Search result for "maathe" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "maathe"

Nazm MATCHES FOR "maathe"

Nazm

sab maya hai

jab dekh liyaa har shaKHs yahaa.n harjaa.ii hai
is shahr se duur ik kuTiyaa ham ne banaa.ii hai
aur us kuTiyaa ke maathe par likhvaayaa hai
sab maayaa hai

Ibn۔e۔Insha

Nazm

ab so jao

ab so jaa.o
aur apne haath ko mere haath me.n rahne do
tum chaa.nd se maathe vaale ho
aur achchhii qismat rakhte ho
bachche kii sau bholii suurat
ab tak zid karne kii aadat
kuchh kho.ii kho.ii sii baate.n
kuchh siine me.n chubhtii yaade.n
ab inhe.n bhulaa do so jaa.o
aur apne haath ko mere haath me.n rahne do
so jaa.o tum shahzaade ho
aur kitne Dhero.n pyaare ho
achchhaa to ko.ii aur bhii thii
achchhaa phir baat kahaa.n niklii
kuchh aur bhii yaade.n bachpan kii
kuchh apne ghar ke aa.ngan kii
sab batlaa do phir so jaa.o
aur apne haath ko mere haath me.n rahne do
ye ThanDii saa.ns havaa.o.n kii
ye jhilmil kartii KHaamoshii
ye Dhaltii raat sitaaro.n kii
biite na kabhii tum so jaa.o
aur apne haath ko mere haath me.n rahne do

Fahmida Riaz

Nazm

aaj ki shab to kisi taur guzar jaegi

aaj kii shab to kisii taur guzar jaa.egii
raat gahrii hai magar chaa.nd chamaktaa hai abhii
mere maathe pe tiraa pyaar damaktaa hai abhii
merii saa.nso.n me.n tiraa lams mahaktaa hai abhii
mere siine me.n tiraa naam dha.Daktaa hai abhii
ziist karne ko mire paas bahut kuchh hai abhii

Parveen Shakir

Nazm

nau-jawan KHatun se

hijaab-e-fitna-parvar ab uThaa letii to achchhaa thaa
KHud apne husn ko pardaa banaa letii to achchhaa thaa
tirii niichii nazar KHud terii ismat kii muhaafiz hai
tuu is nashtar kii tezii aazmaa letii to achchhaa thaa
tirii chiin-e-jabii.n KHud ik sazaa qaanuun-e-fitrat me.n
isii shamshiir se kaar-e-sazaa letii to achchhaa thaa
ye teraa zard ruKH ye KHushk lab ye vahm ye vahshat
tuu apne sar se ye baadal haTaa letii to achchhaa thaa
dil-e-majruuh ko majruuh-tar karne se kyaa haasil
tuu aa.nsuu po.nchh kar ab muskuraa letii to achchhaa thaa
tire zer-e-nagii.n ghar ho mahal ho qasr ho kuchh ho
mai.n ye kahtaa huu.n tuu arz-o-samaa letii to achchhaa thaa
agar KHalvat me.n tuu ne sar uThaayaa bhii to kyaa haasil
bharii mahfil me.n aa kar sar jhukaa letii to achchhaa thaa
tire maathe kaa Tiikaa mard kii qismat kaa taaraa hai
agar tuu saaz-e-bedaarii uThaa letii to achchhaa thaa
ayaa.n hai.n dushmano.n ke KHanjaro.n par KHuun ke dhabbe
unhe.n tuu ra.ng-e-aariz se milaa letii to achchhaa thaa
sanaane.n khii.nch lii hai.n sar-phire baaGii javaano.n ne
tuu saamaan-e-jaraahat ab uThaa letii to achchhaa thaa
tire maathe pe ye aa.nchal bahut hii KHuub hai lekin
tuu is aa.nchal se ik parcham banaa letii to achchhaa thaa

Asrarul Haq Majaz

Nazm

banjara

mai.n banjaara
vaqt ke kitne shahro.n se guzraa huu.n
lekin
vaqt ke is ik shahr se jaate jaate mu.D ke dekh rahaa huu.n
soch rahaa huu.n
tum se meraa ye naataa bhii TuuT rahaa hai
tum ne mujh ko chho.Daa thaa jis shahr me.n aa kar
vaqt kaa ab vo shahr bhii mujh se chhuuT rahaa hai
mujh ko vidaa.a karne aa.e hai.n
is nagrii ke saare baasii
vo saare din
jin ke ka.ndhe par sotii hai
ab bhii tumhaarii zulf kii KHushbuu
saare lamhe
jin ke maathe par raushan
ab bhii tumhaare lams kaa Tiikaa
nam aa.nkho.n se
gum-sum mujh ko dekh rahe hai.n
mujh ko in ke dukh kaa pataa hai
in ko mere Gam kii KHabar hai
lekin mujh ko hukm-e-safar hai
jaanaa hogaa
vaqt ke agle shahr mujhe ab jaanaa hogaa

Javed Akhtar

Nazm

KHamosh aawaz

aa.ii.n havaa.e.n jhaa.njh bajaatii
giito.n moraa a.ngnaa jaagaa
more maathe jhuumar damkaa
more haatho.n ka.ngnaa jaagaa

Jan Nisar Akhtar

Nazm

shishon ka masiha koi nahin

in dono.n me.n ran pa.Dtaa hai
nit bastii-bastii nagar-nagar
har baste ghar ke siine me.n
har chaltii raah ke maathe par

Faiz Ahmad Faiz

Nazm

o des se aane wale bata

o des se aane vaalaa bataa
kyaa ab bhii vahaa.n ke panghaT par
panhaariyaa.n paanii bhartii hai.n
a.ng.Daa.ii kaa naqsha ban ban kar
sab maathe pe gaagar dhartii hai.n
aur apne gharo.n ko jaate hu.e
ha.nstii hu.ii चुहलें kartii hai.n
o des se aane vaale bataa

Akhtar Shirani

Nazm

ret par safar ka lamha

kabhii ham KHuub-suurat the
kitaabo.n me.n basii
KHushbuu kii suurat
saa.ns saakin thii
bahut se an-kahe lafzo.n se
tasviire.n banaate the
parindo.n ke paro.n par nazm likh kar
duur kii jhiilo.n me.n basne vaale
logo.n ko sunaate the
jo ham se duur the
lekin hamaare paas rahte the
na.e din kii masaafat
jab kiran ke saath
aa.ngan me.n utartii thii
to ham kahte the
ammii titliyo.n ke par
bahut hii KHuub-suurat hai.n
hame.n maathe pe bosaa do
ki ham ko titliyo.n ke
jugnu.o.n ke des jaanaa hai
hame.n ra.ngo.n ke jugnuu
raushnii kii titliyaa.n aavaaz detii hai.n
na.e din kii masaafat
ra.ng me.n Duubii havaa ke saath
khi.Dkii se bulaatii hai
hame.n maathe pe bosaa do
hame.n maathe pe bosaa do

Ahmed Shamim

Nazm

tu nahin jaanti

tere ho.nTo.n se bahtii hu.ii ye ha.nsii
do-jahaano.n pe naafiz na hone kaa baa.is
tire haath hai.n
jin ko tuu ne hamesha labo.n par rakhaa muskuraate hu.e
tuu nahii.n jaantii
nii.nd kii goliyaa.n kyo.n banaa.ii ga.ii.n
log kyo.n raat ko uTh ke rote hai.n sote nahii.n
tuu ne ab tak ko.ii shab agar jaagte bhii guzaarii
to vo barbie night thii
tujh ko kaise bataa.uu.n
ki terii sadaa ke ta'aaqub me.n
mai.n kaise dariyaa.o.n sahraa.o.n aur jangalo.n se guzartaa hu.aa
ek aisii jagah jaa giraa thaa
jahaa.n pe.D kaa suukhnaa 'aam sii baat thii
jahaa.n un charaaGo.n ko jalne kii ujrat nahii.n mil rahii thii
jahaa.n la.Dkiyo.n ke badan sirf KHushbuu banaane ke kaam aate the
jahaa.n ek maa'suum bachcha parinde paka.Dne ke saare hunar jaantaa thaa
mujh ko maa'luum thaa
teraa aise jahaa.n aisii duniyaa se ko.ii ta'alluq nahii.n
tuu nahii.n jaantii
kitnii aa.nkhe.n tujhe dekhte dekhte bujh ga.ii.n
kitne kurte tire haath se istirii ho ke jalne kii KHvaahish me.n khuu.nTii se laTke rahe
kitne lab tere maathe ko tarse
kitnii shahraahe.n is shauq me.n phaT ga.ii hai.n
ki tuu un ke siine pe paa.nv dhare
mai.n tujhe Dhuu.nDte Dhuu.nDhte thak gayaa huu.n
ab mujhe terii maujuudgii chaahiye
apne saaTan me.n sahme hu.e surKH pairo.n ko ab mere haatho.n pe rakh
mai.n ne chakhnaa hai in kaa namak

Tahzeeb Hafi

Nazm

pandrah august

yahii jagah thii yahii din thaa aur yahii lamhaat
saro.n pe chhaa.ii thii sadiyo.n se ik jo kaalii raat
isii jagah isii din to milii thii us ko maat
isii jagah isii din to hu.aa thaa ye elaan
a.ndhere haar ga.e zindaabaad hindostaan
yahii.n to ham ne kahaa thaa ye kar dikhaanaa hai
jo zaKHm tan pe hai bhaarat ke us ko bharnaa hai
jo daaG maathe pe bhaarat ke hai miTaanaa hai
yahii.n to khaa.ii thii ham sab ne ye qasam us din
yahii.n se nikle the apne safar pe ham us din
yahii.n thaa guu.nj uThaa vande-maatram us din
hai jur.ato.n kaa safar vaqt kii hai raahguzar
nazar ke saamne hai saaTh miil kaa patthar
ko.ii jo puuchhe kiyaa kyaa hai kuchh kiyaa hai agar
to us se kah do ki vo aa.e dekh le aa kar
lagaayaa ham ne thaa jamhuuriyat kaa jo paudhaa
vo aaj ek ghaneraa saa uu.nchaa bargad hai
aur us ke saa.e me.n kyaa badlaa kitnaa badlaa hai
kab intihaa hai ko.ii is kii kab ko.ii had hai

Javed Akhtar

Nazm

kisan

jis ke maathe ke pasiine se pa.e-izz-o-vaqaar
kartii hai daryuuza-e-taabish kulaah-e-taajdaar

Josh Malihabadi

Nazm

aaKHiri lamha

aa.o us chaa.nd se maathe ko zaraa chuum to luu.n
phir na hogaa tumhe.n ye pyaar nasiib aa jaa.o
aaKHirii lamha hai siine pe mire sar rakh do
dil kii haalat hu.ii jaatii hai ajiib aa jaa.o
na aizza na ahibbaa na KHudaa hai na rasuul
ko.ii is vaqt nahii.n mere qariib aa jaa.o
tum to qariib aa jaa.o!

Jan Nisar Akhtar

Nazm

dur tak yaad-e-watan aai thi samjhane ko

par na maathe pe shikan aa.e qasam khaane ko

Ram Parsad Bismil

Nazm

sham

is tarah hai ki har ik pe.D ko.ii mandir hai
ko.ii uj.Daa hu.aa, be-nuur puraanaa mandir
Dhuu.nDhtaa hai jo KHaraabii ke bahaane kab se
chaak-e-har-baam har ik dar kaa dam-e-aaKHir hai
aasmaa.n ko.ii purohit hai jo har baam-tale
jism par raakh male maathe pe sinduur male
sar-niguu.n baiThaa hai chup-chaap na jaane kab se
is tarah hai ki pas-e-parda ko.ii saahir hai
jis ne aafaaq pe phailaayaa hai yuu.n sehr kaa daam
daaman-e-vaqt se paivast hai yuu.n daaman-e-shaam
ab kabhii shaam bujhegii na a.ndheraa hogaa
ab kabhii raat Dhalegii na saveraa hogaa

Faiz Ahmad Faiz

Nazm

girls college ki lari

fazaa.o.n me.n hai sub.h kaa rang taarii
ga.ii hai abhii girls college kii laarii
ga.ii hai abhii guu.njtii gungunaatii
zamaane kii raftaar kaa raag gaatii
lachaktii hu.ii sii chhalaktii hu.ii sii
bahaktii hu.ii sii mahaktii hu.ii sii
vo sa.Dko.n pe phuulo.n kii dhaarii sii bantii
idhar se udhar se hasiino.n ko chuntii
jhalakte vo shiisho.n me.n shaadaab chehre
vo kaliyaa.n sii khultii hu.ii mu.nh andhere
vo maathe pe saa.Dii ke ra.ngii.n kinaare
sahar se nikaltii shafaq ke ishaare
kisii kii adaa se ayaa.n KHush-mazaaqii
kisii kii nigaaho.n me.n kuchh niind baaqii
kisii kii nazar me.n mohabbat ke dohe
sakhii rii ye jiivan piyaa bin na sohe
ye khi.Dkii kaa ra.ngiin shiisha giraa.e
vo shiishe se ra.ngiin chehraa milaa.e
ye chaltii zamii.n pe nigaahe.n jamaatii
vo ho.nTo.n me.n apne qalam ko dabaatii
ye khi.Dkii se ik haath baahar nikaale
vo zaanuu pe girtii kitaabe.n sambhaale
kisii ko vo har baar tevarii sii cha.Dhtii
dukaano.n ke taKHte adhuure se pa.Dhtii
ko.ii ik taraf ko simaTtii hu.ii sii
kinaare ko saa.Dii ke baTtii hu.ii sii
vo laarii me.n guu.nje hu.e zamzame se
dabii muskuraahaT subuk qahqahe se
vo lahjo.n me.n chaa.ndii khanaktii hu.ii sii
vo nazro.n se kaliyaa.n chaTaktii hu.ii sii
saro.n se vo aa.nchal Dhalakte hu.e se
vo shaano.n se saaGar chhalakte hu.e se
javaanii nigaaho.n me.n bahkii hu.ii sii
mohabbat taKHayyul me.n bahkii hu.ii sii
vo aapas kii chhe.De.n vo jhuuTe fasaane
ko.ii un kii baato.n ko kaise na maane
fasaana bhii un kaa taraana bhii un kaa
javaanii bhii un kii zamaana bhii un kaa

Jan Nisar Akhtar

Nazm

alwida

hamaarii dha.Dkane.n tere hii baam-o-dar me.n pinhaa.n hai.n
tire maahaul me.n ham sab ke mahsuusaat Galtaa.n hai.n
hamaarii aarzu.e.n tere daalaano.n me.n raqsaa.n hai.n
nuquush-e-ahd-e-rafta tere maathe par numaayaa.n hai.n

Abdul Ahad Saaz

Nazm

ye kaun aaya

'inshaa'-jii ye kaun aayaa kis des kaa baasii hai
ho.nTo.n pe tabassum hai aa.nkho.n me.n udaasii hai
KHvaabo.n ke gulistaa.n kii KHush-buu-e-dil-aaraa hai
yaa sub.h-e-tamannaa ke maathe kaa sitaaraa hai
tarsii hu.ii nazro.n ko ab aur na tarsaa re
ai husn ke saudaagar ai ruup ke banjaare
ramnaa dil-e-'inshaa' kaa ab teraa Thikaanaa ho
ab ko.ii bhii suurat ho ab ko.ii bahaanaa ho

Ibn۔e۔Insha

Nazm

urdu

zabaan-e-hind hai urdu to maathe kii shikan kyuu.n hai
vatan me.n be-vatan kyuu.n hai
mirii mazluum urdu terii saa.nso.n me.n ghuTan kyuu.n hai
teraa lahja mahaktaa hai to lafzo.n me.n thakan kyuu.n hai
agar tuu phuul hai to phuul me.n itnii chubhan kyuu.n hai
vatan me.n be-vatan kyuu.n hai
ye 'nanak' kii ye 'KHusrav' kii 'dayaa-sha.nkar' kii bolii hai
ye diivaalii ye baisaakhii ye iid-ul-fitr holii hai
magar ye dil kii dha.Dkan aaj-kal dil kii jalan kyuu.n hai
vatan me.n be-vatan kyuu.n hai
ye naazo.n kii palii thii 'miir' ke 'Gaalib' ke aa.ngan me.n
jo suuraj ban ke chamkii thii kabhii mahlo.n ke daaman me.n
vo shahzaadii zabaano.n kii yahaa.n be-anjuman kyuu.n hai
vatan me.n be-vatan kyuu.n hai
mohabbat kaa sabhii elaan kar jaate hai.n mahfil me.n
ki is ke vaaste jazba hai hamdardii kaa har dil me.n
magar haq maa.ngne ke vaqt ye begaana-pan kyuu.n hai
vatan me.n be-vatan kyuu.n hai
ye doshiiza jo baazaaro.n se iThlaatii guzartii thii
labo.n kii naazukii jis kii gulaabo.n sii bikhartii thii
jo tahziibo.n ke sar kii o.Dhnii thii ab kafan kyuu.n hai
vatan me.n be-vatan kyuu.n hai
mohabbat kaa agar da.avaa hai to is ko bachaa.o tum
jo va.ada kal kiyaa thaa aaj vo va.ada nibhaa.o tum
agar tum raam ho to phir ye raavan kaa chalan kyuu.n hai
vatan me.n be-vatan kyuu.n hai

Manzar Bhopali

Nazm

zindagi

aaj a.ndheraa mirii nas nas me.n utar jaa.egaa
aa.nkhe.n bujh jaa.e.ngii bujh jaa.e.nge ehsaas o shu.uur
aur ye sadiyo.n se jaltaa saa sulagtaa saa vajuud
is se pahle ki sahar maathe pe shabnam chhi.Dke
is se pahle ki mirii beTii ke vo phuul se haath
garm ruKHsaar ko ThanDak baKHshe.n
is se pahle ki mire beTe kaa mazbuut badan
tan-e-mafluuj me.n shaktii bhar de
is se pahle ki mirii biivii ke ho.nT
mere ho.nTo.n kii tapish pii jaa.e.n
raakh ho jaa.egaa jalte jalte
aur phir raakh bikhar jaa.egii

Kaifi Azmi

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now