Search result for "habs-e-dar-o-dil" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "habs-e-dar-o-dil"

Nazm MATCHES FOR "habs-e-dar-o-dil"

Nazm

hum log

KHaaksaaraan-e-dar-e-piir-e-muGaa.n hai.n ham log
ya.anii minjumla-e-saahib-nazaraa.n hai.n ham log

Ali Minai

Nazm

gandhi ji ki yaad mein

suluuk-e-naaravaa-e-daar-e-faanii dekhte jaa.o
hamaaraa haal bhii ai aa.n-jahaanii dekhte jaa.o
na jaane tum kahaa.n jaa kar achaanak ho ga.e pinhaa.n
pa.Dii ham par jo aafat naa-gahaanii dekhte jaa.o
bapaa hai har taraf maatam siyah-poshii hai har jaanib
zamaana kar rahaa hai nauha-KHvaanii dekhte jaa.o
suhaagan thaa tire dam se ye hindustaan ai baapuu
hu.ii barbaad ab is kii javaanii dekhte jaa.o
kabhii Daalo nazar hindostaa.n ke baKHt-e-KHufta par
zaraa naakaamiyo.n kii kaamraanii dekhte jaa.o
bahaare.n luT ga.ii.n saarii kii saarii vaa.e-naakaamii
KHizaa.n kii har taraf hai hukmraanii dekhte jaa.o
umiido.n kaa shajar murjhaa gayaa ham hind vaalo.n kii
nihaal-e-aarzuu kii ye nishaanii dekhte jaa.o
jahaa.n josh-e-nashaat-o-aish kii har-suu hukuumat thii
vahaa.n yaas-o-alam kii hukmraanii dekhte jaa.o
chaman me.n har taraf thii justujuu gul kii anaadil ko
faqat sayyaad ko thii bad-gumaanii dekhte jaa.o
tumhe.n to dar-haqiiqat chain haasil ho gayaa lekin
hamaare bahr-e-Gam kii be-karaanii dekhte jaa.o
kahii.n ko.ii nazar aataa nahii.n kis se kahe 'shaahid'
KHudaaraa haalat-e-dard-e-nihaanii dekhte jaa.o

Fazal Haq Azimabadi

Nazm

sada-e-gumbad-e-be-rauzan-o-dar

kaisii aavaaz hai
ko.ii kahtaa hai
ye dasht maujuud-o-mash.huur-o-mauhuum bas
had idraak-o-ehsaas-o-aavaaz tak hii nahii.n
chashm-o-dil kaa ye taa.ir jise
sair-e-parvaaz samjhe ho majbuur hai
musht-e-par sar-buriida-o-paaband hii
us kaa sarmaaya hai jis pe maGruur hai
taa-ba-hadd-e-KHirad taa-ba-hadd-e-junuu.n
jo bhii hai hech-o-be-maaya hai
kyaa Garaz is se
ye kyaa hai kaisaa hai kab se hai kab tak rahegaa
use bhuul jaa.o ki tum KHud hariif-e-KHudaavand-e-aafaaq ho
in savaalaat me.n KHud tumhaarii hii tauhiin hai
tum dil-e-arsh-e-aasaar kaa aa.iina le ke aa.e ho
jis me.n ka.ii rang kii
tez-rau sust-rau shoKH maddham sajal mustaqil muttasil
muntashir munfa.il munqasim saada pechiida mub.ham guraab-i-subuk
nek-o-manhuus
maujuud-o-mash.huur-o-mauhuum parchhaa.iyaa.n
yuu.n guzartii hai.n
jaise ko.ii
dhiire dhiire se palko.n ko chhuutaa rahe KHvaab me.n
kaun hai kaun hai
maavaraa-e-KHirad
maavaraa-e-junuu.n
maavaraa-e-nazar
maavaraa-e-nafas
muntazir muztarib
apnii suurat dikhaane ko bechain hai
kaisii aavaaz hai jo azal se ta.aaqub me.n hai
mere lahje kaa iimaan us ke taKHaatub me.n hai
ye kahii.n merii aavaaz hii to nahii.n
mai.n mujhii ko sadaa de rahaa huu.n ba.Dii der se
ba.Dii duur se
mai.n hii apnaa hariif-e-azal
mai.n hii apnaa hariif-e-abad
mujh ko meraa pata do ki mai.n
apnii aavaaz kii guu.nj huu.n

Aziz Qaisi

Nazm

aaKHiri aadmi

bujhaa do
lahuu ke samundar ke us paar
aa.ina-KHaano.n me.n ab jhilmilaate hu.e qumqumo.n ko bujhaa do
ki dil jin se raushan thaa ab un charaaGo.n kii lau bujh chukii hai
miTaa do
munaqqash dar-o-baam ke jagmagaate
chamakte hu.e sab buto.n ko miTaa do
ki ab lauh-e-dil se har ik naqsh harf-e-Galat kii tarah miT chukaa hai
uThaa do
lahuu ke jaziire me.n
biphrii hu.ii maut ke zard panjo.n se parda uThaa do
ki ab is jaziire me.n
laasho.n ke ambaar bikhre pa.De hai.n
fazaa me.n har ik samt
jalte hu.e KHuun kii buu rachii hai
vo aa.nkhe.n jo apne badan kii tarah saaf shaffaaf thii.n
ab un daraKHto.n pe baiThe hu.e chiil kavvo.n gidho.n kii Gizaa bin chukii hai.n
ye sola december kii bujhtii hu.ii shaam hai
aur mai.n
is lahuu ke jaziire me.n jaltaa hu.aa aaKHirii aadmii huu.n

Fakhr-e-Alam Nomani

Nazm

ahl-e-junun

baarish-e-sang-e-alam apnaa muqaddar Thahrii
raahat-e-dard milii lutf-o-karam ke badle
ziist har taur se har tarh gavaaraa thii hame.n
na hamii.n badle na andaaz sitam ke badle

Noor -e-Shama Noor

Nazm

gulha-e-aqidat

lekin is din ke liye ai ham-nashiino dosto
kaisii kaisii be-bahaa qurbaaniyaa.n denaa pa.Dii.n
KHuun-e-dil denaa pa.Daa KHuun-e-jigar denaa pa.Daa
apne KHvaabo.n kii hasii.n parchhaa.iyaa.n denaa pa.Dii.n

Syeda Shan-e-Meraj

Nazm

subh-e-shab-e-intizar

kuchh is tarah se ba.Dhaa dil me.n zauq-e-aazaadii
ki rafta rafta tamanna javaan hotii ga.ii
kuchh is tarah se uThii har taraf se vo aa.ndhii
jo uThte uThte KHud ik aasmaan hotii ga.ii

Syeda Shan-e-Meraj

Nazm

nazm

ek to KHvaab Daraate hai.n mujhe
dhuup me.n zard daraKHto.n pe khile kaale phuul
pahle paanii thaa jahaa.n dhuul vahaa.n u.Dtii hai
mai.n ne aurat ko nahii.n dekhaa thaa
us kaa paiGaam milaa baarish me.n
vo mire paas jab aa.ii thii to mai.n tanhaa thaa
aur is pahlii mulaaqaat kii hairaanii me.n
aaj bhii Garq huu.n mai.n
log jis vahm me.n hai.n mai.n bhii huu.n
hai magar us ko mohabbat mujh se
varna kyuu.n KHvaab Daraate hai.n mujhe
dhuup me.n jhulsii hu.ii sa.Dko.n par
ab nahii.n chalne kaa yaaraa mujh me.n
raat din sa.Dko.n pe aavaara phiraa kartaa thaa
aur itnaa bhii na sochaa thaa kabhii
kis se milne kii tamannaa me.n thii vo bechainii
jab se dekhaa hai use chaaro.n taraf
ek KHaamoshii kaa manzar hai sakuu.n taarii hai
sirf itnaa hai ki ab KHvaab Daraate hai.n mujhe
pahle duniyaa me.n kahii.n KHauf na thaa
KHvaahishe.n jaagii.n to ye KHauf bhii bedaar hu.e
dhuup niklii to nazar aane lage phuul hii phuul
an-ginat raaste aurat ne dikhaa.e mujh ko
shahr kii jaltii jhulastii hu.ii sa.Dko.n se alag
raaste jin pe mohabbat ke sivaa kuchh bhii nahii.n
us kii aavaaz havaa.o.n kii jagah
us kii aavaaz parindo.n kii jagah
us kii aavaaz sitaaro.n kii jagah
aasmaa.n vo hai samundar vo hai
kuchh bhii maujuud nahii.n us kii mohabbat ke sivaa
jab use dekhtaa huu.n mujh ko nazar aate hai.n
saika.Do.n chaa.nd hazaaro.n suuraj
har taraf raushniyaa.n raushniyaa.n raushniyaa.n
zindagii pahle kabhii aisii dil-aavez na thii
ek ik lamha hai sadiyo.n kaa safar
kabhii jangal me.n kabhii parbat par
kabhii sahraa.o.n me.n
kabhii viiraan KHalaa.o.n kaa safar
vaqt kii vus.ate.n Thahre hu.e ik lamhe me.n
qaid hai.n lamha magar phailtaa hii jaataa hai
aur ab KHvaab Daraate hai.n mujhe
aur mai.n sochtaa huu.n
jaane kis KHvaab me.n kis KHvaab ne kis KHvaab ko dekhaa hogaa
log jis vahm me.n hai.n mai.n bhii huu.n
ek aurat kaa KHayaal.....

Zahid Dar

Nazm

bhagwan krishn ki taswir dekh kar

mujhe tere tasavvur se KHushii mahsuus hotii hai
dil-e-murda me.n bhii kuchh zindagii mahsuus hotii hai
ye taaro.n kii chamak me.n hai na phuulo.n hii kii KHushbuu me.n
tirii tasviir me.n jo dilkashii mahsuus hotii hai
tujhe mai.n aaj tak masruuf-e-dars-o-va.az paataa huu.n
tirii hastii mukammal aagahii mahsuus hotii hai
ye kyaa mumkin nahii.n tuu aa ke KHud ab is kaa darmaa.n kar
fazaa-e-dahr me.n kuchh barhamii mahsuus hotii hai
ujaalaa saa ujaalaa hai tirii sham-e-hidaayat kaa
shab-e-tiira me.n bhii ik raushnii mahsuus hotii hai
mai.n aa.uu.n bhii to kyaa mu.nh le ke aa.uu.n saamne tere
KHud apne-aap se sharmindagii mahsuus hotii hai
taKHayyul me.n tire nazdiik jab mai.n KHud ko paataa huu.n
mujhe us vaqt ik-tarfa KHushii mahsuus hotii hai
tuu hii jaane kahaa.n le aa.ii mujh ko aarzuu terii
ye manzil ab saraapaa be-KHudii mahsuus hotii hai
'ka.nval' jis vaqt kho jaataa huu.n mai.n us ke tasavvur me.n
mujhe to zindagii hii zindagii mahsuus hotii hai

Kanval M. A

Nazm

dar-e-pa-e-ajal

ghar me.n kuchh bhii nahii.n taariik sii KHushbuu ke sivaa
kuchh chamaktaa nahii.n ab KHauf ke jugnuu ke sivaa
dam-e-kohsaar me.n Dhuu.nDaa to na niklaa kuchh bhii
barf par chhi.Dkii hu.ii KHuun kii KHushbuu ke sivaa
us kaa chhupnaa thaa ki aa.nkho.n me.n mirii kuchh na rahaa
surma.ii sabz munavvar ram-e-aahuu ke sivaa

Shamsur Rahman Faruqi

Nazm

kisi ki sada

yuu.n fazaa.o.n me.n ravaa.n hai ye sadaa-e-dil-nashii.n
zehn-e-shaa.ir me.n ho jaise ik achhuutaa saa KHayaal
yaa sahar ke siim-guu.n ruKHsaar par pahlii kiran
surKH ho.nTo.n se bichhaa.e jis tarah boso.n ke jaal

Ibn-e-Safi

Nazm

chand ke tamannai

shahr-e-dil kii galiyo.n me.n
shaam se bhaTakte hai.n
chaa.nd ke tamannaa.ii
be-qaraar saudaa.ii
dil-gudaaz taariikii
ruuh-o-jaa.n ko Dastii hai
ruuh-o-jaa.n me.n bastii hai
shahr-e-dil kii galiyo.n me.n
taak shab kii belo.n par
shabnamii.n sarishko.n kii
be-qaraar logo.n ne
be-shumaar logo.n ne
yaadgaar chho.Dii hai
itnii baat tho.Dii hai

Ibn۔e۔Insha

Nazm

chand ke tamannai

shahr-e-dil kii galiyo.n me.n
shaam se bhaTakte hai.n
chaa.nd ke tamannaa.ii
be-qaraar saudaa.ii
dil-gudaaz taariikii
jaa.n-gudaaz tanhaa.ii
ruuh-o-jaa.n ko Dastii hai
ruuh-o-jaa.n me.n bastii hai
shahr-e-dil kii galiyo.n me.n
taak shab kii belo.n par
shabnamii.n sarishko.n kii
be-qaraar logo.n ne
be-shumaar logo.n ne
yaadgaar chho.Dii hai
itnii baat tho.Dii hai
sad-hazaar baate.n thii.n
hiila-e-shakebaa.ii
suurato.n kii zebaa.ii
qaamato.n kii ra.anaa.ii
un siyaah raato.n me.n
ek bhii na yaad aa.ii
jaa-ba-jaa bhaTakte hai.n
kis kii raah takte hai.n
chaa.nd ke tamannaa.ii
ye nagar kabhii pahle
is qadar na viiraa.n thaa
kahne vaale kahte hai.n
qarya-e-nigaaraa.n thaa
KHair apne jiine kaa
ye bhii ek saamaa.n thaa
aaj dil me.n viiraanii
abr ban ke ghir aa.ii
aaj dil ko kyaa kahiye
baa-vafaa na harjaa.ii
phir bhii log diivaane
aa ga.e hai.n samjhaane
apnii vahshat-e-dil ke
bun liye hai.n afsaane
KHush-KHayaal duniyaa ne
garmiyaa.n to jaatii hai.n
vo rute.n bhii aatii hai.n
jab maluul raato.n me.n
dosto.n kii baato.n me.n
jii na chain paa.egaa
aur uub jaa.egaa
aahaTo.n se guu.njegii
shahr-e-dil kii pinhaa.ii
aur chaa.nd-raato.n me.n
chaa.ndnii ke shaidaa.ii
har bahaane nikle.nge
aarzuu kii giiraa.ii
Dhuu.nDne ko rusvaa.ii
sard sard raato.n ko
zard chaa.nd baKHshegaa
be-hisaab tanhaa.ii
be-hijaab tanhaa.ii
shahr-e-dil kii galiyo.n me.n

Ibn۔e۔Insha

Nazm

ye kaun aaya

'inshaa'-jii ye kaun aayaa kis des kaa baasii hai
ho.nTo.n pe tabassum hai aa.nkho.n me.n udaasii hai
KHvaabo.n ke gulistaa.n kii KHush-buu-e-dil-aaraa hai
yaa sub.h-e-tamannaa ke maathe kaa sitaaraa hai
tarsii hu.ii nazro.n ko ab aur na tarsaa re
ai husn ke saudaagar ai ruup ke banjaare
ramnaa dil-e-'inshaa' kaa ab teraa Thikaanaa ho
ab ko.ii bhii suurat ho ab ko.ii bahaanaa ho

Ibn۔e۔Insha

Nazm

kal humne sapna dekha hai

haa.n kis ke liye sab us ke liye
vo jis ke lab par Tesuu hai.n
vo jis ke nainaa.n aahuu hai.n
jo KHaar bhii hai aur KHushbuu bhii
jo dard bhii hai aur daaruu bhii
vo allha.D sii vo chanchal sii
vo shaa.er sii vo paagal sii
log aap-hii-aap samajh jaa.e.n
ham naam na us kaa batlaa.e.n
ai dekhne vaalo tum ne bhii
us naar kii piit kii aa.ncho.n me.n
is dil kaa tiinaa dekhaa hai?
kal ham ne sapnaa dekhaa hai

Ibn۔e۔Insha

Nazm

dil ek kuTiya dasht kinare

dil ik kuTiyaa dasht kinaare
bastii kaa saa haal nahii.n hai
mukhiyaa piir prohit payaade
in sab kaa janjaal nahii.n hai
naa baniye na seTh na Thaakur
pai.nTh nahii.n chaupaal nahii.n hai
sonaa ruupaa chaukii masnad
ye bhii maal-manaal nahii.n hai
lekin ye jogii dil vaalaa
ai gorii ka.ngaal nahii.n hai
chaaho jo chaahat kaa KHazaanaa
tum aanaa aur tanhaa aanaa

Ibn۔e۔Insha

Nazm

log puchhenge

log puuchhe.nge kyuu.n udaas ho tum
aur jo dil me.n aa.e so kahiyo!
'yuu.nhii maahaul kii giraanii hai'
'din KHizaa.n ke zaraa udaas se hai.n'
kitne bojhal hai.n shaam ke saa.e
un kii baabat KHamosh hii rahiyo
naam un kaa na darmiyaa.n aa.e
naam un kaa na darmiyaa.n aa.e
un kii baabat KHamosh hii rahiyo
'kitne bojhal hai.n shaam ke saa.e'
'din KHizaa.n ke zaraa udaas se hai.n'
'yuu.nhii maahaul kii giraanii hai'
aur jo dil me.n aa.e sau kahiyo

Ibn۔e۔Insha

Nazm

lab par nam kisi ka bhi ho

lab par naam kisii kaa bhii ho, dil me.n teraa naqshaa hai
ai tasviir banaane vaalii jab se tujh ko dekhaa hai

Ibn۔e۔Insha

Nazm

darwaza khula rakhna

dil dard kii shiddat se KHuu.n-gashta o sii-paara
is shahr me.n phirtaa hai ik vahshii-o-aavaara
shaa.er hai ki aashiiq hai, jogii hai ki banjaara
darvaaza khulaa rakhnaa

Ibn۔e۔Insha

Nazm

katik ka chand

kis se is dard-e-judaa.ii kii shikaayat kahiye
yaa.n to siine me.n niystaa.n kaa niystaa.n hogaa
kis se is dil ke uja.Dne kii hikaayat kahiye
sun.ne vaalaa bhii jo hairaa.n nahii.n, hairaa.n hogaa
aisii baato.n se na kuchh baat banegii apnii
suunii aa.nkho.n me.n niraashaa kaa ghulegaa kaajal
KHaalii sapno.n se na auqaat banegii apnii
ye shab-e-maah bhii kaT jaa.egii be-kal be-kal

Ibn۔e۔Insha

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now