii mahak phailii hai har-suu
vo dekh ki hai kaun ravaa.n bajte hai.n ghu.ngruu
kam-baKHt ajal thii ye javaanii kii qabaa me.n
Tuk.De hai.n kisii dil ke bhii naqsh-e-kaf-e-paa me.n

Makhdoom Mohiuddin
Nazm

ai ham-nafasan

bulldozer qadmo.n se chaltii
colony baktar-band na.ii
behad tausii.a ke sahraa me.n
kyaa suu.ngh rahii hai suu.nD uThaa.e
aadam buu
aa.nkhe.n palke.n jhapkaate rahne par maamuur us kii
be-vaqfa-e-KHvaab
signal kii battii jaltii bujhtii sadaa
din ho yaa raat
sansanii-zada har khaTke par a.asaab
shaahid aa hii gayaa
aane vaalaa yaum-e-hisaab

Shafiq Fatima Shera
Nazm

ek mahbus nazm

mujhe yaad aayaa
gandii gaaliyaa.n aur maile buuTo.n kii bhaarii e.Diyaa.n
mere aasaab aur jism ko shal kar rahii thii.n
kandho.n kuulho.n aur raano.n par
bad-buu-daar daa.nto.n ke nishaan
dahaktii salaaKHo.n se miTaane kii koshish bhii kii ga.ii
mai.n uu.nchii khi.Dkii se chhalaa.ng lagaa saktaa thaa!
magar saada kaaGaz par dastaKHat ke baGair
mujhe is suhulat kii ijaazat bhii nahii.n dii ga.ii
vo sab mere zinda haatho.n se ziyaadaa
merii murda aa.nkho.n se KHauf-zada the shaayad
mai.n ne unhe.n bataa diyaa thaa
ki mai.n sirf be-maqsad zindagii
aur be vaq.at maut se Dartaa huu.n
mai.n ne kahaa
zaKHmii daa.nto.n ke saath mujh se ha.nsaa nahii.n jaataa
laa.o kaaGaz idhar laa.o
mai.n us par ek zor-daar qahqaha likh kar dastaKHat kar duu.n
mujhe yaad hai
vo thak haar ke behosh hone chale ga.e the

Anjum Saleemi
Nazm

chumta pani, pani pani

phaTte iraade yaqiin musiibat paa.nv dhulaa.e
chashma ki ho.nT shabiih-e-lu.aab mayassar raat anokhaa saaneha ho jaa.egaa
maile ka.nval ke phuul Dubotaa lipaT lipaT kar chuumtaa paanii, paanii paanii
nadaamat se maGluub KHaraabii: madd-o-jazr maujuud tabii.at kaa taKHriib tamaasha
muraaja.at aa.nkho.n se ojhal chhuutii bahaatii be-tartiib azaab hai
harii-bharii bechaargii kaise? aks-e-shabaahat pankhu.Diyo.n kaa
vo jo iraade kii tarkiib nahii.n paa saktaa laraz rahaa hai
phuul tashaddud KHauf me.n Garq-e-haraarat Duubtii ubhartii patiyaa.n
ke.nchulii utre to baat bane mai.n kah duu.n? kar guzruu.n?
a.asaab tashannuj phailtii be-ruKH baato.n kii tardiid-e-qayaamat kar bhii chuko
ye haadsa daa.era saa ye simaTtaa phailtaa sarpaT bhaagte qadmo.n kii luu par jal-bhun raakh ho
sho.ala thiraktaa rii.Dh kii haDDii se maGz ke hukm-e-salaasil chaaTtaa
din paane kii laGzish kar le kar hii le majbuurii aa letii hai
chau-gard kii gardish raakh qariine kii yakjaa.ii tamsiil-e-ba-zaahir kii taa.iid me.n rakhtii hai
u.ngliyaa.n u.ngliyaa.n, baate.n baate.n, pasiina pasiina baaqii baaqii
aur bechaargii
taaham to ye tayaqqun tark-e-taGaaful Thahre
qaul qayaamat aane ke jatan kare taqriib-e-tamaasha Dhuu.nDe
chhupii rahe, ta.Dpaa.e, ta.Dpe

Iftikhar Jalib
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now