Arzoo Lakhnavi's Photo'

Arzoo Lakhnavi

1873 - 1951 | Karachi, Pakistan

One of the leading pre-modern poets at lucknow, contemporary of Jigar Moradabadi.

One of the leading pre-modern poets at lucknow, contemporary of Jigar Moradabadi.

8.99K
Favorite

SORT BY

pūchhā jo un se chāñd nikaltā hai kis tarah

zulfoñ ko ruḳh pe Daal ke jhaTkā diyā ki yuuñ

puchha jo un se chand nikalta hai kis tarah

zulfon ko ruKH pe Dal ke jhaTka diya ki yun

burī sarisht na badlī jagah badalne se

chaman meñ aa ke bhī kāñTā gulāb ho na sakā

buri sarisht na badli jagah badalne se

chaman mein aa ke bhi kanTa gulab ho na saka

kis ne bhīge hue bāloñ se ye jhaTkā paanī

jhuum ke aa.ī ghaTā TuuT ke barsā paanī

kis ne bhige hue baalon se ye jhaTka pani

jhum ke aai ghaTa TuT ke barsa pani

nigāheñ is qadar qātil ki uff uff

adā.eñ is qadar pyārī ki tauba

nigahen is qadar qatil ki uff uff

adaen is qadar pyari ki tauba

jo dil rakhte haiñ siine meñ vo kāfir ho nahīñ sakte

mohabbat diin hotī hai vafā īmān hotī hai

jo dil rakhte hain sine mein wo kafir ho nahin sakte

mohabbat din hoti hai wafa iman hoti hai

bhole ban kar haal na pūchh bahte haiñ ashk to bahne do

jis se baḌhe bechainī dil aisī tasallī rahne do

bhole ban kar haal na puchh bahte hain ashk to bahne do

jis se baDhe bechaini dil ki aisi tasalli rahne do

allāh allāh husn ye parda-dārī dekhiye

bhed jis ne kholnā chāhā vo dīvāna huā

allah allah husn ki ye parda-dari dekhiye

bhed jis ne kholna chaha wo diwana hua

vafā tum se kareñge dukh saheñge naaz uThā.eñge

jise aatā hai dil denā use har kaam aatā hai

wafa tum se karenge dukh sahenge naz uThaenge

jise aata hai dil dena use har kaam aata hai

bholī bātoñ pe terī dil ko yaqīñ

pahle aatā thā ab nahīñ aatā

bholi baaton pe teri dil ko yaqin

pahle aata tha ab nahin aata

daf.atan tark-e-ta.alluq meñ bhī rusvā.ī hai

uljhe dāman ko chhuḌāte nahīñ jhaTkā de kar

dafatan tark-e-talluq mein bhi ruswai hai

uljhe daman ko chhuDate nahin jhaTka de kar

had se Takrātī hai jo shai vo palaTtī hai zarūr

ḳhud bhī ro.eñge ġharīboñ ko rulāne vaale

had se Takraati hai jo shai wo palaTti hai zarur

KHud bhi roenge gharibon ko rulane wale

phir chāhe to na aanā o aan baan vaale

jhūTā va.ada kar le sachchī zabān vaale

phir chahe to na aana o aan ban wale

jhuTa hi wada kar le sachchi zaban wale

ḳhamoshī merī ma.anī-ḳhez thī ai aarzū kitnī

ki jis ne jaisā chāhā vaisā afsāna banā Daalā

KHamoshi meri mani-KHez thi ai aarzu kitni

ki jis ne jaisa chaha waisa afsana bana Dala

dil zid is liye rakh thī ki aa jaa.e qarār

kal ye kuchh aur kahegā mujhe ma.alūm na thā

dil ki zid is liye rakh li thi ki aa jae qarar

kal ye kuchh aur kahega mujhe malum na tha

tere to Dhañg haiñ yahī apnā banā ke chhoḌ de

vo bhī burā hai bāvlā tujh ko jo ke chhoḌ de

tere to Dhang hain yahi apna bana ke chhoD de

wo bhi bura hai bawla tujh ko jo pa ke chhoD de

kah ke ye aur kuchh kahā na gayā

ki mujhe aap se shikāyat hai

kah ke ye aur kuchh kaha na gaya

ki mujhe aap se shikayat hai

mohabbat nek-o-bad ko sochne de ġhair-mumkin hai

baḌhī jab be-ḳhudī phir kaun Dartā hai gunāhoñ se

mohabbat nek-o-bad ko sochne de ghair-mumkin hai

baDhi jab be-KHudi phir kaun Darta hai gunahon se

jis qadar nafrat baḌhā.ī utnī qurbat baḌhī

ab jo mahfil meñ nahīñ hai vo tumhāre dil meñ hai

jis qadar nafrat baDhai utni hi qurbat baDhi

ab jo mahfil mein nahin hai wo tumhaare dil mein hai

mohabbat vahīñ tak hai sachchī mohabbat

jahāñ tak koī ahd-o-paimāñ nahīñ hai

mohabbat wahin tak hai sachchi mohabbat

jahan tak koi ahd-o-paiman nahin hai

kuchh to mil jaa.e lab-e-shīrīñ se

zahr khāne ijāzat sahī

kuchh to mil jae lab-e-shirin se

zahr khane ki ijazat hi sahi

'ārzū' jaam lo jhijak kaisī

lo aur dahshat-e-gunāh ga.ī

'arzu' jam lo jhijak kaisi

pi lo aur dahshat-e-gunah gai

do tund havāoñ par buniyād hai tūfāñ

tum na hasīñ hote meñ na javāñ hotā

do tund hawaon par buniyaad hai tufan ki

ya tum na hasin hote ya mein na jawan hota

dost ne dil ko toḌ ke naqsh-e-vafā miTā diyā

samjhe the ham jise ḳhalīl ka.aba usī ne Dhā diyā

dost ne dil ko toD ke naqsh-e-wafa miTa diya

samjhe the hum jise KHalil kaba usi ne Dha diya

kuchh kahte kahte ishāroñ meñ sharmā ke kisī rah jaanā

vo merā samajh kar kuchh kuchh jo kahnā na thā sab kah jaanā

kuchh kahte kahte ishaaron mein sharma ke kisi ka rah jaana

wo mera samajh kar kuchh ka kuchh jo kahna na tha sab kah jaana

haath se kis ne sāġhar paTkā mausam be-kaifī par

itnā barsā TuuT ke bādal Duub chalā mai-ḳhāna bhī

hath se kis ne saghar paTka mausam ki be-kaifi par

itna barsa TuT ke baadal Dub chala mai-KHana bhi

shauq chaḌhtī dhuup jaatā vaqt ghaTtī chhāñv hai

bā-vafā jo aaj haiñ kal be-vafā ho jā.eñge

shauq chaDhti dhup jata waqt ghaTti chhanw hai

ba-wafa jo aaj hain kal be-wafa ho jaenge

kis kaam aisī sachchā.ī jo toḌ de ummīdeñ dil

thoḌī tasallī ho to ga.ī maanā ki vo bol ke jhuuT gayā

kis kaam ki aisi sachchai jo toD de ummiden dil ki

thoDi si tasalli ho to gai mana ki wo bol ke jhuT gaya

ḳhizāñ bhes banā kar bahār ne maarā

mujhe do-rañgī-e-lail-o-nahār ne maarā

KHizan ka bhes bana kar bahaar ne mara

mujhe do-rangi-e-lail-o-nahaar ne mara

har nafas ik sharāb ho ghūñT

zindagānī harām hai varna

har nafas ek sharab ka ho ghunT

zindagani haram hai warna

ma.asūm nazar bholā-pan lalchā ke lubhānā kyā jaane

dil aap nishāna bantā hai vo tiir chalānā kyā jaane

masum nazar ka bhola-pan lalcha ke lubhana kya jaane

dil aap nishana banta hai wo tir chalana kya jaane

khilnā kahīñ chhupā bhī hai chāhat ke phuul

ghar meñ saañs aur galī tak mahak ga.ī

khilna kahin chhupa bhi hai chahat ke phul ka

li ghar mein sans aur gali tak mahak gai

jo kuchh thā na kahne sab kah gayā dīvāna

samho to mukammal hai ab ishq afsāna

jo kuchh tha na kahne ka sab kah gaya diwana

samho to mukammal hai ab ishq ka afsana

ye gul khil rahā hai vo murjhā rahā hai

asar do tarah ke havā ek hai

ye gul khil raha hai wo murjha raha hai

asar do tarah ke hawa ek hi hai

barsoñ bhaTkā kiyā aur phir bhī na un tak pahuñchā

ghar to ma.alūm thā rasta mujhe ma.alūm na thā

barson bhaTka kiya aur phir bhi na un tak pahuncha

ghar to malum tha rasta mujhe malum na tha

ham ko itnā bhī rihā.ī ḳhushī meñ nahīñ hosh

TuuTī zanjīr ki ḳhud paañv hamārā TuuTā

hum ko itna bhi rihai ki KHushi mein nahin hosh

TuTi zanjir ki KHud panw hamara TuTa

rāhbar rahzan na ban jaa.e kahīñ is soch meñ

chup khaḌā huuñ bhuul kar raste meñ manzil patā

rahbar rahzan na ban jae kahin is soch mein

chup khaDa hun bhul kar raste mein manzil ka pata

har saañs hai ik naġhma har naġhma hai mastāna

kis darja dukhe dil rañgīn hai afsāna

har sans hai ek naghma har naghma hai mastana

kis darja dukhe dil ka rangin hai afsana

jo kaan lagā kar sunte haiñ kyā jāneñ rumūz mohabbat ke

ab hoñT nahīñ hilne paate aur pahroñ bāteñ hotī haiñ

jo kan laga kar sunte hain kya jaanen rumuz mohabbat ke

ab honT nahin hilne pate aur pahron baaten hoti hain

nazar bachā ke jo aañsū kiye the maiñ ne paak

ḳhabar na thī yahī dhabbe baneñge dāman ke

nazar bacha ke jo aansu kiye the main ne pak

KHabar na thi yahi dhabbe banenge daman ke

javāb dene ke badle vo shakl dekhte haiñ

ye kyā huā mere chehre ko arz-e-hāl ke ba.ad

jawab dene ke badle wo shakl dekhte hain

ye kya hua mere chehre ko arz-e-haal ke baad

vaa.e ġhurbat ki hue jis ke liye ḳhāna-ḳharāb

sun ke āvāz bhī ghar se na vo bāhar niklā

wae ghurbat ki hue jis ke liye KHana-KHarab

sun ke aawaz bhi ghar se na wo bahar nikla

ḳhamosh jalne dil ke koī gavāh nahīñ

ki sho.ala surḳh nahīñ hai dhuāñ siyāh nahīñ

KHamosh jalne ka dil ke koi gawah nahin

ki shoala surKH nahin hai dhuan siyah nahin

sukūn-e-dil nahīñ jis vaqt se us bazm meñ aa.e

zarā chiiz ghabrāhaT meñ kyā jaane kahāñ rakh

sukun-e-dil nahin jis waqt se us bazm mein aae

zara si chiz ghabrahaT mein kya jaane kahan rakh di

mujhe rahne ko vo milā hai ghar ki jo āfatoñ hai rahguzar

tumheñ ḳhāksāroñ kyā ḳhabar kabhī nīche utre ho baam se

mujhe rahne ko wo mila hai ghar ki jo aafaton ki hai rahguzar

tumhein KHaksaron ki kya KHabar kabhi niche utre ho baam se

chaTkī jo kalī koyal kuukī ulfat kahānī ḳhatm huī

kyā kis ne kahī kyā ne sunī ye baat zamāna kyā jaane

chaTki jo kali koyal kuki ulfat ki kahani KHatm hui

kya kis ne kahi kya tu ne suni ye baat zamana kya jaane

apnī apnī gardish-e-raftār puurī kar to leñ

do sitāre phir kisī din ek ho jā.eñge

apni apni gardish-e-raftar puri kar to len

do sitare phir kisi din ek ja ho jaenge

dekheñ mahshar meñ un se kyā Thahre

the vahī but vahī ḳhudā Thahre

dekhen mahshar mein un se kya Thahre

the wahi but wahi KHuda Thahre

dhāre se kabhī kashtī na haTī aur sīdhī ghaaT par aa pahuñchī

sab bahte hue dariyāoñ ke kyā do kināre hote haiñ

dhaare se kabhi kashti na haTi aur sidhi ghaT par aa pahunchi

sab bahte hue dariyaon ke kya do hi kinare hote hain

husn o ishq laag meñ aksar chheḌ udhar se hotī hai

sham.a sho.ala jab lahrā.ī uḌ ke chalā parvāna bhī

husn o ishq ki lag mein aksar chheD udhar se hoti hai

shama ki shoala jab lahrai uD ke chala parwana bhi

siine meñ zabt-e-ġham se chhālā ubhar rahā hai

sho.ale ko band kar ke paanī banā rahe haiñ

sine mein zabt-e-gham se chhaala ubhar raha hai

shoale ko band kar ke pani bana rahe hain