دیے اب شہر میں روشن نہیں ہیں

ہوا کی حکمرانی ہو گئی کیا

آوازوں کی بھیڑ میں اتنے شور شرابے میں

اپنی بھی اک رائے رکھنا کتنا مشکل ہے

کبھی تو سرد لگا دوپہر کا سورج بھی

کبھی بدن کے لیے اک کرن زیادہ ہوئی

لفظ بھی جس عہد میں کھو بیٹھے اپنا اعتبار

خامشی کو اس میں کتنا معتبر میں نے کیا

بہ نام امن و اماں کون مارا جائے گا

نہ جانے آج یہاں کون مارا جائے گا

جو بات کی تھی ہوا میں بکھرنے والی تھی

جو خط لکھا تھا وہ پرزوں میں بٹنے والا تھا

سفر کا مرحلۂ سخت ہی غنیمت تھا

ٹھہر گئے تو بدن کی تھکن زیادہ ہوئی

جو یاد یار سے گفت و شنید کر لی ہے

تو گویا پھول سے خوشبو کشید کر لی ہے

حدود وقت کے دروازے منتظر ہیں نسیمؔ

کہ تو یہ فاصلے کر کے عبور دستک دے