Shahzad Ahmad's Photo'

Shahzad Ahmad

1932 - 2012 | Lahore, Pakistan

One of the leading poets of new Urdu ghazal.

One of the leading poets of new Urdu ghazal.

Sher of Shahzad Ahmad

10K
Favorite

SORT BY

guzarne na vo raat maiñ ne

ghaḌī par rakh diyā thā haath maiñ ne

guzarne hi na di wo raat main ne

ghaDi par rakh diya tha hath main ne

chhoḌne maiñ nahīñ jaatā use darvāze tak

lauT aatā huuñ ki ab kaun use jaatā dekhe

chhoDne main nahin jata use darwaze tak

lauT aata hun ki ab kaun use jata dekhe

shauq-e-safar be-sabab aur safar be-talab

us taraf chal diye jis ne pukārā na thā

shauq-e-safar be-sabab aur safar be-talab

us ki taraf chal diye jis ne pukara na tha

hazār chehre haiñ maujūd aadmī ġhā.eb

ye kis ḳharābe meñ duniyā ne ke chhoḌ diyā

hazar chehre hain maujud aadmi ghaeb

ye kis KHarabe mein duniya ne la ke chhoD diya

jab us zulf meñ pahlā safed baal aayā

tab us ko pahlī mulāqāt ḳhayāl aayā

jab us ki zulf mein pahla safed baal aaya

tab us ko pahli mulaqat ka KHayal aaya

aañkh rakhte ho to us aañkh tahrīr paḌho

muñh se iqrār na karnā to hai aadat us

aankh rakhte ho to us aankh ki tahrir paDho

munh se iqrar na karna to hai aadat us ki

niiñd aa.e to achānak tirī aahaT sun luuñ

jaag uTThūñ to badan se tirī ḳhushbū aa.e

nind aae to achanak teri aahaT sun lun

jag uTThun to badan se teri KHushbu aae

ab to insān azmat bhī koī chiiz nahīñ

log patthar ko ḳhudā maan liyā karte the

ab to insan ki azmat bhi koi chiz nahin

log patthar ko KHuda man liya karte the

vāqi.a kuchh bhī ho sach kahne meñ rusvā.ī hai

kyuuñ na ḳhāmosh rahūñ ahl-e-nazar kahlā.ūñ

waqia kuchh bhi ho sach kahne mein ruswai hai

kyun na KHamosh rahun ahl-e-nazar kahlaun

yuuñ tirī yaad meñ din raat magan rahtā huuñ

dil dhḌaknā tire qadmoñ sadā lagtā hai

yun teri yaad mein din raat magan rahta hun

dil dhDakna tere qadmon ki sada lagta hai

sab tarah ne bhī mire aib nikāle

ne bhī ḳhudāyā mirī niyyat nahīñ dekhī

sab ki tarah tu ne bhi mere aib nikale

tu ne bhi KHudaya meri niyyat nahin dekhi

tumhārī aarzū meñ maiñ ne apnī aarzū thī

ḳhud apnī justujū aap hāsil ho gayā huuñ maiñ

tumhaari aarzu mein main ne apni aarzu ki thi

KHud apni justuju ka aap hasil ho gaya hun main

javāz koī agar merī bandagī nahīñ

maiñ pūchhtā huuñ tujhe kyā milā ḳhudā ho kar

jawaz koi agar meri bandagi ka nahin

main puchhta hun tujhe kya mila KHuda ho kar

terī qurbat meñ guzāre hue kuchh lamhe haiñ

dil ko tanhā.ī ehsās dilāne vaale

teri qurbat mein guzare hue kuchh lamhe hain

dil ko tanhai ka ehsas dilane wale

khulī fazā meñ agar laḌkhaḌā ke chal na sakeñ

to zahr piinā hai behtar sharāb piine se

khuli faza mein agar laDkhaDa ke chal na saken

to zahr pina hai behtar sharab pine se

ye samajh ke maanā hai sach tumhārī bātoñ ko

itne ḳhūb-sūrat lab jhuuT kaise boleñge

ye samajh ke mana hai sach tumhaari baaton ko

itne KHub-surat lab jhuT kaise bolenge

dil o nigāh ye fāsla bhī kyuuñ rah jaa.e

agar aa.e to maiñ dil ko aañkh meñ rakh luuñ

dil o nigah ka ye fasla bhi kyun rah jae

agar tu aae to main dil ko aankh mein rakh lun

hausla hai to safīnoñ ke alam lahrāo

bahte dariyā to chaleñge isī raftār ke saath

hausla hai to safinon ke alam lahrao

bahte dariya to chalenge isi raftar ke sath

ab apne chehre par do patthar se sajā.e phirtā huuñ

aañsū le kar bech diyā hai āñkhoñ bīnā.ī ko

ab apne chehre par do patthar se sajae phirta hun

aansu le kar bech diya hai aankhon ki binai ko

jis ko jaanā nahīñ us ko ḳhudā kyuuñ māneñ

aur jise jaan chuke ho vo ḳhudā kaise ho

the one we do not know, how can we God decree

and the one we do know, then God how can he be

jis ko jaana hi nahin us ko KHuda kyun manen

aur jise jaan chuke ho wo KHuda kaise ho

the one we do not know, how can we God decree

and the one we do know, then God how can he be

maiñ tirā kuchh bhī nahīñ huuñ magar itnā to batā

dekh kar mujh ko tire zehn meñ aatā kyā hai

main tera kuchh bhi nahin hun magar itna to bata

dekh kar mujh ko tere zehn mein aata kya hai

tumhārī aañkh meñ kaifiyyat-e-ḳhumār to hai

sharāb na sahī niiñd asar sahī

tumhaari aankh mein kaifiyyat-e-KHumar to hai

sharab ka na sahi nind ka asar hi sahi

paas rah kar bhī na pahchān sakā mujh ko

duur se dekh ke ab haath hilātā kyā hai

pas rah kar bhi na pahchan saka tu mujh ko

dur se dekh ke ab hath hilata kya hai

ab mirā dard mirī jaan huā jaatā hai

ai mire chāragaro ab mujhe achchhā na karo

ab mera dard meri jaan hua jata hai

ai mere chaaragaro ab mujhe achchha na karo

sitāre is qadar dekhe ki āñkheñ bujh ga.iiñ apnī

mohabbat is qadar kar mohabbat chhoḌ ham ne

sitare is qadar dekhe ki aankhen bujh gain apni

mohabbat is qadar kar li mohabbat chhoD di hum ne

niiñd aatī hai agar jaltī huī āñkhoñ meñ

koī dīvāne zanjīr hilā detā hai

nind aati hai agar jalti hui aankhon mein

koi diwane ki zanjir hila deta hai

ek lamhe meñ kaTā hai muddatoñ fāsla

maiñ abhī aayā huuñ tasvīreñ purānī dekh kar

ek lamhe mein kaTa hai muddaton ka fasla

main abhi aaya hun taswiren purani dekh kar

das baje raat ko so jaate haiñ ḳhabreñ sun kar

aañkh khultī hai to aḳhbār talab karte haiñ

das baje raat ko so jate hain KHabren sun kar

aankh khulti hai to aKHbar talab karte hain

dil vahshī kabhī qaabū meñ na aayā yaaro

haar kar baiTh ga.e jaal bichhāne vaale

dil sa wahshi kabhi qabu mein na aaya yaro

haar kar baiTh gae jal bichhane wale

aaj tak us mohabbat nasha taarī hai

phuul baaqī nahīñ ḳhushbū safar jaarī hai

aaj tak us ki mohabbat ka nasha tari hai

phul baqi nahin KHushbu ka safar jari hai

hamāre pesh-e-nazar manzileñ kuchh aur bhī thiiñ

ye hādsa hai ki ham tere paas aa pahuñche

hamare pesh-e-nazar manzilen kuchh aur bhi thin

ye hadsa hai ki hum tere pas aa pahunche

chhup chhup ke kahāñ tak tire dīdār mileñge

ai parda-nashīñ ab sar-e-bāzār mileñge

chhup chhup ke kahan tak tere didar milenge

ai parda-nashin ab sar-e-bazar milenge

tujh meñ kas-bal hai to duniyā ko bahā kar le

chaa.e pyālī meñ tūfān uThātā kyā hai

tujh mein kas-bal hai to duniya ko baha kar le ja

chae ki pyali mein tufan uThata kya hai

jalte haiñ ik charāġh lau se ka.ī charāġh

duniyā tire ḳhayāl se raushan huī to hai

jalte hain ek charagh ki lau se kai charagh

duniya tere KHayal se raushan hui to hai

bigḌī huī is shahr hālat bhī bahut hai

jā.ūñ bhī kahāñ is se mohabbat bhī bahut hai

bigDi hui is shahr ki haalat bhi bahut hai

jaun bhi kahan is se mohabbat bhi bahut hai

yaar hote to mujhe muñh pe burā kah dete

bazm meñ merā gilā sab ne kiyā mere ba.ad

yar hote to mujhe munh pe bura kah dete

bazm mein mera gila sab ne kiya mere baad

dil pe ai dost qayāmat guzar jaatī hai

tum nigāh-e-ġhalat-andāz se dekhā na karo

dil pe ai dost qayamat si guzar jati hai

tum nigah-e-ghalat-andaz se dekha na karo

zarā ġham huā aur ro diye ham

baḌī nāzuk tabī.at ho ga.ī hai

zara sa gham hua aur ro diye hum

baDi nazuk tabiat ho gai hai

rahne diyā na us ne kisī kaam mujhe

aur ḳhaak meñ bhī mujh ko milā kar nahīñ gayā

rahne diya na us ne kisi kaam ka mujhe

aur KHak mein bhi mujh ko mila kar nahin gaya

jaise muñh-band kalī raat ke vīrāne meñ

saañs lenā mujhe dushvār huā jaatā hai

jaise munh-band kali raat ke virane mein

sans lena mujhe dushwar hua jata hai

umr jitnī bhī kaTī us ke bharose pe kaTī

aur ab sochtā huuñ us bharosa kyā thā

umr jitni bhi kaTi us ke bharose pe kaTi

aur ab sochta hun us ka bharosa kya tha

āzād thā mizāj to kyuuñ ghar banā liyā

ab umr bhar yahī dar-o-dīvār dekhiye

aazad tha mizaj to kyun ghar bana liya

ab umr bhar yahi dar-o-diwar dekhiye

ye alag baat zabāñ saath na de pā.egī

dil jo haal hai kahnā to paḌegā tujh se

ye alag baat zaban sath na de paegi

dil ka jo haal hai kahna to paDega tujh se

safar bhī duur hai aur kahīñ nahīñ jaanā

ab ibtidā ise kahiye ki intihā kahiye

safar bhi dur ka hai aur kahin nahin jaana

ab ibtida ise kahiye ki intiha kahiye

agar do dil kahīñ bhī mil ga.e haiñ

zamāne ko shikāyat ho ga.ī hai

agar do dil kahin bhi mil gae hain

zamane ko shikayat ho gai hai

ab bhī vahī din raat haiñ lekin farq ye hai

pahle bolā karte the ab sunte haiñ

ab bhi wahi din raat hain lekin farq ye hai

pahle bola karte the ab sunte hain

kal thī ye fikr use haal sunā.eñ kaise

aaj ye sochte haiñ us ko sunā kyuuñ aa.e

kal thi ye fikr use haal sunaen kaise

aaj ye sochte hain us ko suna kyun aae

manzil pe ke ḳhaak uḌāne se fā.eda

jin talāsh thī mujhe raste meñ mil ga.e

manzil pe ja ke KHak uDane se faeda

jin ki talash thi mujhe raste mein mil gae

Duub jaatā hai damaktā huā sūraj lekin

mehñdiyāñ shaam ke hāthoñ meñ rachā detā hai

Dub jata hai damakta hua suraj lekin

mehndiyan sham ke hathon mein racha deta hai

tirī talāsh to kyā terī aas bhī na rahe

ajab nahīñ ki kisī din ye pyaas bhī na rahe

teri talash to kya teri aas bhi na rahe

ajab nahin ki kisi din ye pyas bhi na rahe