Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "savero.n"

Nazm MATCHES FOR "savero.n"

Nazm

tumhaari yaad

raat ke surma.ii a.ndhero.n me.n
saa.ns lete hu.e savero.n me.n

Rajendra Nath Rahbar
Nazm

hujum-e-girya

hame.n bhii ro le hujuum-e-girya ki phir na aa.e.nge Gam ke mausam
hame.n bhii ro le ki ham vahii hai.n
jo aaftaabo.n kii bastiyo.n se suraaG laa.e the un savero.n kaa jin ko shabnam ke pahle qatro.n ne Gusl baKHshaa
safed ra.ngo.n se nuur-e-ma.anii nikaal lete the aur chaa.ndii ujaalte the
shafaq pe Thahre sunahre baadal se zard sone ko Dhaalte the
KHunuk havaa.o.n me.n KHushbu.o.n ko milaa ke un ko u.Daane vaale
sabaa kii parto.n pe sher likh kar adam kii shakle.n banaane vaale
dimaaG rakhte the lafz o ma.anii kaa aur dast-e-hunar ke maalik
vaqaar-e-nuur-e-charaaG ham the
hame.n bhii ro le hujuum-e-girya
hame.n bhii ro le ki ham vahii hai.n
jo tez aa.ndhii me.n saaf chehro.n ko dekh lete the aur saa.nso.n ko bhaa.npte the
falak-nashiino.n se guftuguu.e.n thii.n aur pariyo.n se khelte the
kariim logo.n kii sohbato.n me.n kushaada kuu-e-saKHaa ko dekhaa
kabhii na rokaa thaa ham ko suuraj ke chobdaaro.n ne qasr-e-baizaa ke daaKHle se
vahii to ham hai.n
vahii to ham hai.n jo luT chuke hai.n hafiiz raaho.n pe luTne vaale
usii falak kii siyah-zamii.n par jahaa.n pe larzaa.n hai.n shor-e-naala se aadilo.n kii sunahrii ka.Diyaa.n
hame.n bhii ro le hujuum-e-girya
hame.n bhii ro le ki in dino.n me.n hamaarii pushto.n pe baar hotaa hai zaKHm-e-taaza ke surKH phuulo.n kaa aur gardan me.n sard aahan kii kohna la.Diyaa.n
hamaarii zid me.n safed naaKHun qalam banaane me.n dast-e-qaatil kaa saath dete hai.n aur neze uchhaalte hai.n
havaa kii lahro.n ne reg-e-sahraa kii tez dhaaro.n se rishte jo.De
shariir haatho.n se ka.nkaro.n kii siyaah baarish ke raabte hai.n
hamaarii zid me.n hii mulko.n mulko.n ke shahryaaro.n ne ahd baa.ndhe
yahii ki ham ko dhu.e.n se baa.ndhe.n aur ab dhu.e.n se ba.ndhe hu.e hai.n
so ham pe rone ke nauha karne ke din yahii hai.n hujuum-e-girya
ki musta.id hai.n hamaare maatam ko gahre saayo.n kii sard shaame.n
KHizaa.n-rasiida taviil shaame.n
hame.n bhii ro le hujuum-e-girya ki phir na aa.e.nge Gam ke mausam

Ali Akbar Natiq
Nazm

diwali se mutalliq

jal rahe hai.n diye mu.nDero.n par
ho rahaa hai karam a.ndhero.n par
tum jo ban kar kiran kiran aa.o
daaG-e-dil bhii ha.nse.n savero.n par
muskuraatii hu.ii chalii aa.o
dil sulagtaa hai daaG jalte hai.n
chhanchhanaatii hu.ii chalii aa.o
aarzuu.o.n ke baaG jalte hai.n
hun kii devii ho tum mire ghar me.n
roz diivaalii Gam-zada ghar me.n
hun luTaatii hu.ii chalii aa.o
aa.nsu.o.n ke charaaG jalte hai.n
jis ko kahte hai.n log diivaalii
uu.nche aadarsh kii nishaanii hai
baap-daado.n ke paak jiivan kii
ek azmat-bharii kahaanii hai

Charkh Chinioti
Nazm

abhi kuchh kaam baqi hain

abhii to naa-mukammal nazm kaa ik aaKHirii misra kitaab-e-hijr me.n tahriir karnaa hai
KHas-o-KHaashaak-e-Gam aslaaf me.n taqsiim ho jaa.e.n to sar se bojh utre
qarz kaa jaama pahan kar ik na.e raste pe jaanaa kab munaasib hai
abhii Thahro
abhii ham ko jaziire me.n havaa ke sabz jho.nko.n se shajar kii baat karnaa hai
savero.n kii imaamat karne vaalii zau nigaaho.n me.n pirone tak Thahar jaa.o
a.ndhero.n me.n kisii lau ke binaa lambaa safar aaGaaz karnaa kab munaasib hai
abhii Thahro
hujuum-e-dil-baraa.n aadaab-e-girya se nahii.n vaaqif
dar-o-diivaar-e-hasrat me.n zaraa sii bhii.D lag jaa.e to chalte hai.n
KHabar bhejo
ki yuu.n chup-chaap mayyat kii tarah ghar se nikalnaa kab munaasib hai
zaraa Thahro
abhii kuchh kaam baaqii hai.n
zaraa ye kaam nimTaa le.n to chalte hai.n

Najeeb Ahmad
Nazm

mujhe wapas kar de

KHvaab-aalud savero.n kii vo bedaar shabe.n
jin me.n a.ng.Daa.iyaa.n kuchh tohmat-o-dushnaam kii thii.n
jo bahut qiimtii thii.n aur ba.De kaam kii thii.n

Anwar Abbas
Nazm

ye ishq kahan le jaega

taptii raaho.n se chal chal ke
jab chhaa.nv kii KHvaahish bhii na rahii
aashiqo.n kii ravaanii rok to lii
qatra qatra ummiid bahaa.ii
ye ishq kahaa.n le jaa.egaa
be-KHvaab savero.n kii aavaaz
pur-nuur shabo.n ko bhuul ga.e
andaaz-e-bayaa.n me.n ulajh ga.e
shiirii.n labo.n ko bhuul ga.e
ye ishq kahaa.n le jaa.egaa
sadiyo.n kii thakan se jiit ke bhii
ik pal kii niraashaa sah na sake
saagar piine kaa da.avaa hai
do ashk bahe bin rah na sake
ye ishq kahaa.n le jaa.egaa
le gayaa jahaa.n le jaanaa thaa
kuchh KHaas maze kii jagah nahii.n
jis kii KHaatir dil ko to.De.n
mar jaa.e.n ye vo vaj.h nahii.n
ye ishq kahaa.n le jaa.egaa
hastii ke aur bhii mudda.aa hai.n
ha.nsne ke bahaane aur bhii hai.n
KHvaahish ke dariiche hai.n har suu
aur Gam ke fasaane aur bhii hai.n
ye ishq kahaa.n le jaa.egaa

Sandeep Koul Nadim
Nazm

hum log

ham log a.ndhero.n ke aadii
ham log savero.n se KHaa.if
ham apnaa dard samajhte hai.n
logo.n ke dard se kab vaaqif
is zulm kii maarii dhartii me.n
dukh dard kii fasle.n ugtii hai.n
biimaar fazaa.o.n me.n har suu
dukh dard kii nasle.n paltii hai.n
lekin uu.nche aivaano.n me.n
in rang bhare kaashaano.n me.n
ik aur hii KHilqat paltii hai
jo apnii zaat me.n rahtii hai
jo KHuun sabhii kaa piitii hai
aur patthar ban kar jiitii hai

Sadiqa Fatimi
Nazm

tarana-e-yaum-e-mazdur

ba.De inqilaabii hai.n muflis ke tevar
zamaane kii ayyaashiyo.n ko bataa do
chalo niilii raato.n kii chup bastiyo.n ko
savero.n ke qadmo.n kii aahaT sunaa do
mahal se nikaltaa nahii.n hai jo suuraj
sa.Dak par use khii.nch laane kaa din hai

Anwar Abbas
Nazm

23-march azan-e-subh-e-niyaz

vo kyaa navaa thii
ki jis kii lau se
ufuq raushnii ke manzar sa.nvar ga.e the
bahaar-e-aasaar-e-lahn kyaa thaa
ki KHushk shaaKHo.n ke zard chehre
gulaab-ra.ngo.n se dhul ga.e the
kalii kalii ke gudaaz shaano.n par KHushbu.o.n ke latiif parcham
na.e savero.n se aashnaa.ii ko khil ga.e the

Ashraf Javed
Nazm

ufuq-dar-ufuq

alaavo.n ke qariib baiThe hu.e kitnii KHunuk shaame.n
guzar jaatii hai.n jaise KHvaab guzre dil ta.Daptaa hai
ki ye shaame.n shabo.n me.n aur shabe.n ujle savero.n ke
tasalsul me.n gu.ndhii tuul-e-abad umr-e-KHizar paatii.n

Shafiq Fatima Shera
Nazm

har shajar jag uTha

ghanTiyaa.n bajne lagii.n Dhor chalte kheto.n ko
raaste jaag uThe saarii fazaa jaag uThii
sub.h-e-kaazib ke dhu.ndlako.n me.n ujaale chhiTke
har shajar jaag uThaa baad-e-sabaa jaag uThii
apne shaano.n pe sajaa.e hu.e azmat ke nishaa.n
apne kheto.n kii mu.nDero.n ke nigahbaan chale
jin se tahziib ke gosho.n ne jilaa paa.ii hai
un ziyaa-baar savero.n ke nigahbaan chale
kachchii ii.nTo.n ke makaano.n kaa muqaddar jaagaa
aag raushan hu.ii uplo.n kaa dhu.aa.n phail gayaa
dar-o-diivaar se yuu.n pyaar ke saa.e phuuTe
ziist kaa saaya bhii taa-hadd-e-gumaa.n phail gayaa
shor karte hu.e shahzaade gharo.n se nikle
jin ke malbuus dariida bhii hai.n bosiida bhii
jin ke qadmo.n se lipaTtii hai mire gaa.nv kii dhuul
jin kii tauqiir ko uThte hai.n jahaa.n-diida bhii

Khursheed Ahmad
Nazm

ufuq-dar-ufuq

alaavo.n ke qarii.n baiThe hu.e kitnii KHunuk shaame.n
guzar jaatii hai.n jaise KHvaab guzre dil ta.Daptaa hai
ki shaame.n shabo.n me.n aur shabe.n ujle savero.n ke
tasalsul me.n gu.ndhii tuul-e-abad umr-e-KHizar paatii.n

Shafiq Fatima Shera
Nazm

harf-e-awwal

harf-e-avval huu.n
na
mai.n aaKHir huu.n
bhuul jaa.egaa
zamaana mujh ko
ko.ii hairat nahii.n
tum bhuul bhii jaa.o mujh ko
kaun rakhtaa hai
kise yaad yahaa.n
merii taariiKH-e-fanaa yaad rahegii kis ko
sach kahaa.n likhtaa hai
taariiKH kaa likhne vaalaa
vo to likhtaa hai fasaano.n ko
haqiiqat aksar
zinda logo.n ko vo likh detaa hai
muurat aksar
sach kahaa.n likhtaa hai
likhtaa hai zaruurat aksar
vo KHayaalaat ko
tashkiil na.ii detaa hai
jabr ke rang ko
tamsiil na.ii detaa hai
varna sach baat kahii.n aur nihaa.n hotii hai
ghup a.ndhero.n me.n kahii.n
malgajii shaam
Gam savero.n me.n kahii.n
vaqt ke saaz pe
ik zinda fuGaa.n hotii hai
aag hai garche haqiiqat me.n
dhu.aa.n hotii hai
jhuuT ke shahr me.n kab sach kii dukaa.n hotii hai

Shafeeq Nadvi
Nazm

kunwara aangan

sukuut-e-shab
kahii.n viiraaniyaa.n
jaaduu kahii.n Tonaa
kahii.n piipal tale rahtaa hai ko.ii bhuut kaa saaya
har ik aahaT pe kyo.n hotaa gumaa.n
ko.ii magar aayaa
a.ndhere me.n hu.ii jumbish
ye karvaT kis ke lene kii
khanaktii chuu.Diyaa.n
paazeb ghu.nghruu
kis ke bajne kii
kahaa.n se aa.ii ye jhankaar
kis kii ye sadaa aa.ii
ye kis ke ghar se u.D kar mere aa.ngan me.n
ridaa aa.ii
ye aayaa kaun hai
dekho chaman me.n
sehn-e-gulshan me.n
ki billii kuud kar baiThii hai ko.ii
ghar ke bartan me.n
ko.ii aayaa hai
dekho
ko.ii aayaa hai mu.nDero.n se
ko.ii aane ko hai uTh kar a.ndhere mu.nh
savero.n se
ko.ii ik KHauf an-jaanaa samaayaa hai
har ik tan me.n
kahaa.n sumitaa hai
dekho
phuulvantii hai kahaa.n so.ii
ko.ii aavaaz ik biimaar uTThii ghar ke aa.ngan me.n
uThaa sukhraam la.ng.Daataa hu.aa
lekin kahaa.n dekhe
a.ndheraa har taraf
jaa.e kahaa.n
Dhuu.nDe
kahaa.n puuchhe
na bijlii hai
na baatii hai
na jaltaa hai diyaa ko.ii
nigo.Daa chaa.nd bhii hai jaa ke soyaa duur bastii me.n
uThaa sukhraam lekin us ko Dar thaa
vo kidhar jaa.e
a.ndhere me.n ye sar us kaa mu.nDero.n se na Takraa.e

Shafeeq Nadvi
Nazm

shikwa

kyuu.n ziyaa.n-kaar banuu.n suud-faraamosh rahuu.n
fikr-e-fardaa na karuu.n mahv-e-Gam-e-dosh rahuu.n
naale bulbul ke sunuu.n aur hama-tan gosh rahuu.n
ham-navaa mai.n bhii ko.ii gul huu.n ki KHaamosh rahuu.n
jur.at-aamoz mirii taab-e-suKHan hai mujh ko
shikva allaah se KHaakam-ba-dahan hai mujh ko
hai bajaa sheva-e-tasliim me.n mash.huur hai.n ham
qissa-e-dard sunaate hai.n ki majbuur hai.n ham
saaz KHaamosh hai.n fariyaad se maamuur hai.n ham
naala aataa hai agar lab pe to ma.azuur hai.n ham
ai KHudaa shikva-e-arbaab-e-vafaa bhii sun le
KHuugar-e-hamd se tho.Daa saa gila bhii sun le
thii to maujuud azal se hii tirii zaat-e-qadiim
phuul thaa zeb-e-chaman par na pareshaa.n thii shamiim
shart insaaf hai ai saahib-e-altaaf-e-amiim
buu-e-gul phailtii kis tarah jo hotii na nasiim
ham ko jam.iiyat-e-KHaatir ye pareshaanii thii
varna ummat tire mahbuub kii diivaanii thii
ham se pahle thaa ajab tere jahaa.n kaa manzar
kahii.n masjuud the patthar kahii.n ma.abuud shajar
KHuugar-e-paikar-e-mahsuus thii insaa.n kii nazar
maantaa phir ko.ii an-dekhe KHudaa ko kyuu.nkar
tujh ko ma.aluum hai letaa thaa ko.ii naam tiraa
quvvat-e-baazu-e-muslim ne kiyaa kaam tiraa
bas rahe the yahii.n saljuuq bhii tuuraanii bhii
ahl-e-chii.n chiin me.n iiraan me.n saasaanii bhii
isii maamuure me.n aabaad the yuunaanii bhii
isii duniyaa me.n yahuudii bhii the nasraanii bhii
par tire naam pe talvaar uThaa.ii kis ne
baat jo big.Dii hu.ii thii vo banaa.ii kis ne
the hamii.n ek tire maarka-aaraa.o.n me.n
KHushkiyo.n me.n kabhii la.Dte kabhii dariyaa.o.n me.n
dii.n azaane.n kabhii europe ke kaliisaa.o.n me.n
kabhii africa ke tapte hu.e sahraa.o.n me.n
shaan aa.nkho.n me.n na jachtii thii jahaa.n-daaro.n kii
kalma pa.Dhte the hamii.n chhaa.nv me.n talvaaro.n kii
ham jo jiite the to jango.n kii musiibat ke liye
aur marte the tire naam kii azmat ke liye
thii na kuchh teGzanii apnii hukuumat ke liye
sar-ba-kaf phirte the kyaa dahr me.n daulat ke liye
qaum apnii jo zar-o-maal-e-jahaa.n par martii
but-faroshii ke evaz but-shikanii kyuu.n kartii
Tal na sakte the agar jang me.n a.D jaate the
paa.nv shero.n ke bhii maidaa.n se ukha.D jaate the
tujh se sarkash hu.aa ko.ii to biga.D jaate the
teG kyaa chiiz hai ham top se la.D jaate the
naqsh-e-tauhiid kaa har dil pe biThaayaa ham ne
zer-e-KHanjar bhii ye paiGaam sunaayaa ham ne
tuu hii kah de ki ukhaa.Daa dar-e-KHaibar kis ne
shahr qaisar kaa jo thaa us ko kiyaa sar kis ne
to.De maKHluuq KHudaa-vando.n ke paikar kis ne
kaaT kar rakh diye kuffaar ke lashkar kis ne
kis ne ThanDaa kiyaa aatish-kada-e-iiraa.n ko
kis ne phir zinda kiyaa tazkira-e-yazdaa.n ko
kaun sii qaum faqat terii talabgaar hu.ii
aur tere liye zahmat-kash-e-paikaar hu.ii
kis kii shamshiir jahaa.ngiir jahaa.n-daar hu.ii
kis kii takbiir se duniyaa tirii bedaar hu.ii
kis kii haibat se sanam sahme hu.e rahte the
mu.nh ke bal gir ke huu-allahu-ahad kahte the
aa gayaa ain la.Daa.ii me.n agar vaqt-e-namaaz
qibla-ruu ho ke zamii.n-bos hu.ii qaum-e-hijaaz
ek hii saf me.n kha.De ho ga.e mahmuud o ayaaz
na ko.ii banda rahaa aur na ko.ii banda-navaaz
banda o saahab o mohtaaj o Ganii ek hu.e
terii sarkaar me.n pahu.nche to sabhii ek hu.e
mahfil-e-kaun-o-makaa.n me.n sahar o shaam phire
mai-e-tauhiid ko le kar sifat-e-jaam phire
koh me.n dasht me.n le kar tiraa paiGaam phire
aur ma.aluum hai tujh ko kabhii naakaam phire
dasht to dasht hai.n dariyaa bhii na chho.De ham ne
bahr-e-zulmaat me.n dau.Daa diye gho.De ham ne
safha-e-dahr se baatil ko miTaayaa ham ne
nau-e-insaa.n ko Gulaamii se chhu.Daayaa ham ne
tere ka.abe ko jabiino.n se basaayaa ham ne
tere qur.aan ko siino.n se lagaayaa ham ne
phir bhii ham se ye gila hai ki vafaadaar nahii.n
ham vafaadaar nahii.n tuu bhii to dildaar nahii.n
ummate.n aur bhii hai.n un me.n gunahgaar bhii hai.n
ijz vaale bhii hai.n mast-e-mai-e-pindaar bhii hai.n
un me.n kaahil bhii hai.n Gaafil bhii hai.n hushyaar bhii hai.n
saik.Do.n hai.n ki tire naam se be-zaar bhii hai.n
rahmate.n hai.n tirii aGyaar ke kaashaano.n par
barq girtii hai to bechaare musalmaano.n par
but sanam-KHaano.n me.n kahte hai.n musalmaan ga.e
hai KHushii un ko ki ka.abe ke nigahbaan ga.e
manzil-e-dahr se uu.nTo.n ke hudii-KHvaan ga.e
apnii baGlo.n me.n dabaa.e hu.e qur.aan ga.e
KHanda-zan kufr hai ehsaas tujhe hai ki nahii.n
apnii tauhiid kaa kuchh paas tujhe hai ki nahii.n
ye shikaayat nahii.n hai.n un ke KHazaane maamuur
nahii.n mahfil me.n jinhe.n baat bhii karne kaa shu.uur
qahr to ye hai ki kaafir ko mile.n huur o qusuur
aur bechaare musalmaa.n ko faqat vaada-e-huur
ab vo altaaf nahii.n ham pe inaayaat nahii.n
baat ye kyaa hai ki pahlii sii mudaaraat nahii.n
kyuu.n musalmaano.n me.n hai daulat-e-duniyaa naayaab
terii qudrat to hai vo jis kii na had hai na hisaab
tuu jo chaahe to uThe siina-e-sahraa se habaab
rah-rav-e-dasht ho sailii-zada-e-mauj-e-saraab
taan-e-aGyaar hai rusvaa.ii hai naadaarii hai
kyaa tire naam pe marne kaa evaz KHvaarii hai
banii aGyaar kii ab chaahne vaalii duniyaa
rah ga.ii apne liye ek KHayaalii duniyaa
ham to ruKHsat hu.e auro.n ne sa.nbhaalii duniyaa
phir na kahnaa hu.ii tauhiid se KHaalii duniyaa
ham to jiite hai.n ki duniyaa me.n tiraa naam rahe
kahii.n mumkin hai ki saaqii na rahe jaam rahe
terii mahfil bhii ga.ii chaahne vaale bhii ga.e
shab kii aahe.n bhii ga.ii.n sub.h ke naale bhii ga.e
dil tujhe de bhii ga.e apnaa sila le bhii ga.e
aa ke baiThe bhii na the aur nikaale bhii ga.e
aa.e ushshaaq ga.e vaada-e-fardaa le kar
ab unhe.n Dhuu.nD charaaG-e-ruKH-e-zebaa le kar
dard-e-lailaa bhii vahii qais kaa pahluu bhii vahii
najd ke dasht o jabal me.n ram-e-aahuu bhii vahii
ishq kaa dil bhii vahii husn kaa jaaduu bhii vahii
ummat-e-ahmad-e-mursil bhii vahii tuu bhii vahii
phir ye aazurdagi-e-Gair sabab kyaa ma.anii
apne shaidaa.o.n pe ye chashm-e-Gazab kyaa ma.anii
tujh ko chho.Daa ki rasuul-e-arabii ko chho.Daa
but-garii pesha kiyaa but-shikanii ko chho.Daa
ishq ko ishq kii aashufta-sarii ko chho.Daa
rasm-e-salmaan o uvais-e-qaranii ko chho.Daa
aag takbiir kii siino.n me.n dabii rakhte hai.n
zindagii misl-e-bilaal-e-habashii rakhte hai.n
ishq kii KHair vo pahlii sii adaa bhii na sahii
jaada-paimaali-e-tasliim-o-razaa bhii na sahii
muztarib dil sifat-e-qibla-numaa bhii na sahii
aur paabandi-e-aa.iin-e-vafaa bhii na sahii
kabhii ham se kabhii Gairo.n se shanaasaa.ii hai
baat kahne kii nahii.n tuu bhii to harjaa.ii hai
sar-e-faaraa.n pe kiyaa diin ko kaamil tuu ne
ik ishaare me.n hazaaro.n ke liye dil tuu ne
aatish-andoz kiyaa ishq kaa haasil tuu ne
phuu.nk dii garmi-e-ruKHsaar se mahfil tuu ne
aaj kyuu.n siine hamaare sharer-aabaad nahii.n
ham vahii soKHta-saamaa.n hai.n tujhe yaad nahii.n
vaadii-e-najd me.n vo shor-e-salaasil na rahaa
qais diivaana-e-nazzaara-e-mahmil na rahaa
hausle vo na rahe ham na rahe dil na rahaa
ghar ye uj.Daa hai ki tuu raunaq-e-mahfil na rahaa
ai KHushaa aa.n roz ki aa.ii o ba-sad naaz aa.ii
be-hijaabaana suu-e-mahfil-e-maa baaz aa.ii
baada-kash Gair hai.n gulshan me.n lab-e-juu baiThe
sunte hai.n jaam-ba-kaf naGma-e-kuu-kuu baiThe
daur ha.ngaama-e-gulzaar se yaksuu baiThe
tere diivaane bhii hai.n muntazir-e-huu baiThe
apne parvaano.n ko phir zauq-e-KHud-afrozii de
barq-e-deriina ko farmaan-e-jigar-sozii de
qaum-e-aavaara inaa.n-taab hai phir suu-e-hijaaz
le u.Daa bulbul-e-be-par ko mazaaq-e-parvaaz
muztarib-e-baaG ke har Gunche me.n hai buu-e-niyaaz
tuu zaraa chhe.D to de tishna-e-mizraab hai saaz
naGme betaab hai.n taaro.n se nikalne ke liye
tuur muztar hai usii aag me.n jalne ke liye
mushkile.n ummat-e-marhuum kii aasaa.n kar de
mor-e-be-maaya ko ham-dosh-e-sulaimaa.n kar de
jins-e-naayaab-e-mohabbat ko phir arzaa.n kar de
hind ke dair-nashiino.n ko musalmaa.n kar de
juu-e-KHuu.n mii chakad az hasrat-e-dairiina-e-maa
mii tapad naala ba-nishtar kada-e-siina-e-maa
buu-e-gul le ga.ii bairuun-e-chaman raaz-e-chaman
kyaa qayaamat hai ki KHud phuul hai.n Gammaaz-e-chaman
ahd-e-gul KHatm hu.aa TuuT gayaa saaz-e-chaman
u.D ga.e Daaliyo.n se zamzama-pardaaz-e-chaman
ek bulbul hai ki mahv-e-tarannum ab tak
us ke siine me.n hai naGmo.n kaa talaatum ab tak
qumriyaa.n shaaKH-e-sanobar se gurezaa.n bhii hu.ii.n
pattiyaa.n phuul kii jha.D jha.D ke pareshaa.n bhii hu.ii.n
vo puraanii raushe.n baaG kii viiraa.n bhii hu.ii.n
Daaliyaa.n pairahan-e-barg se uryaa.n bhii hu.ii.n
qaid-e-mausam se tabii.at rahii aazaad us kii
kaash gulshan me.n samajhtaa ko.ii fariyaad us kii
lutf marne me.n hai baaqii na maza jiine me.n
kuchh maza hai to yahii KHuun-e-jigar piine me.n
kitne betaab hai.n jauhar mire aa.iine me.n
kis qadar jalve ta.Dapte hai.n mire siine me.n
is gulistaa.n me.n magar dekhne vaale hii nahii.n
daaG jo siine me.n rakhte ho.n vo laale hii nahii.n
chaak is bulbul-e-tanhaa kii navaa se dil ho.n
jaagne vaale isii baa.ng-e-daraa se dil ho.n
ya.anii phir zinda na.e ahd-e-vafaa se dil ho.n
phir isii baada-e-dairiina ke pyaase dil ho.n
ajamii KHum hai to kyaa mai to hijaazii hai mirii
naGma hindii hai to kyaa lai to hijaazii hai mirii

Allama Iqbal
Nazm

daraKHt-e-zard

vo hai.at-daa.n vo aalim naaf-e-shab me.n chhat pe jaataa thaa
rasad kaa rishta sayyaaro.n se rakhtaa thaa nibhaataa thaa
use KHvaahish thii shohrat kii na ko.ii hirs-e-daulat thii
ba.De se qutr kii ik duurbiin us kii zaruurat thii
mirii maa.n kii tamannaa.o.n kaa qaatil thaa vo qallaama
mirii maa.n merii mahbuuba qayaamat kii hasiina thii
sitam ye hai ye kahne se jhijaktaa thaa vo fahhaama
thaa behad ishti.aal-a.ngez bad-qismat o allaama
KHalaf us ke KHazaf aur be-nihaayat naa-KHalaf nikle
ham us ke saare beTe intihaa.ii be-sharaf nikle
mai.n us aalim-tariin-e-dahr kii fikrat kaa munkir thaa
mai.n fastaa.ii thaa jaahil thaa aur mantiq kaa maahir thaa
par ab merii ye shohrat hai ki mai.n bas ik sharaabii huu.n
mai.n apne duudmaan-e-ilm kii KHaana-KHaraabii huu.n
sagaan-e-KHuuk zaad-e-barzan o baazaar-e-be-maGzii
mirii jaanib ab apne thoba.De shaahaana karte hai.n
zinaa-zaade mirii izzat bhii gustaaKHaana karte hai.n
kamiine sharm bhii ab mujh se be-sharmaana karte the

Jaun Eliya
Nazm

mere hamdam mere dost!

gar mujhe is kaa yaqii.n ho mire hamdam mire dost
gar mujhe is kaa yaqii.n ho ki tire dil kii thakan
tirii aa.nkho.n kii udaasii tere siine kii jalan
merii dil-juu.ii mire pyaar se miT jaa.egii
gar miraa harf-e-tasallii vo davaa ho jis se
jii uThe phir tiraa uj.Daa hu.aa be-nuur dimaaG
terii peshaanii se Dhal jaa.e.n ye tazliil ke daaG
terii biimaar javaanii ko shifaa ho jaa.e
gar mujhe is kaa yaqii.n ho mire hamdam mare dost
roz o shab shaam o sahar mai.n tujhe bahlaataa rahuu.n
mai.n tujhe giit sunaataa rahuu.n halke shiirii.n
aabshaaro.n ke bahaaro.n ke chaman-zaaro.n ke giit
aamad-e-sub.h ke, mahtaab ke, sayyaaro.n ke giit
tujh se mai.n husn-o-mohabbat kii hikaayaat kahuu.n
kaise maGruur hasiinaa.o.n ke barfaab se jism
garm haatho.n kii haraarat me.n pighal jaate hai.n
kaise ik chehre ke Thahre hu.e maanuus nuquush
dekhte dekhte yak-laKHt badal jaate hai.n
kis tarah aariz-e-mahbuub kaa shaffaaf bilor
yak-ba-yak baada-e-ahmar se dahak jaataa hai
kaise gulchii.n ke liye jhuktii hai KHud shaaKH-e-gulaab
kis tarah raat kaa aivaan mahak jaataa hai
yuu.nhii gaataa rahuu.n gaataa rahuu.n terii KHaatir
giit buntaa rahuu.n baiThaa rahuu.n terii KHaatir
par mire giit tire dukh kaa mudaavaa hii nahii.n
naGma jarraah nahii.n muunis-o-Gam KHvaar sahii
giit nashtar to nahii.n marham-e-aazaar sahii
tere aazaar kaa chaara nahii.n nashtar ke sivaa
aur ye saffaak masiihaa mire qabze me.n nahii.n
is jahaa.n ke kisii zii-ruuh ke qabze me.n nahii.n
haa.n magar tere sivaa tere sivaa tere sivaa

Faiz Ahmad Faiz
Nazm

is waqt to yun lagta hai

is vaqt to yuu.n lagtaa hai ab kuchh bhii nahii.n hai
mahtaab na suuraj, na a.ndheraa na saveraa
aa.nkho.n ke dariicho.n pe kisii husn kii chilman
aur dil kii panaaho.n me.n kisii dard kaa Deraa
mumkin hai ko.ii vahm thaa, mumkin hai sunaa ho
galiyo.n me.n kisii chaap kaa ik aaKHirii pheraa
shaaKHo.n me.n KHayaalo.n ke ghane pe.D kii shaayad
ab aa ke karegaa na ko.ii KHvaab baseraa
ik bair na ik mehr na ik rabt na rishta
teraa ko.ii apnaa, na paraayaa ko.ii meraa

Faiz Ahmad Faiz
Nazm

ye khel kya hai

mai.n in savaalo.n se jaane kab se ulajh rahaa huu.n
mire muKHaalif ne chaal chal dii hai
aur ab merii chaal ke intizaar me.n hai

Javed Akhtar
Nazm

kitaben

jo miTTii ke sakoro.n kii tarah bikhrii pa.Dii hai.n
gilaaso.n ne unhe.n matruuk kar Daalaa
zabaa.n par zaa.iqa aataa thaa jo safhe palaTne kaa
ab u.nglii click karne se bas ik
jhapkii guzartii hai
bahut kuchh tah-ba-tah khultaa chalaa jaataa hai parde par

Gulzar
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now