Salim Saleem's Photo'

Salim Saleem

1985 | Delhi, India

Prominent upcoming poet.

Prominent upcoming poet.

857
Favorite

SORT BY

apne jaisī koī tasvīr banānī thī mujhe

mire andar se sabhī rañg tumhāre nikle

apne jaisi koi taswir banani thi mujhe

mere andar se sabhi rang tumhaare nikle

maiñ ghaTtā rahā huuñ apne andar

tumheñ itnā ziyāda kar liyā hai

main ghaTta ja raha hun apne andar

tumhein itna ziyaada kar liya hai

chaTaḳh ke TuuT ga.ī hai to ban ga.ī āvāz

jo mere siine meñ ik roz ḳhāmushī huī thī

chaTaKH ke TuT gai hai to ban gai aawaz

jo mere sine mein ek roz KHamushi hui thi

ik barf jamī rahe dīvār-o-bām par

ik aag mere kamre ke andar lagī rahe

ek barf si jami rahe diwar-o-baam par

ek aag mere kamre ke andar lagi rahe

ye kaisī aag hai mujh meñ ki ek muddat se

tamāsha dekh rahā huuñ maiñ apne jalne

ye kaisi aag hai mujh mein ki ek muddat se

tamasha dekh raha hun main apne jalne ka

zindagī ne jo kahīñ nahīñ rakkhā mujh ko

ab mujhe zid hai ki barbād kiyā jaa.e use

zindagi ne jo kahin ka nahin rakkha mujh ko

ab mujhe zid hai ki barbaad kiya jae use

vo duur thā to bahut hasrateñ thiiñ paane

vo mil gayā hai to chāhtā hai khone ko

wo dur tha to bahut hasraten thin pane ki

wo mil gaya hai to ji chahta hai khone ko

aa rahā hogā vo dāman se havā bāñdhe hue

aaj ḳhushbū ko pareshān kiyā jā.egā

aa raha hoga wo daman se hawa bandhe hue

aaj KHushbu ko pareshan kiya jaega

tumhārī aag meñ ḳhud ko jalāyā thā jo ik shab

abhī tak mere kamre meñ dhuāñ phailā huā hai

tumhaari aag mein KHud ko jalaya tha jo ek shab

abhi tak mere kamre mein dhuan phaila hua hai

kitnā mushkil ho gayā huuñ hijr meñ us ke so vo

mere paas aa.egā aur āsān kar degā mujhe

kitna mushkil ho gaya hun hijr mein us ke so wo

mere pas aaega aur aasan kar dega mujhe

kyā ho gayā ki baiTh ga.ī ḳhaak bhī mirī

kyā baat hai ki apne uupar khaḌā huuñ maiñ

kya ho gaya ki baiTh gai KHak bhi meri

kya baat hai ki apne hi upar khaDa hun main

merī miTTī meñ koī aag lag jaatī hai

jo bhaḌaktī hai tire chhiḌke hue paanī se

meri miTTi mein koi aag si lag jati hai

jo bhaDakti hai tere chhiDke hue pani se

ab is ke baad kuchh bhī nahīñ iḳhtiyār meñ

vo jabr thā ki ḳhud ko ḳhudā kar chuke haiñ ham

ab is ke baad kuchh bhi nahin iKHtiyar mein

wo jabr tha ki KHud ko KHuda kar chuke hain hum

tamām bichhḌe huoñ ko milāo aaj raat

tamām kho.e huoñ ko ishārā kar ke laao

tamam bichhDe huon ko milao aaj ki raat

tamam khoe huon ko ishaara kar ke lao

maiñ aap apne andheroñ meñ baiTh jaatā huuñ

phir is ke baad koī shai chamaktī rahtī hai

main aap apne andheron mein baiTh jata hun

phir is ke baad koi shai chamakti rahti hai

charāġh-e-ishq badan se lagā thā kuchh aisā

maiñ bujh ke rah gayā us ko havā banāne meñ

charagh-e-ishq badan se laga tha kuchh aisa

main bujh ke rah gaya us ko hawa banane mein

bhare bāzār meñ baiThā huuñ liye jins-e-vajūd

shart ye hai ki mirī ḳhaak qīmat jaa.e

bhare bazar mein baiTha hun liye jins-e-wajud

shart ye hai ki meri KHak ki qimat di jae

bujhā rakhe haiñ ye kis ne sabhī charāġh-e-havas

zarā jhāñk ke dekheñ kahīñ havā na ho

bujha rakhe hain ye kis ne sabhi charagh-e-hawas

zara sa jhank ke dekhen kahin hawa hi na ho

hijr ke din to hue ḳhatm baḌī dhuum ke saath

vasl raat hai kyuuñ marsiya-ḳhvānī kareñ ham

hijr ke din to hue KHatm baDi dhum ke sath

wasl ki raat hai kyun marsiya-KHwani karen hum

na jaane kaisī girānī uThā.e phirtā huuñ

na jaane kyā mire kāñdhe pe sar rahtā hai

na jaane kaisi girani uThae phirta hun

na jaane kya mere kandhe pe sar sa rahta hai

jo ek dam meñ tamām rūhoñ ko ḳhaak kar de

badan se uḌtā huā ik aisā sharār dekhūñ

jo ek dam mein tamam ruhon ko KHak kar de

badan se uDta hua ek aisa sharar dekhun

juz hamāre kaun āḳhir dekhtā is kaam ko

ruuh ke andar koī kār-e-badan hotā huā

juz hamare kaun aaKHir dekhta is kaam ko

ruh ke andar koi kar-e-badan hota hua