Search result for "gardish-e-chashm-e-yaar" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "gardish-e-chashm-e-yaar"

Nazm MATCHES FOR "gardish-e-chashm-e-yaar"

Nazm

phir sham hui

chaa.nd niklaa hai daaGo.n kii mish.al liye
duur girjaa ke miinaaro.n kii oT se
aa mirii jaan aa ek se do bhale
aaj phere kare.n kuucha-e-yaar ke
aur hai kaun dard-aashnaa baavare!
ek mai.n shahr me.n, ek tuu shahr me.n

Ibn۔e۔Insha

Nazm

Tipu ki aawaz

phiikaa hai jis ke saamne aks-e-jamaal-e-yaar
azm-e-javaa.n ko mai.n ne vo Gaaza ataa kiyaa

Aale Ahmad Suroor

Nazm

buzdil

hujuum-e-sa.ng-e-anaa aur zabt-e-paiham ne
misaal-e-reg-e-ravaa.n be-qaraar rakkhaa hai
mire vajuud kii vahshat ne raat bhar mujh ko
Gubaar-e-qaafila-e-intizaar rakkhaa hai
ba-pesh-e-KHidmat-e-chashm-e-saraab-aaluuda
havaa ne dast-e-talab baar baar rakkhaa hai

Amjad Islam Amjad

Nazm

chashm-e-bad-dur

udhar shahnaa.ii sii guu.njii
kisii kii maa.ng me.n sinduur
nanhaa saa farishta
chashm-e-bad-duur

Shahram Sarmadi

Nazm

gul-e-rangin

to.D lenaa shaaKH se tujh ko miraa aa.ii.n nahii.n
ye nazar Gair-az-nigaah-e-chashm-e-suurat-bii.n nahii.n
aah ye dast-e-jafaa jo ai gul-e-ra.ngii.n nahii.n
kis tarah tujh ko ye samjhaa.uu.n ki mai.n gulchii.n nahii.n
kaam mujh ko diida-e-hikmat ke uljhe.Do.n se kyaa
diida-bulbul se me.n kartaa huu.n nazzaara teraa

Allama Iqbal

Nazm

garjat barsat aae badra

ab to bas kar ai chashm-e-tar
kab tak saath nibhaa.e badraa

Sada Ambalvi

Nazm

jafa-e-dil-shikan

aah-bar-lab chashm-e-pur-nam zard rau
hai pareshaanii qayaamat muu-ba-muu
haa.e haa.e kii sadaa hai chaar-suu
KHaak me.n sab kii milii hai aabruu
paa-barahna ghar se nikle mard o zan
log dehlii ke hai.n saare na.ara-zan

Gulam Dastgeer Mubeen

Nazm

chashm-e-tamanna

chashm-e-tamannaa
jise nii.nd aa.ii thii sadiyo.n kii biimaariyo.n kii thakan se
jaag uTThii hai shaayad
badan me.n nayaa din shaguufe kii maanind ubhraa
shafaq-zaar ban kar
dil kii aaGosh me.n aa basaa hai
nazaare me.n mas.huur rahne kii KHvaahish janam le rahii hai
basaa kar use apnii nazro.n me.n
shaadaab aa.nkho.n me.n rahne ko jii chaahtaa hai
vahii ra.ng-o-buu kii haraarat kii halkii lakiire.n
tamaazat ke jho.nke badan chhuu rahe hai.n
bahaar aa ga.ii yaad kii vaadiyo.n me.n
safar ke iraado.n se maayuus kashtii
kinaare pe yuu.n aa lagii hai
ki Thahrii hu.ii jhiil kii raushnii me.n nayaa ghar basaa hai
ye chashm-e-tamannaa kii kashtii banii hai nayaa aashiyaana
niilguu.n raushnii tairtii hai
magar ye kha.Dii hai
zamaane mohabbat ke phir lauT aa.e hai.n shaayad
vaqt ke Thahar jaane kii shaayad gha.Dii hai
qayaamat ka.Dii hai

Ghalib Ahmad

Nazm

chashm-e-be-KHwab ko saman bahut

chashm-e-be-KHvaab ko saamaan bahut!
raat-bhar shahr kii galiyo.n me.n havaa
haath me.n sang liye
KHauf se zard makaano.n ke dha.Dakte dil par
dastake.n detii chalii jaatii hai
raushnii band kivaa.Do.n se nikalte hu.e ghabraatii hai
har taraf chiiKH sii chakraatii hai
hai.n mire dil ke liye dard ke unvaan bahut

Amjad Islam Amjad

Nazm

imroz

sazaa-e-KHvesh hai KHud sat.h-e-chashm-e-zaahir me.n
jise ma.aanii-e-shaa.ir pe e'tibaar nahii.n

Meem Hasan Lateefi

Nazm

ummid

chashm-e-hairat me.n
zaKHmo.n aur laasho.n kaa jo samundar
Thahar Thahar kar Daraa rahaa hai
mai.n us ke saahil pe baiThe baiThe aane vaale logo.n kii KHaatir
do chaar nazme.n likh rahaa huu.n
agar me.n aisaa na karuu.n to
mujhe bataa.o ki kyaa karuu.n mai.n
ahd-e-haazir ke KHushk daaman
surKH laasho.n se bhar ga.e hai.n
agar kuchh is ke sivaa bachaa hai to bas mashiino.n kaa shor saa hai
fazaa me.n dhu.aa.n ghulaa hu.aa hai
mai.n un fazaa.o.n me.n ghaT rahaa huu.n
do chaar nazme.n likh rahaa huu.n
agar mai.n aisaa na karuu.n to
mujhe bataa.o ki kyaa karuu.n mai.n
mere aziizo mere rafiiqo
aa.o mil kar jatan kare.n ye
ummiid kii lau ba.Dhaa.e rakkhe.n
hasiin mausamo.n kii aahaTo.n par
kaan apnaa lagaa.e rakkhe.n
ufuq pe nazre.n jamaa.e rakkhe.n
ummiid rakhnaa
yahaa.n se ek din nayaa saveraa
na.e ujaalo.n ke saath ho kar
na.ii uma.ngo.n ke haath thaame
mausamo.n ko badal hii degaa
kaan apnaa lagaa.e
ufuq pe nazre.n jamaa.e rakhnaa

Afroz Alam

Nazm

karachi ka traffic

chashm-e-bad-duur karachi me.n traffic kaa nizaam
uu.nT-gaa.Dii kii gadhaa-gaa.Dii kii Tik-Tik kaa nizaam
raahgiiro.n se police vaalo.n kii jhak jhak kaa nizaam
kitnaa choukas hai ye pasmaa.nda mamaalik kaa nizaam
raah roke hai police ''kaar-guzaarii'' dekho
kis tarah jaatii hai shaaho.n kii savaarii dekho

Syed Mohammad Jafri

Nazm

saqi

bataa.uu.n kyaa jo rang-e-gardish-e-ayyaam hai saaqii
jahaa.n kaa zarra-zarra kushta-e-aalaam hai saaqii
ma.aaz-allaah ab har har qadam par daam hai saaqii
gulistaa.n me.n ye aazaadii kaa faiz-e-aam hai saaqii
samajh saktaa hai kaun is raaz ko juz ahl-e-mai-KHaana
libaas-e-sub.h me.n kitnii bhayaanak shaam hai saaqii
qafas kaisaa nasheman kyaa ye sab kahne kii baate.n hai.n
na jab aaraam thaa saaqii na ab aaraam hai saaqii
ajam be-bahra-e-iimaa.n arab be-bahra-e-daanish
ba-ii.n-aaGaaz dono.n kaa buraa anjaam hai saaqii
sitam ye hai ko.ii shiisha-garo.n ko kuchh nahii.n kahtaa
mirii KHaaraa-shigaafii morid-e-ilzaam hai saaqii
hijaabaat-e-tasavvur me.n abhii hai millat-e-aadam
abhii insaa.n shikaar-e-la.anat-e-aqvaam hai saaqii
abhii marduud-e-dargaah-e-KHirad hai taabish-e-iimaa.n
abhii maqbuul-e-aalam zulmat-e-auhaam hai saaqii
abhii pyaaso.n ne paa.ii hii nahii.n hai raah-e-mai-KHaana
KHirad kii koshish-e-paiham abhii naakaam hai saaqii
ulajh kar rah ga.e hai.n mudda.iyaan-e-rubuubiyyat
KHayaal-e-KHaam bil-aaKHir KHayaal-e-KHaam hai saaqii
charaaG-e-raah ban kar rahbarii kii jis sahiife ne
vo juzdaano.n ke shiishe me.n charaaG-e-baam hai saaqii
tiraa ye rind-e-sar-gashta jise 'faaruuq' kahte hai.n
isii tanqiid ke chalte bahut badnaam hai saaqii
KHat-e-paimaana arq-e-mauj-e-sahbaa hotaa jaataa hai
ijaazat ho ki ab aage KHudaa kaa naam hai saaqii

Shameem Farooq Banspari

Nazm

taswir-e-KHyali

ai munavvar-kun-e-taariikii-e-chashm-e-aashiq
ai mudaavaa-kun-e-aalaam-dil-e-hijr-nasiib
ai ba-yak sho.abada zaa.il-kun-e-KHashm-e-aashiq
ai ba-zaahir tuu bahut duur magar dil se qariib

Azeemuddin Ahmad

Nazm

ehsas

ai mire KHvaab kii dil-kash pariyo
gungunaatii hu.ii zulfo.n kii ghaTaa
surKH ruKHsaar
damakte hu.e lab
nashsha-e-chashm-e-fusuu.n-saaz liye
marmarii.n jism liye
sho.ala-e-aavaaz liye
aa sako aaj agar aa jaa.o
merii tanhaa.ii ko chamkaa jaa.o
sard hai aatish-e-dil
apne aa.nchal kii havaa se use dahkaa jaa.o!

Iftikhar Aazmi

Nazm

paigham

kashmakash se mufir kab hu.aa hai jo ho
jumbish-e-chashm-e-saaqii ko pahchaan lo
dil ke ha.nste lahuu kii du.aa.e.n suno
gardish-e-charKH ko
mai ke ik jaam me.n dekh lo
mai-kasho
tishnagii zindagii kii 'alaamat hai
piite raho

Shahryar

Nazm

wo zinda hai

gulaabii daur me.n
vo apne fan kaa shaahzaada thaa
fazaa-e-aariz-o-chashm-o-lab-o-gesuu kaa shaidaa.ii
vo uryaa.n
niim-uryaa.n jism kii qaus-e-quzah
un kaa ta.assur
un kii bijlii
apnii tasviiro.n me.n bhartaa thaa
hasiino.n ke dilo.n me.n vo thaa
KHud bhii un pe martaa thaa
use us daur me.n
izzat milii
daulat milii lekin
dil-e-ruumaan-parvar me.n
ko.ii sho.ala saa bhii mahsuus kartaa thaa!
2
musavvir hii ke naate
us kaa ''shash-pahluu'' tasavvur
ek sho.ala thaa
ki jis ne fan kaa vo pichhlaa tasavvur KHaak kar Daalaa
vo tasviiro.n me.n
tajriidii tasavvur zindagaanii kaa
ba.Dii KHuubii se bhartaa thaa
dikhaa.ii dene vaalaa ik nayaa sa.ngiit detaa thaa
3
vo janib-daar thaa
aur saaf kahtaa thaa
ki jab insaaniyat
tahziib
aur aalaa-tariin qadre.n
ghirii ho.n saKHt KHatro.n me.n
to ik fankaar par bhii ye bataanaa farz hotaa hai
ki vo kis kii taraf hai
fan kaa us se kyaa taqaazaa hai
4
''pikaaso'' mar gayaa
ye sog hai lekin
''pikaaso'' ab bhii zinda hai
vo apne shah-kaaro.n me.n
usii andaaz se khoyaa hu.aa hai
aur kahtaa hai:
mai.n zinda huu.n
dilo.n ke dard ko
bechainiyo.n ko
iztiraاbiyo.n
aur aaho.n ko
kahii.n ik ''manzil-e-zinda'' se pahle maut aatii hai

Salam Machhli shahri

Nazm

wada

is se pahle ki terii chashm-e-karam
ma.azarat kii nigaah ban jaa.e
is se pahle ki tere baam kaa husn
rif.at-e-mehr-o-maah ban jaa.e
pyaar Dhal jaa.e mere ashko.n me.n
aarzuu ek aah ban jaa.e
mujh pe aa jaa.e ishq kaa ilzaam
aur tuu be-gunaah ban jaa.e
mai.n tiraa shahr chho.D jaa.uu.ngaa
is se pahle ki saadgii terii
lab-e-KHaamosh ko gila kah de
mai.n tujhe chaaragar KHayaal karuu.n
tuu mire Gam ko laa-davaa kah de
terii majbuuriyaa.n na dekh sake
aur dil tujh ko bevafaa kah de
jaane mai.n be-KHudii me.n kyaa puuchhuu.n
jaane tuu be-ruKHii se kyaa kah de
mai.n tiraa shahr chho.D jaa.uu.ngaa
chaara-e-dard ho bhii saktaa thaa
mujh ko itnii KHushii bahut kuchh hai
pyaar go jaavedaa.n nahii.n phir bhii
pyaar kii yaad bhii bahut kuchh hai
aane vaale dino.n kii zulmat me.n
aaj kii raushnii bahut kuchh hai
us tahii-daamanii ke aalam me.n
jo milaa hai vahii bahut kuchh hai
mai.n tiraa shahr chho.D jaa.uu.ngaa
chho.D kar saahil-e-muraad chalaa
ab safiina miraa kahii.n Thahre
zahar piinaa miraa muqaddar hai
aur tire ho.nT a.ngbii.n Thahre
kis tiraa tere aastaa.n pe rukuu.n
jab na paa.nv tale zamii.n Thahre
us se behtar hai dil yahii samjhe
tuu ne rokaa thaa ham nahii.n Thahre
mai.n tiraa shahr chho.D jaa.uu.ngaa
mujh ko itnaa zaruur kahnaa hai
vaqt-e-ruKHsat salaam se pahle
ko.ii naama nahii.n likhaa mai.n ne
tere harf-e-payaam se pahle
to.D luu.n rishta-e-nazar me.n bhii
tum utar jaa.o baam se pahle
le mirii jaan meraa va.ada hai
kal kisii vaqt shaam se pahle
mai.n tiraa shahr chho.D jaa.uu.ngaa

Saifuddin Saif

Nazm

inqalab

ye kah rahii hai ishaaro.n me.n gardish-e-garduu.n
ki jald ham ko.ii saKHt inqalaab dekhe.nge
nizaam-e-charKH me.n dekhe.nge ik taGayyur-e-KHaas
sukuun-e-dahr me.n ik iztiraab dekhe.nge
KHudaa ne chaahaa to ab jald hii vatan vaale
vatan me.n apnaa mission kaamyaab dekhe.nge
du.aa.e.n kii hai.n jo ahl-e-vatan ne ro ro kar
yaqii.n hai jald unhe.n mustajaab dekhe.nge
zamaana aane hii vaalaa hai jab ham ai zaalim
tujhe bhii KHvaar tujhe bhii KHaraab dekhe.nge
bahut hii jald tire sar pe bhii KHudaa kii qasam
KHudaa kaa qahr KHudaa kaa itaab dekhe.nge
tujhe bhii dekhe.nge majbuur-e-faaqa-o-aflaas
tujhe bhii qaid-e-Gam-o-iztiraab dekhe.nge
tujhe bhii apnii tarah jald hii ba-fazl-e-KHudaa
asiir-e-silsila-e-pech-o-tab dekhe.nge
tujhe bhii apnii tarah paa-e-band-e-naala-o-aah
yuu.n hii majaal-e-tbaah-o-KHaraab dekhe.nge
ravaa.n-davaa.n tujhe hindostaa.n se so.e adam
ba-qalb-e-zaar o ba-chashm-e-pur-aab dekhe.nge
ye dekhnaa hai jo kuchh ham ko us me.n der nahii.n
bahut hii jald bahut hii shitaab dekhe.nge

Ahmaq Phaphoondvi

Nazm

gardish-e-ayyam

marhala gardish-e-haalaat ke roz-o-shab kaa
marhala uljhe KHayaalaat ke roz-o-shab kaa
marhala vaqt kii be-mehrii-o-bezaarii kaa
marhala zehnii aziyyat kaa dil-aazaarii kaa
jiite jii kyaa mujhe har roz hii marnaa hogaa
zindagii itnaa bataa de tuu mujhe tere liye
aur yuu.n kitne maraahil se guzarnaa hogaa

Ashhar Nadeemi

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now