ham tumhāre to har tarah se haiñ

aur kisī ke kisī tarah bhī nahīñ

hum tumhaare to har tarah se hain

aur kisi ke kisi tarah bhi nahin

tumhāre saath hone se mujhe taskīn miltī hai

mire hamdam mire dilbar hamāre saath rahnā tum

tumhaare sath hone se mujhe taskin milti hai

mere hamdam mere dilbar hamare sath rahna tum

apnī ammī ko mohabbat se jo dekhā maiñ ne

puurī jannat mirī āñkhoñ meñ simaT aa.ī hai

apni ammi ko mohabbat se jo dekha main ne

puri jannat meri aankhon mein simaT aai hai

dariyā ne shart bāñdhī thī qīmat pe pyaas kī

ham ne bhī jaan de dī magar tishnagī na dī

dariya ne shart bandhi thi qimat pe pyas ki

hum ne bhi jaan de di magar tishnagi na di

qayādat phir se paane ko hai ye allāma kā nusḳha

sabaq paḌh le adālat ke sadāqat ke shujā.at ke

qayaadat phir se pane ko hai ye allama ka nusKHa

sabaq paDh le adalat ke sadaqat ke shujaat ke