qatl-e-husain asl meñ marg-e-yazīd hai

islām zinda hotā hai har karbalā ke ba.ad

qatl-e-husain asl mein marg-e-yazid hai

islam zinda hota hai har karbala ke baad

saarī duniyā ye samajhtī hai ki saudā.ī hai

ab mirā hosh meñ aanā tirī rusvā.ī hai

sari duniya ye samajhti hai ki saudai hai

ab mera hosh mein aana teri ruswai hai

shikva sayyād kā bejā hai qafas meñ bulbul

yaañ tujhe aap tirā tarz-e-fuġhāñ laayā hai

shikwa sayyaad ka beja hai qafas mein bulbul

yan tujhe aap tera tarz-e-fughan laya hai

vahī din hai hamārī iid kā din

jo tirī yaad meñ guzartā hai

wahi din hai hamari id ka din

jo teri yaad mein guzarta hai

vaqār-e-ḳhūn-e-shahīdān-e-karbalā kī qasam

yazīd morcha jiitā hai jañg haarā hai

waqar-e-KHun-e-shahidan-e-karbala ki qasam

yazid morcha jita hai jang haara hai