لوگ اچھے ہیں بہت دل میں اتر جاتے ہیں

اک برائی ہے تو بس یہ ہے کہ مر جاتے ہیں

میں نے کتنے رستے بدلے لیکن ہر رستے میں فروغؔ

ایک اندھیرا ساتھ رہا ہے روشنیوں کے ہجوم لیے

میرا بھی ایک باپ تھا اچھا سا ایک باپ

وہ جس جگہ پہنچ کے مرا تھا وہیں ہوں میں

حسن کو حسن بنانے میں مرا ہاتھ بھی ہے

آپ مجھ کو نظر انداز نہیں کر سکتے

اپنے حالات سے میں صلح تو کر لوں لیکن

مجھ میں روپوش جو اک شخص ہے مر جائے گا

فصل تمہاری اچھی ہوگی جاؤ ہمارے کہنے سے

اپنے گاؤں کی ہر گوری کو نئی چنریا لا دینا

عشق وہ کار مسلسل ہے کہ ہم اپنے لیے

ایک لمحہ بھی پس انداز نہیں کر سکتے

آئے گا میرے بعد فروغؔ ان کا زمانہ

جس دور کا میں ہوں مرے اشعار نہیں ہیں

اک یہی دنیا بدلتی ہے فروغؔ

کیسی کیسی اجنبی دنیاؤں میں