Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "bose"

Nazm MATCHES FOR "bose"

Nazm

muflisi

jab aadmii ke haal pe aatii hai muflisii
kis kis tarah se us ko sataatii hai muflisii
pyaasaa tamaam roz biThaatii hai muflisii
bhuukaa tamaam raat sulaatii hai muflisii
ye dukh vo jaane jis pe ki aatii hai muflisii
kahiye to ab hakiim kii sab se ba.Dii hai shaa.n
ta.aziim jis kii karte hai.n to ab aur KHaa.n
muflis hu.e to hazrat-e-luqmaa.n kiyaa hai yaa.n
iisaa bhii ho to ko.ii nahii.n puuchhtaa miyaa.n
hikmat hakiim kii bhii Dubaatii hai muflisii
jo ahl-e-fazl aalim o faazil kahaate hai.n
muflis hu.e to kalma talak bhuul jaate hai.n
vo jo Gariib-Gurabaa ke la.Dke pa.Dhaate hai.n
un kii to umr bhar nahii.n jaatii hai muflisii
muflis kare jo aan ke mahfil ke biich haal
sab jaane.n roTiyo.n kaa ye Daalaa hai is ne jaal
gir gir pa.De to ko.ii na liye use sambhaal
muflis me.n hove.n laakh agar ilm aur kamaal
sab KHaak bech aa ke milaatii hai muflisii
jab roTiyo.n ke baTne kaa aa kar pa.De shumaar
muflis ko deve.n ek tava.ngar ko chaar chaar
gar aur maa.nge vo to use jhi.Dke.n baar baar
muflis kaa haal aah bayaa.n kyaa karuu.n mai.n yaar
muflis ko is jagah bhii chabaatii hai muflisii
muflis kii kuchh nazar nahii.n rahtii hai aan par
detaa hai apnii jaan vo ek ek naan par
har aan TuuT pa.Dtaa hai roTii ke KHvaan par
jis tarah kutte la.Dte hai.n ik ustuKHvaan par
vaisaa hii mufliso.n ko la.Daatii hai muflisii
kartaa nahii.n hayaa se jo ko.ii vo kaam aah
muflis kare hai us ke ta.ii.n insiraam aah
samjhe na kuchh halaal na jaane haraam aah
kahte hai.n jis ko sharm-o-hayaa na.ng-o-naam aah
vo sab hayaa-o-sharm u.Daatii hai muflisii
ye muflisii vo shai hai ki jis ghar me.n bhar ga.ii
phir jitne ghar the sab me.n usii ghar ke dar ga.ii
zan bachche rote hai.n goyaa naanii guzar ga.ii
ham-saaya puuchhte hai.n ki kyaa daadii mar ga.ii
bin murde ghar me.n shor machaatii hai muflisii
laazim hai gar Gamii me.n ko.ii shor-Gul machaa.e
muflis baGair Gam ke hii kartaa hai haa.e haa.e
mar jaave gar ko.ii to kahaa.n se use uThaa.e
is muflisii kii KHvaariyaa.n kyaa kyaa kahuu.n mai.n haa.e
murde ko be kafan ke ga.Daatii hai muflisii
kyaa kyaa muflisii kii kahuu.n KHvaarii phaka.Diyaa.n
jhaa.Duu baGair ghar me.n bikhartii hai.n jhaka.Diyaa.n
kone me.n jaale lapTe hai.n chhappar me.n maka.Diyaa.n
paisaa na hove jin ke jalaane ko lak.Diyaa.n
dariyaa me.n un ke murde bahaatii hai muflisii
biibii kii nath na la.Dko.n ke haatho.n ka.De rahe
kap.De miyaa.n ke baniye ke ghar me.n pa.De rahe
jab ka.Diyaa.n bik ga.ii.n to kha.nDar me.n pa.De rahe
zanjiir ne kivaa.D na patthar ga.De rahe
aaKHir ko ii.nT ii.nT khudaatii hai muflisii
naqqaash par bhii zor jab aa muflisii kare
sab rang dam me.n kar de musavvir ke kirkire
suurat bhii us kii dekh ke mu.nh khi.nch rahe pare
tasviir aur naqsh me.n kyaa rang vo bhare
us ke to mu.nh kaa rang u.Daatii hai muflisii
jab KHuub-ruu pe aan ke pa.Dtaa hai din siyaah
phirtaa hai bose detaa hai har ik ko KHvaah-maKHvaah
hargiz kisii ke dil ko nahii.n hotii us kii chaah
gar husn ho hazaar ruupe kaa to us ko aah
kyaa kau.Diyo.n ke mol bikaatii hai muflisii
us KHuub-ruu ko kaun de ab daam aur diram
jo kau.Dii kau.Dii bose ko raazii ho dam-ba-dam
Topii puraanii do to vo jaane kulaah-e-jism
kyuu.nkar na jii ko us chaman-e-husn ke ho Gam
jis kii bahaar muft luTaatii hai muflisii
aashiq ke haal par bhii jab aa muflisii pa.De
ma.ashuuq apne paas na de us ko baiThne
aave jo raat ko to nikaale vahii.n use
is Dar se ya.anii raat o dhannaa kahii.n na de
tohmat ye aashiqo.n ko lagaatii hai muflisii
kaise hii dhuum-dhaam kii ranDii ho KHush-jamaal
jab muflisii ho kaan pa.De sar pe us ke jaal
dete hai.n us ke naach ko ThaTThe ke biich Daal
naache hai vo to farsh ke uupar qadam sambhaal
aur us ko u.ngliyo.n pe nachaatii hai muflisii
us kaa to dil Thikaane nahii.n bhaav kyaa bataa.e
jab ho phaTaa dupaTTa to kaahe se mu.nh chhupaa.e
le shaam se vo sub.h talak go ki naache gaa.e
auro.n ko aaTh saat to vo do Take hii paa.e
is laaj se ise bhii lajaatii hai muflisii
jis kasbii ranDii kaa ho halaakat se dil hazii.n
rakhtaa hai us ko jab ko.ii aa kar tamaash-bii.n
ik paun paise tak bhii vo kartii nahii.n nahii.n
ye dukh usii se puuchhiye ab aah jis ke ta.ii.n
sohbat me.n saarii raat jagaatii hai muflisii
vo to ye samjhe dil me.n ki Dhelaa jo paa.uu.ngii
dam.Dii ke paan dam.Dii ke missii ma.ngaa.uu.ngii
baaqii rahii chhadaam so paanii bharaa.uu.ngii
phir dil me.n sochtii hai ki kyaa KHaak khaa.uu.ngii
aaKHir chabiinaa us kaa bhunaatii hai muflisii
jab muflisii se hove kalaavant kaa dil udaas
phirtaa hai le tambuure ko har ghar ke aas-paas
ik paav ser aane kii dil me.n lagaa ke aas
gorii kaa vaqt hove to gaataa hai vo babhaas
yaa.n tak havaas us ke u.Daatii hai muflisii
muflis biyaah beTii kaa kartaa hai bol bol
paisaa kahaa.n jo jaa ke vo laave jahez mol
joruu kaa vo galaa ki phuuTaa ho jaise Dhol
ghar kii halaal-KHorii talak kartii hai ThiThol
haibat tamaam us kii uThaatii hai muflisii
beTe kaa biyaah ho to na byaahii na saathii hai
ne raushnii na baaje kii aavaaz aatii hai
maa.n piichhe ek mailii chadar o.Dhe jaatii hai
beTaa banaa hai duulhaa to baavaa baraatii hai
muflis kii ye baraat cha.Dhaatii hai muflisii
gar byaah kar chalaa hai sahar ko to ye balaa
shahdaar naanaa hiij.Daa aur bhaaT mu.nDcha.Daa
khii.nche hu.e use chale jaate hai.n jaa-ba-jaa
vo aage aage la.Dtaa hu.aa jaataa hai chalaa
aur piichhe Tap.Diyo.n ko bajaatii hai muflisii
darvaaze par zanaane bajaate hai.n taaliyaa.n
aur ghar me.n baiThii Domnii detii hai.n gaaliyaa.n
maalan gale kii haar ho dau.Dii le Daaliyaa.n
saqqaa kha.Daa sunaataa hai baate.n razaaliyaa.n
ye KHvaarii ye KHaraabii dikhaatii hai muflisii
ko.ii shuum be-hayaa ko.ii bolaa nikhaTTuu hai
beTii ne jaanaa baap to meraa nikhaTTuu hai
beTe pukaarte hai.n ki baabaa nikhaTTuu hai
biibii ye dil mai.n kahtii hai achchhaa nikhaTTuu hai
aaKHir nikhaTTuu naam dharaatii hai muflisii
muflis kaa dard dil me.n ko.ii Thaantaa nahii.n
muflis kii baat ko bhii ko.ii maantaa nahii.n
zaat aur hasab-nasab ko ko.ii jaantaa nahii.n
suurat bhii us kii phir ko.ii pahchaantaa nahii.n
yaa.n tak nazar se us ko giraatii hai muflisii
jis vaqt muflisii se ye aa kar hu.aa tabaah
phir ko.ii is ke haal pa kartaa nahii.n nigaah
daaliidarii kahe ko.ii Thahraa de ruu-siyaah
jo baate.n umr bhar na sunii hove.n us ne aah
vo baate.n us ko aa ke sunaatii hai.n muflisii
chuulhaa tavaanaa paanii ke maTke me.n aabii hai
piine ko kuchh na khaane ko aur ne rakaabii hai
muflis ke saath sab ke ta.ii.n be-hijaabii hai
muflis kii joruu sach hai ki yaa.n sab kii bhaabii hai
izzat sab us ke dil kii ga.nvaatii hai muflisii
kaisaa hii aadmii ho par iflaas ke tufail
ko.ii gadhaa kahe use Thahraa de ko.ii bail
kap.De phaTe tamaam ba.Dhe baal phail phail
mu.nh KHushk daa.nt zard badan par jamaa hai mail
sab shakl qaidiyo.n kii banaatii hai muflisii
har aan dosto.n kii mohabbat ghaTaatii hai
jo aashnaa hai.n un kii to ulfat ghaTaatii hai
apne kii mehr Gair kii chaahat ghaTaatii hai
sharm-o-hayaa o izzat-o-hurmat ghaTaatii hai
haa.n naaKHun aur baal ba.Dhaatii hai muflisii
jab muflisii hu.ii to sharaafat kahaa.n rahii
vo qadr zaat kii vo najaabat kahaa.n rahii
kap.De phaTe to logo.n me.n izzat kahaa.n rahii
ta.aziim aur tavaazo.a kii baabat kahaa.n rahii
majlis kii juutiyo.n pe biThaatii hai muflisii
muflis kisii kaa la.Dkaa jo le pyaar se uThaa
baap us kaa dekhe haath kaa aur paa.nv kaa ka.Daa
kahtaa hai ko.ii juutii na leve kahii.n churaa
naT-khaT uchakkaa chor daGaabaaz gaTh-kaTaa
sau sau tarah ke aib lagaatii hai muflisii
rakhtii nahii.n kisii kii ye Gairat kii aan ko
sab KHaak me.n milaatii hai hurmat kii shaan ko
sau mehnato.n me.n us kii khapaatii hai jaan ko
chorii pe aa ke Daale hii muflis ke dhyaan ko
aaKHir nadaan bhiik ma.ngaatii hai muflisii
duniyaa me.n le ke shaah se ai yaar taa-faqiir
KHaaliq na muflisii me.n kisii ko kare asiir
ashraaf ko banaatii hai ik aan me.n faqiir
kyaa kyaa mai.n muflisii kii KHaraabii kahuu.n 'naziir'
vo jaane jis ke dil ko jalaatii hai muflisii

Nazeer Akbarabadi
Nazm

kaun si uljhan ko suljhate hain ham?

lab bayaabaa.n, bose be-jaa.n
kaun sii uljhan ko suljhaate hai.n ham?
jism kii ye kaar-gaahe.n
jin kaa haizam aap ban jaate hai.n ham!
niim-shab aur shahr-e-KHvaab-aaluudaa, ham-saa.e
ki jaise duzd-e-shab-gardaa.n ko.ii!
shaam se the hasrato.n ke banda-e-be-daam ham
pii rahe the jaam par har jaam ham
ye samajh kar jur.a-e-pinhaa.n ko.ii
shaayad aaKHir ibtidaa-e-raaz kaa iimaa bane!
matlab aasaa.n harf be-ma.anii
tabassum ke hisaabii zaaviye
matn ke sab haashiye
jin se aish-KHaam ke naqsh-e-riyaa bante rahe!
aur aaKHir bu.ad jismo.n me.n sar-e-muu bhii na thaa
jab dilo.n ke darmiyaa.n haa.il the sa.ngii.n faasle
qurb-e-chashm-o-gosh se ham kaun sii uljhan ko suljhaate rahe!
kaun sii uljhan ko suljhaate hai.n ham?
shaam ko jab apnii Gam-gaaho.n se duzdaanaa nikal aate hai.n ham?
yaa zavaal-e-umr kaa dev-e-subuk-paa ruu-ba-ruu
yaa anaa ke dast o paa ko vus.ato.n kii aarzuu
kaun sii uljhan ko suljhaate hai.n ham?

Noon Meem Rashid
Nazm

rishwat

bad bahut bad-shakl hai.n lekin badii hai naaznii.n
ja.D ko bose de rahe hai.n pe.D se chii.n-bar-jabii.n
aap go paanii ulachte hai.n ba-tarz-e-dil-nashii.n
naav kaa suuraaKH lekin band farmaate nahii.n

Josh Malihabadi
Nazm

ek aurat ki hansi

pathriile kohsaar ke gaate chashmo.n me.n
guu.nj rahii hai ek aurat kii narm ha.nsii
daulat taaqat aur shohrat sab kuchh bhii nahii.n
us ke badan me.n chhupii hai us kii aazaadii
duniyaa ke ma.abad ke na.e but kuchh kar le.n
sun nahii.n sakte us kii lazzat kii siskii
is baazaar me.n go har maal bikaa.uu hai
ko.ii KHariid ke laa.e zaraa taskiin us kii
ik sarshaarii jis se vo hii vaaqif hai
chaahe bhii to us ko bech nahii.n saktii
vaadii kii aavaara havaa.o aa jaa.o
aa.o aur us ke chehre par bose do
apne lambe lambe baal u.Daatii jaa.e
havaa kii beTii saath havaa ke gaatii jaa.e

Fahmida Riaz
Nazm

jaDe ki bahaaren

jab maah aghan kaa Dhaltaa ho tab dekh bahaare.n jaa.De kii
aur ha.ns ha.ns puus sambhaltaa ho tab dekh bahaare.n jaa.De kii
din jaldii jaldii chaltaa ho tab dekh bahaare.n jaa.De kii
aur paalaa barf pighaltaa ho tab dekh bahaare.n jaa.De kii
chillaa Gam Tho.nk uchhaltaa ho tab dekh bahaare.n jaa.De kii
tan Thokar maar pichhaa.Daa ho aur dil se hotii ho kushtii sii
thar-thar kaa zor ukhaa.Daa ho bajtii ho sab kii battiisii
ho shor phaphuu huu-huu kaa aur dhuum ho sii-sii sii-sii kii
kalle pe kallaa lag lag kar chaltii ho mu.nh me.n chakkii sii
har daa.nt chane se daltaa ho tab dekh bahaare.n jaa.De kii
har ek makaa.n me.n sardii ne aa baa.ndh diyaa ho ye chakkar
jo har dam kap-kap hotii ho har aan ka.Daaka.D aur thar-thar
paiThii ho sardii rag rag me.n aur barf pighaltaa ho patthar
jha.D-baa.ndh mahaavaT pa.Dtii ho aur tis par lahre.n le le kar
sannaaTaa baav kaa chaltaa ho tab dekh bahaare.n jaa.De kii
har chaar taraf se sardii ho aur sehn khulaa ho koThe kaa
aur tan me.n niimaa shabnam kaa ho jis me.n KHas kaa itr lagaa
chhi.Dkaav hu.aa ho paanii kaa aur KHuub pala.ng bhii ho bhiigaa
haatho.n me.n piyaala sharbat kaa ho aage ik farraash kha.Daa
farraash bhii pa.nkhaa jhaltaa ho tab dekh bahaare.n jaa.De kii
jab aisii sardii ho ai dil tab roz maze kii ghaate.n ho.n
kuchh narm bichhaune maKHmal ke kuchh aish kii lambii raate.n ho.n
mahbuub gale se lipTaa ho aur kuhnii, chuTkii, laate.n ho.n
kuchh bose milte jaate ho.n kuchh miiThii miiThii baate.n ho.n
dil aish-o-tarab me.n paltaa ho tab dekh bahaare.n jaa.De kii
ho farsh bichhaa Gaaliicho.n kaa aur parde chhoTe ho.n aa kar
ik garm a.ngiiThii jaltii ho aur sham.a ho raushan aur tis par
vo dilbar, shoKH, parii, chanchal, hai dhuum machii jis kii ghar ghar
resham kii narm nihaalii par sau naaz-o-adaa se ha.ns ha.ns kar
pahluu ke biich machaltaa ho tab dekh bahaare.n jaa.De kii
tarkiib banii ho majlis kii aur kaafir naachne vaale ho.n
mu.nh un ke chaa.nd ke Tuk.De ho.n tan un ke ruu.ii ke gaale ho.n
poshaake.n naazuk ra.ngo.n kii aur o.Dhe shaal do-shaale ho.n
kuchh naach aur rang kii dhuume.n ho.n aish me.n ham matvaale ho.n
piyaale par pyaala chaltaa ho tab dekh bahaare.n jaa.De kii
har ek makaa.n ho KHalvat kaa aur aish kii sab tayyaarii ho
vo jaan ki jis se jii Gash ho sau naaz se aa jhankaarii ho
dil dekh 'naziir' us kii chhab ko har aan adaa par vaarii ho
sab aish muhayyaa ho aa kar jis jis armaan kii baaii ho
jab sab armaan nikaltaa ho tab dekh bahaare.n jaa.De kii

Nazeer Akbarabadi
Nazm

aaKHiri bosa

mire ho.nTo.n pe us ke aaKHirii bose kii lazzat sabt hai
vo us kaa aaKHirii bosa
jo mustaqbil ke har ik KHauf se aazaad
ik raushan sitaaraa thaa
guzartii raat ke na.nge badan par til kii suurat qaa.em-o-daa.em
hamesha jaagne vaalaa sitaaraa
mai.n jise is aag barsaate hu.e suuraj ke aage
jagmagaataa dekh saktaa huu.n

Amjad Islam Amjad
Nazm

chupke se idhar aa jao

darvaaza-e-jaa.n se ho kar
chupke se idhar aa jaa.o
is barf bharii borii ko
piichhe kii taraf sarkaa.o
har ghaav pe bose chi.Dko
har zaKHm ko tum sahlaa.o
mai.n taaro.n kii is shab ko
taqsiim karuu.n yuu.n sab ko
jaagiir ho jaise merii
ye arz na tum Thukraa.o
chupke se idhar aa jaa.o

Shahryar
Nazm

mere KHwab

kuchh kisaan kanyaa.e.n
sabz o surKH shiisho.n kii
chuu.Diyaa.n kalaa.ii me.n
aur galaT kii chaa.ndii kii
ha.nsuliyo.n se gardan me.n
niim chaa.nd ke halqe
choliyo.n pe lahngo.n par
zard zard miTTii ke
zard bel-buuTe se
maile maile aa.nchal par
baaliyo.n ke bose hai.n
un ke haath me.n ha.nsie
giit gaane lagte hai.n
jhuum jhuum kar paude
apnaa sar jhukaate hai.n
nau-javaan laThyaare
khet kii mu.nDero.n par
prem giit gaate hai.n
ai mire hasii.n-KHvaabo
tum inhe.n bahaaro.n kii
ko.npalo.n se phuuTe ho
ek kaar-KHaane me.n
chand nau-javaano.n ne
anjuman banaa.ii hai
aur is me.n lenin kii
ik kitaab pa.Dhte hai.n
sun rahii hai.n diivaare.n
ha.ns rahii hai taariikii
nau-javaan baiThe hai.n
aur kitaab pa.Dhte hai.n
ek ek jumle par
chau.nk chau.nk pa.Dte hai.n
ek ek fiqre par
apnaa sar hilaate hai.n
gaah aah bharte hai.n
gaah muskuraate hai.n
mai.n ne un ke siino.n me.n
ai mire hasii.n-KHvaabo
tum ko naachte dekhaa
mai.n ne tum ko dekhaa hai
jab siyaah mehraabe.n
aasmaa.n pe bantii hai.n
jab sukuut kii pariyaa.n
kahkashaa.n pe chaltii hai.n
gesu.o.n kii nik.hat se
jab havaa mahaktii hai.n
jab fazaa chahaktii hai
mere garm ho.nTo.n par
pyaar thartharaate hai.n
aur merii mahbuuba
apne ra.ng-e-aariz se
bijliyaa.n banaatii hai
aur merii nazro.n me.n
ik jahaan miTtaa hai
ik jahaan bantaa hai
ik zamiin haTtii hai
ik zamiin aatii hai

Ali Sardar Jafri
Nazm

nind

narm shabnamii bose
motiyo.n ke daa.nto.n se
khilkhilaa ke ha.nste hai.n
raat KHuub-suurat hai
nii.nd kyuu.n nahii.n aatii

Ali Sardar Jafri
Nazm

ittifaqat

phuul hai.n, ghaas hai, ashjaar hai.n, diivaare.n hai.n
aur kuchh saa.e ki hai.n muKHtasar o tiira-o-taar,
tujh ko kyaa is se Garaz hai ki KHudaa hai ki nahii.n?
dekh patto.n me.n laraztii hu.ii kirno.n kaa nafuuz
sarsaraatii hu.ii ba.Dhtii hai rago.n me.n jaise
avvalii.n baada-gusaarii me.n na.ii tund sharaab
tujh ko kyaa is se Garaz hai ki KHudaa hai ki nahii.n
kahkashaa.n apnii tamannaa.o.n kaa hai raah-guzaar
kaash is raah pe mil kar kabhii parvaaz kare.n
ik na.ii ziist kaa dar baaz kare.n!
aasmaa.n duur hai lekin ye zamii.n hai nazdiik
aa isii KHaak ko ham jalva-gah-e-raaz kare.n!
ruuhe.n mil saktii nahii.n hai.n to ye lab hii mil jaa.e.n,
aa isii lazzat-e-jaaved kaa aaGaaz kare.n!
sub.h jab baaG me.n ras lene ko zambuur aa.e
us ke bose se ho.n mad.hosh saman aur gulaab
shabnamii ghaas pe do paikar-e-yaKH-basta mile.n,
aur KHudaa hai to pashemaa.n ho jaa.e!

Noon Meem Rashid
Nazm

ek husn-farosh se

mohabbat aah terii ye mohabbat raat bhar kii hai
tirii ra.ngiin KHalvat kii lataafat raat bhar kii hai
tire shaadaab ho.nTo.n kii inaayat raat bhar kii hai
tire mastaana boso.n kii halaavat raat bhar kii hai
mah-e-raushan hai tuu aur terii tal.at raat bhar kii hai
gul-e-shabbuu hai tuu aur terii nik.hat raat bhar kii hai
tuu kyaa jaane ki saudaa-e-mohabbat kis ko kahte hai.n
mohabbat aur mohabbat kii lataafat kis ko kahte hai.n
Gam-e-hijraa.n hai kyaa aur soz-e-ulfat kis ko kahte hai.n
junuu.n hotaa hai kaisaa aur vahshat kis ko kahte hai.n
tuu kyaa jaane Gam-e-shab-haa-e-furqat kis ko kahte hai.n
tire iz.haar-e-ulfat kii fasaahat raat bhar kii hai
nigaah-e-mast se dil ko mire ta.Dpaa rahii hai tuu
ada-e-shauq se jazbaat ko bha.Dkaa rahii hai tuu
mujhe bachche kii suurat naaz se phuslaa rahii hai tuu
khilaune de ke boso.n ke mujhe bahlaa rahii hai tuu
magar naadaan hai tuu aah dhokaa khaa rahii hai tuu
tiraa ruu-e-daraKHshaa.n hai ba-zaahir maahtaab-aasaa
tire ho.nTo.n kii shaadaabii hai ra.ngat me.n sharaab-aasaa
tire ruKHsaar kii mahtaabiyaa.n hai.n aaftaab-aasaa
magar in kii haqiiqat hai habaab-aasaa saraab-aasaa
ki Gaaze kii sabaahat us pe chhaa.ii hai naqaab-aasaa
aur is Gaaze kii bhii jhuuTii sabaahat raat bhar kii hai
ye maanaa terii KHalvat kii fazaa ruuh-e-gulistaa.n hai
tirii KHalvat kaa har faanuus ik mahtaab-e-larzaa.n hai
tiraa abreshmii bistar nahii.n ik KHvaab-e-KHandaa.n hai
tiraa jism aafat-e-dil teraa siina aafat-e-jaa.n hai
tuu ik zinda sitaara hai jo tanhaa.ii me.n taabaa.n hai
magar kahte hai.n taaro.n kii hukuumat raat bhar kii hai
lataafat se hai.n KHaalii tere kumhlaa.e hu.e bose
taraavat se hai.n KHaalii tere murjhaa.e hu.e bose
nazaakat se hai.n KHaalii tere ghabraa.e hu.e bose
haqiiqat se hai.n KHaalii tere sharmaa.e hu.e bose
mohabbat se hai.n KHaalii tere ghabraa.e hu.e bose
aur in boso.n kii ye jhuuTii halaavat raat bhar kii hai
tire zahriile bose mujh ko jis dam yaad aa.e.nge
mire ho.nTo.n pe kaale naag ban kar thartharaa.e.nge
pashemaanii ke jazbe mujh ko diivaana banaa.e.nge
mire inkaar ko nafrat ke KHanjar gudgudaa.e.nge
mire dil kii rago.n me.n Gam ke sho.ale tair jaa.e.nge
mai.n samjhaa! aah samjhaa! ye masarrat raat bhar kii hai
mujhe diivaana karne kii masarrat be-KHabar kab tak
rahegii mere dil me.n terii ulfat kaargar kab tak
mujhe mas.huur rakkhegaa ye ishq-e-be-samar kab tak
haqiiqat kii sahar aaKHir na hogii parda-dar kab tak
mujhe maGluub kar ke KHush hai tuu zaalim magar kab tak
tirii ye fat.h merii ye haziimat raat bhar kii hai

Akhtar Shirani
Nazm

mastana hijDa

us ne hatheliyo.n ke gadde
raga.D raga.D ke
vo taaliyaa.n u.Daa.ii.n
meh.ndii ke ra.ng
titlii ban ke havaa me.n
apne par taulne lage the
phir jaan-daar ho.nTo.n
se paan-daar bose
chhan chhan chhalak chhalak ke
har manchalii nazar me.n
ras gholne lage the
vo aaj lahr me.n thaa
missii kii chhab dikhaa ke
nathane phulaa phulaa ke
u.nglii nachaa nachaa ke
us ne maze me.n aa ke
ha.ns kar kahaa ki ''saalo''
mai.n to janam janam se
apne hii aa.nsu.o.n me.n
Duubaa hu.aa pa.Daa huu.n
shaayad zamiir-e-aalam ke
ta.ng maqbare me.n
zinda ga.Daa hu.aa huu.n

Saqi Faruqi
Nazm

izhaar

ruuh kaa iz.haar the bose mire
jaise merii shaa.irii meraa amal
ruuh kaa iz.haar kaise bhuul jaa.uu.n
kaise kar Daaluu.n mai.n jism-o-ruuh ko
aaj be-aaha.ng-o-nuur
tuu ki thii us vaqt gum-naamii ke Gaaro.n me.n nihaa.n
mere ho.nTo.n hii ne dii tujh ko najaat
apnii raaho.n par uThaa laayaa tujhe
zinda-e-jaaved kar Daalaa tujhe
jaise ko.ii but-taraash
apne but ko zindagii ke nuur se taabaa.n kare
is ko barg-o-baar dene ke liye
apne jism-o-ruuh ko uryaa.n kare
mere bose ruuh kaa iz.haar the
ruuh jo iz.haar hii se zinda-o-taabinda hai
hai isii iz.haar se haasil mujhe qurb-e-hayaat
ruuh kaa iz.haar kaise bhuul jaa.uu.n

Noon Meem Rashid
Nazm

mrs-sala-manka

KHudaa hashr me.n ho madad-gaar meraa
ki dekhii hai.n mai.n ne mrs.-saalaa-maa.nkaa kii aa.nkhe.n
mrs.-saalaa-maa.nkaa kii aa.nkhe.n
ki jin ke ufuq hai.n junuubii samundar kii niilii rasaa.ii se aage
junuubii samundar kii niilii rasaa.ii
ki jis ke jaziire hujuum-e-sahar se daraKHshaa.n
daraKHshaa.n jaziiro.n me.n zartaab o unnaab o qurmuz parindo.n kii jaulaa.n-gahe.n
aise phailii hu.ii jaise jannat ke daamaa.n
parinde azal aur abad ke mah o saal me.n baal-afshaa.n!
KHudaa hashr me.n ho madad-gaar meraa
ki mai.n ne liye hai.n mrs.-saalaa-ma.nkaa ke ho.nTo.n ke bose
vo bose ki jin kii halaavat ke chashme
shumaalii zamiino.n ke zartaab o unnaab o qurmuz daraKHto.n
ke mad.hosh baaGo.n se aage
jahaa.n zindagii ke rasiida shaguufo.n ke siino.n
se KHvaabo.n ke ram-diida zambuur lete hai.n ras aur piite hai.n vo
ki jis ke nashe kii jilaa se
zamaano.n kii naadiida mehraab ke do kinaaro.n ke niiche
hai.n yak-baargii guu.nj uThte KHalaa o malaa ke jalaajil
jalaajil ke naGme baham aise paivast hote hai.n jaise
mrs.-saalaa-ma.nikaa ke lab mere lab se!

Noon Meem Rashid
Nazm

mehman

ek paimaana-e-mai-e-sarjosh
lutf-e-guftaar garmi-e-aaGosh
bose is darja aatishii.n bose
phuu.nk Daale.n jo merii kisht-e-hosh

Asrarul Haq Majaz
Nazm

badal gae ho

badal ga.e ho
zaraa se arse me.n aah kaise badal ga.e ho
tumhe.n KHabar hai
vo haath dhartii ne khaa liye hai.n
jinho.n ne apnii hatheliyo.n me.n
hamaarii KHaatir faqat du.aa.e.n bharii hu.ii thii.n
tumhe.n pata hai
vo ho.nT miTTii me.n jha.D rahe hai.n
hamaare chehro.n pe jin ke bose ju.De hu.e hai.n
vo aa.nkhe.n andhii lahad me.n shaayad bikhar chukii ho.n
vo shab ga.e tak
hamaarii raaho.n me.n apnii kirne.n bikhertii thii.n
hamaare nam ko numuud de kar
zamii.n ko apnaa vajuud de kar
kahaa.n ga.e ho
zamii.n ke nam me.n hamaare paikar pighal ga.e hai.n
badal ga.e ho to aa.o dekho
ki ham bhii kitne badal ga.e hai.n

Syed Mubarak Shah
Nazm

ek sakit raat ka azab

mire bedroom me.n zero ke balb kii...
lahuu-ra.ng raushnii sahmii hu.ii hai
lihaaf o.Dhe badan TuuTe pa.De hai.n
sirhaane jaagte hai.n narm bose
dahaktii hai.n KHumaar-aaluud aa.nkhe.n
mahaktii hai.n, ukha.Dtii garm saa.nse.n
magar saa.nso.n me.n dil aTke hu.e hai.n
lahuu-ra.ng raushnii sahmii hu.ii hai
mai.n kachchii nii.nd se jaagaa hu.aa huu.n
vo kachchii umr kii TuuTii hu.ii hai

Anjum Saleemi
Nazm

hasin-tar

hamaarii umr-e-ravaa.n kii shabnam
tirii siyah kaakulo.n kii raato.n
me.n taar chaa.ndii ke guu.ndh degii
tire hasii.n aarizo.n ke ra.ngii.n
gulaab bele ke phuul ho.nge
shafaq kaa har rang Garq hogaa
latiif o pur-kaif chaa.ndnii me.n
tirii kitaab-e-ruKH-e-javaa.n par
ki jo Gazal kii kitaab hai ab
zamaana likkhegaa ik kahaanii
aur an-ginat jhurriyo.n ke andar
mirii mohabbat ke saare bose
hazaar lab ban ke ha.ns pa.De.nge

Ali Sardar Jafri
Nazm

main agar corona se mara gaya

vabaa ke dino.n me.n mohabbat karne vaale log
alvidaa'ii bose kaa haq kho dete hai.n

Ali Sahil
Nazm

izhaar ka matruk rasta

iz.haar-e-mohabbat ke liye tum apne bose
kaaGaz me.n lapeT kar bhej saktii ho
jis tarah mai.n ne apne jazbe
tumhe.n post kar diye hai.n

Zahid Imroz
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now