Shad Azimabadi's Photo'

شاد عظیم آبادی

1846 - 1927 | پٹنہ, ہندوستان

ممتاز ترین قبل از جدید شاعروں میں نمایاں

ممتاز ترین قبل از جدید شاعروں میں نمایاں

اب بھی اک عمر پہ جینے کا نہ انداز آیا

زندگی چھوڑ دے پیچھا مرا میں باز آیا

اے شوق پتا کچھ تو ہی بتا اب تک یہ کرشمہ کچھ نہ کھلا

ہم میں ہے دل بے تاب نہاں یا آپ دل بے تاب ہیں ہم

اجل بھی ٹل گئی دیکھی گئی حالت نہ آنکھوں سے

شب غم میں مصیبت سی مصیبت ہم نے جھیلی ہے

بھرے ہوں آنکھ میں آنسو خمیدہ گردن ہو

تو خامشی کو بھی اظہار مدعا کہیے

چمن میں جا کے ہم نے غور سے اوراق گل دیکھے

تمہارے حسن کی شرحیں لکھی ہیں ان رسالوں میں

ڈھونڈوگے اگر ملکوں ملکوں ملنے کے نہیں نایاب ہیں ہم

جو یاد نہ آئے بھول کے پھر اے ہم نفسو وہ خواب ہیں ہم

دل اپنی طلب میں صادق تھا گھبرا کے سوئے مطلوب گیا

دریا سے یہ موتی نکلا تھا دریا ہی میں جا کر ڈوب گیا

دل مضطر سے پوچھ اے رونق بزم

میں خود آیا نہیں لایا گیا ہوں

ایک ستم اور لاکھ ادائیں اف ری جوانی ہائے زمانے

ترچھی نگاہیں تنگ قبائیں اف ری جوانی ہائے زمانے

ہزار شکر میں تیرے سوا کسی کا نہیں

ہزار حیف کہ اب تک ہوا نہ تو میرا

ہوں اس کوچے کے ہر ذرے سے آگاہ

ادھر سے مدتوں آیا گیا ہوں

اظہار مدعا کا ارادہ تھا آج کچھ

تیور تمہارے دیکھ کے خاموش ہو گیا

thoughI had intended my feelings to convey

seeing your disposition, I did not dare to say

thoughI had intended my feelings to convey

seeing your disposition, I did not dare to say

جب کسی نے حال پوچھا رو دیا

چشم تر تو نے تو مجھ کو کھو دیا

جیسے مری نگاہ نے دیکھا نہ ہو کبھی

محسوس یہ ہوا تجھے ہر بار دیکھ کر

جیتے جی ہم تو غم فردا کی دھن میں مر گئے

کچھ وہی اچھے ہیں جو واقف نہیں انجام سے

جو تنگ آ کر کسی دن دل پہ ہم کچھ ٹھان لیتے ہیں

ستم دیکھو کہ وہ بھی چھوٹتے پہچان لیتے ہیں

کہاں سے لاؤں صبر حضرت ایوب اے ساقی

خم آئے گا صراحی آئے گی تب جام آئے گا

کہتے ہیں اہل ہوش جب افسانہ آپ کا

ہنستا ہے دیکھ دیکھ کے دیوانہ آپ کا

کون سی بات نئی اے دل ناکام ہوئی

شام سے صبح ہوئی صبح سے پھر شام ہوئی

o luckless heart what was new today you tell me pray

day first turned into night, then night turned into day

o luckless heart what was new today you tell me pray

day first turned into night, then night turned into day

خاروں سے یہ کہہ دو کہ گل تر سے نہ الجھیں

سیکھے کوئی انداز شریفانہ ہمارا

خموشی سے مصیبت اور بھی سنگین ہوتی ہے

تڑپ اے دل تڑپنے سے ذرا تسکین ہوتی ہے

silence only intensifies one's grief

cry out heart and you will find relief

silence only intensifies one's grief

cry out heart and you will find relief

کچھ ایسا کر کہ خلد آباد تک اے شادؔ جا پہنچیں

ابھی تک راہ میں وہ کر رہے ہیں انتظار اپنا

لحد میں کیوں نہ جاؤں منہ چھپائے

بھری محفل سے اٹھوایا گیا ہوں

why should I not be interred with a covered face

I have been cast from her presence in such disgrace

why should I not be interred with a covered face

I have been cast from her presence in such disgrace

میں حیرت و حسرت کا مارا خاموش کھڑا ہوں ساحل پر

دریائے محبت کہتا ہے آ کچھ بھی نہیں پایاب ہیں ہم

میں شادؔ تنہا اک طرف اور دنیا کی دنیا اک طرف

سارا سمندر اک طرف آنسو کا قطرہ اک طرف

ملے گا غیر بھی ان کے گلے بہ شوق اے دل

حلال کرنے مجھے عید کا ہلال آیا

نازک تھا بہت کچھ دل میرا اے شادؔ تحمل ہو نہ سکا

اک ٹھیس لگی تھی یوں ہی سی کیا جلد یہ شیشہ ٹوٹ گیا

نظر کی برچھیاں جو سہہ سکے سینا اسی کا ہے

ہمارا آپ کا جینا نہیں جینا اسی کا ہے

نگاہ ناز سے ساقی کا دیکھنا مجھ کو

مرا وہ ہاتھ میں ساغر اٹھا کے رہ جانا

پروانوں کا تو حشر جو ہونا تھا ہو چکا

گزری ہے رات شمع پہ کیا دیکھتے چلیں

شب کو مری چشم حسرت کا سب درد دل ان سے کہہ جانا

دانتوں میں دبا کر ہونٹ اپنا کچھ سوچ کے اس کا رہ جانا

سن چکے جب حال میرا لے کے انگڑائی کہا

کس غضب کا درد ظالم تیرے افسانے میں تھا

طلب کریں بھی تو کیا شے طلب کریں اے شادؔ

ہمیں تو آپ نہیں اپنا مدعا معلوم

تمناؤں میں الجھایا گیا ہوں

کھلونے دے کے بہلایا گیا ہوں

تیرے بیمار محبت کی یہ حالت پہنچی

کہ ہٹایا گیا تکیہ بھی سرہانے والا

ترا آستاں جو نہ مل سکا تری رہ گزر کی زمیں سہی

ہمیں سجدہ کرنے سے کام ہے جو وہاں نہیں تو کہیں سہی

یہ بزم مے ہے یاں کوتاہ دستی میں ہے محرومی

جو بڑھ کر خود اٹھا لے ہاتھ میں مینا اسی کا ہے

Added to your favorites

Removed from your favorites