ہنسی تھمی ہے ان آنکھوں میں یوں نمی کی طرح

چمک اٹھے ہیں اندھیرے بھی روشنی کی طرح

آبلہ پا کوئی اس دشت میں آیا ہوگا

ورنہ آندھی میں دیا کس نے جلایا ہوگا

یوں تیری رہ گزر سے دیوانہ وار گزرے

کاندھے پہ اپنے رکھ کے اپنا مزار گزرے

آغاز تو ہوتا ہے انجام نہیں ہوتا

جب میری کہانی میں وہ نام نہیں ہوتا

عیادت ہوتی جاتی ہے عبادت ہوتی جاتی ہے

مرے مرنے کی دیکھو سب کو عادت ہوتی جاتی ہے

یہ نہ سوچو کل کیا ہو

کون کہے اس پل کیا ہو

چاند تنہا ہے آسماں تنہا

دل ملا ہے کہاں کہاں تنہا

عیادت کو آئے شفا ہو گئی

مری روح تن سے جدا ہو گئی

آنکھوں کو دیکھتے ہی بولے

بن پئے کوئی مدہوش آیا

جب چاہا اقرار کیا ہے جب چاہا انکار کیا

دیکھو ہم نے خود ہی سے یہ کیسا انوکھا پیار کیا

تیرے قدموں کی آہٹ کو یہ دل ہے ڈھونڈتا ہر دم

ہر اک آواز پر اک تھرتھراہٹ ہوتی جاتی ہے

کہیں کہیں کوئی تارہ کہیں کہیں جگنو

جو میری رات تھی وہ آپ کا سویرا ہے

دل توڑ دیا اس نے یہ کہہ کے نگاہوں سے

پتھر سے جو ٹکرائے وہ جام نہیں ہوتا

شمع ہوں پھول ہوں یا ریت پہ قدموں کا نشاں

آپ کو حق ہے مجھے جو بھی جی چاہے کہہ لیں

ہنس ہنس کے جواں دل کے ہم کیوں نہ چنیں ٹکڑے

ہر شخص کی قسمت میں انعام نہیں ہوتا

ان کہی ان سنی سی کچھ باتیں

سونے دن اور یہ سنساں راتیں

اپنا ہی سودا کر بیٹھے

تم سا جو صبا فروش آیا

نہ کوئی شہر نہ رستہ نہ سفر

منتشر ذہن کی الجھی گھاتیں

اب آنکھ کھلی اب ہوش آیا

بہکا سا جب گل پوش آیا

کانچ کے ٹکڑے چنے مگر

تجھ سا وہ بے کل کیا ہو

پوچھتے ہو تو سنو کیسے بسر ہوتی ہے

رات خیرات کی صدقے کی سحر ہوتی ہے