Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "lahore"

Nazm MATCHES FOR "lahore"

Nazm

dosti ka hath

zamiin-e-paak hamaare jigar kaa Tuk.Daa hai
hame.n aziiz hai dehlii o lucknow kii tarah
tumhaare lahje me.n merii navaa kaa lahja hai
tumhaaraa dil hai hasii.n merii aarzuu kii tarah

Ali Sardar Jafri
Nazm

ek laDki shadan

ik la.Dkii thii chhoTii sii
dublii sii aur moTii sii
nannhii sii aur munnii sii
bilkul hii than mathnii sii
us ke baal the kaale se
siidhe ghu.nghraale se
mu.nh par us ke laalii sii
chaTTii sii maTyaalii sii
us kii naak pako.Dii sii
nokiilii sii chau.Dii sii
aa.nkhe.n kaalii niilii sii
surKH safed aur piilii sii
kap.De us ke thaile se
ujle se aur maile se
ye la.Dkii thii bholii sii
bii bii sii aur golii sii
har dam khel thaa kaam us kaa
shaadaa.n bii-bii naam thaa us kaa
ha.nstii thii aur rotii thii
jaagtii thii aur sotii thii
har dam us kii ammaa.n-jaan
khii.nchaa kartii us ke kaan
kahtii thii.n maktab ko jaa
khelo.n me.n mat vaqt ga.nvaa
ammii sab kuchh kahtii thii
shaadaa.n kheltii rahtii thii
ik din shaadaa.n khel me.n thii
aa.e us ke abbaa jii
vo lahore se aa.e the
chiize.n viize.n laa.e the
box me.n thii.n ye chiize.n sab
KHair tamaashaa dekho ab
abbaa ne aate hii kahaa
shaadaa.n aa kuchh pa.Dh ke sunaa
gum thii ik muddat se kitaab
kyaa detii is vaqt javaab
do bahne.n thii.n shaadaa.n kii
chhoTii nannhii munnii sii
naam thaa ma.njhlii kaa siimaa.n
gu.Diyaa sii nannhii naadaa.n
vo bolii ai abbaa jii
ab to pa.Dhtii huu.n mai.n bhii
billii hai c a T cat
chuhaa hai r a T rat
mu.nh mouth hai naak hai nose
aur gulaab kaa phuul hai rose
mai.n ne abbaa jii dekhaa
KHuub sabaq hai yaad kiyaa
shaadaa.n ne us vaqt kahaa
mai.n ne hii to sikhaayaa thaa
lekin abbaa ne chup chaap
kholaa box ko uTh kar aap
is me.n jo chiize.n nikle.n
saarii siimaa.n ko de de.n
ik chiinii kii gu.Diyaa thii
ik jaaduu kii pu.Diyaa thii
ik nannhii sii thii motor
aap hii chaltii thii far-far
ge.ndo.n kaa ik jo.Daa thaa
ik lak.Dii kaa gho.Daa thaa
ik siiTii thii ik baajaa
ek thaa miTTii kaa raajaa
shaadaa.n ko kuchh bhii na milaa
ya.anii khel kii paa.ii sazaa
ab vo Gaur se pa.Dhtii hai
puure taur se pa.Dhtii hai

Hafeez Jalandhari
Nazm

roe bhagat kabir

puuchh na kyaa lahore me.n dekhaa ham ne miyaa.n-'naziir'
pahne.n suiT a.ngrezii bole.n aur kahlaa.e.n 'miir'
chaudhariyo.n kii muTThii me.n hai shaa.ir kii taqdiir
ro.e bhagat kabiir
ik-duuje ko jaahil samjhe.n naT-khaT buddhiivaan
metro me.n jo chaa.e pilaa.e bas vo baap samaan
sab se achchhaa shaa.ir vo hai jis kaa yaar mudiir
ro.e bhagat kabiir
sa.Dko.n par bhuuke phirte hai.n shaa.ir mausiiqaar
actorso.n ke baap liye phirte hai.n motor-kaar
film-nagar tak aa pahu.nche hai.n sayyad piir faqiir
ro.e bhagat kabiir
laal-diin kii koThii dekhii rang bhii jis kaa laal
shahr me.n rah kar KHuub u.Daa.e dahqaano.n kaa maal
aur kahe ajdaad ne baKHshii mujh ko ye jaagiir
ro.e bhagat kabiir
jis ko dekho leader hai aur se milo vakiil
kisii tarah bhartaa hii nahii.n hai peT hai un kaa jhiil
majbuuran sun.naa pa.Dtii hai un sab kii taqdiir
ro.e bhagat kabiir
mahfil se jo uTh kar jaa.e kahlaa.e vo bor
apnii masjid kii taariife.n baaqii juute-chor
apnaa jhang bhalaa hai pyaare jahaa.n hamaarii hiir
ro.e bhagat kabiir

Habib Jalib
Nazm

apne shahr ke liye dua

tasKHiir tujh ko kaun karegaa jahaan me.n
tuu hai KHudaa aur us ke nabii kii amaan me.n
lahore-e-pur-kamaal tire baam-o-dar kii KHair

Muneer Niyazi
Nazm

lahore-o-karachi

نظر اللہ پہ رکھتا ہے مسلمان غيور
موت کيا شے ہے، فقط عالم معني کا سفر
ان شہيدوں کي ديت اہل کليسا سے نہ مانگ
قدر و قيمت ميں ہے خوں جن کا حرم سے بڑھ کر
آہ! اے مرد مسلماں تجھے کيا ياد نہيں
حرف 'لا تدع مع اللہ الھاً آخر'

Allama Iqbal
Nazm

ye basti meri basti hai

yahaa.n par gyaarahvii.n ke chaa.nd kii ab bhii vahii raunaq hai
rangii.n shaamiyaano.n aur chiTTii chaa.ndnii par duur tak
qavvaaliyo.n kii ruuh-afzaa lahr kii vo itr-saamaanii abhii bhii hai

Ishrat Afreen
Nazm

chand ki fariyaad

chaa.nd ne mujh se kahaa ai shaa.er-e-fikr-e-azal
mere baare me.n bhii likh de ko.ii sanjiida Gazal
har ta'alluq to.D rakkhaa hai hilaal-e-iid se
tujh ko fursat hii nahii.n hai mah-vasho.n kii diid se
rasm-e-diidaar-e-hilaal-e-iid, afsaana hu.ii
baam par us dam cha.Dhe, jis vaqt farzaana hu.ii
le ke nazraana kametii ne ujaalaa hai mujhe
gar nahii.n niklaa, zabardastii nikaalaa hai mujhe
me.n jo be-marzii nikal aayaa to Daa.nTaa hai bahut
maulvii ne muKHtalif KHaano.n me.n baa.nTaa hai bahut
is ko mat follow karo, is kii tariiqat maa.nd hai
tum bareilly ke ho aur ye deobandi chaa.nd hai
ye jo KHuu.n-aaluud hai, afGaaniyo.n kaa chaa.nd hai
muKHtalif Tuk.Do.n me.n pakistaniyo.n kaa chaa.nd hai
ik karachi se hai niklaa ik pas-e-lahore hai
sindh kaa chaa.nd aur hai punjab kaa chaa.nd aur hai
vo jo ham-saa.e kii biivii hai Gazaalaa chaa.nd hai
aur us ke saath jo rahtaa hai kaalaa chaa.nd hai
shaa.ero.n ne apne shero.n me.n bahut pelaa mujhe
'miir' o 'Gaalib' ne bhii samjhaa KHaak kaa Dhelaa mujhe
sher me.n, rashk-e-qamar lailaa ko farmaane lage
tube-light ko hilaal-e-iid batlaane lage
apnii biivii se kahaa untiisvii.n kaa chaa.nd ho
aur pa.Dosan se kahaa tum chaudhvii.n kaa chaa.nd ho
aam sii aurat ko mah-paara banaa kar rakh diyaa
chaa.nd ko TuuTaa hu.aa taara banaa kar rakh diyaa
chaa.nd par jis din se insaa.n ke qadam pa.Dne lage
chaa.ndnii jin se ho aaise balb kam pa.Dne lage
mai.n zamii.n se duur huu.n lekin bahut nazdiik huu.n
ai zamii.n vaalo mai.n tum se duur rah kar Thiik huu.n
mai.n zamii.n par aa gayaa to har bashar le jaa.egaa
sab se pahle ten-parsenT apne ghar le jaa.egaa

Khalid Irfan
Nazm

hum ki hero nahin

ham KHizaa.n kii Guduud se chal kar
KHud december kii kokh tak aa.e
ham ko footpath par hayaat milii
ham pata.ngo.n pe leT kar ro.e

Jawayd Anwar
Nazm

ek ghair-alamti nazm

adhuurii la.Dkiyo
tum apne kamro.n me.n puraane saal ke bosiida calender sajaa kar sochtii ho
ye badan umro.n kii saazish me.n na aa.e.nge
tumhe.n kis ne bataayaa hai
gha.Dii kii suu.iyo.n ko rokne se dau.Dtaa aur haa.nptaa suuraj misaal-e-naqsh-e-paa
aflaak par jam jaa.egaa
tumhe.n ma.aluum hai uryaaniyo.n ko Dhaa.np kar tum aur uryaa.n ho rahii ho
roz in aa.nkho.n kii tik.Dii me.n tumhaare jism tulte hai.n
har ik shab hostel me.n taash kii baazii me.n tum ko jiit kar ik jashn hotaa hai
hamaarii KHvaab-gaaho.n me.n tumhaare KHvaab raushan hai.n
chalii aa.o
ki baahar barf hai
aur ab hame.n tum se judaa bistar kahaa.n tasliim karte hai.n
chalii aa.o ki umre.n raa.egaa.n hone se bach jaa.e.n!

Jawayd Anwar
Nazm

lekin

kaalii ainak lagaa.e ghuumte rahnaa suuraj me.n sa.Dko.n par hoTalo.n me.n
theatero.n me.n masjido.n me.n dukaano.n me.n railway platform par
bhaTiyaar galiyo.n me.n shaamil honaa bujhe bujhe chehro.n vaalii bhii.D me.n taakte rahnaa
safed diivaaro.n ko akele laaya.anii hai sab kuchh aur jo dikhaa.ii detaa hai
vo nahii.n hai phir bhii dikhaa.ii detaa hai ko.ii farq nahii.n pa.Dtaa paa.nv hai.n juraabe.n
na hone se life aur Time na pa.Dhne se yahii kyaa kam hai ki sub.h se
shaam tak jam.a karte hai.n lafzo.n ko radio sunte hai.n aur dekhte hai.n mire
hu.e kabuutar kii aa.nkh school se lauTte hu.e bachche sharaab kii jhiil me.n tairte
shikaare pachaas se kam sher kii Gazal nahii.n likhte firaaq aaj bhii qabaa.ilii
kamar se baa.ndhe phirte hai.n chaale.n gaz kii shalvaar kyaa hotaa hai naam se
yaa sher kahne se yaa din-bhar uu.nghte rahne se yaa kitaabe.n suu.nghne se
taash khelne kaa maza hii aur hai ahamadabaad ho yaa lahore har jagah hotaa hai
suuraj ghar baiThe ga.ngaa hai bhaa.ii congress me.n phuuT pa.De yaa saat
hazaar insaan maar diye jaa.e.n bhuuke uThte hai.n har sub.h bistar se kisii ne
dekhe hai.n baiket aur picasso kabaDDii ke maidaan me.n yaa gambarsong ko
istirii karte hu.e nickson se le kar muraar-jii tak ko.ii bhii rok na sakaa
chhii.nk aur khaa.nsii ab aa.nkhe.n khol diijiye hazrat dekhiye puuraa
america chhii.nk rahaa hai khaa.ns rahaa hai idhar dekhiye ye hindostaan
bhii chhii.k rahaa hai khaa.ns rahaa hai khaa.ns rahaa hai chhii.k rahaa hai
kahaa.n se shuruu.a hu.ii hai taariiKH aur kahaa.n jaa kar ruknaa hai logo.n ko
udaas rahtii hai.n haamila aurte.n bas aur cinema kii qataar me.n gher rakkhii hai
zamiin bhikaariyo.n ne aur ma.ngaa.o charas aur gaa.njaa phir bhii alag karnaa mushkil
hai puraanii ko new-delhi se laasho.n ko dekh kar mahfuuz nahii.n hote tum kaise
aadmii ho kahaa.n ga.ii.n vo tavaa.ife.n kahaa.n ga.e vo qavvaal ma.anii to har lafz
me.n maujuud hai lekin

Adil Mansuri
Nazm

murajat

shaam ho
aam sii shaam ho
jis kii had-bandiyo.n me.n qafas bhii ho.n aur aashiyaa.n bhii
havaa.o.n kii aahaT pe khulte dariiche bhii ho.n
aa.iino.n me.n ghire nanhe munne parindo.n kaa raqs-e-dam-e-vaapsii.n
har nafas par-ba-par yuurish-e-raa.egaa.n bhii
aam sii shaam ho
lekin is shaam ke raaste mere ghar jaa ruke.n
ghar kii dahliiz par
merii maa.n
muskuraate hu.e mere giryaa.n dino.n kii thakan chuum le
shaam kii sarhado.n se mu.azzin pukaare to
sab bhaa.ii bahno.n kii chup me.n mirii chup bhii ho
shaam kii sej par baap ke jism se mere baazuu uge.n
jab mu.nDero.n pe rakkhe diye jagmagaane lage.n
TuuTte farsh par meraa bhii aks ho
meraa bhii naam ho
aam sii shaam ho
shaam sii shaam ho

Jawayd Anwar
Nazm

koi tagore ki kawita hai

dil ke ba.ngaal kii KHaliijo.n me.n
guu.njte shor kii kavitaa hai
tujh ko silhaT me.n soch kar likkhaa
tuu ki lahore kii kavitaa hai
maantaa hii nahii.n hai dil meraa
tuu kisii aur kii kavitaa hai

Ikram Basra
Nazm

ai lahore

tire daraKHto.n kii Tahniyo.n par bahaar utre
tirii guzargaahe.n nek raaho.n kii manzile.n ho.n
miraa zamaana na.e na.e mausamo.n kii KHushbuu
tire shab-o-roz kii mahak ho
zamiin par jab bhii raat phaile
kiran jo zulmat ko raushnii de tirii kiran ho
parinde u.Dte hu.e parinde
hazaar samto.n se tere baaGo.n me.n chahchahaa.e.n
vo raat jis kii sahar nahii.n hai
vo tere shahro.n se tere qasbo.n se duur guzre
vo haath jo azmato.n ke hijje miTaa rahaa hai
vo haath lauh-o-qalam ke shajre se TuuT jaa.e
kalas pe lafzo.n ke phuul barse.n
tirii fasiilo.n ke burj duniyaa me.n jagmagaa.e.n
akele-pan kii sazaa me.n din kaaTte hazaaro.n
tirii ziyaarat-gaho.n kii baKHshish se taaza-dam ho.n
tire muqaddar kii baadshaahat zamii.n pe nikhre
na.e zamaane kii ibtidaa tere naam se ho
KHushii ke chehre pe vasl kaa abr tair jaa.e
tamaam duniyaa me.n tazkire tere phail jaa.e.n

Jelani Kamran
Nazm

barf ke shahr ki viran guzar-gahon par

barf ke shahr kii viiraan guzargaaho.n par
mere hii naqsh-e-qadam mere sipaahii hai.n
miraa hausla hai.n
zindagiyaa.n
apne gunaaho.n kii panah-gaaho.n me.n hai.n
raqs-kunaa.n
raushaniyaa.n
band darvaazo.n kii darzo.n se Tapaktii hu.ii
qatra qatra
shab kii dahliiz pe girtii hai.n kabhii
ko.ii mad.hosh sii le
jaama mai o.Dh ke aatii hai guzar jaatii hai
raat kuchh aur biphar jaatii hai
aur ba.Dh jaatii hai.n KHaamosh kha.Dii diivaare.n
be-sadaa sadiyo.n ke chuune se chunii diivaare.n
jo ki maazii bhii hai.n mustaqbil bhii
jin ke piichhe hai kahii.n
aatish-e-lamha-e-maujuud ki jo
lamha-e-maujuud kii hasrat hai
mirii nazm kii hairat hai jise
Dhuu.nDhtaa phirtaa huu.n mai.n
ghuumtaa phirtaa huu.n mai.n barf bharii raat kii viiraanii me.n
an-kahii nazm kii tuGyaanii me.n
hai.n bha.nvar kitne guhar kitne hai.n
kitne alaape.n pas-e-parda laa
chashm-e-naa-biinaa ke aafaaq me.n
kitne be-ra.ng kare
kitne dhanak rang KHalaa
kitne sapne hai.n ki jo
shahr ke ta.ng pulo.n ke niiche
resturaano.n kii mahak o.Dh ke so jaate hai.n
kitnii niinde.n hai.n ki jo apne shabistaano.n me.n
valium chaaTtii hai.n
jaagtii hai.n

Jawayd Anwar
Nazm

shah-e-daula chuha

mai.n choriyaa.n kartaa
siskaariyaa.n bhartaa
karachi se multaan
multaan se lahore
lahore se gujraat pahu.nchaa thaa
tarah tarah ke ghinaa.one pesho.n
aur ghane andesho.n se
la.D bhi.D ke
faqiirii iKHtiyaar kii thii
yahii qaumii mizaaj
aur KHitte kaa rivaaj thaa

Saqi Faruqi
Nazm

ek gum-shuda shahar

ba.Daa shauq thaa
ki base.n shahr-e-lahore me.n
chho.D kar zindagii ye mazaafaat kii
chal rahe.n us nigaar-e-vatan me.n
ki jis me.n hai.n har-suu mahaktii fazaa.e.n
barastii hai.n maKHmuur kaalii ghaTaa.e.n
ye lahore thaa
mere KHvaabo.n kaa maskan
mirii chaahato.n kaa KHutan
guzaare the ahd-e-javaanii me.n mai.n ne
yahaa.n sai.nka.Do.n din
baras-haa-baras tak
rahaa mai.n muqayyad
bahut duur is ek chhoTe nagar me.n
vo chhuuTaa nagar jis ne aasuudgii dii
diyaa rizq bhii garche mujh ko faraavaa.n
magar mere dil me.n vo utraa nahii.n ek din bhii
zamiin chaa.nd mausam sitaare
sabhii ek se the
magar phir bhii mujh ko vo bhaayaa nahii.n ek din bhii
mujhe aaKHirash zindagii le hii aa.ii
isii mere KHvaabo.n ke ghar me.n
samundar kii suurat ufuq-taa-ufuq
duur phaile nagar me.n
va-lekin vo shahr-e-nigaaraa.n vo shahr-e-KHutan
merii yaado.n kaa maskan
na jaane kahaa.n hai?
use aaj tak Dhuu.nD paayaa nahii.n mai.n
na vo mall hai na vo shimla pahaa.Dii
na TamTam na Taa.nga na ik aadh gaa.Dii
jamaal-e-sahar hai na mahkii fazaa.e.n
samaa.at pe baar-e-garaa.n motoro.n kii sadaa.e.n
hai shor-e-qayaamat dhu.aa.n hii dhu.aa.n hai
miraa shahr lahore jaane kahaa.n hai

Syed Javed Akhtar
Nazm

histiriya

vo KHaamosh thii
apne dozaKH me.n jaltii hu.ii
niil-guu.n paaniyo.n ke shikanje me.n jak.Dii hu.ii
ik machaltii hu.ii mauj-e-mahtaab kii samt lapkii
magar
ret par aa girii siip ugaltii hu.ii
KHaamushii ke bha.nvar se nikaltii hu.ii
vo ha.nsii aur ha.nsii
brazier me.n se baahar phisaltii hu.ii
ab vo la.Dkii nahii.n sirf a.ng.Daa.ii thii
ik tavaanaa.ii thii
niim-vaa aa.nkh me.n kasmasaatii hu.ii
haath maltii hu.ii
ik samundar thaa biphraa hu.aa
ik shab thii na Dhaltii hu.ii

Jawayd Anwar
Nazm

nur-jahan

lahore me.n dekhaa use madfuu.n tah-e-marqad
gard-e-kaf-e-paa jis kii kabhii kaahkashaa.n thii

Chandar Bhan Kaifi Dehelvi
Nazm

ashkon mein dhanak

is retiile badan kii
jhulsii hu.ii rago.n me.n
hai tel kaa tamaasha
aur barf kii taho.n me.n
hai suurajo.n kaa girya
yaa paaniyo.n kii dahshat
yaa KHushk-saaliyaa.n hai.n

Jawayd Anwar
Nazm

mere baste mein kya hai

school kaa la.Dkaa huu.n mai.n
nanhaa saa banjaara huu.n mai.n
jo chiiz hai vo KHaas hai
baste me.n mere paas hai
kuchh toffiyaa.n kuchh goliyaa.n
kuchh ber kuchh nimboliyaa.n
ka.Dvii kasiilii chhaaliya
kuchh bach ga.ii.n kuchh khaa liyaa
parkaar pencil aur rabber
rangiin kaaGaz aur colour
ye mor ke par dekhiye
la.al-o-javaahar dekhiye
maachis ke label dekhiye
kaaGaz kii bulbul dekhiye
lo ye kahii.n se aa ga.e
murGii ke par TuuTe hu.e
sikke puraane daur ke
lahore ke bhanbor ke
ye dhaat hai bolaan kii
ye uun cholistaan kii
Tuk.Daa hai ye billor kaa
tohfa bahaavalpur kaa
niilam hai ye kashmiir kaa
ye hai nagiina diir kaa
phal vaadi-e-kaaGaan ke
meve vaziristaan ke
ye ibn-e-inshaa kii kitaab
tohfa milaa hai laa-javaab
tasviir rangaa-rang hai
jo dekhtaa hai dang hai
billii nahii.n bhaaluu hai ye
KHargosh kaa KHaaluu hai ye
ye sab mire baste me.n hai
har phuul gul-daste me.n hai
jab paa.nch paise laa.oge
tab ek tohfa paa.oge

Hasan Abidi
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now