Search result for "al-madad" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "al-madad"

Nazm MATCHES FOR "al-madad"

Nazm

nazm

al-amaa.n
taaziyaane gunahgaar haatho.n me.n hai.n be-gunaaho.n kii KHair
vo jo qaazii adaalat gavaah o sanad ilm-o-daanish aur tahriir se munsalik ik rivaayat kii tahziib thii
vo kahii.n kho ga.ii
ek lambaa safar ruk gayaa
kis liye ruk gayaa
al-hazar
al-hazar! ye darinda-sifat niim vahshii mubtalaa-e-junuu.n taaziyaane liye
taazyaano.n kii zad me.n ta.Daptaa badan KHuu.n ugaltaa badan
kaisii kuchlii hu.ii KHvaahisho.n vahshiyaana havas-kaariyo.n kaa nishaana banaa
kis jibillat kii taskii.n kaa saamaa.n hu.aa
al-madad al-madad ai KHudaa!
taaziyaane gunahgaar haatho.n me.n hai.n
be-gunaaho.n kii KHair!

Fatima Hasan

Nazm

meri chahat

mai.n kyaa chaahtaa huu.n mai.n kyaa chaahtaa huu.n
har ik chiiz ko bhuulnaa chaahtaa huu.n
mirii chaah ko dekh kyaa chaahtaa huu.n
qasam chaahtaa huu.n jafaa chaahtaa huu.n
mohabbat me.n terii miTaa chaahtaa huu.n
fanaa ho ke lutf-e-baqaa chaahtaa huu.n
vahii pyaarii pyaarii adaa.e.n tumhaarii
mai.n ik baar phir dekhnaa chaahtaa huu.n
madad al-madad be-KHudii-e-mohabbat
mai.n apne ta.ii.n Dhuu.nDhnaa chaahtaa huu.n
tirii chaah kaa chaah kahte hai.n jis ko
usii chaah me.n Duubnaa chaahtaa huu.n
mujhe 'nuur' hai dard-e-dil kii tamanna
magar dard bhii laa-davaa chaahtaa huu.n

Noor Ludhiyanwi

Nazm

mowe on

mai.n ne apnii aap madad kii
mai.n ne apne aa.nsuu po.nchhe
mai.n ne apne zaKHmo.n par KHud paTTii baa.ndhii
mai.n ne apne TuuTe dil ke har Tuk.De ko Thiik tarah se jo.D liyaa hai
mai.n ne kuchh filmo.n ke sahaare phir se ha.nsnaa siikh liyaa hai
mai.n ne KHud ko vaqt diyaa hai
mai.n ne apnii almaarii me.n pa.Dii kitaabo.n ke uupar se dhuul haTaa.ii
baal kaTaa.e shave banaa.ii
mai.n apne har shauq ko phir se zinda kar ke un ko puuraa karne kaa bhii soch rahaa huu.n
ab mai.n akelaa nahii.n rahaa huu.n
ab mai.n apne saath kha.Daa huu.n

Balmohan panday

Nazm

bimar laDka

rahm-e-maadar se nikalnaa miraa be-suud hu.aa
aaj bhii qaid huu.n mai.n

Zahid Dar

Nazm

qaid se najat

baare aa.ii najaat kii baarii
khul gayaa uqda-e-giraftaarii
ham ko mansab milaa rihaa.ii kaa
qaid ko jaa.edaad-e-bekaarii
paa.nv ko chho.D bhaage maar-e-do-sar
sar ko pushtaara-e-giraa.nbaarii
kuuch Thahraa maqaam-e-Gurbat se
ab vatan chalne kii hai tayyaarii
ruKHsat ai dostaan-e-zindaanii
alvidaa ai Gam-e-giraftaarii
arrahiil ai mashaqqat-e-har-zor
al-firaaq ai hujuum-e-naa-chaarii
daal fe ain ai kitaabat-e-qaid
gaaf miim ai hisaab-e-sarkaarii
daal chaaval se kah do ruKHsat ho.n
paanii me.n Duube ye namak khaarii
machhliyo.n se kaho ki haT ke sa.De.n
ghaas khode yahaa.n kii tarkaarii
chiinii barhamaa malaa.ii madraasii
ahl-e-aashaam ja.ngalii taataarii
apne diidaar se maaf kare.n
apnii baato.n se de.n subuk-saarii
kaale paanii se hote hai.n ruKHsat
ashk-e-shaadii hai.n aa.nkho.n se jaarii
baiThte hai.n jahaaz duurii par
uThte hai.n la.ngar-e-giraa.nbaarii
karam ai KHizr al-madad ai nuuh
rahm ai fazl-e-hazrat-e-baarii
assalaam ai KHarosh-e-bahr-e-muhiit
assafar ai safiina-e-jaarii
zaad-e-raah-e-safar tavakkul hai
rahnumaa.ii ko us kii Gaffaarii
hai iraada ki fikr-e-sher kare.n
taaki ho duur ra.nj-e-bekaarii
bas-ki barso.n rahaa huu.n zindaa.n me.n
bhuulii qasr-e-suKHan kii memaarii

Muneer Shikohabadi

Nazm

bachche ki awwalin dars-gah

madrasa aaGosh-e-maadar se ko.ii behtar nahii.n
sach hai maa.n ke paa.o.n ke niiche hai firdaus-e-barii.n
kis mohabbat se sikhaatii hai adab ke qaa'ede
naaz ke paale hu.e parvaan cha.Dhte hai.n yahii.n
nuur ke ta.Dke jagaanaa mu.nh dhulaanaa pyaar se
dekh kar mukh.De ko kahnaa aafrii.n sad aafrii.n
jab machalte hai.n miThaa.ii yaa khilauno.n ke liye
kis qadar hotii hai.n bahlaane kii baate.n dil-nashii.n
roz pahnaane na.e kap.De safaa.ii ke liye
ho na jaa.e mail se biimaar jism-e-naaznii.n
madrase se vaapsii par dil-navaazii ke liye
god me.n fauran uThaa kar chuum letii hai jabii.n
paa.o.n chhuune sab buzurgo.n ke sikhaatii hai use
hai sar-e-tasliim hii bas daulat-e-duniya-o-dii.n
tarbiyat ke vaaste rakhtii hai apne ruu-baruu
khelne detii nahii.n aavaara la.Dko.n me.n kahii.n
un ke afsaane sunaatii hai kahaanii kii tarah
hastiyaa.n guzrii.n hai.n jo aafaaq me.n nek-o-matii.n
ibtidaa me.n intihaa aaGaaz me.n anjaam ko
dekh letii hai saraasar us kii chashm-e-duurbii.n
nek-dil insaan jin ke peT se paidaa hu.e
kar rahii hai naaz un maa.o.n pe bhaarat kii zamii.n
madrasa behtar nahii.n aaGosh-e-maadar se ko.ii
yaa'nii har bachche kii hai ye dars-gaah-e-avvalii.n

Chandar Bhan Kaifi Dehelvi

Nazm

gandhi ji

vaqaar-e-maadar-e-hindostaa.n the gaa.ndhii jii
har ek fard ke hamdard Gam-gusaar-e-vatan
sadaaqato.n ke parastaar jhuuT ke dushman
nizaam-e-amn ke ruuh-e-ravaa.n the gaa.ndhii jii
vaqaar-e-maadar-e-hindostaa.n the gaa.ndhii jii
vo ektaa ke pujaarii har ek ke bhaa.ii
vo faKHr-e-qaum vo insaaniyat ke shaidaa.ii
zamii.n pe rah ke bhii ik aasmaa.n the gaa.ndhii jii
vaqaar-e-maadar-e-hindostaa.n the gaa.ndhii jii
kalii kalii ko tabassum kaa ek Dha.ng diyaa
har ek phuul ko apne lahuu kaa rang diyaa
bahaar-e-gulshan-e-amn-o-amaa.n the gaa.ndhii jii
vaqaar-e-maadar-e-hindostaa.n the gaa.ndhii jii
har ek dil me.n jalaayaa charaaG-e-aazaadii
hai jin ke KHuun se shaadaab baaG-e-aazaadii
hamaare mulk ke vo baaGbaa.n the gaa.ndhii jii
vaqaar-e-maadar-e-hindostaa.n the gaa.ndhii jii
sunii na baat tashaddud bhare usuulo.n kii
mahak luTaa.ii ahinsaa ke narm phuulo.n kii
KHuluus-o-ijz ke ik gulistaa.n the gaa.ndhii jii
vaqaar-e-maadar-e-hindostaa.n the gaa.ndhii jii

Kaif Ahmed Siddiqui

Nazm

dar-o-rasan

jo aataa thaa so vo ho rahtaa thaa usii ghar kaa
zamii.n kii naaf hai ka.aba hai batn-e-maadar kaa

Mohammad Ali Tishna

Nazm

aag

aur aag phailtii rahii
zabaane.n kaTtii rahii.n
aur sar qalam hote rahe
yahaa.n tak ki saarii vaadii ek ma.abad ban ga.ii
aur ma.abad kha.nDar ban gayaa
aur vo jo ziyaada sochte the
vo sochte sochte aag kaa rizq ban ga.e
aag bhalaa kis kii dost hu.ii hai

Ali Minai

Nazm

ek desi hasina se mulaqat

andar kii fazaa aur thii baahar kii fazaa aur
maada thii magar chaal se lagtii thii nariina

Khalid Irfan

Nazm

ghurur ka anjam

ko.ii na thaa vahaa.n jo us kii madad ko aataa
la.ng.Daataa aur rotaa us shaam ghar ko pahu.nchaa

Ata Abidi

Nazm

KHak-e-hind

'gautum' ne aabruu dii is ma.abad-e-kuhan ko
'sarmad' ne is zamii.n par sadqe kiyaa vatan ko

Chakbast Braj Narayan

Nazm

nadaron ki eid

ik maadar-e-muflis eid ke din bachcho.n ko liye bahlaatii hai
sar un kaa kabhii sahlaatii hai narmii se kabhii samjhaatii hai

Nushur Wahidi

Nazm

wo hatif ki zaban mein kalam karne lagi

aglii shaam
vo mujhe erosion ke ma.abad me.n milii
jis ke chaaro.n or
siyaah jangal kii baa.Dh thii
us ma.abad ko saaraa rome
ummiid bharii nazro.n se dekhtaa thaa

Jawaz Jafri

Nazm

jihat

inkishaaf
iijaad
afkaar-o-uluum
chahchahaate naachte
bulbul-o-taa.uus
ras kaano.n me.n
nuur aa.nkho.n me.n
bharte gholte
zehn ko aa.nkho.n ko
dast-o-paa ko apne
kholte
god me.n maadar-e-fitrat kii
vo ma.asuum tifl
kunmunaataa
muskuraataa
kheltaa
jis kii ik ma.asuum
duzdiida nazar
zindagii ko
dilkashii se
husn se
bhar detii hai
Dhuu.nD laate hai.n
a.ndherii raat me.n
raushnii
is gunaah-e-avvalii.n kii
nit na.ii
mansuuba-daar
san.at-o-hirfat
fann-e-ta.amiir
tasKHiir-e-jihaat

Saeed-ul-Zafar Chughtai

Nazm

talash

Darii aur sahmii magar phir bhii jaarii ye aavaaz dil chiirtii hai
hamaare vatan me.n bhii hogaa
hamaare vatan me.n bhii hogaa
mai.n darbaariyo.n me.n to kyaa naukaro.n ke jilau me.n bahut duur baiThaa
libaas-e-shaahii kaa madah-KHvaa.n to ab bhii nahii.n
ishaaro.n kinaayo.n
alaamaat se yaa KHuraafaat se
kuchh na kuchh nazm me.n kuchh na kuchh nasr me.n ba.Dba.Daataa rahaa huu.n
magar vaa.n bhii yaa.n kaa ye afsaana sab ko sunaataa rahaa huu.n
vo 'Gaalib' na ho aur 'jaalib' rahe phir bhii aisaa hii bachcha
hamaare vatan me.n bhii hai
aur rahegaa

Jameeluddin Aali

Nazm

jazbaat-e-aftab

phir zaruurat hai javaa.n mardo.n kii ai maadar-e-hind
raanaa-prataap se KHuddaar bashar paidaa kar

Lala Anoop Chand Aaftab Panipati

Nazm

marhum bachche ki yaad

kuchh na puuchho kyaa guzartii hai dil-e-naashaad par
ab madaar-e-zindagii hai naala-o-fariyaad par
muztarib dil ro rahaa hai mehnat-e-barbaad par
KHuun ke aa.nsuu nichhaavar hai.n tumhaarii yaad par

Siraj Lakhnavi

Nazm

mere charagh bujh gae

mire charaaG bujh ga.e
mai.n tiirgii se raushnii kii bhiik maa.ngtaa rahaa
havaa.e.n saaz-baaz kar rahii thii.n jin dino.n siyaah raat se
unhii siyaah saa.ato.n me.n saaneha hu.aa
tamaam aa.iine Gubaar se be-nuur ho ga.e
saraa ke chaar samt haul-naak shab kii KHaamushii
chamaktii aa.nkh vaale bhe.Diyo.n ke Gol le ke aa ga.ii
qabaa-e-zindagii vo phaa.D le ga.e nukiile naaKHuno.n se us tarah
ki ruuh chiitha.Do.n me.n baT ga.ii
KHaraab mausamo.n kii chaal thii ki aas-paas baa.nbiyo.n se
aa ga.e nikal ke saa.np jhuumte hu.e
bujhaa diyaa safed raushnii kaa dil
madad ko mai.n pukaartaa thaa aur dekhtii thii.n putliyaa.n tamaashaa Gaur se
magar na aa.ii.n biin le ke amn vaalii bastiyo.n se jogiyo.n kii Toliyaa.n
siyaah aa.ndhiyo.n kaa zor kab talak sahaarte
mire charaaG bujh ga.e

Ali Akbar Natiq

Nazm

usne hamd likkhi hai

haa.n sunaa ye thaa mai.n ne
arsh se farishta ik
aa ke batn-e-maadar me.n
Dhaaltaa hai KHadd-o-KHaal
nanhe nanhe a.azaa par
naqsh se banaataa hai
us hasiin saa.at me.n
jis ko jitnii fursat ho
jaisii istitaa.at ho
vo hunar dikhaataa hai

Ishrat Afreen

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now