Firaq Gorakhpuri's Photo'

Firaq Gorakhpuri

1896 - 1982 | Allahabad, India

One of the most influential Pre-modern poets who paved the way for the modern Urdu ghazal. Known for his perceptive critical comments. Recipient of Gyanpeeth award.

One of the most influential Pre-modern poets who paved the way for the modern Urdu ghazal. Known for his perceptive critical comments. Recipient of Gyanpeeth award.

aa.e the hañste khelte mai-ḳhāne meñ 'firāq'

jab chuke sharāb to sanjīda ho ga.e

we came to the tavern all gay and frolicsome

now having drunk the wine, somber have become

aae the hanste khelte mai-KHane mein 'firaq'

jab pi chuke sharab to sanjida ho gae

we came to the tavern all gay and frolicsome

now having drunk the wine, somber have become

āñkhoñ meñ jo baat ho ga.ī hai

ik sharh-e-hayāt ho ga.ī hai

aankhon mein jo baat ho gai hai

ek sharh-e-hayat ho gai hai

aaj āġhosh meñ thā aur koī

der tak ham tujhe na bhuul sake

aaj aaghosh mein tha aur koi

der tak hum tujhe na bhul sake

aaj bahut udaas huuñ

yuuñ koī ḳhaas ġham nahīñ

aaj bahut udas hun

yun koi KHas gham nahin

aaj tak sub.h-e-azal se vahī sannāTā hai

ishq ghar kabhī sharminda-e-mehmāñ na huā

aaj tak subh-e-azal se wahi sannaTa hai

ishq ka ghar kabhi sharminda-e-mehman na hua

aane vaalī nasleñ tum par faḳhr kareñgī ham-asro

jab bhī un ko dhyān aa.egā tum ne 'firāq' ko dekhā hai

aane wali naslen tum par faKHr karengi ham-asro

jab bhi un ko dhyan aaega tum ne 'firaq' ko dekha hai

ab to un yaad bhī aatī nahīñ

kitnī tanhā ho ga.iiñ tanhā.iyāñ

nowadays even her thoughts do not intrude

see how forlorn and lonely is my solitude

ab to un ki yaad bhi aati nahin

kitni tanha ho gain tanhaiyan

nowadays even her thoughts do not intrude

see how forlorn and lonely is my solitude

ab yād-e-raftagāñ bhī himmat nahīñ rahī

yāroñ ne kitnī duur basā.ī haiñ bastiyāñ

ab yaad-e-raftagan ki bhi himmat nahin rahi

yaron ne kitni dur basai hain bastiyan

abhī to kuchh ḳhalish ho rahī hai chand kāñToñ se

inhīñ talvoñ meñ ik din jazb kar lūñgā bayābāñ ko

abhi to kuchh KHalish si ho rahi hai chand kanTon se

inhin talwon mein ek din jazb kar lunga bayaban ko

ahbāb se rakhtā huuñ kuchh ummīd-e-ḳhurāfāt

rahte haiñ ḳhafā mujh se bahut log isī se

ahbab se rakhta hun kuchh ummid-e-KHurafat

rahte hain KHafa mujh se bahut log isi se

ahl-e-ġham tum ko mubārak ho fanā-āmādgī

lekin īsār-e-mohabbat jaan de denā nahīñ

ahl-e-gham tum ko mubarak ho fana-amadgi

lekin isar-e-mohabbat jaan de dena nahin

ai bhuul na sakne vaale tujh ko

bhūle na raheñ to kyā kareñ ham

ai bhul na sakne wale tujh ko

bhule na rahen to kya karen hum

ai mazāhib ke ḳhudā terī mashiyyat jo bhī ho

ishq ko dīgar ḳhudā dīgar mashiyyat chāhiye

ai mazahib ke KHuda teri mashiyyat jo bhi ho

ishq ko digar KHuda digar mashiyyat chahiye

ai soz-e-ishq ne mujhe kyā banā diyā

merī har ek saañs munājāt ho ga.ī

ai soz-e-ishq tu ne mujhe kya bana diya

meri har ek sans munajat ho gai

aql meñ yuuñ to nahīñ koī kamī

ik zarā dīvāngī darkār hai

aql mein yun to nahin koi kami

ek zara diwangi darkar hai

asar bhī le rahā huuñ terī chup

tujhe qaa.il bhī kartā rahā huuñ

asar bhi le raha hun teri chup ka

tujhe qail bhi karta ja raha hun

bad-gumāñ ho ke mil ai dost jo milnā hai tujhe

ye jhijhakte hue milnā koī milnā bhī nahīñ

bad-guman ho ke mil ai dost jo milna hai tujhe

ye jhijhakte hue milna koi milna bhi nahin

bahseñ chhiḌī huī haiñ hayāt o mamāt

sau baat ban ga.ī hai 'firāq' ek baat

bahsen chhiDi hui hain hayat o mamat ki

sau baat ban gai hai 'firaq' ek baat ki

bahut dinoñ meñ mohabbat ko ye huā ma.alūm

jo tere hijr meñ guzrī vo raat raat huī

bahut dinon mein mohabbat ko ye hua malum

jo tere hijr mein guzri wo raat raat hui

bahut hasīn hai doshīzgī-e-husn magar

ab aa ga.e ho to aao tumheñ ḳharāb kareñ

bahut hasin hai doshizgi-e-husn magar

ab aa gae ho to aao tumhein KHarab karen

bahut pahle se un qadmoñ aahaT jaan lete haiñ

tujhe ai zindagī ham duur se pahchān lete haiñ

bahut pahle se un qadmon ki aahaT jaan lete hain

tujhe ai zindagi hum dur se pahchan lete hain

be-ḳhudī meñ ik ḳhalish bhī na ho aisā nahīñ

na aa.e yaad lekin maiñ tujhe bhūlā nahīñ

be-KHudi mein ek KHalish si bhi na ho aisa nahin

tu na aae yaad lekin main tujhe bhula nahin

chhalak ke kam na ho aisī koī sharāb nahīñ

nigāh-e-nargis-e-ra.anā tirā javāb nahīñ

chhalak ke kam na ho aisi koi sharab nahin

nigah-e-nargis-e-rana tera jawab nahin

chup ho ga.e tere rone vaale

duniyā ḳhayāl aa gayā hai

chup ho gae tere rone wale

duniya ka KHayal aa gaya hai

chupke chupke uTh rahā hai madh-bhare sīnoñ meñ dard

dhīme dhīme chal rahī haiñ ishq purvā.iyāñ

chupke chupke uTh raha hai madh-bhare sinon mein dard

dhime dhime chal rahi hain ishq ki purwaiyan

dekh raftār-e-inqalāb 'firāq'

kitnī āhista aur kitnī tez

dekh raftar-e-inqalab 'firaq'

kitni aahista aur kitni tez

devtāoñ ḳhudā se hogā kaam

aadmī ko aadmī darkār hai

dewtaon ka KHuda se hoga kaam

aadmi ko aadmi darkar hai

dil-dukhe ro.e haiñ shāyad is jagah ai kū-e-dost

ḳhaak itnā chamak jaanā zarā dushvār thā

dil-dukhe roe hain shayad is jagah ai ku-e-dost

KHak ka itna chamak jaana zara dushwar tha

dil-e-ġham-ghīñ kuchh mahvīyyateñ aisī bhī hotī haiñ

ki terī yaad aanā bhī aise meñ khaTaktā hai

dil-e-gham-ghin ki kuchh mahwiyyaten aisi bhi hoti hain

ki teri yaad ka aana bhi aise mein khaTakta hai

dil-e-vārufta-e-dīdār allāh re mahviyyat

tasavvur meñ tire vo terī sūrat bhuul jaatā hai

dil-e-warufta-e-didar ki allah re mahwiyyat

tasawwur mein tere wo teri surat bhul jata hai

duniyā thī rahguzar to qadam mārnā thā sahl

manzil huī to paañv zanjīr ho ga.ī

duniya thi rahguzar to qadam marna tha sahl

manzil hui to panw ki zanjir ho gai

ek muddat se tirī yaad bhī aa.ī na hameñ

aur ham bhuul ga.e hoñ tujhe aisā bhī nahīñ

ek muddat se teri yaad bhi aai na hamein

aur hum bhul gae hon tujhe aisa bhi nahin

ek rañgīnī-e-zāhir hai gulistāñ meñ agar

ek shādābī-e-pinhāñ hai bayābānoñ meñ

ek rangini-e-zahir hai gulistan mein agar

ek shadabi-e-pinhan hai bayabanon mein

fareb-e-ahd-e-mohabbat sādgī qasam

vo jhuuT bol ki sach ko bhī pyaar aa jaa.e

fareb-e-ahd-e-mohabbat ki sadgi ki qasam

wo jhuT bol ki sach ko bhi pyar aa jae

farsh-e-mai-ḳhāna pe jalte chale jaate haiñ charāġh

dīdanī hai tirī āhista-ravī ai saaqī

farsh-e-mai-KHana pe jalte chale jate hain charagh

didani hai teri aahista-rawi ai saqi

fazā tabassum-e-sub.h-e-bahār thī lekin

pahuñch ke manzil-e-jānāñ pe aañkh bhar aa.ī

faza tabassum-e-subh-e-bahaar thi lekin

pahunch ke manzil-e-jaanan pe aankh bhar aai

'firāq' dauḌ ga.ī ruuh zamāne meñ

kahāñ dard bharā thā mire fasāne meñ

'firaq' dauD gai ruh si zamane mein

kahan ka dard bhara tha mere fasane mein

'ġhālib' o 'mīr' 'mus.hafī'

ham bhī 'firāq' kam nahīñ

'ghaalib' o 'mir' 'mushafi'

hum bhi 'firaq' kam nahin

ġharaz ki kaaT diye zindagī ke din ai dost

vo terī yaad meñ hoñ tujhe bhulāne meñ

gharaz ki kaT diye zindagi ke din ai dost

wo teri yaad mein hon ya tujhe bhulane mein

ham se kyā ho sakā mohabbat meñ

ḳhair tum ne to bevafā.ī

hum se kya ho saka mohabbat mein

KHair tum ne to bewafai ki

ham-āhañgī bhī terī dūrī-e-qurbat-numā niklī

ki tujh se mil ke bhī tujh se mulāqāteñ nahīñ hotīñ

ham-ahangi bhi teri duri-e-qurbat-numa nikli

ki tujh se mil ke bhi tujh se mulaqaten nahin hotin

hazār baar zamāna idhar se guzrā hai

na.ī na.ī hai kuchh terī rahguzar phir bhī

hazar bar zamana idhar se guzra hai

nai nai si hai kuchh teri rahguzar phir bhi

ik fusūñ-sāmāñ nigāh-e-āshnā der thī

is bharī duniyā meñ ham tanhā nazar aane lage

ek fusun-saman nigah-e-ashna ki der thi

is bhari duniya mein hum tanha nazar aane lage

ik umr kaT ga.ī hai tire intizār meñ

aise bhī haiñ ki kaT na sakī jin se ek raat

ek umr kaT gai hai tere intizar mein

aise bhi hain ki kaT na saki jin se ek raat

ikkā-dukkā sadā-e-zanjīr

zindāñ meñ raat ho ga.ī hai

ikka-dukka sada-e-zanjir

zindan mein raat ho gai hai

ināyat karam lutf āḳhir koī had hai

koī kartā rahegā chāra-e-zaḳhm-e-jigar kab tak

inayat ki karam ki lutf ki aaKHir koi had hai

koi karta rahega chaara-e-zaKHm-e-jigar kab tak

is daur meñ zindagī bashar

bīmār raat ho ga.ī hai

is daur mein zindagi bashar ki

bimar ki raat ho gai hai

is zulf ārāsta pairāsta

ik zarā barhamī darkār hai

is ki zulf aarasta pairasta

ek zara si barhami darkar hai

is pursish-e-karam pe to aañsū nikal paḌe

kyā vahī ḳhulūs sarāpā hai aaj bhī

is pursish-e-karam pe to aansu nikal paDe

kya tu wahi KHulus sarapa hai aaj bhi

ishq ab bhī hai vo mahram-e-be-gāna-numā

husn yuuñ laakh chhupe laakh numāyāñ ho jaa.e

ishq ab bhi hai wo mahram-e-be-gana-numa

husn yun lakh chhupe lakh numayan ho jae

Added to your favorites

Removed from your favorites