Search result for "be-kas" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "be-kas"

Nazm MATCHES FOR "be-kas"

Nazm

akeli bastiyan

be-kas chamelii phuule akelii aahe.n bhare dil-jalii
bhuurii pahaa.Dii KHaakii fasiile.n dhaanii kabhii saa.nvlii
ja.ngal me.n raste rasto.n me.n patthar patthar pe niilam-parii
lahriilii sa.Dke.n chalte manaazir bikhrii hu.ii zindagii
baadal chaTaane.n maKHmal ke parde pardo.n pe lahre.n pa.Dii.n
kaakul pe kaakul KHemo.n pe KHeme silvaT pe silvaT harii
bastii me.n gandii galiyo.n ke ziine la.Dke dhamaa-chauk.Dii
barse to chhaagal Thahre to halchal raaho.n me.n ik khalbalii
girte gharau.nde uThtii uma.nge.n haatho.n me.n gaagar bharii
kaano.n me.n baale chaa.ndii ke haale palke.n ghanii khurdurii
haDDii pe chehre chehro.n pe aa.nkhe.n aa.ii javaanii chalii
Tiilo.n pe jauban reva.D ke reva.D kheto.n pe jhaalar cha.Dhii
vaadii me.n bhiige ro.Do.n kii peTii chashmo.n kii champaa-kalii
saa.nche na.e aur baate.n puraanii miTTii kii jaaduugarii

Mahboob Khizan

Nazm

aarzu rahiba hai

aarzuu raahiba hai be-kas-o-tanhaa-o-hazii.n
haa.n magar raahibo.n ko is kii KHabar ho kyuu.nkar
KHud me.n kho.e hu.e sahme hu.e sargoshii se Darte hu.e
raahibo.n ko ye KHabar ho kyuu.nkar
kis liye raahiba hai be-kas-o-tanhaa-o-hazii.n
raahib istaada hai.n marmar kii silo.n ke maanind
be-karaa.n ijz kii jaa.n-soKHta viiraanii me.n
jis me.n ugte nahii.n dil-sozi-e-insaa.n ke gulaab

Noon Meem Rashid

Nazm

hindu muslim

ko.ii hai maadar-e-be-kas kaa haq pahchaan.ne vaalaa
bahut hai.n jaan.ne vaale ko.ii hai maan.ne vaalaa

Syed Mehdi Husain Rizvi

Nazm

zaifa

aah ai be-kas za.iifa Gam kii ta.Dpaa.ii hu.ii
ai zamaane kii jhinjho.Dii zar kii Thukraa.ii hu.ii

Josh Malihabadi

Nazm

nekiyon se Khaali shahr

jhulastii hu.ii saKHt dopahar me.n
ko.ii be-kas musaafir
kahii.n pyaas se gir pa.De
us ko paanii kaa qatra na duu.ngaa
miraa ko.ii ham-saaya mulk-e-adam ko sidhaare
to us ke janaaze ko kandhaa na duu.ngaa

Javed Shaheen

Nazm

eajaz-e-rahmat

ye jahaan-e-rang-o-buu
ek tuufaan-e-balaa
aur meraa dil Gariib
ek nanhaa saa diyaa
rang-o-buu ke sail kii
taab laa saktaa na thaa
la.D sake tuufaan se
ye kahaa.n thaa hausla
lekin ai parvardigaar
shukriya sad-shukriya
terii rahmat ke tufail
ye miraa be-kas diyaa
aa.ndhiyo.n kii zad me.n bhii
umr-bhar jaltaa rahaa
haar maanaa hii nahii.n
jagmagaataa hii gayaa
zindagii kii raah me.n
nuur phailaataa rahaa

Sabir Abuhari

Nazm

ijaz

lafzo.n ko be-kaar na KHurcho
lafzo.n se pul
pul se nazme.n
nazmo.n se iz.haar-e-anaa ke kitne dariiche khul jaate hai.n
iijaaz se kah do

Sulaiman Areeb Haidarabadi

Nazm

kutte

ye galiyo.n ke aavaara be-kaar kutte
ki baKHshaa gayaa jin ko zauq-e-gadaa.ii
zamaane kii phaTkaar sarmaaya in kaa
jahaa.n bhar kii dhutkaar in kii kamaa.ii

Faiz Ahmad Faiz

Nazm

jazb-e-ghairat

vafaa kaa zauq diyaa hai tirii mohabbat ne
dilo.n ko fat.h kiyaa jazba-e-sharaafat ne
tirii hayaa se taqaddus hai aadamiyat kaa
kiyaa hai tujh ko sar-afraaz jazb-e-Gairat ne
chaman me.n jis se hai izn-e-shaguft-e-Guncha-o-gul
gudaaz qalb vo baKHshaa hai tujh ko qudrat ne
bahut hii kam hai.n vo shaa.ista-e-nazar jin ko
KHiraaj-e-shauq diyaa zindagii kii azmat ne
har ek be-kas-o-mazluum kii himaayat kaa
tujhe shu.uur diyaa hai KHudaa kii rahmat ne
faroG-e-bazm-e-suKHan terii sarparastii se
adab shanaas kiyaa hai tirii aqiidat ne
shaguftagii dil-e-barbaad ko ataa kii hai
tire KHayaal tire yaad kii lataafat ne

Masood Akhtar Jamal

Nazm

aansu

ai mire aa.nsuu kabhii be-kaar ho jaataa hai tuu
aur kabhii daaman pe ban jaataa hai ik naqsh-e-vafaa
terii qiimat kuchh nahii.n rahtii hai nazro.n me.n kabhii
aur kabhii ho jaataa hai ganj-haa-e-be-bahaa
parvarish paataa hai tuu qalb-e-hazii.n me.n is tarah
jis tarah chashm-e-sadaf me.n gauhar-e-sarmaaya-daar
tere siine me.n hai.n pinhaa.n raaz-haa-e-ranj-o-Gam
tuu hai pichhlii kaif-parvar sohbato.n kaa yaadgaar
tuu kabhii ban jaataa hai phuulo.n me.n qatra os kaa
aur kabhii taariik baadal me.n sitaare kii ziyaa
jalva-gar hotaa hai tuu bijlii ke pahluu me.n kabhii
aur kabhii tuu KHud hii ban jaataa hai sho.ala qahr kaa
dekh kar tujh ko kabhii hotaa hai siina Gam se shaq
aur kabhii aa.nkho.n me.n ban jaataa hai tuu vaj.h-e-nashaat
tarjumaan-e-haal-e-dil hai Gam kii KHaamoshii me.n tuu
ik samundar hai agar haasil ho tujh ko imbisaat
tuu hii mazluumo.n kii fariyaado.n kaa hai fariyaad-ras
Gam ke sho.alo.n ko bujhaa detaa hai dil me.n aa ke tuu
KHatm ho jaatii hai kulfat terii tuGyaanii ke saath
naGma-e-ishrat sunaa detaa hai dil me.n aa ke tuu

Saqib Kanpuri

Nazm

third-diwision

jiine kii kashmakash me.n na be-kaar Daaliye
mai.n third-divisioner huu.n mujhe maar Daaliye
phir naam apnaa qaum kaa me.amaar Daaliye
degree ko merii liijiye aachaar Daaliye
kuchh qaum kaa bhalaa ho to kuchh aap kaa bhalaa
meraa bhalaa ho kuchh mire maa.n baap kaa bhalaa
jaataa hai jis jagah bhii ko.ii third-divisioner
kahte hai.n sab ki aa gayaa tuu kis liye idhar
tuu chal yahaa.n se terii na hogii yahaa.n guzar
lauh-e-jahaa.n pe harf-e-mukarrar huu.n mai.n magar
''yaa-rab zamaana mujh ko miTaataa hai kis liye''
har shaKHs mujh ko aa.nkh dikhaataa hai kis liye
mai.n paas ho gayaa huu.n magar phir bhii fail huu.n
ta.aliim ke idaaro.n ke haatho.n me.n khel huu.n
jis kaa nishaana jaa.e KHataa vo Gulail huu.n
mai.n KHaak me.n milaa hu.aa miTTii kaa tel huu.n
aur university bhii nahii.n hai refinery
suurat bhii tasfiye kii nahii.n ko.ii zaahirii
aKHbaar mai.n ne dekhaa to mujh par hu.aa ayaa.n
hote hai.n paas vo bhii na de.n jo ki imtihaa.n
ya.anii ki honorary bhii miltii hai.n degreeyaa.n
mai.n jis zamii.n pe pahu.nchaa vahii.n paayaa aasmaa.n
degree hai ik gunaaho.n kii tahriir mere saath
gar ho sake to maa.ng luu.n ik umr ko udhaar
aur imtihaan jis kaa nahii.n ko.ii e'tibaar
us imtihaa.n kii baazii lagaa.uu.ngaa baar baar
kahte hai.n log is ko ye machhlii kaa hai shikaar
ye imtihaan machhlii pha.nsaane kaa jaal hai
''aalam tamaam halqa-e-daam-e-KHayaal hai''

Syed Mohammad Jafri

Nazm

qaumi git

ham kaam ke naGme gaate hai.n be-kaar taraana kyaa jaane.n
jo sirf amal ke bande hai.n vo baat banaanaa kyaa jaane.n

Shamim Karhani

Nazm

26 january

aa.o ki aaj Gaur kare.n is savaal par
dekhe the ham ne jo vo hasii.n KHvaab kyaa hu.e
daulat ba.Dhii to mulk me.n iflaas kyuu.n ba.Dhaa
KHush-haalii-e-avaam ke asbaab kyaa hu.e
jo apne saath saath chale ku-e-daar tak
vo dost vo rafiiq vo ahbaab kyaa hu.e
kyaa mol lag rahaa hai shahiido.n ke KHuun kaa
marte the jin pe ham vo sazaa-yaab kyaa hu.e
be-kas barahnagii ko kafan tak nahii.n nasiib
vo va.ada-haa-e-atlas-o-kim-KHvaab kyaa hu.e
jamhuuriyat-navaaz bashar-dost amn-KHvaah
KHud ko jo KHud diye the vo alqaab kyaa hu.e
maz.hab kaa rog aaj bhii kyuu.n laa-'ilaaj hai
vo nusKHa-haa-e-naadir-o-naayaab kyaa hu.e
har kuucha sho'la-zaar hai har shahr qatl-gaah
yak-jehtii-e-hayaat ke aadaab kyaa hu.e
sahraa-e-tiirgii me.n bhaTaktii hai zindagii
ubhre the jo ufuq pe vo mahtaab kyaa hu.e
mujrim huu.n mai.n agar to gunahgaar tum bhii ho
ai rahbaraan-e-qaum KHataa-kaar tum bhii ho

Sahir Ludhianvi

Nazm

ek waqia

labo.n se niklii siskaarii sii
cigarette ik sulgaayaa
ulTii samt ko bhaagte kheto.n
aur khambo.n ko dekhaa
sab be kaar hai ko.ii bolaa
chiiKHe.n, lazzat, nasha
nafrat, lazzat, nasha
logo.n ne jab alag kiyaa to
dekhaa
garm raan me.n KHuun ke qatre
thar thar kaa.np rahe the
aur mu.nh me.n lage KHuun ko vo
paiham chaaT rahaa thaa

Abrar Azmi

Nazm

aae hai be-kasi-e-ishq pe

do bajne ko aa.e hai.n
aur janaaza bhaarii hai
sochtaa huu.n
jaldii se jaldii is ko
qabristaan me.n pahu.nchaa.uu.n
miTTii duu.n aur ghar jaa.uu.n
aur maze se
talii hu.ii machhlii khaa.uu.n

Mohammad Alvi

Nazm

gulab-ba-kaf

bahaar kii ye dil-aavez shaam
jis kii taraf
qadam uThaa.e hai.n mai.n ne
ki us se haath milaa.uu.n
aur ik shagufta shanaasaa.ii kii binaa rakkhuu.n
phir apnii KHaana-badoshii kii mushtarak lai par
use gulaab-ba-kaf KHema-e-junuu.n tak laa.uu.n
kuchh us kii KHair KHabar puuchhuu.n
aur kuchh apnii kahuu.n
kahuu.n ki kitne hii patjha.D ke mausam aa.e ga.e
magar in aa.nkho.n kii sahr-ul-bayaaniyaa.n na ga.ii.n
kahuu.n ki garche anaasir ne tohmate.n baa.ndhii.n
junuu.n zado.n kii magar saKHt-jaaniyaa.n na ga.ii.n
kahuu.n ki ek hai.n andeshe sab mire tere
kahuu.n alag nahii.n jiine ke Dhab mire tere
kahuu.n ki ek se hai.n roz-o-shab mire tere
kahuu.n ki milte hai.n naam-o-nasab mire tere
kahuu.n azal se junuu.n kaarobaar apnaa hai
hazaar jabr ho kuchh iKHtiyaar apnaa hai

Wali Alam Shaheen

Nazm

fana

duniyaa me.n ko.ii shaad ko.ii dard-naak hai
yaa KHush hai yaa alam ke sabab siina-chaak hai
har ek dam se jaan kaa har-dam tapaak hai
naapaak tan paliid najis yaa ki paak hai
jo KHaak se banaa hai vo aaKHir ko KHaak hai
hai aadmii kii zaat kaa us jaa ba.Daa zuhuur
le arsh taa-ba-farsh chamaktaa hai jis kaa nuur
guzre hai un kii qabr pe jab vahsh aur tuyuur
ro ro yahii kahe hai har ik qabr ke huzuur
jo KHaak se banaa hai vo aaKHir ko KHaak hai
duniyaa se jab ki ambiyaa aur auliyaa uThe
ajsaam-e-paak un ke isii KHaak me.n rahe
ruuhe.n hai.n KHuub jaan me.n ruuho.n ke hai.n maze
par jism se to ab yahii saabit hu.aa mujhe
jo KHaak se banaa hai vo aaKHir ko KHaak hai.n
vo shaKHs the jo saat vilaayat ke baadshaah
hashmat me.n jin kii arsh se uu.nchii thii baargaah
marte hii un ke tan hu.e galiyo.n kii KHaak-e-raah
ab un ke haal kii bhii yahii baat hai gavaah
jo KHaak se banaa hai vo aaKHir ko KHaak hai
kis kis tarah ke ho ga.e mahbuub-e-kaj-kulaah
tan jin ke misl-e-phuul the aur mu.nh bhii rashk-e-maah
jaatii hai un kii qabr pe jis-dam mirii nigaah
rotaa huu.n jab to mai.n yahii kah kah ke dil me.n aah
jo KHaak se banaa hai vo aaKHir ko KHaak hai
vo gore gore tan ki jinho.n kii thii dil me.n jaa.e
hote the maile un ke ko.ii haath gar lagaa.e
so vaise tan ko KHaak banaa kar havaa u.Daa.e
ronaa mujhe to aataa hai ab kyaa kahuu.n mai.n haa.e
jo KHaak se banaa hai vo aaKHir ko KHaak hai
umdo.n ke tan ko taa.nbe ke sanduuq me.n dharaa
muflis kaa tan pa.Daa rahaa maaTii-upar pa.Daa
qaa.em yahaa.n ye aur na saabit vo vaa.n rahaa
dono.n ko KHaak khaa ga.ii yaaro kahuu.n me.n kyaa
jo KHaak se banaa hai vo aaKHir ko KHaak hai
gar ek ko hazaar ruupe kaa milaa kafan
aur ek yuu.n pa.Daa rahaa hai be-kas barhana-tan
kii.De mako.De khaa ga.e dono.n ke tan-badan
dekhaa jo ham ne aah to sach hai yahii suKHan
jo KHaak se banaa hai vo aaKHir ko KHaak hai
jitne jahaa.n me.n naach hai.n ka.ngnii se taa-gehuu.n
aur jitne meva-jaat hai.n tar KHushk guunaaguu.n
kap.De jahaa.n talak hai.n sapiida o siyah numuu.n
kim-KHvaab taash baadila kis kis kaa naam luu.n
jo KHaak se banaa hai vo aaKHir ko KHaak hai
jitne daraKHt dekho ho buuTe se taa-ba-jhaa.D
ba.D piipal aa.nb niib chhu.aaraa khajuur taa.D
sab KHaak ho.nge jab ki fanaa Daalegii ukhaa.D
kiyaa buuTe Dhe.Dh paat ke kyaa jhaa.D kyaa pahaa.D
jo KHaak se banaa hai vo aaKHir ko KHaak hai
jitnaa ye KHaak kaa hai tilismaat ban rahaa
phir KHaak us ko hotaa hai yaaro judaa judaa
tarkaarii saag paat zahr amrit aur davaa
zar siim kau.Dii laal zamurrad aur in savaa
jo KHaak se banaa hai vo aaKHir ko KHaak hai
ga.D.h coat top rahakla teG o kamaan-o-tiir
baaG-o-chaman mahall-o-makaanaat dil-paziir
honaa hai sab ko aah isii KHaak me.n KHamiir
merii zabaa.n pe ab to yahii baat hai 'naziir'
jo KHaak se banaa hai vo aaKHir ko KHaak hai

Nazeer Akbarabadi

Nazm

hind ke jaan-baz sipahi

sar-ba-kaf hind ke jaa.n-baaz-e-vatan la.Dte hai.n
teG-e-nau le saf-e-dushman me.n ghuse pa.Dte hai.n
ek khaate hai.n to do mu.nh pe vahii.n ja.Dte hai.n
hashr kar dete hai.n barpaa ye jahaa.n a.Dte hai.n
josh me.n aate hai.n dariyaa kii ravaanii kii tarah
KHuun dushman kaa bahaa dete hai.n paanii kii tarah

Barq Dehlvi

Nazm

jism ka nizam

jism kii bhii ek jamhuuriyat hai
jo har kas-o-naa-kas me.n be-naam taqsiim ho ke
aadmii ko be-asar kar detii hai
jism kii bhii ek aamariyyat hotii hai
jo kisii ek me.n jal bujh ke
sab ke liye raakh ban jaatii hai

Ahmad Hamesh

Nazm

soch ki sham

lazzato.n me.n Duub kar bhii
mai.n ubhartaa hii rahaa huu.n
soch kii be-taab lahre.n zehn me.n raqsaa.n rahii hai.n

Krishna Mohan

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now