Search result for "chunarii" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "chunarii"

Nazm MATCHES FOR "chunarii"

Nazm

sahih kah rahe ho

KHizaa.n-zaade shahro.n kaa ruKH kar rahe hai.n
gulaabii hare niile piile
sabhii rang mausam u.Daa le gayaa hai
ko.ii dhaanii chunarii
havaa se nahii.n kheltii hai
kahaanii sunaa.o kisii vaqt bhii
ki din raat kii qaid baaqii nahii.n hai
sunaa hai
musaafir ko.ii raasta ab nahii.n bhuultaa

Aashufta Changezi

Nazm

hamari guDiya

gu.Diyaa hamaarii
hai pyaarii pyaarii
gu.Diyaa ne pahne
phuulo.n ke gahne
gu.Diyaa ne o.Dhii
goTe kii chunarii
gu.Diyaa ne dekhe
mele tamaashe
gu.Diyaa ne khaa.e
khiile.n bataashe
gu.Diyaa kii suurat
chiinii kii muurat
gu.Diyaa kii palke.n
gaalo.n pe jhalke.n
gu.Diyaa hai so.ii
KHvaabo.n me.n kho.ii
gu.Diyaa hai ha.nstii
gu.Diyaa hai rotii
gu.Diyaa se kheluu.n
godii me.n le luu.n
gu.Diyaa ne rakkhaa
kal pahlaa roza
gu.Diyaa ye merii
chhoTii bahan hai

Ghulam Abbas

Nazm

dilli tere nam

taKHt-o-taaj kii duniyaa tujh ko raas hamesha aa.ii hai
tere sar par to jhanDe kii chunarii hii lahraa.ii hai

Nazir Fatehpuri

Nazm

goTe ki chunari

dekh bu.aa mirii goTe kii chunarii
aa haa jii gul-naarii chunarii
rang ra.ngiilii pyaarii chunarii
malmal kii ik taarii chunarii
naazuk naazuk saarii chunarii
dekh bu.aa mirii goTe kii chunarii
ammii ke kuchh jii me.n aayaa
goTe kaa ik thaan ma.ngaayaa
chunarii par saaraa chipkaayaa
har kone par phuul banaayaa
dekh bu.aa mirii goTe kii chunarii
lachkaa hai haatho.n me.n lachaktaa
goTaa hai kundan saa damaktaa
raushnii me.n kaisaa hai chamaktaa
haath lagaane se hai masaktaa
dekh bu.aa mirii goTe kii chunarii
is ko KHaraab hone na duu.ngii
baiThuu.ngii to sa.nbhaal rakhuu.ngii
ghar me.n jaa kar rakh chho.Duu.ngii
aur tehvaar ke din o.Dhuu.ngii
dekh bu.aa mirii goTe kii chunarii

Hafeez Jalandhari

Nazm

lekin

pahlii baarish jaisaa teraa chehra thaa
dil patthar kii har har darz me.n
ko.ii ko.npal phuuT ga.ii thii
ik ik rekh kaa haath paka.D ke
terii yaad kii bel badan par phail rahii thii
aur phuvaar pa.Dii phir ik din
tan chunarii kii silvaT silvaT
zahr aur numuu kii kaahii rangat rachii hu.ii thii
naKHl-e-daar pe baur aane kaa mausam bhii thaa
dillii kii galiyo.n me.n us din
'miir' naam ke saudaa.ii kaa maatam bhii thaa
ghar me.n bahaar aa.ii to 'Gaalib'
zaat ke kisii bayaabaan me.n thaa
dast-e-sabaa ne dastak dii to
'faiz' abhii tak
Gam-e-jahaa.n ke zindaa.n me.n thaa

Salman Haider

Nazm

zindagi ka saz

tuu kabhii raato.n kii tanhaa.ii me.n mere paas aa
mere kaano.n se mirii KHaamoshiyo.n ke saaz sun
tuu mirii aavaaz sun
merii aa.nkho.n me.n machalte motiyo.n ke rang dekh
tuu kabhii qalb-o-nazar kii jang dekh
dekh mai.n kin ehtiyaato.n ke sunahrii jaal ko
dard me.n Duubii hu.ii chhaa.nv ke is janjaal ko
aarzuu.o.n ke jharoko.n me.n sulagtii haDDiyo.n ke gird chimTaa.e hu.e
KHvaahisho.n kii aag ko phir dhyaan kii chunarii me.n kafnaa.e hu.e
muntazir huu.n phir usii aavaaz kaa
zindagii ke saaz kaa
tuu kabhii raato.n kii tanhaa.ii me.n mere paas aa

Yusuf Kamran

Nazm

sharmili KHamoshi

shaam kii sharmiilii chup ko
ruuh me.n mahsuus karte
kaam me.n masruuf hai.n ham dopahar se
dil kii aa.nkhe.n dekhtii hai.n gahrii gahrii sabz shaaKHo.n ko
jo baiThii hai.n KHamoshii se
kiye KHam gardane.n apnii
kisii dulhan kii suurat
sar pe o.Dhe aasmaa.n kii surma.ii chunarii
sitaare jis me.n Taa.nke jaa rahe hai.n
ham apne is tasavvur par KHud hii muskaa rahe hai.n

Tarannum Riyaz

Nazm

ai dil mere pagal jogi

ai dil mere paagal jogii
muTThii-bhar ik baar to jii le
jiivan-vish do ghuu.nT to pii le
man-chunarii kaa.nTo.n se sii le
ai dil mere paagal jogii
mat ban rogii
aaKHirii sub.h kabhii to hogii

Rafia Shabnam Abidi

Nazm

munni ka ghoDa

munnii ne pahnaa
resham kaa jo.Daa
berii kaa jhuulaa
banaa hai gho.Daa
chaabuk na khaa.ii
mu.nh bhii na mo.Daa
dau.Daa havaa me.n
har shai ko chho.Daa
rassii ko lekin
us ne na to.Daa
berii kaa jhuulaa
munnii kaa gho.Daa
munnii kii chunarii
gho.De kii dum hai
gho.Daa hai aisaa
paa.nv na sum hai
munnii jo kah de
nazro.n se gum hai

Khatir Ghaznavi

Nazm

meri mohabbat ka pas rakhna

mai.n un fazaao.n me.n saa.ns letaa huu.n
jin me.n tum saa.ns le rahii ho
mai.n terii chunarii ko taan kar KHud pe raat taKHliiq kar rahaa huu.n
tirii hii bindiyaa se nuur le kar
mai.n raat ko din banaa rahaa huu.n

Nadeem Najid

Nazm

rang lahu ka

aaKHir kab tak
duur chanaaro.n ke piichhe
ThiThurii ak.Dii
ek ma.asuum sii chunarii hai
jis ke ra.ngo.n me.n ab tak bhii
vahii taazgii vahii damak aur vahii phaban hai

Rahmat Yousufzai

Nazm

banjara-nama

ye dhuum-dha.Dakkaa saath liye kyuu.n phirtaa hai jangal jangal
ik tinkaa saath na jaavegaa mauquuf hu.aa jab ann aur jal
ghar-baar aTaarii chaupaarii kyaa KHaasaa nain-sukh aur malmal
chalvan parde farsh na.e kyaa laal pala.ng aur ra.ng-mahal
sab ThaaTh pa.Daa rah jaavegaa jab laad chalegaa banjaaraa

Nazeer Akbarabadi

Nazm

aurat aur namak

tum kis kumbe kii maa.n ho
reip kii qaid kii baTe hu.e jism kii
yaa ii.nTo.n me.n chunii hu.ii beTiyo.n kii
baazaaro.n me.n tumhaarii beTiyaa.n
apne lahuu se bhuuk guu.ndhtii hai.n
aur apnaa gosht khaatii hai.n
ye tumhaarii kaun sii aa.nkhe.n hai.n
ye tumhaare ghar kii diivaar kii kaun sii chinaa.ii hai
tum ne merii ha.nsii me.n ta.aaruf rakkhaa
aur apne beTe kaa naam sikka-e-raa.ij-ul-vaqt

Sara Shagufta

Nazm

wirasat

apne maa.n baap chune ko.ii ye mumkin hii kahaa.n hai?
us pe ye mulk bhii laazim thaa ki maa.n baap kaa ghar thaa is me.n
ye vatan us kaa chunaav to nahii.n thaa...

Gulzar

Nazm

mehnat karo

hai imtihaa.n sar par kha.Daa mehnat karo mehnat karo
baa.ndho kamar baiThe ho kyaa mehnat karo mehnat karo
be-shak pa.Dhaa.ii hai savaa aur vaqt hai tho.Daa rahaa
hai aisii mushkil baat kyaa mehnat karo mehnat karo
shikve shikaayat jo ki the tum ne kahe ham ne sune
jo kuchh hu.aa achchhaa hu.aa mehnat karo mehnat karo
mehnat karo in.aam lo in.aam par ikraam lo
jo chaahoge mil jaa.egaa mehnat karo mehnat karo
jo baiTh jaa.e.n haar kar kah do unhe.n lalkaar kar
himmat kaa kuu.Daa maar kar mehnat karo mehnat karo
tadbiire.n saarii kar chuke baato.n ke dariyaa bah chuke
bak bak se ab kyaa faa.eda mehnat karo mehnat karo
ye biij agar Daaloge tum dil se use paa loge tum
dekhoge phir is kaa mazaa mehnat karo mehnat karo
mehnat jo kii jii to.D kar har shauq se mu.nh mo.D kar
kar doge dam me.n faisla mehnat karo mehnat karo
khetii ho yaa saudaagarii ho bhiik ho yaa chaakarii
sab kaa sabaq yaksaa.n sunaa mehnat karo mehnat karo
jis din ba.De tum ho ga.e duniyaa ke dhando.n me.n pha.nse
pa.Dhne kii phir fursat kujaa mehnat karo mehnat karo
bachpan rahaa kis kaa bhalaa anjaam ko socho zaraa
ye to kaho khaa.oge kyaa mehnat karo mehnat karo

Mohammad Husain Azad

Nazm

girls college ki lari

fazaa.o.n me.n hai sub.h kaa rang taarii
ga.ii hai abhii girls college kii laarii
ga.ii hai abhii guu.njtii gungunaatii
zamaane kii raftaar kaa raag gaatii
lachaktii hu.ii sii chhalaktii hu.ii sii
bahaktii hu.ii sii mahaktii hu.ii sii
vo sa.Dko.n pe phuulo.n kii dhaarii sii bantii
idhar se udhar se hasiino.n ko chuntii
jhalakte vo shiisho.n me.n shaadaab chehre
vo kaliyaa.n sii khultii hu.ii mu.nh andhere
vo maathe pe saa.Dii ke ra.ngii.n kinaare
sahar se nikaltii shafaq ke ishaare
kisii kii adaa se ayaa.n KHush-mazaaqii
kisii kii nigaaho.n me.n kuchh niind baaqii
kisii kii nazar me.n mohabbat ke dohe
sakhii rii ye jiivan piyaa bin na sohe
ye khi.Dkii kaa ra.ngiin shiisha giraa.e
vo shiishe se ra.ngiin chehraa milaa.e
ye chaltii zamii.n pe nigaahe.n jamaatii
vo ho.nTo.n me.n apne qalam ko dabaatii
ye khi.Dkii se ik haath baahar nikaale
vo zaanuu pe girtii kitaabe.n sambhaale
kisii ko vo har baar tevarii sii cha.Dhtii
dukaano.n ke taKHte adhuure se pa.Dhtii
ko.ii ik taraf ko simaTtii hu.ii sii
kinaare ko saa.Dii ke baTtii hu.ii sii
vo laarii me.n guu.nje hu.e zamzame se
dabii muskuraahaT subuk qahqahe se
vo lahjo.n me.n chaa.ndii khanaktii hu.ii sii
vo nazro.n se kaliyaa.n chaTaktii hu.ii sii
saro.n se vo aa.nchal Dhalakte hu.e se
vo shaano.n se saaGar chhalakte hu.e se
javaanii nigaaho.n me.n bahkii hu.ii sii
mohabbat taKHayyul me.n bahkii hu.ii sii
vo aapas kii chhe.De.n vo jhuuTe fasaane
ko.ii un kii baato.n ko kaise na maane
fasaana bhii un kaa taraana bhii un kaa
javaanii bhii un kii zamaana bhii un kaa

Jan Nisar Akhtar

Nazm

tauq-o-dar ka mausam

nasiib-e-sohbat-e-yaaraa.n nahii.n to kyaa kiije
ye raqs-e-saaya-e-sarv-o-chinaar kaa mausam

Faiz Ahmad Faiz

Nazm

isi do-rahe par

phir tire kaa.npte ho.nTo.n kii fusuu.n-kaar ha.nsii
jaal bun.ne lagii buntii rahii buntii hii rahii
mai.n khi.nchaa tujh se magar tuu mirii raaho.n ke liye
phuul chuntii rahii chuntii rahii chuntii hii rahii

Sahir Ludhianvi

Nazm

mohabbat Diary hargiz nahin hai

mohabbat Diary hargiz nahii.n hai
jis me.n tum likkho
ki kal kis rang ke kap.De pahan.ne kaun sii KHushbuu lagaanii hai
kise kyaa baat kahnii kaun sii kis se chhupaanii hai
kahaa.n kis pe.D ke saa.e tale milnaa hai
mil kar puuchhnaa hai
kyaa tumhe.n mujh se mohabbat hai
ye farsuuda saa jumla hai
magar phir bhii yahii jumla
dariicho.n aa.ngano.n sa.Dko.n galii kuucho.n me.n chaubaaro.n me.n
chaubaaro.n kii TuuTii sii.Dhiyo.n me.n
har jagah ko.ii kisii se kah rahaa hai
kyaa tumhe.n mujh se mohabbat hai
mohabbat Diary hargiz nahii.n hai
jis me.n tum likkho
tumhe.n kis vaqt kis se kis jagah milnaa hai kis ko chho.D jaanaa hai
kahaa.n par kis tarah kii guftuguu karnii hai yaa KHaamosh rahnaa hai
kisii ke saath kitnii duur tak jaanaa hai aur kab lauT aanaa hai
kahaa.n aa.nkhe.n milaanaa hai kahaa.n palke.n jhukaanaa hai
yaa ye likkho ki ab kii baar jab vo milne aa.egaa
to us kaa haath apne haath me.n le kar
dhanak chehre pe raushan jagmagaatii raqs kartii us kii aa.nkho.n me.n utar jaa.e.nge
aur phir gulshan-o-sahraa ke biicho.n-biich dil kii saltanat me.n KHaak u.Daa.e.nge
bahut mumkin hai vo ujlat me.n aa.e
aur tum us kaa haath haatho.n me.n na le paa.o
na aa.nkho.n hii me.n jhaa.nko aur na dil kii saltanat ko fat.h kar paa.o
jahaa.n par guftuguu karnii hai tum KHaamosh ho jaa.o
jahaa.n KHaamosh rahnaa hai vahaa.n tum bolte jaa.o
na.e kap.De pahan kar ghar se niklo maile ho jaa.o
ko.ii KHushbuu lagaane kaa iraada ho to shiishii haath se gir jaa.e
tum viiraan ho jaa.o
safar karnaa se pahle be-sar-o-saamaan ho jaa.o
mohabbat Diary hargiz nahii.n hai aab-juu hai
jo dilo.n ke darmiyaa.n bahtii hai KHushbuu hai
kabhii palko.n pe lahraa.e to aa.nkhe.n ha.nsne lagtii hai.n
jo aa.nkho.n me.n utar jaa.e to manzar aur pas-e-manzar me.n sham.e.n jalne lagtii hai.n
kisii bhii rang ko chhuu le
vahii dil ko gavaaraa hai
kisii miTTii me.n ghul jaa.e
vahii miTTii sitaara hai

Saleem Kausar

Nazm

jashn-e-id

ba.De Gazab kaa gulistaa.n me.n jashn-e-'iid hu.aa
kahii.n to bijliyaa.n kau.ndii.n kahii.n chiinaar jale

Shakeb Jalali

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now