kaise ākāsh meñ sūrāḳh nahīñ ho saktā

ek patthar to tabī.at se uchhālo yaaro

kaise aakash mein suraKH nahin ho sakta

ek patthar to tabiat se uchhaalo yaro

mere siine meñ nahīñ to tere siine meñ sahī

ho kahīñ bhī aag lekin aag jalnī chāhiye

mere sine mein nahin to tere sine mein sahi

ho kahin bhi aag lekin aag jalni chahiye

kahāñ to tai thā charāġhāñ har ek ghar ke liye

kahāñ charāġh mayassar nahīñ shahar ke liye

kahan to tai tha charaghan har ek ghar ke liye

kahan charagh mayassar nahin shahar ke liye

tumhāre paaoñ ke nīche koī zamīn nahīñ

kamāl ye hai ki phir bhī tumheñ yaqīn nahīñ

tumhaare paon ke niche koi zamin nahin

kamal ye hai ki phir bhi tumhein yaqin nahin

zindagī jab azaab hotī hai

āshiqī kāmyāb hotī hai

zindagi jab azab hoti hai

aashiqi kaamyab hoti hai

sirf hañgāma khaḌā karnā mirā maqsad nahīñ

merī koshish hai ki ye sūrat badalnī chāhiye

sirf hangama khaDa karna mera maqsad nahin

meri koshish hai ki ye surat badalni chahiye

ek aadat sī ban ga.ī hai tū

aur aadat kabhī nahīñ jaatī

ek aadat si ban gai hai tu

aur aadat kabhi nahin jati

ye saarā jism jhuk kar bojh se dohrā huā hogā

maiñ sajde meñ nahīñ thā aap ko dhokā huā hogā

ye sara jism jhuk kar bojh se dohra hua hoga

main sajde mein nahin tha aap ko dhoka hua hoga

nazar-navāz nazāra badal na jaa.e kahīñ

zarā sī baat hai muñh se nikal na jaa.e kahīñ

nazar-nawaz nazara badal na jae kahin

zara si baat hai munh se nikal na jae kahin

lahū-luhān nazāroñ kā zikr aayā to

sharīf log uThe duur jā ke baiTh ga.e

lahu-luhan nazaron ka zikr aaya to

sharif log uThe dur ja ke baiTh gae

yahāñ tak aate aate suukh jaatī hai ka.ī nadiyāñ

mujhe ma.alūm hai paanī kahāñ Thahrā huā hogā

yahan tak aate aate sukh jati hai kai nadiyan

mujhe malum hai pani kahan Thahra hua hoga

tū kisī rail sī guzartī hai

maiñ kisī pul sā thartharātā huuñ

tu kisi rail si guzarti hai

main kisi pul sa thartharaata hun

ho ga.ī hai piir parvat sī pighalnī chāhiye

is himāle se koī gañgā nikalnī chāhiye

ho gai hai pir parwat si pighalni chahiye

is himale se koi ganga nikalni chahiye

maiñ jise oḌhtā bichhātā huuñ

vo ġhazal aap ko sunātā huuñ

main jise oDhta bichhata hun

wo ghazal aap ko sunata hun

vo aadmī nahīñ hai mukammal bayān hai

māthe pe us ke choT kā gahrā nishān hai

wo aadmi nahin hai mukammal bayan hai

mathe pe us ke choT ka gahra nishan hai

na ho qamīz to paañv se peT Dhak leñge

ye log kitne munāsib haiñ is safar ke liye

na ho qamiz to panw se peT Dhak lenge

ye log kitne munasib hain is safar ke liye

ab to is tālāb kā paanī badal do

ye kañval ke phuul kumhlāne lage haiñ

ab to is talab ka pani badal do

ye kanwal ke phul kumhlane lage hain

ye soch kar ki daraḳhtoñ meñ chhāñv hotī hai

yahāñ babūl ke saa.e meñ aa ke baiTh ga.e

ye soch kar ki daraKHton mein chhanw hoti hai

yahan babul ke sae mein aa ke baiTh gae

maslahat-āmez hote haiñ siyāsat ke qadam

tū na samjhegā siyāsat tū abhī nādān hai

maslahat-amez hote hain siyasat ke qadam

tu na samjhega siyasat tu abhi nadan hai

ye log homo-havan meñ yaqīn rakhte haiñ

chalo yahāñ se chaleñ haath jal na jaa.e kahīñ

ye log homo-hawan mein yaqin rakhte hain

chalo yahan se chalen hath jal na jae kahin

ek qabristān meñ ghar mil rahā hai

jis meñ tah-ḳhānoñ se tah-ḳhāne lage haiñ

ek qabristan mein ghar mil raha hai

jis mein tah-KHanon se tah-KHane lage hain

tirā nizām hai sil de zabān-e-shā.er ko

ye ehtiyāt zarūrī hai is bahar ke liye

tera nizam hai sil de zaban-e-shaer ko

ye ehtiyat zaruri hai is bahar ke liye