ham aur chaah ġhair kī allāh se Daro

milte haiñ tum se bhī to tumhārī ḳhushī se ham

hum aur chah ghair ki allah se Daro

milte hain tum se bhi to tumhaari KHushi se hum

ḳhair se rahtā hai raushan nām-e-nek

hashr tak jaltā hai nekī kā charāġh

KHair se rahta hai raushan nam-e-nek

hashr tak jalta hai neki ka charagh

paan ban ban ke mirī jaan kahāñ jaate haiñ

ye mire qatl ke sāmān kahāñ jaate haiñ

pan ban ban ke meri jaan kahan jate hain

ye mere qatl ke saman kahan jate hain

talḳh shikve lab-e-shīrīñ se maza dete haiñ

ghol kar shahd meñ vo zahr pilā dete haiñ

talKH shikwe lab-e-shirin se maza dete hain

ghol kar shahd mein wo zahr pila dete hain

yahāñ dekhūñ vahāñ dekhūñ ise dekhūñ use dekhūñ

tumhārī ḳhud-numā.ī ne mujhe Daalā hai hairat meñ

yahan dekhun wahan dekhun ise dekhun use dekhun

tumhaari KHud-numai ne mujhe Dala hai hairat mein