سٹیٹس کے لئے بیسٹ عاشق شاعری

عاشقی صبر طلب اور تمنا بیتاب

دل کا کیا رنگ کروں خون جگر ہوتے تک

عاشق ہوں پہ معشوق فریبی ہے مرا کام

مجنوں کو برا کہتی ہے لیلیٰ مرے آگے

عاشقی میں بہت ضروری ہے

بے وفائی کبھی کبھی کرنا

اسی خاطر تو قتل عاشقاں سے منع کرتے تھے

اکیلے پھر رہے ہو یوسف بے کارواں ہو کر

دیکھا ہے عاشقوں نے برہمن کی آنکھ سے

ہر بت خدا ہے چاہنے والوں کے سامنے

دوستی کا دعویٰ کیا عاشقی سے کیا مطلب

میں ترے فقیروں میں میں ترے غلاموں میں

گرد اڑی عاشق کی تربت سے تو جھنجھلا کر کہا

واہ سر چڑھنے لگی پاؤں کی ٹھکرائی ہوئی

بہت مضر دل عاشق کو آہ ہوتی ہے

اسی ہوا سے یہ کشتی تباہ ہوتی ہے

کس قدر دل سے فراموش کیا عاشق کو

نہ کبھی آپ کو بھولے سے بھی میں یاد آیا

عاشق سے ناک بھوں نہ چڑھا او کتاب رو

ہم درس عشق میں یہ الف بھی پڑھے نہیں

مجھ سا عاشق آپ سا معشوق تب ہووے نصیب

جب خدا اک دوسرا ارض و سما پیدا کرے

اس طرح بھیس میں عاشق کے چھپا ہے معشوق

جس طرح آنکھ کے پردے میں نظر ہوتی ہے

یہ کیا کہ عاشقی میں بھی فکر زیاں رہے

دامن کا چاک تا بہ جگر جانا چاہیے

ناصح مرے رونے کا نہ مانع ہو کہ عاشق

گر یہ نہ کرے کام تو پھر کام کرے کیا

ملا ہے عاشقی میں رتبۂ پیغمبری مجھ کو

میں اس سے کیوں دبوں مجنوں نہیں کچھ ابن عم میرا