Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "juuto.n"

Nazm MATCHES FOR "juuto.n"

Nazm

ek nazm kahin se bhi shurua ho sakti hai

ek nazm kahii.n se bhii shuruu.a ho saktii hai
juuto.n kii jo.Dii se
yaa qabr se jo baarish me.n baiTh ga.ii
yaa us phuul se jo qabr kii paa.iinii par khilaa
har ek ko kahii.n na kahii.n panaah mil ga.ii
chii.ntiyo.n ko jaa-e-namaaz ke niiche
aur la.Dkiyo.n ko mirii aavaaz me.n
murda bail kii khopa.Dii me.n gilahrii ne ghar banaa liyaa hai
nazm kaa bhii ek ghar hogaa
kisii jilaa-vatan kaa dil yaa intizaar kartii hu.ii aa.nkhe.n
ek pahiya hai jo banaane vaale se adhuuraa rah gayaa hai
ise ek nazm mukammal kar saktii hai
ek guu.njtaa hu.aa aasmaan nazm ke liye kaafii hotaa hai
lekin ye ek naashta-daan me.n baa-aasaanii samaa saktii hai
phuul aa.nsuu aur ghanTiyaa.n is me.n piro.ii jaa saktii hai.n
ise andhere me.n gaayaa jaa saktaa hai
tyauhaaro.n kii dhuup me.n sukhaayaa jaa saktaa hai
tum ise dekh saktii ho
KHaalii bartano.n KHaalii qabzo.n aur KHaalii gahvaaro.n me.n
tum ise sun saktii ho
haath-gaa.Diyo.n aur janaazo.n ke saath chalte hu.e
tum ise chuum saktii ho
bandar-gaaho.n kii bhii.D me.n
tum ise guu.ndh saktii ho
patthar kii maa.nd me.n
tum ise ugaa saktii ho
podiine kii kiyaariyo.n me.n
ek nazm
kisii bhii raat se taariik nahii.n kii jaa saktii
kisii talvaar se kaaTii nahii.n jaa saktii
kisii diivaar me.n qaid nahii.n kii jaa saktii
ek nazm
kahii.n bhii saath chho.D saktii hai
baadal kii tarah
havaa kii tarah
raaste kii tarah
baap ke haath kii tarah

Sarvat Husain
Nazm

nazm

tire puure badan par ik muqaddas aag kaa pahra hai
jo terii taraf ba.Dhte hu.e haatho.n ke naaKHun rok letaa hai
tire ho.nTo.n se nikle saa.ns kii KHushbuu
dar-o-diivaar se rasta banaa kar saare barr-e-'aazamo.n me.n phail saktii hai
tirii baa.nhe.n abad ko jaane vaalii shaahraahe.n hai.n
tirii daa.ii.n hathelii kii lakiire.n duusrii duniyaa.o.n ke naqshe hai.n jo in munshiyo.n ke bas se baahar hai.n
tirii aa.nkhe.n nahii.n ye devtaa.o.n kii panah-gaahe.n hai.n
jin me.n vaqt jaise zahr kaa tiryaaq hai
tirii zulfo.n kii vus'at is jahaa.n kii intihaa.o.n se pare tak hai
tirii gardan kisii jannat ke paakiiza daraKHto.n ke tane ko dekh kar tarshii ga.ii hai
hamaare jism par se terii parchhaa.ii guzar jaa.e
to mumkin hai ki ham is maut jaise KHauf se aazaad ho jaa.e.n
hamaare paas aisaa kyaa hai jo tujh ko bataa kar ham tujhe qaa.il kare.n
bas itnaa hai ki apne lafz barsaa kar tirii chhatrii pe baarish phe.nk de.nge
yaa tire chehre pe apnii nazm kii ik satr se chhaa.nv kare.nge
dhuup de de.nge
magar kyaa faa.eda is kaa ki mausam KHud tire juuto.n ke tasmo.n se ba.ndhe hai.n
tire hamraah chalne kii ko.ii KHvaahish agar dil me.n kabhii thii bhii
to ham ne tark kar dii hai
ham is laa.iq nahii.n hai.n
hame.n maa'luum hai ki agle vaqto.n me.n ye log
tire pairo.n ke saa.ncho.n se na.ii samto.n ke andaaze lagaa.e.nge

Tahzeeb Hafi
Nazm

main aur meri tanhai

ham samundar se milne zaraa der se pahu.nche
raat samundar se ziyaadaa gahrii ho rahii thii
ham na.nge paa.nv saahil ke saath
bahut duur tak chale
dino.n ke baa'd sarshaarii ne apnaa chehraa dikhaayaa thaa
aur hamaarii bhuulii hu.ii dhun gungunaa.ii thii
samundar hamaarii KHaamoshii me.n Duubne hii vaalaa thaa
jab hamaaraa giit patvaar hu.aa
ajnabii qadmo.n ke nishaan chunte hu.e
KHayaal aayaa
chahal-qadmii karte hu.e vo do saa.e kyaa hu.e
ye lahre.n jin ke paa.nv churaa laa.ii hai.n
tabhii ham ne apne juuto.n me.n jhaa.nk kar dekhaa
saahil abhii puurii tarah nahii.n phislaa thaa
ham ne sochaa
samundar ko ab so jaanaa chaahiye
raat kii KHunkii hamaarii rago.n me.n utar chukii thii
jab ham vaapsii ke liye mu.De
samundar ba.Dii garm-joshii ke saath hame.n ruKHsat karne aayaa

Anjum Saleemi
Nazm

mujhe abhi bahut dur jaana hai

kyaa pairo.n kii thakan is safar ko rok saktii hai
kyaa raaste ke ro.De mere iraade ko to.D sakte hai.n
kyaa mai.n yahaa.n se vaapas lauT jaa.uu.ngaa
kyaa mai.n aur aage chal nahii.n paa.uu.ngaa
nahii.n nahii.n
shaayad mujhe jaanaa hai bahut duur
go huu.n mai.n thakan se chuur
aur be-zaar har manzar se
jo baar baar lauT kar nazar kii uktaahaT ban jaataa hai
vahii aasmaan
vahii zamiin
vahii chaa.nd vahii sitaare
chaa.ndnii me.n chamakte aur mahakte vahii phuul
haatho.n me.n chubhte vahii babuul
vahii mere man ko salaaKHo.n me.n lahuu karne vaale aqvaal
lekin shaayad uktaahaT bhii maane na ho
qadmo.n kii
shaayad zindagii qaidii na bane lamho.n kii
ye to havaa-e-barg-o-baar kii tarah hai
jo kabhii na kabhii guzar jaa.egii
mere zehn ke KHazaane kii uuprii sat.h ko bhii
kabhii na chhuu paa.egii
shaayad abhii aage bahut duur jaanaa hai
aur in baar baar aate lamho.n
har baar aa.nkh ke saamne ubharte manzaro.n
dariyaa.o.n sahraa.o.n ja.ngalo.n
gaa.nv aur shahro.n
ke bhii.D se mujhe ko.ii nayaa ra.ng
nikaalnaa hogaa
apne paraaganda zehn ko qabr me.n dafn kar ke
nayaa but nayaa mandir banaanaa hogaa
puraane lafzo.n se nayaa lafz
puraane ma.aanii se na.e ma.aanii
KHalq karne ho.nge
yahii nahii.n
mujhe paariina kaano.n me.n
samaa.ato.n ke na.e paimaane
aa.nkho.n ke liye
na.e manzar-naame se tartiib dene ho.nge
chalte chalte mere juute bhii ghis ga.e hai.n
mujhe uff juuto.n ko hii badalnaa hogaa
aur aa.nkho.n par na.ii ainak lagaanii hogii
taaki puraane shiishe me.n na.e ra.ng
puraane na dikhaa.ii de.n
shaayad ye thakan mujhe rok na paa.e
shaayad mai.n in roado.n ko phalaa.ng duu.n
shaayad apne haatho.n se babuulo.n ko noch
phe.nkuu.n
shaayad mai.n sin kii salaaKHo.n ko to.D kar
baahar aa jaa.uu.n
aur malgajii chaa.ndnii ke aks ghar
apne lahuu se surKH-ruu kar duu.n
aur qadam ba.Dhaate aage nigal jaa.uu.n
shaayad mujhe abhii bahut duur jaanaa hai

Khaleel Mamoon
Nazm

shair

agar mujhe akelaa nahii.n dekh sakte
to rahne do isii tarah udaas
ye to mat kaho
ki hamaare kamre me.n rakkhii hu.ii
sab se aaKHirii kursii par baiTh jaa.o
yaa hamaare juuto.n ke paas
kha.De ho kar muskuraate raho
yaa puraanaa furniture chamkaane vaalii polish ke liye ek na.ii nazm likh do
mai.n va.ada kartaa huu.n
ki kisii baadal kisii phuul
kisii havaa kisii sitaare
yaa phir kisii KHaamoshii me.n
jahaa.n bhii jagah milegii
baiTh jaa.uu.ngaa
yaa is kamre se baahar jaa kar
baarish me.n kha.Daa rahuu.ngaa

Zeeshan Sahil
Nazm

dusra aasman

pahle din baadal zaKHmii ho ga.e
duusre din sitaare
aur tiisre din
bahut sii goliyaa.n niile aasmaan ko jaa lagii.n
aur vo siyaah ho gayaa
aa.nsu.o.n kii tarah ko.ii chiiz
zamiin par girne lagii
kabhii KHaamoshii ke saath bahut saarii buu.nde.n
aur kabhii sa.Dak par shor machaataa hu.aa
moslaa-dhaar paanii
zaKHmii aasmaan
burii tarah ro rahaa thaa
us ne apnaa chehra
bahut saare baadalo.n se Dhakaa hu.aa thaa
ham use ha.nsaane kii koshish me.n baahar nikalte
to baarish aur tez ho jaatii
siyaah aur maTyaalii kiicha.D apne juuto.n me.n lagaa.e
ham phir ghar me.n aa jaate
aasmaan ke aa.nsuu
qaaliin me.n jazb ho jaate
yaa hamaare kap.Do.n ke saath saare ghar me.n phail jaate
pakke farsh par hamaare kiicha.D bhare pairo.n ke nishaan
aasmaan ke zaKHmo.n kii tarah
kabhii halke aur kabhii gahre ho jaate
aasmaan kii taraf jaane vaalii du.aa.e.n
tez baarish ke saath vaapas aa kar
giilii miTTii me.n Gaa.eb ho jaatii.n
chhoTii chhoTii chhatriyaa.n
aasmaan kii yaa hamaarii qismat ke liye naa-kaafii thii.n
aise mausam me.n tho.Dii der ke liye
agar vo firing band kar dete
to shaayad hamaarii tarah
aasmaan bhii achchhaa ho jaataa
pahle se ziyaada niilaa aur chamakdaar

Zeeshan Sahil
Nazm

nind se pahle

ek din shaam ko baazaar me.n chalte-phirte
sansanaahaT sii hu.ii saare badan me.n mere
saa.ns bhaarii hu.aa siine me.n aTak kar aayaa
kuchh qadam aur chalaa huu.ngaa ki chakkar aayaa
phir mujhe yaad nahii.n kaise havaa.e.n badlii.n
vaqt baazaar samaa.n aur fazaa.e.n badlii.n
jaane kyuu.n dekh ke baazaar ko Dar aane lagaa
be-zarar chiizo.n se bhii KHauf-e-zarar aane lagaa
jaane kyaa aa.nkh ko bin dekhe nazar aataa thaa
ek ek uzv-e-badan KHauf se tharraataa thaa
jism qaabuu me.n na thaa siine me.n dil aTkaa thaa
paa.nv rakhtaa thaa kahii.n aur kahii.n pa.Dtaa thaa
habs mahsuus hu.aa ThanDaa pasiina Tapkaa
cha.Dh gayaa zehn pe dhund aur dhuve.n kaa bhapkaa
chalnaa kaisaa ki ghisaTtaa hu.aa ghar me.n aayaa
mujh se do chaar qadam aage thaa meraa saaya
kaisaa saaya ki har ik lamha badaltaa jaa.e
dam-ba-dam ek na.ii shakl me.n Dhaltaa jaa.e
kabhii simTe kabhii phaile kabhii sahme kaa.npe
kabhii re.nge kabhii dau.De kabhii ruk kar haa.npe
mujh ko yuu.n lagtaa thaa mai.n jaan rahaa huu.n KHud ko
us kii har shakl me.n pahchaan rahaa huu.n KHud ko
Darte Darte jo qadam aur ba.Dhaa.e mai.n ne
vahshat-e-ruuh ke saamaa.n na.e paa.e mai.n ne
be-sabab har dar-o-diivaar ko barham dekhaa
balb me.n chashm-e-Gazabnaak kaa aalam dekhaa
kaisii aavaaz chalii aatii hai ghar-ghar ghar-ghar
aa.nkh uThaa.uu.n to balaa naach rahii hai sar par
haath kursii ne achaanak mirii jaanib phailaa.e
mai.n jo palTaa idhar mez ne bhii paa.nv ba.Dhaa.e
KHud-ba-KHud juuto.n me.n harakat hu.ii moze bhaage
kulbulaate hu.e kii.De the kishan ke taage
sarsaraahaT sii yakaayak hu.ii parde ke qariib
saa.np saa re.ng rahaa thaa mire takiye ke qariib
band gha.Diyaal me.n bajne lage ik-dam baara
qahqaha mujh pe havaa.o.n ne achaanak maaraa
baiThnaa chaahaa to sofo.n ne dabaa kar bhii.nchaa
bhaagnaa chaahaa to pardo.n ne paka.D kar khii.nchaa
phir zaraa der me.n jaise ki ye sab kuchh bhii na thaa
dil ko vahshat thii pa vahshat kaa sabab kuchh bhii na thaa

Saleem Ahmed
Nazm

tum ja chuki ho

meraa dil der tak so.e hu.e mu.nh kii baas thaa
jahaa.n tum KHud-rav phuul ban kar khil uThii thii.n
tumhaaraa munavvar vajuud
merii taariik ruuh me.n sarmaa kii dhuup banaa
tumhaarii aa.nkho.n kii namii se ka.ii bahaaro.n ne KHumaar piyaa
juuto.n se girii miTTii se bane mere haath
tumhaarii taraashiida golaa.iyo.n se mil kar
jannat kii jhiil ban ga.e
tumhaare siine se phuuTtii aabshaar kii mausiiqii ne
merii zaKHmii samaa.at ko suriilaa giit banaa diyaa
mere banjar taKHayyul me.n jahaa.n jahaa.n tumhaare qadam lage
vahaa.n mai.n na.ii duniyaa ban kar taKHliiq hu.aa

Zahid Imroz
Nazm

suno

soch rahii huu.n
sadiyaa.n kaise itnaa piichhe lauT aa.ii hai.n
chiin kii sarhad kaise mere ghar aa.ngan tak aa pahu.nchii hai
lohe ke juuto.n me.n jak.De mere paa.nv
aa.ngan kii dahliiz alaa.ng ke
apnii duniyaa tak jaane se inkaarii hai.n

Mansoora Ahmad
Nazm

kaenati gard mein barsat ki ek sham

is ra.njuurii safar se be-bas lauTte hu.e
mai.n juuto.n se miTTii jhaa.Dtaa huu.n
aur khi.Dkii se jhaa.nkte ujle manzar me.n
be-fikrii kii chaa.e piine lagtaa huu.n
duur pahaa.Do.n par, musalsal baarish hotii rahtii hai

Zahid Imroz
Nazm

tahrir ki fursat

Daakiya saare jahaa.n kii KHabre.n
le kar aataa hai magar mere liye
kitnii aavaaze.n mire saath chalaa kartii hai.n
kabhii maa.n baap ke rone kii sadaa
kabhii ahbaab ke phaTte hu.e juuto.n kii dukhan
kabhii duniyaa ke chaTaKHte hu.e aazaa kii pukaar
sub.h-taa-shaam vahii ek shab kaa aaha.ng
dar o diivaar pe u.Dtii hu.ii raaho.n kaa Gubaar
raakh-daanii me.n vahii saika.Do.n socho.n kaa dhu.aa.n
chaa.e kii pyaaliyaa.n phe.nke hu.e lamhaat ko lipTaa.e hu.e
shelf me.n dubke hu.e zehn ke naa-poKHta-nuquush
mez par nisf KHato.n kaa ambaar
kaun jaane unhe.n tahriir kii fursat kab ho?

Farhat Ehsas
Nazm

talluq ki na-jaez tajawuzat

alag kiye hu.e paa.nv
jo kisii ajnabii raaste kaa hissa nahii.n bane
cham.De ke juuto.n me.n sai.nt kar rakh liye ga.e

Sidra Sahar Imran
Nazm

musalsal chalte rahne ki KHushi mein

musalsal chalte rahne kii KHushii me.n leT jaatii hai mohabbat ghaas me.n
patthar kii sil par yaadgaarii sii.Dhiyo.n ke beach
giile mausamo.n me.n paa.nv me.n aatii hu.ii un sii.Dhiyo.n ke saath
jin par log chalte hai.n
aur ik dam ha.nsne lagte hai.n
musalsal chalte rahne kii KHushii me.n
ab un ke paa.nv par shabnam giregii
aa.o chal de.n baa.ndh le.n juuto.n ke tasme
aa.o chal de.n un kaniizo.n ke ta.aaqub me.n
jo aasuuda hu.ii.n
aur so ga.ii.n patthar kii sil par
yaadgaarii sii.Dhiyo.n ke beach
giile mausamo.n me.n
ab un ke paa.nv par shabnam giregii

Mohammad Anvar Khalid
Nazm

shairon

apne dil par haath rakh kar
sachche dil se halaf uThaa.o shaa.er
ki hamaare ja.ngii tayyaaro.n aur miizaa.ilo.n ke sivaa
kisii kii taariif nahii.n karoge
hamaarii banduuqo.n aur Tanko.n kii naalo.n me.n
kisii ko phuul nahii.n rakhne doge
hamaarii topo.n aur juuto.n kii dhamak ke sivaa
ko.ii aur aavaaz nahii.n sunoge
aglii ja.ng-e-aziim kaa elaan
hamaare saath likho shaa.iro.n
ja.ngii taraano.n ke bol
hamaare saath doharaa.o shaa.iro.n

Zeeshan Sahil
Nazm

baad ke baad

sahiife utarne se pahle aur nabiyo.n ke nuzuul ke ba.ad
haath se gire hu.e nivaalo.n kii tarah hame.n kutto.n ke aage Daal diyaa jaataa rahaa
is darmiyaan, aa.nkho.n ke niiche ham ne apne haath rakhe
ki vo paa.o.n par na gir pa.De.n aur kaa.nch kaa e'tibaar jaataa rahe
mujhe aag se likh aur paanii se ugaa
miTTii ke saath insaaf mai.n KHud karuu.ngii
vo to qadam qadam kaa.nTo.n kii baa.D tak KHud chal kar ga.e
aag pahnaavaa karte the jo log
aur jo akelaa thaa us ne sargoshii iijaad kii
aur jis ne qabiila chaahaa us ne chiiKHe.n banaa.ii.n aur raat ke parindo.n me.n baa.nT dii.n
pardesii hu.e haath kuu.nje.n paka.Dte rah ga.e
havaa kaa bichhaunaa judaa.ii kii u.ngliyo.n ne bunaa aur mohabbat karne vaale dil ne sameTaa
kyaa paa.nv juuto.n ke liye bane the yaa manzilo.n ke liye?
phir thakan ne kis ke paa.nv to.De
aur kaun asiir kiyaa ki us se juuto.n kii qiimat puuchhe aur insaan ke bhaav bataa.e
phir e'tibaar ne kis ke TaKHne kaaTe ki vo aasmaan samet zamiin par aa rahe
KHudaavand! bhiil qabiile ke log gosht khaanaa kab siikhe
jab un ke mu.nh ko KHuun aur dil ko KHauf-e-KHudaa lag gayaa
phir is ke baa'd vo sar na uThaa sake
aazaadii sirf ek ThanDii saa.ns thii maqduur-bhar
aur Gulaamii! umr bhar kii roTiyaa.n!!

Nasreen Anjum Bhatti
Nazm

dehli ki saDken

Taa.nge vaale hai.n samand-e-naaz ke upar savaar
aabla-paa.ii ye kahtii hai ki ab chalnaa hai baar
dekhte hai.n mere juuto.n ke talo.n ko jab chamaar
''kyuu.n hu.ii jaatii hai.n ''yaa-rab vo nigaahe.n dil ke paar''
chho.D kar juuto.n ko chal saktaa nahii.n, huu.n na.nge paa.nv
mary ye haalat hai bacha jis tarah pahne kha.Daa.uu.n

Syed Mohammad Jafri
Nazm

wapsi ki KHwahish

barf kii rut kaa pahlaa din
kitnaa safed aur aazurda hai
dariyaa apnii majbuurii kaa gadlaa paanii
aur hamaarii naadaarii ke
aa.nsuu apnii pusht pe rakkhe re.ng rahaa hai
aur sa.Dak par
barso.n puraane log nikal kar chalte hai.n
un kii aa.nkhe.n
ek puraanii yaad se bojhal
aur chehro.n par
ko.ii gahraa KHauf jamaa hai
dhaanii ghaas ke juuto.n me.n ye
apne jalte paa.nv pahan kar
aur ho.nTo.n par
hijr ke giito.n ko sulgaa kar
na.e safar par nikle hai.n

Yameen
Nazm

KHwab talashi

vo merii aa.nkho.n me.n
bhaarii juuto.n samet aa kar
ye puuchhte hai.n
ye aks kyaa hai
kahaa.n se aaya hai
kaise manzar se
kin dariicho.n se
kin anaasir kii raushnii se vajuud paa kar
tumhaarii aa.nkho.n me.n aa basaa hai

Saleem Hasani
Nazm

bichhDa hua maujud hai

mere juuto.n me.n tire paa.nv pa.De hai.n ab tak
aaj bhii mai.n unhe.n dho dho ke piyaa kartaa huu.n
terii KHushbuu pe kabhii gard nahii.n jamne dii

Muneer Jafri
Nazm

kam ilmi ek saza hai

kaano.n me.n nuqra.ii baaliyaa.n pahne
kandho.n
baazu.o.n
haatho.n
aur gardan pe ajiib-o-Gariib tattoos khudvaa.e
branded kap.Do.n
juuto.n se sajaa
qiimtii perfumes se mahaktaa
khisyaanii ha.nsii ha.nstaa
bechainii se sar khujaataa
ghabraahaT me.n Taa.nge.n hilaataa
paa.nv paTaKHtaa
body builder jaisaa
lambaa-ta.Da.ngaa mexican
naa jaan.ne ke KHauf se adh-mu.aa
ain mere saamne
bebas baiThaa hu.aa

Sameena Tabassum
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now