Search result for "daraaz-dasti-e-qaatil" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "daraaz-dasti-e-qaatil"

Nazm MATCHES FOR "daraaz-dasti-e-qaatil"

Nazm

zabta

ye zaabta hai banuu.n dast-o-baazuu-e-qaatil
ye zaabta hai dh.Daknaa bhii chho.D de ye dil

Habib Jalib

Nazm

KHurshid-e-mahshar ki lau

aaj ke din na puuchho mire dosto
zaKHm kitne abhii baKHt-e-bismil me.n hai.n
dasht kitne abhii raah-e-manzil me.n hai.n
tiir kitne abhii dast-e-qaatil me.n hai.n

Faiz Ahmad Faiz

Nazm

dil-e-pur-KHun

pahluu-e-dil se kahii.n lag ke ko.ii rotaa hai
dast-e-qaatil pe kahii.n ashk kahii.n dhabbe hai.n
dil masaltaa hai ko.ii haath me.n le kar har dam
dil bahut dukhtaa hai har baat pe dil dukhtaa hai

Ekram Khawar

Nazm

rahguzar

phir vahii ba.Dhte hu.e rukte hu.e qadmo.n kii chaap
phir vahii sahmii hu.ii simTii hu.ii sargoshiyaa.n
phir vahii bahkii hu.ii mahkii hu.ii sii aahaTe.n
phir vahii gaatii sii lahraatii sii kuchh madhoshiyaa.n

Qateel Shifai

Nazm

aazadi ke diwane

ham aazaadii ke diivaane ye duniyaa farzaano.n kii
is paapii sansaar me.n baabaa kaun sune diivaano.n kii
masjid mandir sab ke andar raaj Gulaamii kartii hai
daulat le kar naam KHudaa kaa ghar ghar dharnaa dhartii hai
koThii ba.ngle gore saa.npo.n kii ik aisii bastii hai
jo bhaarat ke bhole-bhaale insaano.n ko Dastii hai
un se bach kar chalnaa baabaa ye qaatil zahriile hai.n
suurat ke mohan hai.n bhiitar se sab niile piile hai.n
shaidaa huu.n aazaadii kaa aazaad-nagar me.n Deraa hai
kyaa batlaa.uu.n mere bhayyaa kaun jahaa.n me.n meraa hai
vo meraa jo aazaadii kii zulfo.n kaa diivaana hai
vo meraa jo sham-e-vatan kaa shaidaa.ii parvaana hai
vo meraa jo maut ke aage be-jigarii se tantaa hai
vo meraa jo aap na ho kuchh jis kii sab kuchh jantaa hai
vo meraa jo ha.nste ha.nste phaa.nsii par cha.Dh jaataa hai
vo meraa jo maut se bhii do chaar qadam ba.Dh jaataa hai
aazaadii ke taalib sun le maut hii merii manzil hai
tuu duniyaa kaa ban saktaa hai meraa ban.naa mushkil hai

Anwar Sabri

Nazm

dua

jin kaa dii.n pairvi-e-kizb-o-riyaa hai un ko
himmat-e-kufr mile jur.at-e-tahqiiq mile
jin ke sar muntazir-e-teG-e-jafaa hai.n un ko
dast-e-qaatil ko jhaTak dene kii taufiiq mile

Faiz Ahmad Faiz

Nazm

shikast-e-saba

sabaa jo raqs ke manzar dikhaa.e
sabaa jo giit gaa gaa kar sunaa.e
sabaa ke ijz ko jaanaa hai kis ne
sabaa kii barchhiyaa.n khaa.ii hai.n kis ne
magar tuu dast-e-imkaa.n se pare thii
tiraa dast-e-hasii.n thaa dast-e-qaatil
na shab-KHuu.n se mafar ham ko na tum ko
ram-e-chaara-garaa.n kaa zikr kaisaa
mare lekin na rut aa.ii kafan kii
zamaana hai zamaana chal rahaa hai

Zaheer Parvez

Nazm

bhopal

badr-e-kaamil hai sitaaro.n kii ridaa bhopal hai
ik hasii.n ke dast-e-naazuk kii hinaa bhopal hai

Zia Faooqui

Nazm

aaj bazar mein pa-ba-jaulan chalo

chashm-e-nam jaan-e-shoriida kaafii nahii.n
tohmat-e-ishq-e-poshiida kaafii nahii.n
aaj baazaar me.n paa-ba-jaulaa.n chalo
dast-afshaa.n chalo mast o raqsaa.n chalo
KHaak-bar-sar chalo KHuu.n-ba-daamaa.n chalo
raah taktaa hai sab shahr-e-jaanaa.n chalo
haakim-e-shahr bhii majma-e-aam bhii
tiir-e-ilzaam bhii sang-e-dushnaam bhii
sub.h-e-naashaad bhii roz-e-naakaam bhii
un kaa dam-saaz apne sivaa kaun hai
shahr-e-jaanaa.n me.n ab baa-safaa kaun hai
dast-e-qaatil ke shaayaa.n rahaa kaun hai

Faiz Ahmad Faiz

Nazm

parchhaiyan

javaan raat ke siine pe duudhiyaa aa.nchal
machal rahaa hai kisii KHvaab-e-marmarii.n kii tarah

Sahir Ludhianvi

Nazm

lahu ka suragh

kahii.n nahii.n hai kahii.n bhii nahii.n lahuu kaa suraaG
na dast-o-naaKHun-e-qaatil na aastii.n pe nishaa.n
na surKHi-e-lab-e-KHanjar na ra.ng-e-nok-e-sinaa.n
na KHaak par ko.ii dhabbaa na baam par ko.ii daaG
kahii.n nahii.n hai kahii.n bhii nahii.n lahuu kaa suraaG
na sarf-e-KHidmat-e-shaahaa.n ki KHuu.n-bahaa dete
na dii.n kii nazr ki bai.aana-e-jazaa dete
na razm-gaah me.n barsaa ki mo'tabar hotaa
kisii alam pe raqam ho ke mushtahar hotaa
pukaartaa rahaa be-aasraa yatiim lahuu
kisii ko bahr-e-samaa.at na vaqt thaa na dimaaG
na mudda.ii na shahaadat hisaab paak hu.aa
ye KHuun-e-KHaak-nashiinaa.n thaa rizq-e-KHaak hu.aa

Faiz Ahmad Faiz

Nazm

yakum may

qatl-e-gul qatl-e-sabaa qatl-e-sahar kii taqriib
mun.aqid hotii rahii baarhaa aivaano.n me.n
qila-e-jabr-o-tashaddud me.n
qasr-e-zulmat me.n
KHalvat-e-shab me.n
gaahe-gaahe sar-e-raahe
aur is baar ye taqriib ba.Dii shaan ke saath
mun.aqid ahl-e-havas ke haatho.n
rahguzaaro.n pe hu.ii
bar-sar-e-baazaar hu.ii
kuucha-e-shahr-e-nigaaraa.n me.n hu.ii
dasht-o-sahraa me.n hu.ii
kohsaaro.n me.n hu.ii
naam-e-gul naam-e-sabaa naam-e-sahar vird-e-zabaa.n
har-nafas gaam-ba-gaam
mohtaram hai ravish-e-makr-o-fareb-e-paiham
sheva-e-raahzanii kii KHair
pesha-e-qatl kii azmat kii duhaa.ii diije
dast-e-qaatil ke taqaddus kii qasam khaa.ii ga.ii
saathiyo chalte raho
ham rivaayaat-e-chicago ke amii.n
KHuun-e-fučík ke taqaddus ke amii.n
azmat-e-KHuun-e-lumumba ke amii.n
KHuun-e-naasir ke amii.n
nazr-e-KHuu.n dete rahe hai.n
sar-e-mahfil sar-e-zindaa.n sar-e-maqtal sar-e-daar
nazr-e-KHuu.n dete rahe.nge ham log

Muslim Shameem

Nazm

but-saz

kuchh nahii.n kuchh bhii nahii.n aaj azaa-KHaane me.n
aaj KHas-KHaana-e-KHvaahish me.n faqat raakh hai raakh
vo kisii dast-e-hunar-var kaa taraashaa hu.aa til
kaf-e-zau-rez ko sharmaataa thaa maah-e-kaamil
vo tirii saa.ad-e-siimii.n kaa zamurrad bhii KHajil

Akhtar Usman

Nazm

buniyaad kuchh to ho

marne chale to satvat-e-qaatil kaa KHauf kyaa
itnaa to ho ki baa.ndhne paa.e na dast o paa
maqtal me.n kuchh to rang jame jashn-e-raqs kaa
ra.ngii.n lahuu se panja-e-sayyaad kuchh to ho
KHuu.n par gavaah daaman-e-jallaad kuchh to ho
jab KHuu.n-bahaa talab kare.n buniyaad kuchh to ho

Faiz Ahmad Faiz

Nazm

hujum-e-girya

hame.n bhii ro le hujuum-e-girya ki phir na aa.e.nge Gam ke mausam
hame.n bhii ro le ki ham vahii hai.n
jo aaftaabo.n kii bastiyo.n se suraaG laa.e the un savero.n kaa jin ko shabnam ke pahle qatro.n ne Gusl baKHshaa
safed ra.ngo.n se nuur-e-ma.anii nikaal lete the aur chaa.ndii ujaalte the
shafaq pe Thahre sunahre baadal se zard sone ko Dhaalte the
KHunuk havaa.o.n me.n KHushbu.o.n ko milaa ke un ko u.Daane vaale
sabaa kii parto.n pe sher likh kar adam kii shakle.n banaane vaale
dimaaG rakhte the lafz o ma.anii kaa aur dast-e-hunar ke maalik
vaqaar-e-nuur-e-charaaG ham the
hame.n bhii ro le hujuum-e-girya
hame.n bhii ro le ki ham vahii hai.n
jo tez aa.ndhii me.n saaf chehro.n ko dekh lete the aur saa.nso.n ko bhaa.npte the
falak-nashiino.n se guftuguu.e.n thii.n aur pariyo.n se khelte the
kariim logo.n kii sohbato.n me.n kushaada kuu-e-saKHaa ko dekhaa
kabhii na rokaa thaa ham ko suuraj ke chobdaaro.n ne qasr-e-baizaa ke daaKHle se
vahii to ham hai.n
vahii to ham hai.n jo luT chuke hai.n hafiiz raaho.n pe luTne vaale
usii falak kii siyah-zamii.n par jahaa.n pe larzaa.n hai.n shor-e-naala se aadilo.n kii sunahrii ka.Diyaa.n
hame.n bhii ro le hujuum-e-girya
hame.n bhii ro le ki in dino.n me.n hamaarii pushto.n pe baar hotaa hai zaKHm-e-taaza ke surKH phuulo.n kaa aur gardan me.n sard aahan kii kohna la.Diyaa.n
hamaarii zid me.n safed naaKHun qalam banaane me.n dast-e-qaatil kaa saath dete hai.n aur neze uchhaalte hai.n
havaa kii lahro.n ne reg-e-sahraa kii tez dhaaro.n se rishte jo.De
shariir haatho.n se ka.nkaro.n kii siyaah baarish ke raabte hai.n
hamaarii zid me.n hii mulko.n mulko.n ke shahryaaro.n ne ahd baa.ndhe
yahii ki ham ko dhu.e.n se baa.ndhe.n aur ab dhu.e.n se ba.ndhe hu.e hai.n
so ham pe rone ke nauha karne ke din yahii hai.n hujuum-e-girya
ki musta.id hai.n hamaare maatam ko gahre saayo.n kii sard shaame.n
KHizaa.n-rasiida taviil shaame.n
hame.n bhii ro le hujuum-e-girya ki phir na aa.e.nge Gam ke mausam

Ali Akbar Natiq

Nazm

nafrat

mujhe nafrat se nafrat hai
ye vo ifriit hai
jo gulshan-e-lab pe sajaataa hai
ridaa-e-KHaar-e-dushnaamii
ye dast-e-be-zarar me.n
KHanjar-e-qaatil ugaataa hai
ye un aa.nkho.n ko jo
ma.asuum-tar hai.n
ziyaa-e-qahr-e-naa-zebaa dikhaa kar
surKH kartaa hai
ye ha.nste khelte aabaad ghar ko
bilaktii siskiyo.n se
aur ashko.n se samaataa hai
Garaz ye kaj-adaa ifriit
KHush-haalii ke rishto.n kii rukaavaT hai
mujhe nafrat se nafrat hai

Asim Wasti

Nazm

ham-zad

ko.ii nishaa.n baaqii nahii.n
naqsh gar lamho.n kii har tahriir
dast-e-be-nishaa.n ke lams qaatil kaa fasaana ban ga.ii
shahr ke logo.n
tumhaare rauzan-e-chaak-e-jigar bhii band hai.n
tum me.n har ik ne kisii KHisht-e-tamannaa
sa.ng-e-nafrat se
ye chashm-e-rauzan-e-dil band kar ke
aaKHirii ummiid kaa suuraj bujhaa kar rakh diyaa
aur ab lazzaat kii duniyaa me.n gum
suud-o-saudaa kii asiirii par
razaa-mand kaa tauq-e-be-nishaa.n pahne hu.e
KHush ho ki jannat mil ga.ii

Ahmed Shamim

Nazm

atomi tajraba

aag ke is dahakte hu.e gole ko
dast-e-fitrat ne barfiilii chaadar u.Dhaa kar
bahut hii saliiqe se ThanDaa kiyaa
vaqt ke bahr-e-zaKHKHaar me.n
laakho.n sadiyo.n ke dariyaa utarne ke baad
is zamii.n ko hamaare liye rahne sahne ke qaabil kiyaa
lekin insaan ab
ilm-o-daanish kii saarii taraqqii pe
daur-e-jahaalat kii tash.hiir karne lagaa
apnii jhuuTii anaa kii Gizaa ke liye
kurra-e-arz kii aatish-e-sard me.n
intihaa.ii KHatarnaak ii.ndhan lagaane lagaa
baaG-e-hastii ko dozaKH banaane lagaa

Ateeq Anzar

Nazm

lekin

pahlii baarish jaisaa teraa chehra thaa
dil patthar kii har har darz me.n
ko.ii ko.npal phuuT ga.ii thii
ik ik rekh kaa haath paka.D ke
terii yaad kii bel badan par phail rahii thii
aur phuvaar pa.Dii phir ik din
tan chunarii kii silvaT silvaT
zahr aur numuu kii kaahii rangat rachii hu.ii thii
naKHl-e-daar pe baur aane kaa mausam bhii thaa
dillii kii galiyo.n me.n us din
'miir' naam ke saudaa.ii kaa maatam bhii thaa
ghar me.n bahaar aa.ii to 'Gaalib'
zaat ke kisii bayaabaan me.n thaa
dast-e-sabaa ne dastak dii to
'faiz' abhii tak
Gam-e-jahaa.n ke zindaa.n me.n thaa

Salman Haider

Nazm

chadar aur chaar-diwari

ye lau.nDiyaa.n hai.n
ki yarGamaalii halaal shab-bhar rahe hai.n
dam-e-sub.h dar-ba-dar hai.n
huzuur ke nutfe ko mubaarak ke nisf virsa se be-mo'atabar hai.n
ye biibayaa.n hai.n
ki zaujagii kaa KHiraaj dene
qataar-andar-qataar baarii kii muntazir hai.n
ye bachchiyaa.n hai.n
ki jin ke sar par phiraa jo hazrat kaa dast-e-shafqat
to kam-sinii ke lahuu se riish-e-saped ra.ngiin ho ga.ii hai
huzuur ke hajla-e-mo.attar me.n zindagii KHuun ro ga.ii hai
pa.Daa hu.aa hai jahaa.n ye laasha
taviil sadiyo.n se qatl-e-insaaniyat kaa ye KHuu.n-chakaa.n tamaasha
ab is tamaasha ko KHatm kiije
huzuur ab is ko Dhaa.np diijiye

Fahmida Riaz

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now