Search result for "suKHan-kaar" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "suKHan-kaar"

Nazm MATCHES FOR "suKHan-kaar"

Nazm

fitrat-e-dushman

hai daaKHil fitrat-e-mun.im me.n naadaaro.n ko ta.Dpaanaa
sar-e-paa-e-hiqaarat se har ik bekas ko Thukraanaa
hai fitrat dushmanaan-e-diin-o-iimaan-o-haqiiqat kii
vatan se kar ke Gaddaarii muluukiyyat se mil jaanaa
dilo.n me.n tuKHm-rezii ho chukii hai jab kuduurat kii
bhalaa dushvaar kyaa hai aise naKHl-e-tar kaa ba.Dh jaanaa
binaa-e-hurriyat kii ustuvaarii kii thii jab ham ne
sar-e-'daas'-o-bhagat-singh de diye the qabl nazraana
ko.ii kah de hukuumat se na uljhe naujavaano.n se
inhe.n sikhlaa diyaa hai zulm ne zaalim se Takraanaa
yaqiinan inqalaab-e-hind hogaa ai 'suKHan' hogaa
hame.n zebaa hai apne ghar me.n jhanDaa surKH lahraanaa

Tika Ram Sukhan

Nazm

zyaada

mirii mashq-e-suKHan kaa jab hu.aa un par asar zyaada
meherbaanii hai un kii mujh pe kam aur hai qahr zyaada

Ghaus Khah makhah Hyderabadi

Nazm

taaruf

kiyaa hai tai suKHan kaa ye safar mai.n ne akele hii
na ko.ii ham-safar meraa na ko.ii rahnumaa yaaro

Sada Ambalvi

Nazm

nauha-e-suKHan

puuchh kar aa tuu zaraa shahr ke baazaaro.n se
ek bhii jins-e-suKHan kaa hai KHariidaar kahii.n

Sada Ambalvi

Nazm

kali-das

chaman me.n yuu.n to bahaar aatii jaatii rahtii hai
magar suKHan kaa hai gulshan sadaa-bahaar tiraa

JaiKrishn Chaudhry Habeeb

Nazm

ishwar pararthna

har taraf ho jazba-e-hubb-e-vatan shoa.la-fishaa.n
gulKHan-e-sozaa.n nazar aa.e yahaa.n kaa har javaa.n
haath me.n ho parcham-e-aazaadii-e-hindostaa.n
gaa rahii ho.n giit aazaadii kaa har suu vaadiyaa.n
phir yaqii.n aa.e 'suKHan' ye inqilaab hai zindaabaad
hinduu-o-muslim kaa haa.n ab rang laayaa hai jihaad

Tika Ram Sukhan

Nazm

taaruf

miraa ta.aaruf to kuchh nahii.n hai
miraa ta.aaruf to bas vahii hai
jo mujh se pahle aziim 'Gaalib' kaa 'miir' kaa thaa
vo 'miir' jis ko KHudaa-e-sher-o-suKHan kaa rutba ataa hu.aa thaa
magar gadaa kii tarah maraa thaa
aziim 'Gaalib' jo mai kii KHairaat maa.ngtaa thaa

Ishrat Afreen

Nazm

urdu

kuchh kitaabe.n KHariid urdu kii
apne bachcho.n ko bhii pa.Dhaa.o tum
un kii ta.aliim kaa KHayaal rakho
un ko tahziib bhii sikhaa.o tum

Subhan Anjum

Nazm

dagh

zabaa.n kaa lutf thaa ai bulbul-e-hindustaa.n tujh se
payambar thaa suKHan kaa to tire naGmo.n pe juume.nge

Maikash Akbarabadi

Nazm

ghalat-fahmi

mai.n ne ik bazm-e-suKHan me.n kal Gazal apnii pa.Dhii
jis ko sun kar ahl-e-mahfil jhuum uTThe vajd se
josh aayaa ek saahab ko to uTh kar josh me.n
ik lifaafa haath me.n chupke se rakh kar chal diye
mai.n ye samjhaa is me.n shaayad ek sau kaa note hai
kar diyaa fil-faur phir us ko havaale jeb ke
jab lifaafa khol kar dekhaa to ye 'uqda khulaa
darj thii us me.n sanaa-KHvaanii mirii is tarh se
sach to ye hai behtariin ash’aar farmaate hai.n aap
bazm ko naGma sunaa kar vajd me.n laate hai.n aap

ismatullah ismat beg

Nazm

lab-e-dariya-e-suKHan par

tum nuur kaa paikar ho tumhe.n nazm me.n Dhaaluu.n
kuchh raushnii pa.D jaa.e tumhaarii mire fan par
mai.n chashm-e-tahayyur se tumhe.n dekh rahaa huu.n
tum baiThii hu.ii ho lab-e-dariyaa-e-suKHan par

Mumtaz Iqbal

Nazm

gham-e-faiz

mahfil-e-she'r-o-suKHan dosto be-faiz hu.ii
gul karo sham'e.n charaaGo.n kii lave.n zaKHmii karo
ret baalo.n me.n bharo
chaak garebaa.n kar lo
raat Dhalne lagii
taaro.n ke badan dikhne lage
sub.h kii aa.nkho.n se risne lagaa
suuraj kaa lahuu
aahaTe.n kho ga.ii.n
dhu.ndlaa ga.e qadmo.n ke nishaa.n
ajnabii KHaak me.n gum ho gayaa taaro.n kaa jahaa.n
aa ke manzil pe bahakne lage rahrau ke qadam
la.Dkha.Daane lage ummiido.n ke KHvaabiida sanam
raaste so ga.e mahruumiyaa.n aa.nkho.n me.n liye
TimTimaane lage ho.nTo.n pe du'aa.o.n ke diye
bujh gayaa aaj vahii she'r-o-suKHan kaa mahtaab
tiisrii duniyaa me.n thii raushnii jis ke dam se
jis ne baKHshe the Gariibo.n ko
na.e 'azm na.e hausle jiine ke liye
jis ne mehnat-kasho.n mazduuro.n ke Gam ko samjhaa
jis ne kuchle hu.e insaano.n ke dukh ko jaanaa
jis ne insaa.n kii baqaa ke liye
jele.n kaaTii.n
jis ne aavaaz uThaa.ii thii tashaddud ke KHilaaf
jis ne iz.haar kiyaa amn kaa sachchaa.ii kaa
jis ne paiGaam diyaa husn kaa insaaf kaa
raa'naa.ii kaa
jis ke ash'aar me.n thii fikr-o-‘amal kii talqiin
jis ke ash'aar me.n thii shiddat-e-ehsaas-e-jamaal
jis ke kirdaar me.n aafaaqiyat
aur lahje me.n
rijaa.iyat thii
jis ke ho.nTo.n pe mohabbat ke taraane guu.nje
jis ke ash'aar me.n muflis ke fasaane guu.nje
haif-sad-haif vo shaa'ir-o-mufakkir na rahaa
aaj bairuut ke mazluumo.n kaa zaakir na rahaa
dosto aa.o chalo suunii hu.ii bazm-e-suKHan
'umr bhar ek yahii Gam hame.n ta.Dpaa.egaa
apne be-KHvaab kivaa.Do.n ko muqaffal kar lo
ab yahaa.n ko.ii nahii.n ko.ii aa.e aa.egaa

Javed Akram Farooqi

Nazm

rangoon ka mushaera

mujhe rangoon se jab daavat-e-sher-o-suKHan aa.ii
tabii.at faasle aur vaqt ke chakkar se ghabraa.ii
dil-e-bargashta ko lekin ye mai.n ne baat samjhaa.ii
''nahii.n kuchh sub.ha-o-zunnaar ke phande mai.n giiraa.ii''
''vafaadaarii me.n shaiKH o barhaman kii aazmaa.ish hai''
vahaa.n ra.ngiini-e-sher-o-suKHan kii aazmaa.ish hai

Syed Mohammad Jafri

Nazm

imkan

tuu sune to ko.ii ajab nahii.n
ki mirii navaa kaa hunar khule
tuu sune to ko.ii ajab nahii.n
ki suKHan kaa saatvaa.n dar khule

Zia Jalandhari

Nazm

aaKHiri raat

mashaqqat ko sikhaa kar KHuubiyaa.n KHidmat-guzaarii kii
hu.ii.n be-KHauf be-iimaaniyaa.n sarmaaya-daarii kii

Hafeez Jalandhari

Nazm

taufiq

dakan ye 'qutb-qulii 'vaj.hii'-o-'valii' kaa dakan
dakan ye satvat-e-shaahaan 'aasafii' kaa dakan
isii zamii.n se sharaare hazaar phuuTe hai.n
isii falak pe sitaare hazaar TuuTe hai.n
ye san'ato.n kii zamii.n 'ilm-o-fan kaa gahvaara
chaman adab kaa ye she'r-o-suKHan kaa gahvaara
har ek daur me.n ik baa-kamaal hotaa hai
hunar me.n aap vo apnii misaal hotaa hai
yahii.n pe hazrat-e-'taufiiq' ne bhii janm liyaa
ufuq se she'r-o-suKHan ke ik aaftaab uThaa
vo apne vaqt ke ik baa-kamaal shaa'ir the
Galat nahii.n jo kahuu.n baa-kamaal shaa'ir the
Gazal ko 'momin'-o-'Gaalib' kaa baa.nkpan de kar
kahii hai nazm bhii 'iqbaal' ke qariine par
vo aabruu-e-chaman ‘izzat-e-dakan 'taufiiq'
bajaa hai kahiye agar 'Gaalib'-e-dakan 'taufiiq'

Barq Aashiyanvi

Nazm

visal-e-mausam

visaal-e-mausam
tumhaare abruu ke ik ishaare kaa muntazir hai
nazar uThaa.o
aur apne raste pe khilne vaale gulaab dekho
samaa.ato.n se kaho KHamoshii
nigaah aur aa.iine ke maabain
suKHan kaa aaGaaz kar rahii hai
havaa se puuchho
vo kis badan kii mahak se paiham ulajh rahii hai
suno ye mausam visaal kaa hai
so us ko yuu.n raa.egaa.n na jaano
agar tum izn-e-safar na doge
to phir ye mausam
gulaab rut me.n bhii zard patto.n kaa bhes badle
tumhaare aa.ngan se jaa malegaa
aur aa.ino.n se gila karegaa

Khalid Moin

Nazm

urdu

zau-fishaa.n tuu rahe ai sham.a-e-zabaan-e-urdu
teraa har zarra chamak kar mah-e-kaamil ho jaa.e
bol-baalaa ho tiraa mulk ke har goshe me.n
terii lau zeb-dah-e-anjuman-e-dil ho jaa.e
terii har satr bane zulf-e-hasiinaan-e-jahaa.n
ik zamaana tiraa paaband-e-salaasil ho jaa.e
jaan de husn-e-fasaahat pe masiihaa-nafasii
saamrii bhii tire e.ajaaz kaa qaa.il ho jaa.e
tere har lafz me.n ho dard-e-mohabbat kii ta.Dap
har suKHan sharh-e-bayaan-e-KHalish-e-dil ho jaa.e
ho gayaa me.n tire parvaano.n kaa har saal hujuum
roz-afzuu.n tiraa hangaama-e-mahfil ho jaa.e
ho kuchh is tarah gul-afshaanii-e-arbaab-e-suKHan
jis se paamaalii-e-gulbaa.ng-e-anaadil ho jaa.e
mai-e-gul-rang-e-shafaq se rahe rangii.n tiraa jaam
terii har bazm-e-adab mai-kada-e-dil ho jaa.e
hazrat-e-nuuh kaa uThtaa rahe tuufaa.n yuu.nhii
Garq-e-sailaab-e-suKHan daaman-e-saahil ho jaa.e
har nau-aamoz sila paa.e tirii KHidmat kaa
har mah-e-nau tire sadqe mah-e-kaamil ho jaa.e
zahe taqdiir zahe baKHt ki naachiiz 'sariir'
tire KHuddaam kii fihrist me.n shaamil ho jaa.e

Sareer Kabiri

Nazm

saba akbar aabaadi

mashshaatgii-e-gesuu-e-fan muddato.n hu.ii
aaraa.ish-e-uruus-e-suKHan muddato.n hu.ii
dast-e-sabaa fazaa-e-adab par rahaa muhiit
tahziib-e-sakinaan-e-chaman muddato.n hu.ii
taz.iin-e-bostaan-e-vatan muddato.n hu.ii

Muslim Shameem

Nazm

ajnabi

ab ye ehsaas dam-e-fikr-e-suKHan hone lagaa
apnii hii nazmo.n kaa bhuulaa hu.aa kirdaar huu.n mai.n

Shaz Tamkanat

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now