بیسٹ پروپوز شاعری

عشق کے اظہار میں ہر چند رسوائی تو ہے

پر کروں کیا اب طبیعت آپ پر آئی تو ہے

مجھ سے نفرت ہے اگر اس کو تو اظہار کرے

کب میں کہتا ہوں مجھے پیار ہی کرتا جائے

تجھ سے کس طرح میں اظہار تمنا کرتا

لفظ سوجھا تو معانی نے بغاوت کر دی

اظہار عشق اس سے نہ کرنا تھا شیفتہؔ

یہ کیا کیا کہ دوست کو دشمن بنا دیا

کیجے اظہار محبت چاہے جو انجام ہو

زندگی میں زندگی جیسا کوئی تو کام ہو

یوں تو اشکوں سے بھی ہوتا ہے الم کا اظہار

ہائے وہ غم جو تبسم سے عیاں ہوتا ہے

ان سے اظہار محبت جو کوئی کرتا ہے

دور سے اس کو دکھا دیتے ہیں تربت میری

یہ آنسو یہ پشیمانی کا اظہار

مجھے اک بار پھر بہکا گئی ہو

چلو کہ جذبۂ اظہار چیخ میں تو ڈھلا

کسی طرح اسے آخر ادا بھی ہونا تھا

کیوں نہ تنویرؔ پھر اظہار کی جرأت کیجے

خامشی بھی تو یہاں باعث رسوائی ہے