ABDUL HAMID ADAM

  • 1910-1981

Popular Poet with dominant romantic shades celebrating love and life.

info iconClick on any word for its meaning

āñkhoñ se pilāte raho sāġhar meñ na Daalo


ab ham se koī jaam uThāyā nahīñ jaatā

ai dost mohabbat ke sadme tanhā uThāne paḌte haiñ


rahbar to faqat is raste meñ do gaam sahārā dete haiñ

ai ġham-e-zindagī na ho nārāz


mujh ko aadat hai muskurāne

ba.az auqāt kisī aur ke milne se 'adam'


apnī hastī se mulāqāt bhī ho jaatī hai

bārish sharāb-e-arsh hai ye soch kar 'adam'


bārish ke sab hurūf ko ulTā ke gayā

chhup chhup ke jo aatā hai abhī merī galī meñ


ik roz mire saath sar-e-aam chalegā

dil abhī puurī tarah TuuTā nahīñ


dostoñ mehrbānī chāhiye

dil ḳhush huā hai masjid-e-vīrāñ ko dekh kar


merī tarah ḳhudā bhī ḳhāna ḳharāb hai

girte haiñ log garmī-e-bāzār dekh kar


sarkār dekh kar mirī sarkār dekh kar

had se baḌh kar hasīn lagte ho


jhūTī qasmeñ zarūr khāyā karo

ijāzat ho to maiñ tasdīq kar luuñ terī zulfoñ se


sunā hai zindagī ik ḳhuub-sūrat daam hai saaqī

ik hasīñ aañkh ke ishāre par


qāfile raah bhuul jaate haiñ

kaun añgḌā.ī le rahā hai 'adam'


do jahāñ laḌkhaḌā.e jaate haiñ

maiñ bad-nasīb huuñ mujh ko na de ḳhushī itnī


ki maiñ ḳhushī ko bhī le kar ḳharāb kar dūñgā

maiñ mai-kade raah se ho kar nikal gayā


varna safar hayāt kaafī tavīl thā

saaqī mire ḳhulūs shiddat ko dekhnā


phir aa gayā huuñ gardish-e-daurāñ ko Taal kar

shāyad mujhe nikāl ke pachhtā rahe hoñ aap


mahfil meñ is ḳhayāl se phir aa gayā huuñ maiñ

shikan na Daal jabīñ par sharāb dete hue


ye muskurātī huī chiiz muskurā ke pilā

sirf ik qadam uThā thā ġhalat raah-e-shauq meñ


manzil tamām umr mujhe DhūñDtī rahī

taklīf miT ga.ī magar ehsās rah gayā


ḳhush huuñ ki kuchh na kuchh to mire paas rah gayā

comments powered by Disqus