Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "sikka"

Nazm MATCHES FOR "sikka"

Nazm

aurat aur namak

tum kis kumbe kii maa.n ho
reip kii qaid kii baTe hu.e jism kii
yaa ii.nTo.n me.n chunii hu.ii beTiyo.n kii
baazaaro.n me.n tumhaarii beTiyaa.n
apne lahuu se bhuuk guu.ndhtii hai.n
aur apnaa gosht khaatii hai.n
ye tumhaarii kaun sii aa.nkhe.n hai.n
ye tumhaare ghar kii diivaar kii kaun sii chinaa.ii hai
tum ne merii ha.nsii me.n ta.aaruf rakkhaa
aur apne beTe kaa naam sikka-e-raa.ij-ul-vaqt

Sara Shagufta
Nazm

rishwat

is giraanii me.n bhalaa kyaa Guncha-e-iimaa.n khile
jau ke daane saKHt hai.n taa.nbe ke sikke pil-pile
jaa.e.n kap.De ke liye to daam sun kar dil hile
jab garebaa.n taa-ba-daaman aa.e to kap.Daa mile

Josh Malihabadi
Nazm

bhaarat ke saputon se KHitab

bhaarat ke ai sapuuto himmat dikhaa.e jaa.o
duniyaa ke dil pe apnaa sikka biThaa.e jaa.o
murda-dilii kaa jhanDaa phe.nko zamiin par tum
zinda-dilii kaa har-suu parcham u.Daa.e jaa.o
laa.o na bhuul kar bhii dil me.n KHayaal-e-pastii
KHush-haalii-e-vatan kaa be.Daa uThaa.e jaa.o
tan-man miTaa.e jaa.o tum naam-e-qaumiyat par
raah-e-vatan me.n apnii jaane.n la.Daa.e jaa.o
kam-himmatii kaa dil se naam-o-nishaa.n miTaa do
jur.at kaa lauh-e-dil par naqsha jamaa.e jaa.o
ai hinduu.o musalmaa.n aapas me.n in dino.n tum
nafrat ghaTaa.e jaa.o ulfat ba.Dhaa.e jaa.o
'bikram' kii raaj-niitii 'akbar' kii policy kii
saare jahaa.n ke dil par azmat biThaa.e jaa.o
jis kashmakash ne tum ko hai is qadar miTaayaa
tum se ho jis qadar tum us ko miTaa.e jaa.o
jin KHaana-ja.ngiyo.n ne ye din tumhe.n dikhaa.e
ab un kii yaad apne dil me.n bhulaa.e jaa.o
be-KHauf gaa.e jaa.o ''hindostaa.n hamaaraa''
aur ''vande-maataram'' ke na.are lagaa.e jaa.o
jin desh sevako.n se haasil hai faiz tum ko
in desh sevako.n kii jai jai manaa.e jaa.o
jis mulk kaa ho khaate din raat aab-o-daana
us malak par saro.n kii bhe.nTe.n cha.Dhaa.e jaa.o
phaa.nsii kaa jail kaa Dar dil se 'falak' miTaa kar
Gairo.n ke mu.nh pe sachchii baate.n sunaate jaa.o

Lal Chand Falak
Nazm

ilm ki zarurat

jahaa.n me.n har taraf hai ilm hii kii garm-baazaarii
zamii.n se aasmaa.n tak bas isii kaa faiz hai jaarii
yahii sar-chashma-e-aslii hai tahziib-o-tamaddun kaa
baGair is ke bashar honaa bhii hai ik saKHt biimaarii
banaataa hai yahii insaan ko kaamil-tariin insaa.n
sikhaataa hai yahii aKHlaaq o iisaar o ravaa-daarii
yahii qaumo.n ko pahu.nchaataa hai baam-e-auj-o-rif.at par
yahii mulko.n ke andar phuu.nktaa hai ruuh-e-bedaarii
isii ke naam kaa chaltaa hai sikka saare aalam me.n
isii ke sar pe rahtaa hai hamesha taaj-e-sardaarii
isii ke sab karishme ye nazar aate hai.n duniyaa me.n
isii ke dam se raunaq aalam-e-imkaa.n kii hai saarii
ye laa-silkii, ye telephone ye raile.n, ye tayyaare
ye zer-e-aab o baalaa-e-falak insaa.n kii tarraarii
huduud-e-istavaa qutbain se yuu.n ho ga.e mudGam
ki hai ab rub.a masko.n jaise ghar kii chaar-diivaarii
samundar ho ga.e paayaab sahraa bin ga.e gulshan
kiyaa science ne bhii e.ataraaf-e-ijz-o-naachaarii
buKHaar o barq kaa jarraar lashkar hai ab aamaada
ugalvaa le zamiin o aasmaa.n kii daulate.n saarii
Garaz chaaro.n taraf ab ilm hii kii baadshaahii hai
ki us ke baazuu.o.n me.n quvvat-e-dast-e-ilaahii hai
nigaah-e-Gaur se dekho agar haalaat-e-insaanii
to ho saktaa hai hal ye uqda-e-mushkil ba-aasaanii
vahii qaume.n taraqqii ke madaarij par hai.n faa.eq-tar
ki hai jin me.n tamaddun aur siyaasat kii faraavaanii
isii ke zo.am me.n hai germany charKH-e-tafaaKHur par
isii ke zor par mirriiKH kaa ham-sar hai jaapaanii
isii kii quvvat-e-baazuu pe hai maGruur america
isii ke bil par la.Dkii ho rahii hai rustam-e-saanii
ishaare par isii ke naql-o-harakat hai sab italy kii
isii ke taaba-e-farmaan hai.n ruusii o iiraanii
isii ke jumbish-e-abruu pe hai england kaa Garra
isii ke hai.n sab aavurde francisi o albaanii
ko.ii mulk ab nahii.n jin me.n ye jauhar ho na raKHshanda
na Gaafil is se chiinii hai.n na shaamii hai.n na afGaanii
baGair is ke jo rahnaa chaahte hai.n is zamaane me.n
samajh rakkhe.n fanaa un ke liye hai hukm-e-rabbaanii
zamaana phe.nk degaa KHud unhe.n qa.ar-e-halaakat me.n
vo apne haath se ho.nge KHud apnii qabr ke baanii
zamaane me.n jise ho saahib-e-fat.h-o-zafar honaa
zaruurii hai use ilm-o-hunar se bahra-var honaa
taraqqii kii khulii hai.n shaahraahe.n dahr me.n har suu
nazar aataa hai tahziib-o-tamaddun se jahaa.n mamluu
chale jaate hai.n u.Dte shahsavaaraan-e-falak-paimaa
KHiraaj-e-tahniyat lete hu.e karte hu.e jaaduu
guzarte jaa rahe hai.n duusro.n ko chho.Dte piichhe
kabhii hotaa hai sahraa mustaqar un kaa kabhii Taapu
kamar baa.ndhe hu.e din raat chalne par hai.n aamaada
dimaaG afkaar se aur dil vufuur-e-shauq se maluul
alag rah kar KHayaal-e-zahmat o ehsaas-e-raahat se
lage hai.n apnii apnii fikr me.n baa-KHaatir-e-yaksuu
magar ham hai.n ki aslan his nahii.n ham ko ko.ii is kii
hamaare paa-e-himmat in maraahil me.n hai.n be-qaabuu
jahaa.n pahlaa qadam rakkhaa thaa roz-e-avvalii.n ham ne
nahii.n sarke is apne aslii markaz se ba-qadr-e-muu
ye haalat hai ki ham par band hai har ek darvaaza
nazar aataa nahii.n hargiz ko.ii ummiid kaa pahluu
magar vaa-hasrataa phir bhii ham apne zo.am-e-baatil me.n
samajhte hai.n zamaane bhar se aage KHud ko manzil me.n
zaruurat hai ki ham me.n raushnii ho ilm kii paidaa
nazar aa.e hame.n bhii taaki asl-e-haalat-e-duniyaa
hame.n ma.aluum ho haalaat ab kyaa hai.n zamaane ke
hamaare saath kaa jo qaafila thaa vo kahaa.n pahu.nchaa
jo pastii me.n the ab vo jalva-gar hai.n baam-e-rif.at par
jo baalak be-nishaa.n the aaj hai in kaa alam barpaa
hamaarii KHuubiyaa.n sab duusro.n ne chhiin lii.n ham se
zamaane ne hame.n itnaa jhi.njho.Daa kar diyaa na.ngaa
ravaa-daarii, uKHuvvat, dostii, iisaar, hamdardii
KHayaal-e-mulk-o-millat dard-e-qaum, andesha-e-fardaa
ye sab jauhar hamaare the kabhii ai vaa.e-mahruumii
bane hai.n KHuubii-e-qismat se jo ab Gair kaa hissaa
agar ho jaa.e.n raaGib ab bhii ham ta.aliim kii jaanib
to kar sakte hai.n ab bhii mulk me.n ham zindagii paidaa
bahut kuchh vaqt ham ne kho diyaa hai lekin is par bhii
agar chaahe.n to kar de.n pesh-rau ko apne ham paspaa
nikammaa kar diyaa hai kaahilii ne go hame.n lekin
rago.n me.n hai hamaarii KHuun abhii tak dau.Dtaa phirtaa
ko.ii maKHfii haraarat gar hamaare dil ko garmaa de
hamaare jism me.n phir zindagii kii ruuh dau.Daa de
vatan vaalo bahut Gaafil rahe ab hosh me.n aa.o
uTho be-daar ho aql-o-KHirad ko kaam me.n laa.o
tumhaare qaum ke bachcho.n me.n hai ta.aliim kaa fuqdaa.n
ye gutthii saKHt pechiida hai is ko jald suljhaa.o
yahii bachche bil-aaKHir tum sabho.n ke jaa-nashii.n ho.nge
tum apne saamne jaisaa unhe.n chaaho banaa jaa.o
bahut hii ra.nj-dah ho jaa.egii us vaqt kii Gaflat
kahii.n aisaa na ho mauqa.a nikal jaane pe pachhtaa.o
ye hai kaar-e-aham do chaar is ko kar nahii.n sakte
KHudaa-raa tum bhii apne farz kaa ehsaas farmaa.o
ye bojh aisaa nahii.n jis ko uThaa le.n chaar chhe mil kar
sahaaraa do, sahaaraa duusro.n se is me.n dilvaa.o
jo zii-ehsaas hai.n haasil karo tum KHidmate.n un kii
jo zii-parvaa hai.n un ko jis tarah ho us taraf laa.o
Garaz jaise bhii ho jis shakl se bhii ho ye laazim hai
tum apne qaum ke bachcho.n ko ab ta.aliim dilvaa.o
agar tum musta.iddii ko banaa loge shi.aar apnaa
yaqii.n jaano ki mustaqbil hai behad shaandaar apnaa
KHudaavandaa! du.aa.o.n me.n hamaarii ho asar paidaa
shab-e-Gaflat hamaarii phir kare nuur-e-sahar paidaa
hamaare saare KHvaabiida qavaa be-daar ho jaa.e.n
sar-e-nau ho phir in me.n zindagii kii karr-o-farr paidaa
hame.n ehsaas ho ham kaun the aur aaj ham kyaa hai.n
kare.n maahaul-e-mulkii ke liye gahrii nazar paidaa
milaa rakkhaa hai apne jauhar-e-kaamil ko miTTii me.n
ham ab bhii KHaak se kar sakte hai.n la.al-o-guhar paidaa
agar chaahe.n to ham mushkil vatan kii dam me.n hal kar de.n
hazaaro.n suurate.n kar sakte hai.n ham kaargar paidaa
ba-zaahir go ham ik tuuda hai.n bilkul raakh kaa lekin
agar chaahe.n to KHaakistar se kar de.n sau sharar paidaa
vatan kaa nakbat o aflaas kho de.n ham ishaare me.n
jahaa.n Thokar lagaa de.n ho vahii.n se kaan-e-zar paidaa
ham is manzil ke aaKHir par pahu.nch kar bil-yaqii.n dam le.n
agar kuchh taaza-dam ho jaa.e.n apne ham-safar paidaa
jo koshish muttahid ho kar kahii.n ik baar ho jaa.e
yaqii.n hai mulk kii qismat kaa be.Daa paar ho jaa.e

Ahmaq Phaphoondvi
Nazm

meri shaeri

mirii shaa.erii dost-daaro.n kii duniyaa
ye duniyaa jahaa.n se alag ik jahaa.n hai
ye dil-navaazii kaa sikka ravaa.n hai
yahaa.n aasmaa.n hai magar mehrbaa.n hai
na jaane adaavat kii duniyaa kahaa.n hai
miraa sher iKHlaas kaa tarjumaa.n hai
marii shaa.erii dost-daaro.n kii duniyaa

Hafeez Jalandhari
Nazm

hindi hindustani

saare sansaar me.n hai raaj is kaa
sikka baiThaa hu.aa hai aaj is kaa

Chandar Bhan Kaifi Dehelvi
Nazm

sawal

ham apne KHvaab-e-KHush-fahmii se uTThe
bahut shaadaa.n-o-farhaa.n
chale duniyaa kii jaanib mol karne ko
hamaarii jeb me.n mehr-o-vafaa iKHlaas aur sachchaa.ii hai
lekin
yahaa.n baazaar me.n sab log kahte hai.n
badal kar rah ga.ii hai ab currency is zamaane kii
tumhaare paas to jo kuchh bhii hai
be-kaar raddii hai
ki ab vaq.at nahii.n hai ko.ii jis kii
yahaa.n to ab faqat
makr-o-fareb aur jhuuT kaa sikka chalegaa
agar ye paas hai
to saarii duniyaa hai tumhaarii

Ambareen Haseeb ambar
Nazm

pahla jashn-e-azadi

ai hind ke baashindo aa.o uj.Daa gulzaar sajaa Daale.n
ab daur-e-Gulaamii KHatm hu.aa ik taaza jahaa.n kii binaa Daale.n
ab hind kii aslii iid hu.ii jo aazaadii kii diid hu.ii
pa.Dh pa.Dh ke namaaz-e-aazaadii ab ruuThe hu.o.n ko manaa Daale.n
kashtii bhii na.ii dariyaa bhii nayaa saahil bhii nayaa mallaah bhii na.e
ab kar ke bharosa himmat par tuufaan me.n raah banaa Daale.n
hai.n ranj-o-KHusuumat ik ro.Daa raah-e-aazaadii me.n ab bhii
ham ranj puraane duur kare.n bichh.Do.n ko gale se lagaa Daale.n
jo mulk thaa sone kii chi.Diyaa bandhan ne use paamaal kiyaa
Gurbat ko yahaa.n se duur kare.n phir duudh kii nahre.n banaa Daale.n
phir bos se yodhdhaa paidaa ho.n jo hind kii qismat jaag uThe
ik baar zamaane par sikka phir maadar-e-hind biThaa Daale.n
is buu.Dhe himaala parbat se phir nuur kaa chashma-e-ahl uThe
is mel-o-mohabbat ke jal se har baashii ko nahlaa Daale.n
ye hind kii aazaadii goyaa kul mashriq kii aazaadii hai
phir mashriq mashriq ban jaa.e jo zulm ke daur miTaa Daale.n
'anvar' kii du.aa hai ai maulaa phir hind kii qismat jaag uThe
bichh.De aapas me.n mil jaa.e.n ham ruuThe hu.e ko manaa Daale.n

kanval Dibaivi
Nazm

pas che-bayad-kard

mauj-e-KHuu.n barf hu.ii jaatii hai saa.nse.n bhii hai.n barf
vahshate.n jin kaa muqaddar thii.n vo aa.nkhe.n bhii hai.n barf
yaad-e-yaaraan-e-dil-aavez kaa manzar bhii hai barf
ek ik naam har aavaaz har ik chehra barf
munjamid KHvaab kii Tiksaal kaa har sikka barf
aur ab sochte hai.n shaam-o-sahar sochte hai.n
KHvaab-e-KHas-KHaana-o-barfaab se vo aag bhalii
jin ke sho.alo.n me.n bhii qirtaas o qalam zinda hai.n
jis me.n har ahd ke har nasl ke Gam zinda hai.n
KHaak ho kar bhii ye lagtaa thaa ki ham zinda hai.n

Iftikhar Arif
Nazm

mira-ji sahib

jab ham ne pa.Dhaa kab chavvan me.n ka.ii na.e to un ko pahchaane
kuchh sikka-band taraqqii-pasand is jur.at par bhii buraa maane
aur ham se ho ga.e begaane
yuu.n bhii ko.ii ham ko kyaa jaane

Jameeluddin Aali
Nazm

koi rahbar koi sathi koi apna na mila

ko.ii samjhaa na merii ruuh ko KHaamosh pukaar
sab samajhte rahe chaltaa ho sikka mujh ko
chand lamhe to guzar jaa.e.nge achchhe-KHaase
jis ne dekhaa usii andaaz se dekhaa mujh ko

Waqif rae Barelvi
Nazm

baadshah teri dahliz ka darban hai

ashtaar
ai aasmaano.n kii malika
baadshaah terii dahliiz kaa darbaan hai
lagaash
aur
aur
arj me.n
tere naam kaa sikka Dhaltaa hai
terii zulfe.n
zafar-mand lashkar kaa phareraa hai.n
aur
chehra
sub.h ke mashriq kaa aasmaan
furaat kaa chamaktaa paanii
teraa aa.iina hai
ku.nvaariyaa.n
tere muqaddas ahaate me.n
apnii ismat kaa sunahraa sikka
bhe.nT karne aatii hai.n

Jawaz Jafri
Nazm

do-aba bast jalandhar

sabt hai duniyaa pe teraa sikka-e-farzaa.ngii
ilm kii KHaatir dikhaa.ii tuu ne vo diivaangii

Arsh Malsiyani
Nazm

pyara watan hamara

'abul-kalaam' jaise jis mulk me.n ho.n leader
azmat kaa jin kii sikka hai kul jahaa.n ke dil par

Lala Anoop Chand Aaftab Panipati
Nazm

achchhe din

sikka apnaa raaj bhii apnaa
taKHt bhii apnaa taaj bhii apnaa
palace apnaa loadge bhii apnaa
kal bhii apnaa aaj bhii apnaa
ham phir apnaa ThaaTh jamaa.e.n
mulk ke phir achchhe din aa.e.n

Ahmaq Phaphoondvi
Nazm

shora-e-pakistan ka KHair-maqdam

ham chaahe.n to sikka haq-o-insaaf kaa chal jaa.e
ham chaahe.n to taqdiir-e-umam pal me.n badal jaa.e

Arsh Malsiyani
Nazm

jawanon se KHitab

kahaa.n hai tumhaarii vo aan-e-hijaazii
ye kyaa le ke baiThe ho shatranj-baazii
bano mard-e-maidaa.n bano mard-e-Gaazii
'aduu par shujaa'at kaa sikka biThaa.o
javaano ko.ii kaam karke dikhaa.o

Faiz Ludhianvi
Nazm

ek inam ke kitne nam hain

ik pahchaan ke kitne ism hai.n
ik in.aam ke kitne naam hai.n
teraa naam vo baadal jis kaa paiGambar par dasht-e-jabal me.n saayaa hai
teraa naam vo barkhaa jis kaa rim-jhim paanii
vaadii me.n dariyaa kahlaa.e aur samundar bantaa jaa.e
teraa naam vo suuraj jis kaa sonaa sab kii milkiyyat hai
jis kaa sikka mulko.n mulko.n jaarii hai
teraa naam vo harf jise imkaan kii lauh par dekh ke mai.n ne
pesh-o-pas se nuqta nuqta jo.D liyaa hai
ismo.n vaale harfo.n vaale naamo.n vaale
mujh ko bhii ik naam ataa kar
merii jholii mid.hat kartii buu.ndo.n kirno.n chamkiile harfo.n se bhar de

Akhtar Husain Jafri
Nazm

qaza nahin hona tujhe

lauh kaa raasta, dhuup ke shaamiyaano.n se Dhaa.npaa hu.aa
ajnabii ajnabii chaap suntaa rahaa... saath chaltaa rahaa
aur phir ek din... das moharram kii aa.nkho.n se niklaa hu.aa
ik sunahrii ka.nval
yuu.n uchhaalaa ufaq kii shafaq jhiil me.n...
shaam ke vaqt ne
jaise ibliis sikka ko.ii
phe.nk de rahm-e-taariiKH ke surKH kashkol me.n
aasmaa.n ruk gayaa... ruk gayaa aasmaa.n
so gayaa ijtimaa.ii lahad me.n kahii.n zindagii kaa damishq
mai.n ne sochaa ki aise me.n bahtaa nahii.n
ashk-e-aab-e-furaat
raasta rok pahle... pa.Daav ke KHeme lagaa
aur phir shaam kii baaz-gashto.n me.n bahtii azaa.n
mujh se kahne lagii
vaqt ko zaa.e karnaa gunaah-e-kabiira se bhii ba.Dh ke hai
qibla-ruu ho ke labbaik mai.n ne kahaa
ko.ii shah-e-rag ke andar se kahne lagaa
ki namaaze.n qazaa lauT saktii hai.n lekin qazaa saa.ate.n
lauT saktii nahii.n!

Mansoor Aafaque
Nazm

muTThi se phisalti nirwan ki ret

kapilvastu ke shahzaade
tuu bhuukaa hai
tire kamzor se tan par ko.ii kap.Daa nahii.n hai
aur baahar ThanD hai
aur haath me.n sikka nahii.n ko.ii
chal uTh
tujh ko kisii mill me.n kahii.n naukar karaa aa.uu.n

Ravish Nadeem
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now