hāsil huā hai tujh ko mujhī se shu'ūr-e-zāt

maiñ terā aa.ina huuñ mirā ehtirām kar

hasil hua hai tujh ko mujhi se shu'ur-e-zat

main tera aaina hun mera ehtiram kar

kūza-gar kis ko mayassar rahī fursat terī

kyoñ hameñ chaak se 'ujlat meñ utārā tū ne

kuza-gar kis ko mayassar rahi fursat teri

kyon hamein chaak se 'ujlat mein utara tu ne

agar maiñ chāhūñ bas ik chaal se ulaT duuñ bisāt

mujhe ḳhabar hai kahāñ kis ne daao khelā hai

agar main chahun bas ek chaal se ulaT dun bisat

mujhe KHabar hai kahan kis ne dao khela hai

mo'jizāt-e-dast-e-kun dekhne the so ham ne

pattharoñ pe de maarā ḳhud ko ā.īna kar ke

mo'jizat-e-dast-e-kun dekhne the so hum ne

pattharon pe de mara KHud ko aaina kar ke

shikastagī thī kuchh aisī ki kūza-gar merā

banā ke mujh ko baḌī der tak udaas rahā

shikastagi thi kuchh aisi ki kuza-gar mera

bana ke mujh ko baDi der tak udas raha