Today's top 5 Urdu Shayari

shaam kī dahlīz par Thahrī huī yādeñ 'zubair'

ġham kī mehrāboñ ke dhundle ā.īne chamkā ga.iiñ

sham ki dahliz par Thahri hui yaaden 'zubair'

gham ki mehrabon ke dhundle aaine chamka gain

maiñ ḳhud ko marte hue dekh kar bahut ḳhush huuñ

ye Dar bhī hai ki mirī aañkh khul na jaa.e kahīñ

main KHud ko marte hue dekh kar bahut KHush hun

ye Dar bhi hai ki meri aankh khul na jae kahin

ġham aur ḳhushī meñ farq na mahsūs ho jahāñ

maiñ dil ko us maqām pe laatā chalā gayā

gham aur KHushi mein farq na mahsus ho jahan

main dil ko us maqam pe lata chala gaya

jaan se ho ga.e badan ḳhālī

jis taraf tū ne aañkh bhar dekhā

jaan se ho gae badan KHali

jis taraf tu ne aankh bhar dekha

judā.iyoñ ke zaḳhm dard-e-zindagī ne bhar diye

tujhe bhī niiñd aa ga.ī mujhe bhī sabr aa gayā

judaiyon ke zaKHm dard-e-zindagi ne bhar diye

tujhe bhi nind aa gai mujhe bhi sabr aa gaya