Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "saakit"

Nazm MATCHES FOR "saakit"

Nazm

waqt

kabhii kabhii mai.n ye sochtaa huu.n
ki chaltii gaa.Dii se pe.D dekho
to aisaa lagtaa hai
duusrii samt jaa rahe hai.n
magar haqiiqat me.n
pe.D apnii jagah kha.De hai.n
to kyaa ye mumkin hai
saarii sadiyaa.n
qataar-andar-qataar apnii jagah kha.Dii ho.n
ye vaqt saakit ho
aur ham hii guzar rahe ho.n
is ek lamhe me.n
saare lamhe
tamaam sadiyaa.n chhupii hu.ii ho.n
na ko.ii aa.inda
na guzishta
jo ho chukaa hai
jo ho rahaa hai
jo hone vaalaa hai
ho rahaa hai
mai.n sochtaa huu.n
ki kyaa ye mumkin hai
sach ye ho
ki safar me.n ham hai.n
guzarte ham hai.n
jise samajhte hai.n ham
guzartaa hai
vo thamaa hai
guzartaa hai yaa thamaa hu.aa hai
ikaa.ii hai yaa baTaa hu.aa hai
hai munjamid
yaa pighal rahaa hai
kise KHabar hai
kise pataa hai
ye vaqt kyaa hai

Javed Akhtar
Nazm

parchhaiyan

vo pe.D jin ke tale ham panaah lete the
kha.De hai.n aaj bhii saakit kisii amii.n kii tarah

Sahir Ludhianvi
Nazm

hallucination

mai.n apne band kamre me.n pa.Daa huu.n
aur ik diivaar par nazre.n jamaa.e
manaazir ke ajuube dekhtaa huu.n
usii diivaar me.n ko.ii KHalaa hai
mujhe jo Gaar jaisaa lag rahaa hai
vahaa.n mak.Dii ne jaal bun liyaa hai
aur ab apne hii jaal me.n pha.nsii hai
vahii.n par ek murda chhipkilii hai
ka.ii sadiyo.n se jo saakit pa.Dii hai
ab us par kaa.ii jamtii jaa rahii hai
aur us me.n ek jangal dikh rahaa hai
daraKHto.n se parinde gir rahe hai.n
kulhaa.Dii shaaKH par laTkii hu.ii hai
laka.Dhaare pe giida.D ha.ns rahe
musalsal tez baarish ho rahii hai
kisii patte se gir kar ek qatra
achaanak ek samundar ban gayaa hai
samundar naav se la.Dne lagaa hai
machheraa machhliyo.n me.n ghir gayaa hai
aur ab patvaar siine se lagaa kar
vo niile aasmaa.n ko dekhtaa hai
jo yak-dam zard pa.Dtaa jaa rahaa hai
vo kaise ret bantaa jaa rahaa hai
mujhe ab sirf sahraa dikh rahaa hai
aur us me.n dhuum kii chaadar bichhii hai
magar vo ek jagah se phaT rahii hai
vahaa.n par ek saaya naachtaa hai
jahaa.n bhii pair dhartaa hai vahaa.n par
sunahre phuul khilte jaa rahe hai
ye sahraa baaG bantaa jaa rahaa hai
aur us me.n titliyaa.n dikhtii hai.n
paro.n me.n jin ke niilii raushnii hai
vo har pal tez hotii jaa rahii hai
so merii aa.nkh me.n chubhne lagii hai
so mai.n ne haath aa.nkho.n par rakhe hai.n
aur ab u.nglii haTaa kar dekhtaa huu.n
ki apne band kamre me.n pa.Daa huu.n
aur ik diivaar ke aage kha.Daa huu.n

Ammar Iqbal
Nazm

raat sunsan hai

ye kitaabe.n bhii miraa saath nahii.n detii.n aaj
'keats' kii nazm 'arastuu' ke hakiimaana qaul
sa.ng-marmar kii imaarat kii tarah saakit hai.n
tuu hii kuchh baat kar ai mere dha.Dakte hu.e dil
tuu hii ik meraa sahaaraa hai miraa muunis hai
tuu hii is sard a.ndhere me.n charaaGaa.n kar de
laxmii-devii to mirii baat nahii.n sun saktii.n
mujh ko ma.aluum hai kyaa biit chukii hai tujh par
mere chehre ke sulagte hu.e zaKHmo.n ko bhii dekh
merii aa.nkho.n pe mirii fikr pe paabandii hai
mai.n use chaahuu.n bhii to yaad nahii.n kar saktaa
tuu use kho ke machal saktaa hai ro saktaa hai
aur mai.n luT ke bhii fariyaad nahii.n kar saktaa

Mustafa Zaidi
Nazm

israfil ki maut

marg-e-israafiil par aa.nsuu bahaa.o
vo KHudaa.o.n kaa muqarrab vo KHudaavand-e-kalaam
saut-e-insaanii kii ruuh-e-jaavedaa.n
aasmaano.n kii nidaa-e-be-karaa.n
aaj saakit misl-e-harf-e-naa-tamaam
marg-e-israafiil par aa.nsuu bahaa.o
aa.o israafiil ke is KHvaab-e-be-ha.ngaam par aa.nsuu bahaa.e.n
aaramiida hai vo yuu.n qarnaa ke paas
jaise tuufaa.n ne kinaare par ugal Daalaa use
reg-e-saahil par chamaktii dhuup me.n chup chaap
apne suur ke pahluu me.n vo KHvaabiida hai
us kii dastaar us ke gesuu us kii riish
kaise KHaak-aaluuda hai.n
the kabhii jin kii tahe.n buud-o-nabuud
kaise is kaa suur is ke lab se duur
apnii chiiKHo.n apnii fariyaado.n me.n gum
jhilmilaa uThte the jis se dair-o-zuud
marg-e-israafiil par aa.nsuu bahaa.o
vo mujassam hamhama thaa vo mujassam zamzama
vo azal se taa abad phailii hu.ii Gaibii sadaa.o.n kaa nishaa.n
marg-e-israafiil se
halqa dar halqa farishte nauha gar
ibn-e-aadam zulf-dar-KHaak-o-nazaar
hazrat-e-yazdaa.n kii aa.nkhe.n Gam se taar
aasmaano.n kii safiir aatii nahii.n
aalam-e-laahuut se ko.ii nafiir aatii nahii.n
marg-e-israafiil se
is jahaa.n par band aavaazo.n kaa rizq
mutribo.n kaa rizq aur saazo.n kaa rizq
ab muGannii kis tarah gaa.egaa aur gaa.egaa kyaa
sun.ne vaalo.n ke dilo.n ke taar chup
ab ko.ii raqqaas kyaa thirkegaa lahraa.egaa kyaa
bazm ke farsh-o-dar-o-diivaar chup
ab KHatiib-e-shahr farmaa.egaa kyaa
masjido.n ke aastaan-o-gumbad-o-miinaar chup
fikr kaa sayyaad apnaa daam phailaa.egaa kyaa
taa.iraan-e-manzil-o-kohsaar chup
marg-e-israafiil hai
gosh-e-shanvaa kii lab-e-goyaa kii maut
chashm-e-biinaa kii dil-e-daanaa kii maut
thii isii ke dam se durvesho.n kii saarii haav-huu
ahl-e-dil kii ahl-e-dil se guftuguu
ahl-e-dil jo aaj gosha-giir-o-surma-dar-guluu
ab tanaa taa-huu bhii Gaa.eb aur yaa-rab haa bhii gum
ab galii kuucho.n kii har aavaa bhii gum
ye hamaaraa aaKHirii maljaa bhii gum
marg-e-israafiil se
is jahaa.n kaa vaqt jaise so gayaa pathraa gayaa
jaise ko.ii saarii aavaazo.n ko yaksar khaa gayaa
aisii tanhaa.ii ki husn-e-taam yaad aataa nahii.n
aisaa sannaaTaa ki apnaa naam yaad aataa nahii.n
marg-e-israafiil se
dekhte rah jaa.e.nge duniyaa ke aamir bhii
zabaa.n-bandii ke KHvaab
jis me.n majbuuro.n kii sargoshii to ho
us KHudaavandii ke KHvaab

Noon Meem Rashid
Nazm

ujala

merii taKH.iil kii jhankaar ko saakit paa kar!
chuu.Diyaa.n terii kalaa.ii me.n khanak uThtii thii.n
uf mirii tishna-labii tishna-labii tishna-labii!
kachchii kaliyaa.n tire ho.nTo.n kii mahak uThtii thii.n

Mustafa Zaidi
Nazm

un ka jashn-e-sal-girah

fitrat na.e jazbaat ke dar khol rahii hai
miizaan-e-javaanii me.n use taul rahii hai
lab saakit o saamit hai.n nazar bol rahii hai

Asrarul Haq Majaz
Nazm

hum

1
bichhii hu.ii hai bisaat kab se
zamaana shaatir hai aur ham
is bisaat ke zisht-o-KHuub-KHaano.n me.n
dast-e-naadiida ke ishaaro.n pe chal rahe hai.n
bichhii hu.ii hai bisaat azal se
bichhii hu.ii hai bisaat jis kii na ibtidaa hai na intihaa hai
bisaat aisaa KHalaa hai jo vus.at-e-tasavvur se maavaraa hai
karishma-e-kaa.enaat kyaa hai
bisaat par aate jaate mohro.n kaa silsila hai
bisaat saakit hai vaqt-e-mutlaq

Zia Jalandhari
Nazm

hama-ust

mire dosto.n me.n bahut ishtiraakii hai.n
jo har mohabbat me.n maayuus ho kar
yuu.nhii ik na.e daura-e-shaadmaanii kii hasrat me.n
karte hai.n dil-juu.ii ik duusre kii
aur ab aisii baato.n pe mai.n
zer-e-lab bhii kabhii muskuraataa nahii.n huu.n
aur us shaam jashn-e-uruusii me.n
husn o mai o raqs o naGma ke tuufaan bahte rahe the
fara.ngii sharaabe.n to anqaa thii.n
lekin mai-e-naab-e-qazviin o KHullaar-e-shiiraaz ke daur-e-paiham se
ra.ngii.n libaaso.n se
KHushbuu kii be-baak lahro.n se
be-saaKHta qahqaho.n hamhamo.n se
mazaamiir ke zer-o-bam se
vo ha.ngaama barpaa thaa
mahsuus hotaa thaa
tehraan kii aaKHirii shab yahii hai!
aachaanak kahaa mursida ne:
''tumhaaraa vo saathii kahaa.n hai?
abhii ek sofe pe dekhaa thaa mai.n ne
use sar-ba-zaanuu!''
to ham kuchh pareshaan se ho ga.e
aur kamra-ba-kamra use Dhuu.nDne mil ke nikle!
lo ik gosha-e-niim-raushan me.n
vo ishtiraakii zamii.n par pa.Daa thaa
use ham bulaayaa kiye aur jhi.njho.Daa kiye
vo to saakit thaa jaamid thaa!
ruusii adiibo.n kii sar-chashma-gaaho.n kii us ko KHabar ho ga.ii thii

Noon Meem Rashid
Nazm

begam aur shaeri

raat kaafii ho chukii hai nii.nd me.n bachche hai.n dhut
aap yuu.n saakit hu.e baiThe hai.n jaise ko.ii but

Nashtar Amrohvi
Nazm

ek sakit raat ka azab

mire bedroom me.n zero ke balb kii...
lahuu-ra.ng raushnii sahmii hu.ii hai
lihaaf o.Dhe badan TuuTe pa.De hai.n
sirhaane jaagte hai.n narm bose
dahaktii hai.n KHumaar-aaluud aa.nkhe.n
mahaktii hai.n, ukha.Dtii garm saa.nse.n
magar saa.nso.n me.n dil aTke hu.e hai.n
lahuu-ra.ng raushnii sahmii hu.ii hai
mai.n kachchii nii.nd se jaagaa hu.aa huu.n
vo kachchii umr kii TuuTii hu.ii hai

Anjum Saleemi
Nazm

tafaut

ham kitnaa ro.e the jab ik din sochaa thaa ham mar jaa.e.nge
aur ham se har nemat kii lazzat kaa ehsaas judaa ho jaa.egaa
chhoTii chhoTii chiize.n jaise shahd kii makkhii kii bhin bhin
chi.Diyo.n kii chuu.n chuu.n kavvo.n kaa ek ik tinkaa chun.naa
niim kii sab se uu.nchii shaaKH pe jaa kar rakh denaa aur gho.nsla bun.naa
sa.Dke.n kuuTne vaale engine kii chhuk chhuk bachcho.n kaa dhuul u.Daanaa
aadhe na.nge mazduuro.n ko pyaaz se roTii khaate dekhe jaanaa
ye sab laa-yaanii bekaar mashaaGil baiThe baiThe ek dam chhin jaa.e.nge
ham kitnaa ro.e the jab pahlii baar ye KHatra andar jaagaa thaa
is gardish karne vaalii dhartii se rishta TuuTegaa ham jaamid ho jaa.e.nge
lekin kab se lab saakit hai.n dil kii ha.ngaama-aaraa.ii kii
barso.n se aavaaz nahii.n aa.ii aur is marg-e-musalsal par
in kam-maaya aa.nkho.n se ik qatra aa.nsuu bhii to nahii.n Tapkaa

Akhtarul Iman
Nazm

mohabbat

tumhe.n kab yaad hogaa
TuuTte kamzor lamho.n ke ye bandhan kis qadar mazbuut hote hai.n
ki ab mai.n har baras july kii unniisvii.n taptii jhulastii dopahar me.n
KHvaab jugnuu aur sitaare apnii aa.nkho.n par rakhe mahsuus kartaa huu.n
tumhe.n chhuutaa huu.n palko.n se
havaa me.n u.ngliyaa.n bhar kar
tumhaare kaan se sargoshiyaa.n karte hu.e baalo.n ko
ik tamhiid detaa huu.n
nigaah-e-KHvaab-aaluuda ke boso.n se
tumhaare jism kii saarii safo.n par lafz rakhtaa huu.n
tumhe.n bhartaa huu.n baa.nho.n me.n
tumhaarii yaad-e-rafta se vahii lamha uThaa kar vaqt ko saakit banaataa huu.n
to phir vo mo.D aataa hai
jahaa.n auhaam ilhaamii nazar aate hai.n
aur ik nazm kii taKHliiq hotii hai

Atif tauqeer
Nazm

tum jo aate ho

tum jo aate ho
to kuchh bhii nahii.n rahtaa maujuud
tum chale jaate ho
aur bolne lagte hai.n tamaam
adh-khile phuul
samaa.at pe jamii chaap havaa band makaan
guftuguu karne ke aasan me.n ruke sab ajsaam
murda lamhaat kaa ik Dher pahaa.D
abr kii qaash uThii mauj kaa saakit andaam
barf lab palko.n pe Taa.nke hu.e motii aa.nsuu
aur sile kaano.n me.n aavaaz kii suu.iyaa.n be-jaan
yak-ba-yak bolne lagte hai.n tamaam
zindagii bun.ne me.n ho jaatii hai phir se masruuf
vaqt ho jaataa hai phir KHaak-ba-sar be-aaraam
ek panchhii jise u.Dte chale jaanaa hai KHudaa jaane kahaa.n
aur mai.n tinko.n ke bikhre hu.e bistar kii tarah
muntazir lauT ke tum aa.o kisii roz yahaa.n
phir ho.n ik baar mu.attal
ye zamii.n aur zamaa.n

Wazir Agha
Nazm

main thak gai hun

vahshat kii amaavas me.n tumhaarii yaad chhupii hai
aur tumhaarii yaad me.n bahut saare KHauf
bilkul achaanak
baGair kisii vaj.h ke
siine me.n dha.Ddha.Daate dil ko
saakit-o-jaamid karne vaale KHauf
ye vo aise vaise achchhe bure
maarne vaale to.Dne vaale KHauf
bhayaanak qism ke KHauf
ajiib qism ke KHauf
ke.nchulii badalne vaale KHauf
aur pataa nahii.n kaise kaise KHauf
tum ne sunaa nahii.n
mai.n tum se mohabbat kar ke bahut se KHaufo.n me.n ghir ga.ii huu.n
mai.n thak ga.ii huu.n

Najma Naseem
Nazm

aatish-e-KHamosh

sar-chashma-e-aKHlaaq vafaa-kesh-o-vafaa-kosh
ai mashriq-e-ishraaq-e-safaa abr-e-KHataa-posh
yuu.n tere dil-e-saaf me.n ishraaq-e-mohabbat
jis tarah ki lau sub.h ko de durr-e-nayaa-gosh
mai.n kaun huu.n ik dil huu.n jise zabt ne maaraa
kar degii fanaa mujh ko mirii koshish-e-KHaamosh
vo dil huu.n ibaarat jo hai nazm-e-abadii se
ik KHuun kaa nuqta huu.n mai.n pur-ma.anii-o-pur-josh
jibriil mire saath rahe roz-e-azal se
mai-KHaan-e-irfaa.n me.n shab-o-roz qadah-nosh
kuchh mu.nh se nikal jaa.e.n na samjhii hu.ii baate.n
rahne do mujhe majlis-e-mai me.n yuu.nhii mad.hosh
sarsabz huu.n zaahir me.n magar ai dil-e-KHuu.n-garm
jis tarah hinaa me.n hai nihaa.n aatish-e-KHaamosh
dil par ye sitam kyuu.n na ho ham-jins pe taasiir
ka.aba isii Gam me.n nazar aataa hai siyah-posh
ayyuub nahii.n huu.n ko.ii ma.asuum nahii.n huu.n
taa-chand mazaalim pe rahuu.n saakit-o-KHamosh
hai.n jitne aqaarib vo aqaarib se hai.n bad-tar
ahbaab hai.n vo KHud-Garaz-o-zuud-faraamosh
dil saaf nahii.n sab hai.n suKHan-saaz-o-suKHan-chii.n
ye mehr to hai zahr agar niish me.n ho nosh
kahte hai.n jise dost vo is daur me.n anqaa
samjhe hai.n jise mehr vo is ahd me.n ruu-posh
kis daur me.n aa.e hai.n ham ai majlis-e-saaqii
jab ri.nd-e-KHaraabaat-nashii.n ho ga.e mad.hosh
dil kyaa mirii aa.nkho.n kaa hai TuuTaa hu.aa sotaa
tuufaan uThaa de.nge yahii chashma-e-KHas-posh
Thokar se jilaataa huu.n mazaamiin-e-kuhan ko
hai fitna-e-mahshar mirii utrii hu.ii paa-posh
ham-sa.ng javaahir kabhii patthar nahii.n hotaa
har chand taraashe ko.ii sannaa-e-safaa-kosh
go mujh ko KHudaa-daad tabii.at ne sa.nvaaraa
mujrim huu.n agar huu.n kabhii ehsaan-faraamosh
tarkash me.n mire tiir bahut kam hai.n magar hai.n
aise ki u.Daa de.n qadar-andaaz ke jo hosh
pindaar-e-KHudii hai aziiz un ko to hame.n kiyaa
ham ishq ke bande hai.n vafaa-kesh-o-vafaa-kosh

Mirza Mohammad Hadi Aziz Lakhnavi
Nazm

irtiqa

KHaak par ik buu.nd lapkii
buu.nd jam kar loth.Daa
is loth.De me.n haDDiyaa.n
phir haDDiyo.n par maas aayaa
maas jis par naqsh ubhre
naqsh ko jumbish milii
aur KHaamushii kii kokh KHaalii ho ga.ii
chiiKH pahlii guftuguu thii
tham ga.ii to is se phuuTaa qahqaha
jab thak ke TuuTaa qahqaha
tab aaKHirii aavaaz siskii
jumbishe.n saakit hu.ii.n
aur qabr kii KHaamoshiyo.n me.n
naqsh pighle maas utraa
haDDiyaa.n uryaa.n hu.ii.n aur munhadim
loth.Daa gal sa.D ke phir se buu.nd thaa
aur buu.nd dhartii khaa ga.ii
haa.e mere ibtilaa kii intihaa ibtidaa tak aa ga.ii

Syed Mubarak Shah
Nazm

ehtijaj

aman kii chaadar me.n
baaruud aur mohlik hathiyaaro.n kii gaTh.Dii baa.ndh ke
duniyaa bhar me.n bhejne vaale behis logo
apnii saazish-gaah se baahar jhaa.nk ke dekho
chehre par jaanii-pahchaanii be-maqsad sii kuchh tahriire.n
thake hu.e pairo.n me.n bhaagte rasto.n kii saakit zanjiire.n
jaise aazaadii ke ghar me.n qaid ho.n do na.ngii tasviire.n
KHushk labo.n par pyaas bharii talKHii ke saare zaa.iqe likkhe
KHaalii peT ko aa.nkho.n kii dahliiz pe rakkhe
saamne ek sa.Dak ke mo.D pe
do zinda saa.e rote hai.n
chehre mohre rang aur nasl me.n
bilkul tum jaise hote hai.n
maile jism par andar kaa ahvaal sajaa.e
haatho.n ko kashkol banaa.e
aane jaane vaalo.n se kahte rahte hai.n
baabaa ko.ii kaam karaa lo
aur us ke badle me.n ham ko
roTii laa do
bhuuk miTaa do

Saleem Kausar
Nazm

shaeri mat karo

manzar pas-manzar
KHaamosh hotaa hai
pe.D saakit kha.De rahte hai.n
patte hilte hai.n
par na u.Dte hai.n
kahii.n duur se rail kii siiTiyaa.n ubhartii hai.n
aur nazdiik ke race-kors se
bhaagte tezaabii gho.Do.n kii Taapo.n se ziyaada
nau-dolatiye gadho.n kii chiiKH-o-pukaar se
kaan phaTne lagte hai.n
har kahii.n kaano.n ko
ruu.ii mayassar nahii.n aatii hai
kam-az-kam
aa.nkhe.n muu.nd lo
(ye tumhaare bas me.n hai)
a.ndhiyaare me.n aavaaze.n zaa.il ho jaa.e.ngii
zehn ke kaale parde par
ko.ii tasviir nahii.n ubhregii
kaano.n me.n
ko.ii aavaaz nahii.n aa.egii
guu.nge bahre andhe ho jaa.o
shaa.erii mat karo
aur a.ndhiyaare me.n duur talak dekhte jaa.o
der talak
be-sub.h-o-shaam
be-jism-o-jaan
aakaash aasmaan
dekhte jaa.o
shaayad isii lamhe
yaa kal parso.n
yaa sadiyaa.n guzar jaane ke ba.ad
zamiin u.D jaane
aasmaan bikhar jaane ke ba.ad
har shai ke mar jaane ke ba.ad
dhuul simaT jaa.egii
dhund miTegii
a.ndhiyaare me.n chaaro.n jaanib
aa.iina ubhregaa
kaano.n me.n nuqra.ii ghanTiyo.n ke maddham naGmo.n
kii sharaabo.n kaa nashsha guu.njegaa
chaaro.n samt sunahrii safed motii
saa chamaktaa chehraa ubhregaa
chaaro.n jaanib sar-sugandh kii maalaa.e.n
lahraa.e.ngii
nit-navelii sadaa kii doshiiza
shaa.erii kii paalkii par savaar aa.egii
mujh ko
duur bides le jaa.egii

Khaleel Mamoon
Nazm

kaun samjhega is paheli ko

lamhe saakit ho ga.e hai.n

Janan Malik
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now