ġham-e-ārzū kā 'hasrat' sabab aur kyā batā.ūñ

mirī himmatoñ kī pastī mire shauq kī bulandī

gham-e-arzu ka 'hasrat' sabab aur kya bataun

meri himmaton ki pasti mere shauq ki bulandi

jabīñ par sādgī nīchī nigāheñ baat meñ narmī

muḳhātib kaun kar saktā hai tum ko lafz-e-qātil se

jabin par sadgi nichi nigahen baat mein narmi

muKHatib kaun kar sakta hai tum ko lafz-e-qatil se

ḳhūb-rūyoñ se yāriyāñ na ga.iiñ

dil kī be-iḳhtiyāriyāñ na ga.iiñ

KHub-ruyon se yariyan na gain

dil ki be-iKHtiyariyan na gain

toḌ kar ahd-e-karam nā-āshnā ho jā.iye

banda-parvar jā.iye achchhā ḳhafā ho jā.iye

toD kar ahd-e-karam na-ashna ho jaiye

banda-parwar jaiye achchha KHafa ho jaiye

us nā-ḳhudā ke zulm o sitam haa.e kyā karūñ

kashtī mirī Duboī hai sāhil ke ās-pās

us na-KHuda ke zulm o sitam hae kya karun

kashti meri Duboi hai sahil ke aas-pas