Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "dard-mandii"

Nazm MATCHES FOR "dard-mandii"

Nazm

shaKHsiyyat ki mausiqi

saadgii me.n chehre kii
sham.a ik farozaa.n sii
aa.nch dard-mandii kii
lau kisii bulandii kii

Abdul Ahad Saaz
Nazm

apni malka-e-suKHan se

ai sham-e-'josh' o mash.al-e-aivaan-e-aarzuu
ai mehr-e-naaz o maah-e-shabistaan-e-aarzuu
ai jaan-e-dard-mandii o iimaan-e-aarzuu
ai sham-e-tuur o yuusuf-e-kan.aan-e-aarzuu
zarre ko aaftaab to kaa.nTe ko phuul kar
ai ruuh-e-sher sajda-e-shaa.ir qubuul kar

Josh Malihabadi
Nazm

aansu

ye aa.nsuu kyaa ik gavaah hai
merii dard-mandii kaa merii insaan-dostii kaa
ye aa.nsuu kyaa ik subuut hai
merii zindagii me.n KHuluus kii ek raushnii kaa
ye aa.nsuu kyaa ye bataa rahaa hai
ki mere siine me.n ek hassaas dil hai
jis ne kisii kii dil-doz daastaa.n jo sunii
to sun ke ta.Dap uThaa hai
paraa.e sho.alo.n me.n jal rahaa hai
pighal rahaa hai
magar me.n phir KHud se puuchhtaa huu.n
ye daastaa.n to abhii sunii hai
ye aa.nsuu bhii kyaa abhii Dhalaa hai
ye aa.nsuu
kyaa mai.n ye samjhuu.n
pahle kahii.n nahii.n thaa
mujhe to shak hai ki ye kahii.n thaa
ye mere dil aur merii palko.n ke darmiyaa.n
ik jo faasla hai
jahaa.n KHayaalo.n ke shahr zinda hai.n
aur KHvaabo.n kii turbate.n hai.n
jahaa.n mohabbat ke uj.De baaGo.n me.n
talKHiyo.n ke babuul hai.n
aur kuchh nahii.n hai
jahaa.n se aage hai.n
uljhano.n ke ghanere ja.ngal

Javed Akhtar
Nazm

pat-jhaD

vo baad-e-sard kii be-mehr tezii hai
ki KHuun-e-dil bhii ab kuchh munjamid ma.aluum hotaa hai
na vo shoriidgii baaqii na ab vo shor-e-girya hai
mire daaG-e-jigar se vo taraavish bhii nahii.n hotii
mirii ra.anaa.iyaa.n mujh se gurezaa.n hai.n
vo merii fitrat-e-ma.asuum vo merii jigar-sozii
vo merii dard-mandii vo KHamoshii vo kam-aamezii
vo ashko.n kii dil-aavezii
har ik shai maa.il-e-parvaaz ho jaise
mujhe is kaa bahut Gam hai
abhii tak is zavaal-e-dilbarii kaa dil ko maatam hai
mai.n hairaa.n huu.n ki kyaa yazdaa.n bhii ko.ii tifl-e-maktab hai
ki jo yuu.n khel kar par noch letaa hai pata.ngo.n ke
vo kaisii suurate.n ho.ngii jo zer-e-KHaak pinhaa.n hai.n
magar vo log jo miTne se pahle maa.nd pa.D jaa.e.n
vo jin kii guftuguu bhii ek sargoshii sii ban jaa.e
vo afsurda pashemaa.n muzmahil maayuus aa.e jo
faraamoshii kii manzil kii taraf chupke se ba.Dhte hai.n
bhalaa un kii talaafii va.ada-e-ra.ngii.n se kyaa hogii
KHudaa-e-do-jahaa.n hai tuu bhii kitnaa shoKH-o-be-parvaa

Obaidur Rahman Azmi
Nazm

madrasa ali-gaDh

KHudaa alii-ga.Dh ke madrase ko tamaam amraaz se shifaa de
bhare hu.e hai.n raiis-zaade amiir-zaade shariif-zaade
latiif o KHush-vaz.a chust o chaalaak o saaf o paakiiza shaad-o-KHurram
tabii.ato.n me.n hai in kii jaudat dilo.n me.n in ke hai.n nek iraade
kamaal-e-mehnat se pa.Dh rahe hai.n kamaal-e-Gairat se pa.Dh rahe hai.n
savaar mashriq raah me.n hai.n to maGribii raah me.n piyaade
har ik hai in me.n kaa be-shak aisaa ki aap use chaahte hai.n jaisaa
dikhaave mahfil me.n qadd-e-ra.anaa jo aap aa.e.n to sar jhukaa de
faqiir maa.nge to saaf kah de.n ki tuu hai mazbuut jaa kamaa khaa
qubuul farmaa.e.n aap daavat to apnaa sarmaaya kul khilaa de
buto.n se in ko nahii.n lagaavaT miso.n kii lete nahii.n vo aahaT
tamaam quvvat hai sarf-e-KHvaandan nazar ke bhole hai.n dil ke saade
nazar bhii aa.e jo zulf-e-pechaa.n to samjhe.n ye ko.ii policy hai
electric light us ko samjhe.n jo barq-vash ko.ii kuude
nikalte hai.n kar ke Gol-bandii ba-naam-e-tahziib o dard-mandii
ye kah ke lete hai.n sab se chande jo tum hame.n do tumhe.n KHudaa de
unhe.n isii baat par yaqii.n hai ki bas yahii asl kaar-e-dii.n hai
isii se hogaa faroG-e-qaumii isii se chamke.nge baap daade
makaan-e-college ke sab makii.n hai.n abhii unhe.n tajrabe nahii.n hai.n
KHabar nahii.n hai ki aage chal kar hai kaisii manzil hai.n kaise jaade
dilo.n me.n in ke hai.n nuur-e-iimaa.n qavii nahii.n hai magar nigahbaa.n
havaa-e-mantiq adaa-e-tiflii ye sham.a aisaa na ho bujhaa de
fareb de kar nikaale matlab sikhaa.e tahqiir-e-diin-o-mazhab
miTaa de aaKHir ko diin-o-maz.hab numuud-e-zaatii ko go ba.Dhaa de
yahii bas 'akbar' kii iltijaa hai janaab baarii me.n ye du.aa hai
uluum o hikmat kaa dars in ko professor de.n samajh KHudaa de

Akbar Allahabadi
Nazm

dard

sarsaraahaT hai
na aahaT hai
na halchal
na chubhan
dard chup-chaap
kisii dhiimii nadii kii suurat
saa.ns letii hu.ii
gaa.nTho.n me.n
utar aayaa hai
kitne barso.n kii
riyaazat se
hunar-mandii se
aaise bikhre hu.e
resho.n ko sameTaa hai magar
aur har baar
har ik baar
bahut jatano.n se
jism ko jaan se
jo.Daa hai magar
be-sabab saa.ns kii kaTtii Dorii
kab se thaame hu.e
baiThe hai.n magar
aaj nahii.n
yaa kahii.n dard thame
aur sakuu.n mil jaa.e
yaa ko.ii gaa.nTh khule
aur qaraar aa jaa.e

Gulnaz Kausar
Nazm

hamari ruh ka naghma kahan hai?

vo dard-e-aarzuu
jo larza-bar-andaam thaa pahnaa.e aalam me.n
vo harf-e-tishnagii
jo naGma-bar-lab thaa dabistaan-e-shab-e-Gam me.n
vo ik duniyaa-e-naa-paidaa-karaaa.n thii
aasmaa.n kii vus.ate.n jis me.n samaa.ii thii.n

Sajida Zaidi
Nazm

hum shair hote hain

ham paidaa karte hai.n
ham giilii miTTii ko muTThii me.n bhii.nchaa karte hai.n
to shakle.n bantii hai.n
ham un kii cho.nche.n khol ke saa.nse.n phuu.nkaa karte hai.n
jo miTTii the vo chhuu lene se taa.ir hote hai.n
ham shaa.ir hote hai.n
kan.aan me.n rahte hai.n
jab jalva karte hai.n
to shashdar a.ngushto.n ko pore.n nashtar detii hai.n
phir KHuun Tapaktaa hai jo sard nahii.n hotaa
ik sahmaa saa sakta hotaa hai dard nahii.n hotaa
yuunaan ke Daaku hai.n
ham devtaa.o.n ke mahal me.n naqab lagaayaa karte hai.n
ham aasmaan kaa niilaa shah-darvaaza to.Dte hai.n
ham aag churaate hai.n
to is duniyaa kii yaKH choTii se barf pighaltii hai
phir jame hu.e siine milte hai.n
saa.ns humaktii hai
aur shiryaano.n ke mu.nh khulte hai.n
KHuun dha.Daktaa hai
jiivan-raamaayan me.n
jab raavan istibdaadii kaarobaar chalaataa hai
ham siitaa likhte hai.n
jab rath ke pahiye jismo.n ke poshaak kuchalte hai.n
to giitaa likhte hai.n
jab ho.nTo.n ke sahme kap.Do.n par baKHiya hotaa hai
ham bolaa karte hai.n
jab manDii se ek ek taraazuu Gaa.eb hotaa hai
to jiivan ko miizaan pe rakh kar tolaa karte hai.n
mazduurii karte hai.n
ham lafzo.n ke jangal se lak.Dii kaaTaa karte hai.n
ham arkashii ke maahir hai.n ambaar lagaate hai.n
phir randa pherte hai.n phir barmaa dete hai.n
phir budh milaate hai.n phir chuul biThaate hai.n
ham tho.De tho.De hote hai.n
is bharii bharaa.ii duniyaa me.n ham kam-kam hote hai.n
jab shahr me.n jangal dar aa.e aur us kaa chalan ja.nglaa.e
to ham Gaar se aate hai.n
jab jangal shahr kii zad me.n ho aur us kaa sukuu.n shahraa.e
to bargad se nikalte hai.n
ham tho.De tho.De hote hai.n
ham kam-kam hote hai.n
ham shaa.ir hote hai.n

Waheed Ahmad
Nazm

KHatun-e-mashriq

ilm se har chand tujh ko kam kiyaa hai bahra-mand
lekin is se ho na ai ma.asuum aurat dard-mand

Josh Malihabadi
Nazm

koyal

lekin nahii.n dard-ma.nd ik tuu
hai teraa shariik ek naashaad
terii hai nisf shab se kuu kuu
us kii shab bhar hai aah-o-fariyaad

Azeemuddin Ahmad
Nazm

gandhi

yaksaa.n the kul mazaahib-e-aalam tere liye
har zii-hayaat se tujhe duniyaa me.n pyaar thaa
bad-haal the jo un ko uThaane ke vaaste
ai dard-ma.nd qalb tiraa be-qaraar thaa

Dharmpal Aaqil
Nazm

doshiza malan

ai huur-e-baaG itnii KHudii se na kaam le
u.D kar shamiim-e-gul kahii.n aa.nchal na thaam le
kaliyo.n kaa le payaam sahar kaa salaam le
'kaifii' se husn-e-dost kaa taaza kalaam le
shaa.er kaa dil hai muft me.n kyuu.n dard-ma.nd ho
ik gul idhar bhii nazm agar ye pasand ho

Kaifi Azmi
Nazm

bulbul

tujhe bahaar kaa ik murG-e-KHush-navaa samjhuu.n
ki dard-ma.nd dilo.n kii ko.ii sadaa samjhuu.n
sivaa ik aah ke saamaan-e-hast-o-buud hai kyaa
tuu hii bataa tiraa sarmaaya-e-vajuud hai kyaa
vo naqd-e-jaa.n hai ki hai naala-e-hazii.n teraa
nishaan-e-hastii-e-mauhuum kuchh nahii.n teraa
use bhii vaqf-e-tamanna-e-yaar kar denaa!
nisaar-e-jalva-e-gul jaan-e-zaar kar denaa!

Majnoon Gorakhpuri
Nazm

globalization

ka.ii sadii kii mashaqqat pe fikrmand hu.e
KHayaal-e-yaar fazaa.o.n ke dard-ma.nd hu.e
shu.uur fikr se sargoshiyo.n me.n kahne lage
abhii to qudratii vasaa.il kii shanaasaa.ii hai
abhii to lab pe ka.ii nuqra.ii sadaa.e.n hai.n
abhii to aadmii ko aadmii pahchaantaa hai
abhii to mausamo.n kii ra.ngate.n nahii.n badlii.n
shu.uur fikar se sargoshiyo.n me.n kahne lage
abhii to shams ke maathe pe ko.ii bal bhii nahii.n
abhii to chaa.nd kii hai.at bhii huu-ba-huu hai vahii
abhii to ahl-e-fan ke haath bhii salaamat hai.n
abhii to zehn me.n KHush-haal soch raqsaa.n hai.n
shu.uur fikr se sargoshiyo.n me.n kahne lage
abhii bhii lab pe muskuraahaTo.n kii aas liye
ba-zaahir daur-e-nau ke naGme gungunaate hu.e
abhii bhii saahil-e-dariyaa pe zulf khole hu.e
mire KHayaal kii sargoshiyaa.n ye kahtii hai.n
ka.ii sadii kii mashaqqat pe zarb kar degaa
nayaa saveraa hame.n sharmsaar kar degaa

Afroz Alam
Nazm

talaba-e-ali-gaDh collage ke nam

auro.n kaa hai payaam aur meraa payaam aur hai
ishq ke dard-ma.nd kaa tarz-e-kalaam aur hai
taa.ir-e-zer-e-daam ke naale to san chuke ho tum
ye bhii suno ki naala-e-taa.ir-e-baam aur hai
aatii thii koh se sadaa raaz-e-hayaat hai sakuu.n
kahtaa thaa mor naa-tavaa.n lutf-e-KHiraam aur hai
jazb-e-haram se hai faroG anjuman hijaaz kaa
us kaa maqaam aur hai us kaa nizaam aur hai
maut hai aish-e-jaavedaa.n zauq-e-talab agar na ho
gardish-e-aadmii hai aur gardish-e-jaam aur hai
sham-e-sahar ye kah ga.ii soz hai zindagii kaa saaz
Gam-kada-e-numuud me.n shart-e-davaam aur hai
baada hai niim-ras abhii shauq hai naa-rasaa abhii
rahne do KHum ke sar pe tum KHisht-e-kaliisiyaa abhii

Allama Iqbal
Nazm

bujhi hui jawaniyan

na iztiraab-e-Gaznavii na mashrab-e-ayaaz hai
na KHuun me.n haraarate.n na soz hai na saaz hai
na zauq-e-jaam-o-mai-kada na but-kade kii aarzuu
na tauf kuu-e-yaar kaa na hasrate.n na justujuu
na zauq-e-teG-e-naaz hai na shauq-e-naavak-e-nazar
na naala-e-hazii.n-rasaa na aah-e-sard me.n asar
na ham-nashii.n na valvala ki lau kahii.n lagaa.e.n ham
na hausla ki saKHtiyaa.n firaaq kii uThaa.e.n ham
na saaz-e-ishq Gam-rubaa na kaif-zaa hai jaam-e-Gam
na iztiraab-e-hijr hai na intizaar-e-shaam-e-Gam
na sarKHushii na aaqilii na aashiqii na bandagii
na naGma-e-tarab-fizaa na Gam-taraaz-e-zindagii
masarrate.n na raahate.n mohabbate.n na lazzate.n
ba.Dhii hu.ii kuduurate.n ba.Dhii hu.ii adaavate.n
na dard-ma.nd ishq hai.n na chaara-saaz-e-dard hai.n
uThe to kyaa rahe to kyaa ki rahguzar kii gard hai.n
na shorishe.n na kaavishe.n na josh hai na valvala
bujhii hu.ii tabii.ate.n bujhaa hu.aa saa hausla
agar yahii hai zindagii agar yahii shabaab hai
to mai.n kahuu.ngaa dosto ye mustaqil azaab hai

Qaisar Amravatwi
Nazm

chahaton ka jahan hai urdu

chaahato.n kaa jahaan hai urdu
raahato.n kaa nishaan hai urdu
ishq kaa e'tibaar aur vaqaar
husn kii aan-baan hai urdu
dil-fazaa zau-kada sabaahat kaa
aur malaahat kii kaan hai urdu
nasr kaa hai KHiraam-e-KHush-ha.ngaam
shaa.irii kii u.Daan hai urdu
zinda hai apnaa zauq-o-shauq is se
aarzuu.o.n kii jaan hai urdu
lutf hastii kaa rang mastii kaa
KHushnumaa kaarvaan hai urdu
zikr-e-aaraa.ish-e-KHam-e-kaakul
kaif-e-hindostaan hai urdu
daftar-e-ittihaad-o-yak-jehtii
pyaar kii daastaan hai urdu
ektaa hai anektaa me.n bhii
dost-daarii kaa maan hai urdu
'Gaalib'-o-'miir' is ke shaidaa the
jin kii ruuh-e-ravaan hai urdu
'aatish' o 'momin' o 'naziir' o 'jigar'
jin kii ra.ngii.n zabaan hai urdu
is ke aashiq 'nasiim' aur chakbast
jin ke jazbo.n kii shaan shaan hai urdu
dost is ke 'suruur' aur 'sarshaar'
is liye shaadmaan hai urdu
dard-ma.nd is ke 'premchand' rahe
jin ke baa.is javaan hai urdu
is ke mushtaaq 'mullaa' aur 'firaaq'
jin ke dil kaa bayaan hai urdu
na.ara-zan 'josh' kaa KHarosh is me.n
josh kii tarjumaan hai urdu
'faiz' o 'iqbaal' o kirshn-chandar se
vus.at-e-be-karaan hai urdu
dhuum 'mahruum' kii hu.ii is me.n
aur 'munavaar' kii aan hai urdu
'raashid' o 'miiraa-jii' kii albelii
shoKH-adaa raazdaan hai urdu
fitnat-o-fan kii daulat-e-bedaar
'krishn-mohan' kii jaan hai urdu

Krishna Mohan
Nazm

march 1907

zamaana aayaa hai be-hijaabii kaa aam diidaar-e-yaar hogaa
sukuut thaa parda-daar jis kaa vo raaz ab aashkaar hogaa
guzar gayaa ab vo daur-e-saaqii ki chhup ke piite the piine vaale
banegaa saaraa jahaan mai-KHaana har ko.ii baada-KHvaar hogaa
kabhii jo aavaara-e-junuu.n the vo bastiyo.n me.n phir aa base.nge
barahna-paa.ii vahii rahegii magar nayaa KHaarzaar hogaa
sunaa diyaa gosh-e-muntazir ko hijaaz kii KHaamushii ne aaKHir
jo ahd sahraa.iyo.n se baa.ndhaa gayaa thaa phir ustuvaar hogaa
nikal ke sahraa se jis ne ruumaa kii saltanat ko ulaT diyaa thaa
sunaa hai ye qudsiyo.n se mai.n ne vo sher phir hoshiyaar hogaa
kiyaa miraa tazkira jo saaqii ne baada-KHvaaro.n kii anjuman me.n
to piir-e-mai-KHaana sun ke kahne lagaa ki mu.nh-phaT hai KHvaar hogaa
dayaar-e-maGrib ke rahne vaalo KHudaa kii bastii dukaa.n nahii.n hai
kharaa jise tum samajh rahe ho vo ab zar-e-kam-ayaar hogaa
tumhaarii tahziib apne KHanjar se aap hii KHud-kushii karegii
jo shaaKH-e-naazuk pe aashiyaana banegaa naa-paa.edaar hogaa
safiina-e-barg-e-gul banaa legaa qaafila mor-e-naa-tavaa.n kaa
hazaar maujo.n kii ho kashaakash magar ye dariyaa se paar hogaa
chaman me.n laala dikhaataa phirtaa hai daaG apnaa kalii kalii ko
ye jaantaa hai ki is dikhaave se dil-jalo.n me.n shumaar hogaa
jo ek thaa ai nigaah tuu ne hazaar kar ke hame.n dikhaayaa
yahii agar kaifiyat hai terii to phir kise e'tibaar hogaa
kahaa jo qumrii se mai.n ne ik din yahaa.n ke aazaad paa-ba-gil hai.n
tuu Gunche kahne lage hamaare chaman kaa ye raazdaar hogaa
KHudaa ke aashiq to hai.n hazaaro.n bano.n me.n phirte hai.n maare maare
mai.n us kaa banda banuu.ngaa jis ko KHudaa ke bando.n se pyaar hogaa
ye rasm-e-bazm-e-fanaa hai ai dil gunaah hai jumbish-e-nazar bhii
rahegii kyaa aabruu hamaarii jo tuu yahaa.n be-qaraar hogaa
mai.n zulmat-e-shab me.n le ke nikluu.ngaa apne dar-maa.nda kaarvaa.n ko
sharar-fishaa.n hogii aah merii nafas miraa shola-baar hogaa
nahii.n hai Gair-az-numuud kuchh bhii jo mudda.aa terii zindagii kaa
tuu ik nafas me.n jahaa.n se miTnaa tujhe misaal-e-sharaar hogaa
na puuchh 'iqbaal' kaa Thikaanaa abhii vahii kaifiyat hai us kii
kahii.n sar-e-raah-guzaar baiThaa sitam-kash-e-intizaar hogaa

Allama Iqbal
Nazm

lamha-e-amad

dard ke ta.aaqub me.n
fasl-e-dil yuu.n rahtii hai
an-ginat jaziiro.n se
kashtiyaa.n sii aatii hai.n
kaaGaz-o-qalam ke biich
raasta banaatii hai.n
lafz aur ma.anii me.n
Duub Duub jaatii hai.n
dard-e-dil kii fasle.n tab
KHuub lahlahaatii hai.n
phuul se khilaatii hai.n
gungunaatii jaatii hai.n
muskuraatii jaatii hai.n
vus.ato.n kaa jangal saa
phail phail jaataa hai

Vishal Khullar
Nazm

be-mani

kuchh lafz bahut be-ma.anii se
kuchh lafz bahut hii be-matlab
jab zehn me.n be-ma.anii aa kar
ruk jaate hai.n be-matlab hii
to aisaa lagtaa hai mujh ko
ye duniyaa ye jiinaa marnaa
ye pyaar mohabbat ye rishte
ye ranj-o-Gam ye dard-o-alam
ye KHushiyaa.n ye gahmaa-gahmii
ye sab kuchh hii be-ma.anii hai
ye sab kuchh hii be-matlab hai

Syed Parvez
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now