نسیم اجمل کے اشعار
میں ایک شمع سر رہ گزار ہوں اجملؔ
نہ جانے کس لئے مجھ کو بجھانا چاہتا ہے
-
موضوع : شمع
-
شیئر کیجیے
- غزل دیکھیے
- رائے زنی
- رائے
- ڈاؤن لوڈ
تصوير آب تم کو دکھائیں بھی کیا کہ تم
آئینہ کہہ رہا ہے ابھی اپنے ڈر میں ہو
سنا ہے آج ملے ہو نسیم اجملؔ سے
ذرا بتاؤ وہ خانہ خراب کیسا تھا
بڑی مشکلوں سے میں سویا تھا کل
بہت شور گھر کی دواروں میں تھا
نہ کوئی رنگ نہ خوشبو نہ خواب ہے مجھ میں
صبا یہ کہتی ہے تصوير آب ہے مجھ میں
ہمارے دوست یا دشمن تھے کچھ خبر نہ ہوئی
یہ راہ روکے ہوئے بام و در عجیب سے تھے
پگھل گئے مرے اندر ہزارہا سورج
کہ ظلمت شب ہستی کی واردات ہوں میں
سارا منظر خواب میں موجوں کی طغیانی کا تھا
میں سنبھلتا کیا کہ سر پر قہقہہ پانی کا تھا
اڑان بھرتے تو کچھ لوگ تذکرے کرتے
پروں پہ جم گئی گرد پس سفر کیسی
تمام شوق شفق راہ میں سجائے ہوئے
میں منتظر ہوں ترا کب سے رہگزر روکے
بے حس پڑا ہوا ہوں میں لمحوں کی گرد میں
صدیوں کی تھی جو مجھ میں کسک کون لے گیا
وہ ایک ٹوٹتے تارے کی ضو تھی جس کو میں
سمجھ رہا تھا کوئی آفتاب ہے مجھ میں
ابھی تو شعلۂ جاں میں لپک نہیں آئی
کچھ اور تیز ہواؤں کو میری جاں کر دے
بس اک چٹان سے ٹکرا کے بہہ نکلنا ہے
پھر اس کے بعد یہ میری تری خبر کیسی
دیکھنے والے کی نظروں نے دیا مجھ کو فریب
اس کی آنکھوں کا سکوں کر گیا غرقاب مجھے
برہنہ تھا تو اندھیرا بھی لاج رکھ نہ سکا
ملا لباس تو ہر شخص رہگزر کا گیا
قدم قدم سے ملا کر وہ چل رہے تھے بہت
چھپے ہوئے تھے مگر دل میں ڈر قیامت کے
اہل دانش بھی جسے کچھ نہیں سمجھے وہ شخص
جب ترے شہر میں پہنچا تو تماشہ ٹھہرا
مجھے وجود کا اپنے ہوا ہے تب احساس
پلٹ کے آئی چٹانوں سے جب صدا میری
وہ اپنی آنکھ چہرہ ہات پاؤں
سفر میں زندگی کے کھو چکا ہے
دفن کر دے مجھے چٹانوں میں
اور آنکھیں خلاؤں میں کھولے
آنکھ چہرہ ہاتھ پاؤں خون سے لت پت ہیں سب
لو ملو مجھ سے کہ میں ہوں اک ثمر تنہائی کا
لے گئے چن چن کے اجملؔ صاحبان عقل و ہوش
میرے حصے میں بچے ہیں حرف لغزیدہ تمام
فکر کے چاند ابھرتے ہیں مرے سینے سے
موجیں لیتا ہوا معنی کا سمندر ہوں میں
اس کی جنبش مژگاں مجھ سے ہی مخاطب تھی
وارث قلم تھا میں کھو گیا سوالوں میں
بجھائے جا رہے تھے کتنے سورج
سمندر بھی عجب ہیجان میں تھا
روشنی دے نہ سکے رات سے کچھ لے نہ سکے
یہ ستارے تو فقط شور مچانے آئے
تمہاری راہ میں ہوگا کسی کھنڈر کا خوف
ہمارے سامنے اپنی صدا کا ڈر ہے بہت
بے شمار سناٹا
کیسے بولتا تھا وہ