Best Aashiq shayari for Status

āshiqī sabr-talab aur tamannā betāb

dil kā kyā rañg karūñ ḳhūn-e-jigar hote tak

aashiqi sabr-talab aur tamanna betab

dil ka kya rang karun KHun-e-jigar hote tak

āshiq huuñ pa māshūq-farebī hai mirā kaam

majnūñ ko burā kahtī hai lailā mire aage

aashiq hun pa mashuq-farebi hai mera kaam

majnun ko bura kahti hai laila mere aage

āshiqī meñ bahut zarūrī hai

bevafā.ī kabhī kabhī karnā

aashiqi mein bahut zaruri hai

bewafai kabhi kabhi karna

isī ḳhātir to qatl-e-āshiqāñ se man.a karte the

akele phir rahe ho yūsuf-e-be-kārvāñ ho kar

isi KHatir to qatl-e-ashiqan se mana karte the

akele phir rahe ho yusuf-e-be-karwan ho kar

dekhā hai āshiqoñ ne barahman kī aañkh se

har but ḳhudā hai chāhne vāloñ ke sāmne

dekha hai aashiqon ne barahman ki aankh se

har but KHuda hai chahne walon ke samne

dostī kā da.avā kyā āshiqī se kyā matlab

maiñ tire faqīroñ meñ maiñ tire ġhulāmoñ meñ

dosti ka dawa kya aashiqi se kya matlab

main tere faqiron mein main tere ghulamon mein

gard uḌī āshiq kī turbat se to jhunjhlā kar kahā

vaah sar chaḌhne lagī paañv kī Thukrā.ī huī

gard uDi aashiq ki turbat se to jhunjhla kar kaha

wah sar chaDhne lagi panw ki Thukrai hui

bahut muzir dil-e-āshiq ko aah hotī hai

isī havā se ye kashtī tabāh hotī hai

bahut muzir dil-e-ashiq ko aah hoti hai

isi hawa se ye kashti tabah hoti hai

kis qadar dil se farāmosh kiyā āshiq ko

na kabhī aap ko bhūle se bhī maiñ yaad aayā

kis qadar dil se faramosh kiya aashiq ko

na kabhi aap ko bhule se bhi main yaad aaya

āshiq se nāk-bhauñ na chaḌhā o kitāb-rū

ham dars-e-ishq meñ ye alif bhī paḌhe nahīñ

aashiq se nak-bhaun na chaDha o kitab-ru

hum dars-e-ishq mein ye alif bhi paDhe nahin

mujh sā āshiq aap sā ma.ashūq tab hove nasīb

jab ḳhudā ik dūsrā arz-o-samā paidā kare

mujh sa aashiq aap sa mashuq tab howe nasib

jab KHuda ek dusra arz-o-sama paida kare

is tarah bhes meñ āshiq ke chhupā hai ma.ashūq

jis tarah aañkh ke parde meñ nazar hotī hai

is tarah bhes mein aashiq ke chhupa hai mashuq

jis tarah aankh ke parde mein nazar hoti hai

ye kyā ki āshiqī meñ bhī fikr-e-ziyāñ rahe

dāman kā chaak tā-ba-jigar jaanā chāhiye

ye kya ki aashiqi mein bhi fikr-e-ziyan rahe

daman ka chaak ta-ba-jigar jaana chahiye

nāseh mire rone kā na maan.e ho ki āshiq

gar ye na kare kaam to phir kaam kare kyā

naseh mere rone ka na mane ho ki aashiq

gar ye na kare kaam to phir kaam kare kya

milā hai āshiqī meñ rutba-e-paiġhambarī mujh ko

maiñ us se kyuuñ dabūñ majnūñ nahīñ kuchh ibn-e-am merā

mila hai aashiqi mein rutba-e-paighambari mujh ko

main us se kyun dabun majnun nahin kuchh ibn-e-am mera