بھیڑ کے خوف سے پھر گھر کی طرف لوٹ آیا

گھر سے جب شہر میں تنہائی کے ڈر سے نکلا

جانے کیا محفل پروانہ میں دیکھا اس نے

پھر زباں کھل نہ سکی شمع جو خاموش ہوئی

اٹھ کے اس بزم سے آ جانا کچھ آسان نہ تھا

ایک دیوار سے نکلا ہوں جو در سے نکلا

نکلے تری محفل سے تو ساتھ نہ تھا کوئی

شاید مری رسوائی کچھ دور چلی ہوگی

زمانے کو دوں کیا کہ دامن میں میرے

فقط چند آنسو ہیں وہ بھی کسی کے

افسانہ محبت کا پورا ہو تو کیسے ہو

کچھ ہے دل قاتل تک کچھ ہے دل بسمل تک

انجام کشاکش ہوگا کچھ دیکھیں تو تماشا دیوانے

یا خاک اڑے گی گردوں پر یا فرش پہ تارے نکلیں گے