Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "girja-ghar"

Nazm MATCHES FOR "girja-ghar"

Nazm

shahr-e-nigaran

masjide.n bhii hai.n manaadir bhii hai.n girja-ghar bhii
nikhat-o-nuur me.n Duubaa hu.aa har manzar bhii

Ameer Ahmad Khusro
Nazm

hum sab hain hindostani

insaano.n kii 'izzat karnaa dharmo.n kaa sammaan
sachchaa.ii kii raah dikhaa.e.n giitaa aur qur.aan
gajar hai girjaa ghar kaa pyaaraa pyaarii hai gurbaanii

Yunus Makhmoor
Nazm

gothic lady

chaaro.n jaanib dil ke raste
girja-ghar sii ek 'imaarat
jis kii chhat par
parnaale hai.n
sher ke jaise
ek ba.Daa miinaar jo ab bhii
kuchh haatho.n par jhuk kar qismat
sau saalo.n se dekh rahaa hai

Saif Ali
Nazm

aaj insan kahan hai

ko.ii bataa.e
kitnii ibaadat-gaahe.n
mandir
masjid
girjaa ghar aur gurudvaare
kitnii jaldii Dhaa.e jaa sakte hai.n
yaa in sab ko halaakato.n ke saaz aur aslaho.n kaa
godaam banaa denaa behtar hai
be-gunaaho.n kaa lahuu zamiin me.n jazb nahii.n ho saktaa
shaayad kabhii nahii.n
ko.ii bataa.e
kab ye zamii.n dobaara shola-zaar banegii
kyaa ko.ii nahii.n hai
ko.ii nahii.n?
jo apnii zamiin ko zindagii kii jannat banaa sake
ik insaanii taaqat
himmat ik azm ke saath
des des mulko.n mulko.n
mai.n insaan ko lalkaaro.ngaa
lekin mai.n huu.n jis kaa shaa.er
vo insaan kahaa.n hai
saarii duniyaa jise maantii rahii hai vo bhagvaan kahaa.n hai?

Niyaz Haidar
Nazm

talash

masjid me.n aur mandir me.n
girja-ghar kii KHaamoshii se
hamd-o-sanaa ke giito.n tak
gurudvaare kii baiThak me.n
Dholak kii har thaap se le kar
laaT saahab ke paaT talak
maulviyo.n ke va.az se le kar
panDit ke bhajan ke andar
sahraa.o.n me.n
dariyaa.o.n me.n
is kone se us kone tak
kaa.enaat ke har goshe me.n
farsh se le kar
arsh ke manzar-naame tak
diivaar-e-girya se le kar
chashm-e-talab ke paar talak
aur KHalaa se bhii us paar
jis ke liye mai.n sargardaa.n thii
jis ko Dhuu.nDaa galii galii
chaman chaman aur kalii kalii
vo to merii shah-e-rag me.n thaa
meraa KHudaa bas meraa KHudaa

Afroz Rizvi
Nazm

baadal

baadal garje
ga.D-ga.D ga.D-ga.D

Absar Abdul Ali
Nazm

sham

jalne lage diye ghar ghar me.n
girjaa masjid aur mandir me.n

Munshi Jwala Parshad Barq
Nazm

suraj jaga

TuuTii.n zulm kii qaide.n TuuTii.n
phuuTii.n amn kii kirne.n phuuTii.n
luuTii.n dil ne KHushiyaa.n luuTii.n
taare so.e suuraj jaagaa
bhaagaa ghor a.ndheraa bhaagaa
saKHt gha.Dii jo thii biit ga.ii hai
haarii baazii jiit ga.ii hai
KHaak me.n Gam kii riit ga.ii hai
taare so.e suuraj jaagaa
bhaagaa ghor a.ndheraa bhaagaa
aa.e KHushii ke din yuu.n vatan me.n
phuulo.n kii rut jaise chaman me.n
sotii umange.n jaagii.n man me.n
taare so.e suuraj jaagaa
bhaagaa ghor a.ndheraa bhaagaa
gahrii nii.nd se jaagii duniyaa
jaagii gangaa jaagii jamunaa
dhartii par lahraayaa phareraa
taare so.e suuraj jaagaa
bhaagaa ghor a.ndheraa bhaagaa
jaage girjaa masjid mandir
khet chaman mill maktab daftar
raushan hai.n sab chhoTe ba.De ghar
taare so.e suuraj jaagaa
bhaagaa ghor a.ndheraa bhaagaa
bichh.De saathii milne lage hai.n
chaak jigar ke silne lage hai.n
dil ke Gunche khilne lage hai.n
taare so.e suuraj jaagaa
bhaagaa ghor a.ndheraa bhaagaa

Saadat Nazeer
Nazm

bhik

kisii mandir kii ghanTii se
Daraa sahmaa hu.aa bhagvaan
ik TuuTe hu.e viiraan ghar me.n jaa chhupegaa
aur pujaarii
KHuun me.n Duube hu.e tirshuul le kar
deviyo.n aur devtaa.o.n ko pukaare.nge

Nomaan Shauque
Nazm

pyar ka tohfa

jis ne har daam me.n aane me.n takalluf bartaa
le u.Dii hai use zulf-e-girah-giir ab ke

Sahir Ludhianvi
Nazm

ek desi hasina se mulaqat

aa.ii thii yahaa.n zulf-e-girah-giir kaTaa kar
mashriq kii havaa baad-e-shumaalii kii tarah thii

Khalid Irfan
Nazm

sham

suuraj Duubaa hu.aa a.ndheraa
chi.Diyaa.n lene lagii.n baseraa
din kaa Gaa.eb hu.aa ujaalaa
taariikii ne parda Daalaa
jalne lage diye ghar ghar me.n
girjaa masjid aur mandar me.n
puujaa me.n hai dhyaan me.n ko.ii
khaane ke saamaan me.n ko.ii
charKH-e-barii.n par chamke taare
be-roGan hai.n raushan saare
halkaa halkaa nuur hai in kaa
bastii se ghar duur hai in kaa
bachche nii.nd me.n Gaafil ho ga.e
lorii sunte sunte so ga.e
jangal se ghar gvaale aa.e
reva.D apnaa sa.nbhaale aa.e
jaa pahu.nche mazduur gharo.n me.n
KHush KHush hai.n biivii bachcho.n me.n
din bhar kab aaraam liyaa hai
KHuun pasiina ek kiyaa hai
shaam ne dii hai kaam se fursat
dam lene kii milii hai mohlat
ab so.e.nge lambii taane
mehnat lagegii KHuub Thikaane
manzil par rahrav jaa pahu.nche
haare thake nii.nd ke maate
kisht-o-chaman sunsaan pa.De hai.n
KHaalii ab maidaan pa.De hai.n
pahlaa saa Gul shor kahaa.n hai
dau.D dhuup kaa zor kahaa.n hai
maa.il-e-raahat hu.aa zamaana
KHatm hu.aa din kaa afsaana
chahal-pahal do-chaar gha.Dii hai
sab ke sirhaane nii.nd kha.Dii hai

Barq Dehlvi
Nazm

miTTi ka git

miTTii kii ye sundar kaayaa miTTii kii hii saarii maayaa
kankar patthar sonaa chaa.ndii solah aane miTTii ke
miTTii ke sab chehre-mohre miTTii ke sab nange paa.nv
miTTii kii ye zulfe.n ghanerii sab ke shaane miTTii ke
miTTii kii nannhii sii kyaarii miTTii kii mahkii phulvaarii
miTTii ke ye phuul ye kaliyaa.n sab ke dahaane miTTii ke
miTTii ke sab khet hamaare miTTii kii pagDanDii bhii
miTTii ke hariyaale paude daane daane miTTii ke
miTTii ke sab panghaT apne miTTii kii sab sakhiyaa.n
miTTii ke chamkiile gagre kaun ye jaane miTTii ke
miTTii kii maa.n bahne.n apnii miTTii ke hai.n bachche-baale
jhuulaa jhuule.n sab miTTii kaa sab ke taraane miTTii ke
miTTii kii sii mohnii suurat miTTii kii ye apnii gu.Diyaa
miTTii ke sab dul.han duulhaa taane-baane miTTii ke
miTTii ke sab daadii daadaa miTTii ke sab naanii naanaa
miTTii ke sab aa.nkho.n vaale andhe kaane sab miTTii ke
miTTii ke sab mahal do-mahle miTTii kii chhoTii sii kuTiyaa
miTTii ke sab ye diye ye sham'e.n sab parvaane miTTii ke
miTTii kii sab galiyaa.n apnii miTTii ke sab gaa.nv hamaare
miTTii ke sab shahr base hai.n sab viiraane miTTii ke
miTTii ke sab saaqii-o-dilbar miTTii ke sab shiisha-o-saaGar
miTTii ke sab jaam-o-subuu hai.n sab paimaane miTTii ke
miTTii ke sab devtaa devii miTTii ke sab girjaa masjid
kyaa siitaa kyaa kaalii maataa sab afsaane miTTii ke
miTTii kii miiThii sii bansii miTTii kii chanchal raadhaa
miTTii se kirshan kanhaiyyaa sab ke gaane miTTii ke
miTTii kaa baazaar lagaa hai kore kore se bartan
kis kii suraahii kis kaa pyaala sab paimaane miTTii ke
miTTii ke chuulhe par naache so.ndhii roTii miTTii kii
jo kuchh chakkii chaak me.n piise daane daane miTTii ke
miTTii kii KHushbuu me.n basaa hai miTTii kaa ye zarra zarra
miTTii ko miTTii hii pukaare hiile-bahaane miTTii ke
jhan-jhan jhan-jhan jhan-jhan bajtii kau.Dii miTTii kii
khan-khan khan-khan giit sunaate aane aane miTTii ke
taak dhinnaa-dhin taak dhinnaa-dhin bolaa tabla miTTii kaa
naacho naacho naacho naacho sab raqsaane miTTii ke
dhamaa-dhamaa dhuu dhamaa-dhamaa dhuu dhamkaa miTTii kaa taa.nDav
us ke piichhe yaahuu yaahuu sab mastaane miTTii ke
dha.D-dha.D dha.D-dha.D dha.Dak rahii hai har har chhaatii miTTii kii
sarsar sarsar sarak rahe hai.n saare shaane miTTii ke
miTTii miTTii miTTii baaje baaje kuuch kaa naqqaaraa
ghar chal ghar chal ghar chal ghar chal o man-maane miTTii ke
miTTii miTTii miTTii miTTii miTTii lorii gaatii hai
so jaa so jaa so jaa so jaa o diivaane miTTii ke
miTTii kii chaadar me.n chhupe.nge qabr banegii miTTii kii

Khalilur Rahman Azmi
Nazm

insan ki fariyaad

haa.n ai masaaf-e-hastii! mat puuchh mujh se kyaa huu.n
ik arsa-e-balaa huu.n ik luqma-e-fanaa huu.n
majbuuriyo.n ne Daalaa gardan me.n merii phandaa
KHud-karda-e-vafaa huu.n jaa.n-daada-e-razaa huu.n
sayyaad haadse kaa kartaa hai meraa piichhaa
murG-e-buriida-par huu.n said-e-shikasta-paa huu.n
hai zaat merii majma.a saarii buraa.iyo.n kaa
kahne ko mai.n ba.Daa huu.n lekin bahut buraa huu.n
aazaadiyo.n kii mujh par tohmat hii hai saraasar
mai.n qaidii-e-havas huu.n mai.n banda-e-havaa huu.n
ik baat ho bataa.uu.n ik dard ho sunaa.uu.n
ro.uu.n bhalaa kahaa.n tak kab tak pa.Daa karaahuu.n
kam-baKHt dil kuchh aisaa mai.n saath le ke aayaa
ik lamha jis ke haatho.n duniyaa me.n sukh na paayaa
jo josh is me.n uTThaa haalaat ne dabaayaa
jo sho.ala is me.n bha.Dkaa taqdiir ne bujhaayaa
ummiid kaa ye Guncha khilte kabhii na dekhaa
ye aarzuu kaa paudaa phaltaa nazar na aayaa
go is me.n maujzan thii qaum o vatan kii ulfat
lekin Garaz ne is ko kuchh aur hii sikhaayaa
hotii nahii.n rasaa.ii ummiid ke ufuq tak
tuul-e-amal ne is ko ik jaal me.n pha.nsaayaa
kii rahbarii KHirad ne har-chand rahnumaa.ii
is juhd par bhii lekin khultii nahii.n sachchaa.ii
paayaa na mai.n ne ab tak maqsad kaa apne saahil
kii bahr-e-ma.arfat me.n din raat aashnaa.ii
is justujuu me.n mai.n ne kii sair-e-tuur-o-aiman
parbat ko ghar banaayaa jangal se lau lagaa.ii
mandir ko jaa ke dekhaa girjaa me.n jaa ke Dhuu.nDaa
masjid ko chhaan maaraa us kii na diid paa.ii
jogii kaa ruup dhaaraa ban me.n kiyaa guzaaraa
tan par bhabhuut mal kar dhuunii bahut ramaa.ii
jap tap me.n umr apnii mai.n ne basar kii aksar
ban ban ke piir-e-raahib jaa KHaanqaah basaa.ii
suufii bhii ban ke dekhaa aur rind-e-be-riyaa bhii
kar naara-e-anaa-al-haq ik khalbalii machaa.ii
phirtii hai.n maarii maarii mushtaaq-e-jalva aa.nkhe.n
par ik jhalak se ba.Dh kar detaa nahii.n dikhaa.ii
uTh jaa nazar se merii haa.n ai hijaab-e-hastii
husn-e-azal nihaa.n hai zer-e-naqaab-e-hastii
ye zindagii-e-insaa.n ik KHvaab hai pareshaa.n
bedaarii-e-adam hai ta.abiir-e-KHvaab-e-hastii
dekhe.n agar to kyuu.n-kar ham jalva-e-ma.aarif
tuu zulmat-e-nazar hai ai aaftaab-e-hastii
taskii.n ko zahr-e-qaatil aab-o-havaa-e-aalam
raahat kaa dushman-e-jaa.n har inqalaab-e-hastii
ai tishna-e-haqiiqat dhoke me.n tuu na aanaa
ik daam-e-pur-KHatar hai mauj-e-saraab-e-hastii
chaahe agar rihaa.ii pesh-az-fanaa fanaa ho
paadaash-e-jurm-e-hastii hai ye azaab-e-hastii

Ghulam Bhik Nairang
Nazm

shab-baraat

vaaris hai.n jin ke jiite vo murde bhii aan kar
halve chapaatii KHuub hii chakhte hai.n peT-bhar
jin kaa ko.ii nahii.n hai vo phirte hai.n dar-ba-dar
auro.n ke lagte phirte hai.n kono.n se ghar-ba-ghar
un kii hai khaarii nuun se bhii khaarii shab-baraat

Nazeer Akbarabadi
Nazm

aaram

ghar ke baahar
baarish hai yaa dhuup hai yaa ole barse hai.n
kuchh mat socho
jab tak ghar ke andar ho aaraam se baiTho
fikr kahaa.n kii ghar me.n ho naa
garmaa-garm pakau.De khaa.o
ghar kaa maza lo
ganjii mozo.n lungii kii shaahaana raahat
paabandii kii bhaagtii dau.Dtii is duniyaa me.n
mazduuro.n ko kam miltii hai

Fay Seen Ejaz
Nazm

doston se kah do

hamaare ghar ke qariib
ko.ii nahr nahii.n bahtii
aur na hii
kisii park me.n
sa.ngii nashist
hamaare naam se mansuub hai
hamaarii taraf
aane vaale kisii raaste par
ko.ii daraKHt nahii.n lagaayaa gayaa
niilaa aasmaan
ham se bahut duur hai
aur sitaare
sirf hamaarii aa.nkho.n me.n chamakte hai.n
dosto.n se kah do
ham haalat-e-ja.ng me.n
aasmaan se giraa.e ga.e khilaune hai.n
ko.ii ham se mat khele

Mustafa Arbab
Nazm

aagahi ke virane

chashma-e-sub.h kii jaanib
vo ba.Dhaa jaise hii
marmarii.n kirno.n pe
saffaak a.ndhero.n kaa hujuum
hamla-aavar hu.aa
qazzaaq-e-ajal kii maanind
TuuT kar chaa.nd giraa Gaar-e-siyah me.n aa.nkhe.n
bujh ga.ii.n mahfil-e-anjum kii subuk-rau sham.e.n
sar niguu.n mohr-ba-lab pahle to kuchh der jalii.n
taab baaqii na rahii jab to siyah-posh hu.ii.n
aur phir chaar taraf
raat kaa aa.nchal phailaa

Ali Abbas Ummeed
Nazm

na ek patte ko ro baba

shafaq jab phuul kar ra.ng-e-hinaa thii
aur havaa ke lab sile the
ek buu.Dhaa pe.D bargad kaa
kha.Daa ga.ngaa-kinaare
dil-girafta
KHud se mahv-e-guftuguu thaa
''vo mirii ik shaaKH kaa patta
mire hii jism kaa hissa
giraa
gir kar sitaaraa ho gayaa
paanii kaa pyaaraa ho gayaa
mujh se kinaara ho gayaa''
vahii.n sargoshiyo.n me.n
ik pati.ngaa
gungunaayaa kaan me.n us ke
''niraashaa tum me.n kyuu.n jaagii
mire baabaa?
tumhaare a.ng ke kitne hii patte
ab bhii gun gaate tumhaaraa hai.n
sahaaraa tum bano un kaa
tumhaaraa vo sahaaraa hai.n
na ik patte ko ro baabaa!''

Jafar Sahni
Nazm

tibbi mashware

jahaa.n tak kaam chaltaa ho Gizaa se
vahaa.n tak chaahiye bachnaa davaa se
agar tujh ko lage jaa.De me.n sardii
to isti.maal kar anDe kii zardii
jo ho mahsuus me.ade me.n giraanii
to pii le so.nf yaa adrak kaa paanii
jigar ke bal pe hai insaan jiitaa
agar zo.af-e-jigar hai khaa papiitaa
thakan se ho.n agar azlaat Dhiile
to fauran duudh garmaa garm pii le
jo dukhtaa ho galaa nazle ke maare
to kar namkiin paanii se Garaare
agar hai dard se daa.nto.n ke bekal
to u.nglii se masuu.Do.n par namak mal
jo bad-hazmii me.n chaahe tuu ifaaqa
to kar le ek yaa do din kaa faaqa

Allah Zeeshaan
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now