Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "gaaliban"

Nazm MATCHES FOR "gaaliban"

Nazm

ai nae sal bata tujh mein naya-pan kya hai

be-sabab log kyo.n dete hai.n mubaarak-baade.n
Gaaliban bhuul ga.e vaqt kii ka.Dvii yaade.n

Faiz Ludhianvi
Nazm

KHarabi

KHaraabii kaa aaGaaz
kab aur kahaa.n se hu.aa
ye bataanaa hai mushkil
kahaa.n zaKHm khaa.e
kahaa.n se hu.e vaar
ye bhii dikhaanaa hai mushkil
kahaa.n zabt kii dhuup me.n ham bikharte ga.e
aur kahaa.n tak ko.ii sabr ham ne sameTaa
sunaanaa hai mushkil
KHaraabii bahut saKHt-jaa.n hai
hame.n lag rahaa thaa ye ham se ulajh kar
kahii.n mar chukii hai
magar ab jo dekhaa to ye shahr me.n
shahr ke har mohalle me.n har har galii me.n
dhu.e.n kii tarah bhar chukii hai
KHaraabii ru.e.n me.n
KHvaabo.n me.n, KHvaahish me.n
rishto.n me.n ghir chukii hai
KHaraabii to lagtaa hai
KHuu.n me.n asar kar chukii hai
KHaraabii kaa aaGaaz
jab bhii jahaa.n se hu.aa ho
KHaraabii ke anjaam se Gaaliban
jaa.n chhu.Daanaa hai mushkil

Azm Bahzad
Nazm

maut ka dusra nam

us ko albam dikhaate hu.e
mai.n batlaayaa
ye dekhiye ye meraa dost hai
aaj kal Gaaliban kenya me.n
rabar kii kisii farm me.n uu.nche ohde pe hai
us ne chehre ko lambaa banaa kar kahaa
mai.n use jaantaa huu.n
ka.ii baar do-chaar paig us ke hamraah bhii pii chukaa huu.n
ye chhe saal pahle mujhe kenya me.n milaa thaa
magar us mulaaqaat ke duusre hii baras
rail ke haadse me.n ye maaraa gayaa thaa!
fazaa daf.atan dard se bhar ga.ii
samajh me.n na aataa thaa mai.n us kii Dhaaras ba.ndhaa.uu.n
ki KHud chand taskiin ke lafz chaahuu.n
to aisaa bhii hotaa hai
ye shaKHs jo mere albam ke is kaale panne ke albam pe baiThaa hu.aa muskuraataa hai
aaj tak mere nazdiik zinda thaa ye
aur mere ta.ii.n do gha.Dii pesh-tar hii maraa hai
to kyaa maut kaa duusraa naam hai aagahii!

Muzaffar Hanfi
Nazm

aam hai aur aam hai

chhuTTiiyaa.n hai.n mai.n huu.n miiThaa aam hai
aur ab meraa bhalaa kyaa kaam hai
mango khaanaa aur piinaa milkshake
shaGl ab apnaa ye sub.h-o-shaam hai
garmiyaa.n hai.n garmiyaa.n hai.n garmiyaa.n
aam hai aur aam hai aur aam hai
naashta khaanaa dinner yaa lunch ho
aam ke mausam me.n nazr-e-aam hai
mai.n nahii.n chho.Duu.ngaa ab la.ng.De kii Taa.ng
chuus luu.ngaa chausaa aisaa aam hai
aam kahtaa hai jise saaraa jahaa.n
Gaaliban jannat ke phal kaa naam hai
is kii quvvat kaa bhalaa kyaa puuchhnaa
fauq sad.haa pista-o-baadaam hai
shauq jis ko aam khaane kaa nahii.n
zauq me.n vo ham-sar-e-in.aam hai
sab phalo.n kaa jab taqaabul ho 'asar'
aam hii bas qaabil-e-in.aam hai

Shaheen Iqbal Asar
Nazm

kahani

suno tum likh ke de do naa
kahaanii me.n kahaa.n sach hai
kahaa.n pe ruk ke tum ne Gaaliban kuchh jhuuT likhnaa hai
kahaa.n aisaa ko.ii ik mo.D aanaa hai
jahaa.n chaalaan mumkin hai
kahaa.n vo besh-qiimat saa
sunahrii chhoTaa saa Dibbaa jo apnii dha.Dkano.n se apne hone kii gavaahii de rahaa hai
TuuT jaanaa hai
kahaa.n qaarii ko samjhaanaa hai
dukh ke is alaav me.n jhulastii sii kahaanii rok denaa hii zaruurii hai
safar me.n ruk ke sab ko alvidaa.a kahne kaa lamha laazmii hai
kahaa.n taariiKH likh ke is qalam ko jeb me.n rakhnaa zaruurii ho gayaa hai
suno tum ye bataa.o naa
tumhaarii tilsmaatii sii kahaanii me.n ko.ii kirdaar to hogaa
jo zimmedaar hogaa
kahaa.n par markazii kirdaar ne dukh dard siine me.n chhupaanaa hai
falak ko bad-gumaa.n kar ke
zamii.n ko aasmaa.n hotaa dikhaanaa hai
nadaamat aur malaamat saath rakhnii hai
har ik saa.at ke saare dukh uThaane hai.n
nibhaane hai.n
bataanaa hai
mohabbat zindagii kaa isti.aara hai
mohabbat raat kaa pahlaa sitaara hai
yaa
dukh kaa aaKHirii ko.ii kinaara hai

Rabia Basri
Nazm

apni apni raushni

vaise us taariik jangal ke safar ke qabl bhii
haath me.n us ke
yahii ik TimTimaataa kaa.nptaa nanhaa diyaa thaa
kuchh to shohrat kii havas ne
aur kuchh ahmaq bahii-KHvaaho.n ne
is kii saada-lauhii ko sazaa dii
us ke tiflaana iraada ko havaa dii
laa ke sarhad par KHudaa-haafiz kahaa
us ke KHizaab-aaluuda sar ko ye sa.aadat dii
dhu.aa.n khaa.ii hu.ii
bad-ra.ng dastaar-e-qayaadat dii
to vo siina phulaa.e
apnii dastaar-e-qayaamat ko sambhaale
kaa.npte nanhe diye ko
ek mash.al kii tarah uu.nchaa uThaa.e
chal pa.Daa thaa
Gaaliban vo do-qadam hii jaa sakaa hogaa
ki piilii aa.ndhiyo.n ne
dast-e-larzaa.n me.n larazte us diye ko
naza.a kii hichkii ataa kii
us pe teraa
chhiin lii dastaar us kii
us ne aaGaaz-e-safar kii saarii KHush-fahmii
bikhartii dekh kar
jab lauTnaa chaahaa
to ye mumkin nahii.n thaa
har taraf taariikiyaa.n thii.n
daf.atan kuchh duur piichhe
us ne dekhaa
aasmaa.n se baat kartii dhuul kii diivaar
ba.Dhtii aa rahii hai
aur kuchh qurbat hu.ii to us ne dekhaa
vo ka.ii the
un ke haatho.n me.n bha.Daktii mish.ale.n thii.n
kaasa-e-namnaak se us ne
Garaz kii gandagii
jo us ko fitrat me.n milii thii
po.nchh Daalii
aur fauran Gaaza-e-maasuum
ye us kii aadat ban chukii thii
apne chehre par cha.Dhaayaa
ek hii maqsad thaa ya.anii
dhuul u.Daate qaafile se
ek mash.al le sake vo
Gaaza-e-maasuumiyat phir kaam aayaa
qaafila vaalo.n ne us ko
ek mash.al de ke
apne saath chalne ko kahaa
lekin kahaa.n tak
vo nihaayat tez-rau aur yak-qadam the
us ke naaz paa.o.n
suukhii haDDiyo.n ke zor par kyaa saath dete
ek qadam yaa do-qadam
phir thak gayaa vo
rafta rafta
us kii vo maa.ngii hu.ii mash.al
KHud apne ra.ng-o-roGan khaa rahii thii
ab faqat bhe.nchii hu.ii mohtaat muTThii me.n
a.ndhere kii chha.Dii thii
baad-o-baaraa.n tez tuufaa.n
zehn-e-tiflak me.n safar ke qabl
un dushvaariyo.n kaa
ek halkaa saa tasavvur bhii nahii.n thaa
ab jo ye bar-aks suurat ho ga.ii thii
ro pa.Daa vo
us kii paspaa.ii me.n lekin hausla thaa
daaman-e-ummiid ab bhii haath me.n thaa
daf.atan us ne ye dekhaa
dhundlii gahrii raushniyo.n ke ka.ii haalo.n me.n
kuchh ba.Dhte qadam nazdiik hote jaa rahe the
un ke ho.nTo.n se KHamoshii chhin rahii thii
sust-rau the
phir bhii un kii chaal me.n ik tamkanat thii
us ne sochaa
un na.e logo.n kii tarah tez nahii.n hai
un kii hamraahii me.n
qadmo.n kii naqaahat be-asar hai
aur manzil ek sa.ii-e-muKHtasar hai
ik na.ii ummiid le kar
pusht par murda diye taariik mash.al ko chhupaa kar
guftuguu me.n maslahat aamez narmii ghol kar
us ne na.e logo.n se ik mash.al talab kii

Zaheer Siddiqui
Nazm

kahin TuTte hain

bahut duur tak
ye jo viiraan sii rahguzar hai
jahaa.n dhuul u.Dtii hai
sadiyo.n kii be-e'tinaa.ii me.n
kho.e hu.e
qaafilo.n kii sadaa.e.n bhaTaktii hu.ii
phir rahii hai.n, daraKHto.n me.n
aa.nsuu me.n
sahraa.o.n kii KHaamushii hai
udha.Dte hu.e KHvaab hai.n
aur u.Dte hu.e KHushk patte
kahii.n Thokare.n hai.n
sadaa.e.n hai.n
afsuu.n hai samto.n kaa
hadd-e-nazar tak
ye taariik saa jo kura hai
ufuq-taa-ufuq jo ghanerii ridaa hai
jahaa.n aa.nkh me.n tairte hai.n zamaane
ki ham Duubte hai.n
to is me.n
ta.alluq hii, vo raushnii hai
jo insaa.n ko jiine kaa rasta dikhaatii hai
kandho.n pe
haatho.n kaa lams-e-gurezaa.n hai.n
hone kaa mafhuum hai Gaaliban
vagarna vahii raat hai chaar-suu
jis me.n ham tum bhaTakte hai.n
aur la.Dkha.Daate hai.n, girte hai.n
aur aasmaa.n, haath apne ba.Dhaa kar
kahii.n Taa.nk detaa hai ham ko
kahii.n phir chamakte, kahii.n TuuTte hai.n

Abrar Ahmad
Nazm

jalal-e-husn

kal dikhii thii vo mujh ko
Gaaziyo.n ke majma' me.n
baaGiyo.n ke halqe me.n
haq ke pairokaaro.n me.n
inqilaabii naa'ro.n me.n
lashkar-e-shujaa'at me.n
kaarvaan-e-himmat me.n
us kii jis kalaa.ii me.n
mere naam kaa kangan
karvaTe.n badaltaa thaa
aaj us kalaa.ii par
ik safed paTTii thii
jis pe KHuun ke chhii.nTe
Gaaliban bataate the
goyaa us ne kal shab hii
chuu.Diyo.n ko to.Daa ho
us kii chau.Dii peshaanii
jis pe zaKHm kaa gahraa
ik nishaan ubhraa thaa
zulm aur sitam kii jo
daastaa.n sunaataa thaa
us kii surma.ii aa.nkhe.n
baarhaa jinhe.n mai.n ne
jhiil se milaayaa thaa
un me.n KHuu.n ubaltaa thaa
Gaiz aur Gazab me.n vo
intiqaam ke sho'le
barhamii ke angaare
aatishii dahakte the
us ke pankhu.Dii se lab
azhdahe kii suurat me.n
zulm ke sapolo.n ko
Garq karne vaale the
us kii vo siyah zulfe.n
zulm ke makaano.n me.n
raat laane vaalii thii.n
vo nishaan-e-haq thaame
kaarvaan-e-haq le kar
jo qadam ba.Dhaatii thii
us ke naqsh-e-paa yaaro
ret par sunahrii sii
kahkashaa.n banaate the
mai.n zaraa rukaa Thahraa
do qadam chalaa aur phir
us ke naqsh-e-paa chuume
chuum kar chalaa aayaa

Safar Naqvi
Nazm

kahani ek raat ki

niim kii shaaKHo.n ke piichhe uf ye kau.nde kii lapak
aur u.Dte abr-paaro.n kii garaj
tez-rau aa.ndhii ke qadmo.n kii ye bhaarii aahaTe.n
tez baarish ke hai.n aasaar-e-muhiib
bhiig jaa.egaa ko.ii
band darvaaze ko ab to khol denaa chaahiye
jaane phir ye kaun apnii saKHt baa.nho.n me.n
jaka.Dtaa hai mujhe
jaane kyuu.n ruk ruk ga.e mere azaa.em ke qadam
kaun hai is hajla-e-taariik me.n mere sivaa
jaantaa huu.n mashriqii ruKH par tipaa.ii ke qariib
shaam ko jaltaa rahaa aahista bosiida charaaG
ab vahaa.n tak jaa sakuu.ngaa kis tarah
saa.ebaano.n se pighaltii be-karaa.n zulmat kii rau
ba.Dh ga.ii hai to.D kar saare huduud
chiiKH kar kis ko pukaaruu.n kis ko mai.n aavaaz duu.n
niim kii larziida shaaKHo.n me.n garajtaa hai ufuq
shor ba.Dhtaa jaa rahaa hai kyaa karuu.n
aur vo dastak kii dhiimii sii sadaa
Gaaliban taa-hashr ubhregii nahii.n
kyaa bhayaanak raat hai

Danish Farazi
Nazm

jangal mein mor

phir hu.aa yuu.n ek din dauraan-e-raqs
Gaaliban shiishe kaa Tuk.Daa yaa ko.ii kankar chubhaa
raqs to kyaa chalne phirne se hu.aa ma.azuur mai.n
rafta rafta ho gayaa ahl-e-jahaa.n se duur mai.n

Basir Sultan Kazmi
Nazm

yaad-goi

griishm kii dil-fareb raatrii
kyaa ho.D lagaa kar khile hai.n amaltaas aur madhu-maaltii
ra.ng aur sugandh aaj Dho rahe hai.n tumhaarii yaado.n kii paalkii
is sa.Dak se itnii baar guzraa huu.n ki aahaT ko pahchaan.ne lage hai.n kutte
mujhe apne itne qariib dekh kar bhii in me.n ko.ii harakat ko.ii sugbugaahaT nahii.n
Gaaliban ab inhe.n bhii mujh se ko.ii tavaqqo.a ko.ii raah nahii.n rahii
bahut saghan hai tumhaarii pratikshaa
meraa vikalp aavaargii

Sudhanshu Firdaus
Nazm

tarz-e-nau ki shaeri

nasr-e-nazm-aaluud hai ye tarz-e-nau kii shaa.erii
maash kii khich.Dii hai jo puurii tarah pakkii na ho
yaa vo haajii hai karachi tak jo jaa kar lauT aa.e
Gaaliban aadhaa hai tiitar aur aadhaa hai baTer
kar diyaa sayyaad ne par qai.nch u.D saktaa nahii.n
mai.n unhii shero.n se paidaa kar rahaa huu.n inqalaab
'haafiz' o 'KHayyaam' se kah do ki mahshar ho gayaa
tundi-e-sahbaa se chaknaachuur saaGar ho gayaa
shaa.erii kii fikr hai circus kii belii dancer
to.D kar bandish ko taqriiban barahna ho ga.ii
KHirman-e-sher-o-adab par bijliyaa.n girne lagii.n
''aag is ghar ko lagii aisii kii jo thaa jal gayaa''
is ko kahte hai.n ki ye hai blank-verse
''verse'' ho jaataa hai jab bhii zehn ho bilkul blank
tarz-e-nau kii shaa.erii bhii suur-e-israafiil hai
shaa.erii haabiil hai aur tarz-e-nau qaabiil hai

Syed Mohammad Jafri
Nazm

ghar ka wahid mard

mirii baajii
bahut der se mujhe aavaaze.n de rahii thii.n
Gaaliban baazaar jaanaa thaa
jab se abbaa kaa intiqaal hu.aa hai
vo har chhoTe-ba.De kaam ke liye
jab bhii kahii.n jaatii.n mujhe saath le jaatii thii.n
kabhii kabhii to mujhe bahut buraa lagtaa
aaj bhii mai.n apnaa khel chho.D kar uThaa
baajii ne sar par chaadar Daalii ammii se paise liye
aur meraa haath thaam kar chal dii.n
mai.n bahan se chimTaa hu.aa chal rahaa thaa
baazaar aur ghar kii darmiyaanii ta.ng galii me.n
sar-e-shaam taariikii chhaa jaatii thii
mujhe vahaa.n se guzarte hu.e hamesha hii KHauf aataa thaa

Firoz Natiq Khusro
Nazm

paDosi

ai aish-mahal ke rahne vaalo
dekho to kabhii nazar uThaa kar
haal apne pa.Dosiyo.n kaa bhii kuchh
TuuTe hu.e jho.npa.Do.n ke andar
insaan kii shakl me.n bahaa.im
aulaad-e-bashar giddho.n se bad-tar
naa-chaar-o-tabaah-o-zaar-o-biimaar
rusvaa-o-zaliil-o-KHvaar-o-abtar
faaqo.n kii hai jin ke ruKH pe zardii
fikro.n se jo ho rahe hai.n laaGar
kap.Daa nahii.n jin ke tan pe saabit
chaadar hai na jin ke paas bistar
suukhii hu.ii roTiyaa.n bhii jin ko
miltii nahii.n do do vaqt aksar
dekhii nahii.n amn-o-aafiyat kii
suurat bhii jinho.n ne zindagii-bhar
qismat me.n nahii.n hai jin kii aaraam
kolhuu kaa jo bail hai.n saraasar
lekin tumhe.n Gaaliban ye ik baat
ma.aluum nahii.n hai banda-parvar
sadqa hai unhii.n kii juutiyo.n kaa
saarii ye tumhaarii shaukat-o-farr
gar pher le.n ye nazar kuchh apnii
tum ko na rahe KHabar kuchh apnii

Ahmaq Phaphoondvi
Nazm

octopus

KHvaahish kaa ik samundar
mere dil me.n
duur tak apnii ja.De.n phailaa.e
mujh ko apne ghere me.n liye
apnii maujo.n ke sahaare
chuus lenaa chaahtaa hai sab lahuu
Gaaliban
ik octopus ke
ghane panjo.n kii zad me.n huu.n mai.n 'aadil'

Adil Hayat
Nazm

bikharte lamhe

to yuu.n hu.aa
god me.n sahar kii
kiran masarrat kii jagmagaa.ii
ufuq se uTThaa
sahar kaa suuraj
na.ii adaa se niraale Dhab se
the us ke ruKH par
vafaa ke tevar
shab-e-Gulaamii ke zinda-daaro.n
ke aahanii azm kii lakiire.n
lahuu kii surKHii
vo Gaaliban tiis saal pahle
kii ek dilkash hasii.n sahar thii
ki dhu.ndle dhu.ndle se aks ab tak
mire KHayaalo.n me.n mushta.il hai.n
vo din the merii tufuuliyat ke
hazaaro.n lamhe bikhar bikhar kar simaT ga.e the
bahaar ke din palaT ga.e the

Jauhar Balliawi
Nazm

raqib se!

aajizii siikhii Gariibo.n kii himaayat siikhii
yaas-o-hirmaan ke dukh-dard ke ma.anii siikhe
zer-dasto.n ke masaa.ib ko samajhnaa siikhaa
sard aaho.n ke ruKH-e-zard ke ma.anii siikhe

Faiz Ahmad Faiz
Nazm

nisar main teri galiyon ke

nisaar mai.n tirii galiyo.n ke ai vatan ki jahaa.n
chalii hai rasm ki ko.ii na sar uThaa ke chale
jo ko.ii chaahne vaalaa tavaaf ko nikle
nazar churaa ke chale jism o jaa.n bachaa ke chale
hai ahl-e-dil ke liye ab ye nazm-e-bast-o-kushaad
ki sa.ng-o-KHisht muqayyad hai.n aur sag aazaad

Faiz Ahmad Faiz
Nazm

taj-mahal

merii mahbuub kahii.n aur milaa kar mujh se
bazm-e-shaahii me.n Gariibo.n kaa guzar kyaa ma.anii

Sahir Ludhianvi
Nazm

daraKHt-e-zard

hadaf ho.nge tumhaaraa kaun tum kis ke hadaf hoge
na jaane vaqt kii paikaar me.n tum kis taraf hoge
hai ran ye zindagii ik ran jo barpaa lamha lamha hai
hame.n is ran me.n kuchh bhii ho kisii jaanib to honaa hai
so ham bhii is nafas tak hai.n sipaahii ek lashkar ke
hazaaro.n saal se jiite chale aa.e hai.n mar mar ke
shuhuud ik fan hai aur merii adaavat be-fano.n se hai
mirii paikaar azal se
ye 'KHusro' 'miir' 'Gaalib' kaa KHaraaba bechtaa kyaa hai
hamaaraa 'Gaalib'-e-aazam thaa chor aaqa-e-'bedil' kaa
so rizq-e-faKHr ab ham khaa rahe hai.n 'miir'-e-bismil kaa
sidhaarat bhii thaa sharminda ki do-aabe kaa baasii thaa
tumhe.n ma.aluum hai urdu jo hai paalii se niklii hai
vo goyaa us kii hii ik pur-numuu Daalii se niklii hai

Jaun Eliya
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now