Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "kaamraanii"

Nazm MATCHES FOR "kaamraanii"

Nazm

eid ka din

zahe-qismat hilaal-e-eid kii suurat nazar aa.ii
jo the ramzaan ke biimaar un sab ne shifaa paa.ii
pahaa.Do.n se vo utre qaafile roza-guzaaruu.n ke
gayaa garmii kaa 'mausam aur aa.e din bahaaro.n ke
uThaa hotel kaa 'parda saamne parda-nashii.n aa.e
jo chhup kar kar rahe the ehtiraam-e-hukm-e-dii.n aa.e
hu.ii anguur kii beTii se ''mastii-KHaan'' kii shaadii
khule dar mai-kado.n ke aur milii rindo.n ko aazaadii
naved-e-kaamraanii laa rahe hai.n race ke gho.De
masarrat ke taraane gaa rahe hai.n race ke gho.De
mubaarak ho ki phir se ho gayaa ''dance'' aur ''dinner'' chaaluu
KHalaas ahl-e-nazar ho.nge hu.aa dard-e-jigar chaaluu
namaaz-e-eid pa.Dhne ke liye sarkaar aa.e hai.n
aur un ke saath saare taalib-e-diidaar aa.e hai.n
yahii din ahl-e-dil ke vaaste ummiid kaa din hai
tumhaarii diid kaa din hai hamaarii eid kaa din hai

Majeed Lahori
Nazm

hubb-e-watan

ai sip.har-e-barii.n ke sayyaaro
ai fazaa-e-zamii.n ke gul-zaaro
ai pahaa.Do.n kii dil-fareb fazaa
ai lab-e-juu kii ThanDii ThanDii havaa
ai anaadil ke naGma-e-saharii
ai shab-e-maahtaab taaro.n bharii
ai nasiim-e-bahaar ke jho.nko
dahr-e-naa-paa.edaar ke dhoko
tum har ik haal me.n ho yuu.n to aziiz
the vatan me.n magar kuchh aur hii chiiz
jab vatan me.n hamaaraa thaa ramnaa
tum se dil baaG baaG thaa apnaa
tum mirii dil-lagii ke saamaa.n the
tum mire dard-e-dil ke darmaa.n the
tum se kaTtaa thaa ra.nj-e-tanhaa.ii
tum se paataa thaa dil shakebaa.ii
aan ik ik tumhaarii bhaatii thii
jo adaa thii vo jii lubhaatii thii
karte the jab tum apnii Gam-KHvaarii
dho.ii jaatii thii.n kulfate.n saarii
jab havaa khaane baaG jaate the
ho ke KHush-haal ghar me.n aate the
baiTh jaate the jab kabhii lab-e-aab
dho ke uThte the dil ke daaG shitaab
koh o sahraa o aasmaan o zamii.n
sab mirii dil-lagii kii shakle.n thii.n
par chhuTaa jis se apnaa mulk o dayaar
jii hu.aa tum se KHud-ba-KHud bezaar
na gulo.n kii adaa KHush aatii hai
na sadaa bulbulo.n kii bhaatii hai
sair-e-gulshan hai jii kaa ik janjaal
shab-e-mahtaab jaan ko hai vabaal
koh o sahraa se taa lab-e-dariyaa
jis taraf jaa.e.n jii nahii.n lagtaa
kyaa hu.e vo din aur vo raate.n
tum me.n aglii sii ab nahii.n baate.n
ham hii Gurbat me.n ho ga.e kuchh aur
yaa tumhaare badal ga.e kuchh taur
go vahii ham hai.n aur vahii duniyaa
par nahii.n ham ko lutf duniyaa kaa
ai vatan ai mire bahisht-e-barii.n
kyaa hu.e tere aasmaan o zamii.n
raat aur din kaa vo samaa.n na rahaa
vo zamii.n aur vo aasmaa.n na rahaa
terii duurii hai morid-e-aalaam
tere chhuTne se chhuT gayaa aaraam
kaaTe khaataa hai baaG bin tere
gul hai.n nazro.n me.n daaG bin tere
miT gayaa naqsh kaamraanii kaa
tujh se thaa lutf zindagaanii kaa
jo ki rahte hai.n tujh se duur sadaa
in ko kyaa hogaa zindagii kaa mazaa
ho gayaa yaa.n to do hii din me.n ye haal
tujh bin ek ek pal hai ik ik saal
sach bataa to sabhii ko bhaataa hai
yaa ki mujh se hii teraa naataa hai
mai.n hii kartaa huu.n tujh pe jaan nisaar
yaa ki duniyaa hai terii aashiq-e-zaar
kyaa zamaane ko tuu aziiz nahii.n
ai vatan tuu to aisii chiiz nahii.n
jin o insaan kii hayaat hai tuu
murG o maahii kii kaa.enaat hai tuu
hai nabaataat kaa numuu tujh se
ruukh tujh bin hare nahii.n hote
sab ko hotaa hai tujh se nashv-o-numaa
sab ko bhaatii hai terii aab-o-havaa
terii ik musht-e-KHaak ke badle
luu.n na hargiz agar bahisht mile
jaan jab tak na ho badan se judaa
ko.ii dushman na ho vatan se havaa

Altaf Hussain Hali
Nazm

meri shaeri

mirii shaa.erii baKHt-yaaro.n kii duniyaa
falak shaamiyaana hai parbat qanaate.n
isii oT me.n diida-o-dil kii ghaate.n
hujuum-e-tamannaa KHushii kii baraate.n
javaanii ke din kaamraanii kii raate.n
mire sher kii ye bhii hai.n vaardaate.n
mirii shaa.erii baKHt-yaaro.n kii duniyaa

Hafeez Jalandhari
Nazm

ishrat-e-tanhai

maujzan hai mai-e-ishrat mire paimaano.n me.n
yaas kaa dard hai kam-tar mire afsaano.n me.n
kaamraanii hai par-afshaa.n mire ruumaano.n me.n
yaas kii sa.i-e-junuu.n-KHez pe KHandaa.n huu.n mai.n

Asrarul Haq Majaz
Nazm

baDe naz se aaj ubhra hai suraj

fazaa.o.n me.n hone lagii baarish-e-zar
ko.ii naaznii.n jaise afshaa.n chhu.Daa.e
damakne lage yuu.n KHalaa.o.n ke zarre
ki taaro.n kii duniyaa ko bhii rashk aa.e
hamaare uqaabo.n ne a.ng.Daa.iyaa.n lii.n
sunahrii havaa.o.n me.n par pha.Dpha.Daa.e
fuzuu.n-tar hu.aa nashsha-e-kaamraanii
tajassus kii aa.nkho.n me.n Dore se aa.e
qadam chuumne barq-o-baad aab-o-aatish
ba-sad-shauq dau.De ba-sad-ijz aa.e

Moin Ahsan Jazbi
Nazm

zahrab-e-husn

husn kii sub.h ik shikast-e-jamiil
husn kii shaam kaamraanii hai

Asrarul Haq Majaz
Nazm

achchhi kitab

siikhtii hai is se duniyaa kaamraanii kaa hunar
ye ataa kartii hai sab ko zindagaanii kaa hunar

Ata Abidi
Nazm

gumnam sipahi ki qabr par

sipaahii aaj bhii ko.ii nahii.n aayaa
kisii ne phuul hii bheje
na bastii ke gharo.n se aashnaa giito.n kii aavaaze.n sunaa.ii de.n
na parcham ko.ii lahraayaa
sipaahii! shaam hone aa.ii aur ko.ii nahii.n aayaa
fanaa kii KHandaqo.n ko jaan de kar paar kar jaanaa ba.Dii baat
jahaa.n jiine kii KHaatir mar rahe ho.n log us bastii me.n mar jaanaa ba.Dii baat
magar pal bhar ko ye sochaa to hotaa
tumhaare baa'd ghar kii muntazir dahliiz ko jaage hu.e dil kii nishaanii kaun degaa
havaa.o.n se ulajhtii raushnii ko e'tibaar-e-kaamraanii kaun degaa
dar-o-diivaar se lipTii hu.ii belo.n ko paanii kaun degaa

Iftikhar Arif
Nazm

tahniyat

kitne baKHt vaale ho
zindagii me.n jo chaahaa
tum ne paa liyaa aaKHir
azm aur himmat se
fahm se zakaavat se
hai tumhaare daaman me.n
phuul kaamraanii kaa
aur tumhaare maathe par
faKHr kaa sitaara hai
ab tumhaare chehre par
aisii shaadmaanii hai
ko.ii kah nahii.n saktaa
dard se bhii vaaqif ho
aur tumhaare paa.nv me.n
der se khaTaktaa hai
aarzuu kaa ik kaa.nTaa
jis se KHuun ristaa hai
laala-zaar raaho.n par
is lahuu kii surKHii kii
kaa.nptii lakiire.n hai.n
in lahuu ke dhabbo.n me.n
naa-tamaam mub.ham sii
ek baat likhii hai

Fahmida Riaz
Nazm

ilm

ilm se apnii shaan hai yaaro
ilm se apnii aan hai yaaro
ilm se izzat-e-vatan bhii hai
ilm se hurmat-e-chaman bhii hai
ilm haasil hai zindagaanii kaa
ilm haasil hai kaamraanii kaa
ilm ik shahr hai mohabbat kaa
ilm ik desh hai sadaaqat kaa
ilm ik parcham-e-vafaa bhii hai
ilm aa.iina-e-hayaa bhii hai
ilm se raushnii milii ham ko
ilm se zindagii milii ham ko
ilm se tiirgii ko duur karo
kaam achchhaa hai tum zaruur karo
ilm se apnaa bol-baalaa hai
saarii duniyaa me.n jo ujaalaa hai
ilm kii raushnii dikhaa.o unhe.n
ilm kyaa chiiz hai dikhaa.o unhe.n
aa.o mil-jul ke ham pa.Dhe.n yaaro
siidhe raste pe ham chale.n yaaro

Sajid Siddiqi lakhnavi
Nazm

ab bhi raushan hain

reg-e-sahraa hai na qadmo.n ke nishaa.n baaqii hai.n
KHushk ashko.n kii nadii KHuun kii Thahrii hu.ii dhaar
bhuule-bisre hu.e lamhaat ke suukhe hu.e KHaar
haath uThaa.e hu.e aflaak kii jaanib ashjaar
kaamraanii hii kii gintii na haziimat kaa shumaar
sirf ik dard kaa jangal hai faqat huu kaa dayaar
jab guzartii hai magar KHvaabo.n ke viiraane se
ashk-aaluuda tabassum ke charaaGo.n kii qataar
jagmagaa uThte hai.n gesuu-e-sabaa-aaluuda

Ali Sardar Jafri
Nazm

bhabhi

ghar me.n thii shaadmaanii
ik jashn-e-kaamraanii
dekhaa jo ye tamaashaa
ammii se mai.n ne puuchhaa

Anees Saz
Nazm

nind

log is jaziire me.n
KHvaab lene jaate hai.n
KHvaab zindagaanii ke
KHvaab shaadmaanii ke
KHvaab kaamraanii ke

Naseem Ansari
Nazm

nazr-e-iqbaal

vo ik mufakkir-e-aziim shaa.ir
thaa vo iqbaal shaa.iro.n kaa
vo zindagaanii kaa raaz-daa.n
vo kaamraanii kaa naGma-KHvaa.n
maqbuul thaa hind-o-paak me.n vo yaksaa.n
taraana-e-hind kaa vo KHaaliq
vo falsafii thaa vo rahnumaa thaa
diyaa falsafa jis ne KHudii-o-be-KHudii kaa
tamaam duniyaa ke nazm-haa-e-siyaasat
tamaam duniyaa ke nuqta-haa-e-nazar
the us kii chashm-e-biinaa me.n raushan
thaa magar vo aashiq-e-asia
hariif thaa ahl-e-maGrib kaa vo
KHitaab jis ko diyaa thaa qaum ne us kii
vahii thaa shaa.ir-e-mashriq
thaa vo muballiG islaam kaa be-shak
ki islaam hai amn-o-raahat kaa maz.hab
vo thaa ik mard-e-kaamil insaa.n mukammal
garche thaa barahman-zaada kashmiir kaa
nazar me.n us kii thaa devtaa saa
vatan kii miTTii kaa har ek zarra
KHirad thii us kii nigaah me.n hech-o-past
junuun-e-ishq kaa thaa vo dil se qaa.il
vo thaa ik paiGambar ilm-o-amal kaa
thii na mahduud shaa.erii us kii
na thaa mahduud daa.era us ke paiGaam kaa
the muKHaatab us ke saarii duniyaa ke aam-o-KHaas
kisaano.n mazduuro.n kaa thaa vo haamii
kah gayaa vo apne sher me.n
jis khet se dahqaa.n ko mayassar na ho rozii
us khet ke har KHosha-e-gandum ko jalaa do

Firoza Yasmeen
Nazm

ek kahani

raat kal fazaa.o.n me.n terii hii kahaanii thii
ham bhii sun.ne vaale the dil kii paasbaanii thii

Masud Husain Khan
Nazm

mohabbat

mohabbat KHaaliq-e-har-do-jahaa.n hai
mohabbat diin-e-fitrat kii zabaa.n hai
mohabbat jazba-e-sidq-o-yaqii.n hai
mohabbat hii mohabbat kii amii.n hai
mohabbat taalib-e-husn-o-javaanii
mohabbat phuul kaa.nTo.n kii kahaanii
mohabbat shaahid-e-vahdaaniyat hai
mohabbat jazba-e-insaaniyat hai
mohabbat harf-e-shiirii.n kii amaanat
mohabbat jazba-e-dil kii sadaaqat
mohabbat jism bhii hai jaan bhii hai
mohabbat fitrat-e-insaan bhii hai
kahaa jis ko farishto.n ne 'ibaadat
mohabbat hai mohabbat hai mohabbat
mohabbat dushman-e-rahbaaniyat hai
mohabbat kalma-e-insaaniyat hai
mohabbat rahnumaa-e-aadmii hai
mohabbat soz-o-saaz-e-zindagii hai
mohabbat 'ishq kaa tuufaan bhii hai
mohabbat husn kaa iimaan bhii hai
mohabbat falsafa hai dostii kaa
mohabbat me.n sabaq hai zindagii kaa
mohabbat faateh-o-maftuuh bhii hai
mohabbat haamid-o-mamduuh bhii hai
mohabbat hai yaqiin-e-kaamraanii
mohabbat daar kii bhii hai kahaanii
mohabbat diin-o-duniyaa kii talab hai
mohabbat fikr hai 'ilm-o-adab hai
mohabbat tarz bhii andaaz bhii hai
mohabbat saaz bhii aavaaz bhii hai
mohabbat jaa.n-nisaaro.n kii KHushii hai
mohabbat husn kii zinda-dilii hai
mohabbat kaa nahii.n hai ek pahluu
mohabbat par na paayaa dil ne qaabuu
mohabbat naGma-e-roz-e-azal hai
mohabbat qaazii-e-shahr-e-'amal hai
mohabbat dard hai diivaangii hai
mohabbat farz hai mardaangii hai
mohabbat imtihaan-e-zindagii hai
mohabbat devtaa kii muurtii hai
mohabbat rahmato.n kii daastaa.n hai
mohabbat mard-e-momin kii azaa.n hai
mohabbat raunaq-e-duniyaa-o-dii.n hai
mohabbat chaa.nd suuraj kii zamii.n hai
mohabbat gul bhii hai aur gulsitaa.n bhii
mohabbat KHaarzaaro.n kii zabaa.n bhii
mohabbat daa'vat-e-ranj-o-alam bhii
mohabbat hai naved-e-fikr-o-Gam bhii
mohabbat valvalo.n kii intihaa bhii
bu.Dhaape me.n javaanii kii sadaa bhii
mohabbat hii KHushii kaa raasta hai
mohabbat hii me.n duniyaa kaa bhalaa hai
mohabbat qissa-e-jaam-o-subuu hai
mohabbat zindagii kii justujuu hai
mohabbat aadam-o-havvaa ne kii hai
mohabbat ruuh kii paakiizgii hai
mohabbat chain hai sabr-o-sukuu.n hai
mohabbat raahat-e-ahl-e-junuu.n hai
mohabbat se hai raunaq mahfilo.n kii
mohabbat kab KHataa hai thu.D-dilo.n kii
mohabbat har saliiqe kaa nishaa.n hai
mohabbat har nafas kii daastaa.n hai
mohabbat maa'nii-e-husn-e-suKHan hai
mohabbat allah vaalo.n kaa chalan hai
mohabbat saahab-e-'ilm-ul-yaqii.n bhii
mohabbat ruuh bhii ruuh-ul-amii.n bhii
mohabbat 'ishq hai zarb-e-KHudii hai
mohabbat zulfiqaar-e-haidarii hai
mohabbat bhed khole aarzuu ke
mohabbat zindagii ke Gam sameTe
mohabbat nafsiyaatii uljhano.n se
varaq ulTe sadaaqat ke junuu.n ke
mohabbat hai 'ilaaj-e-zabt-e-insaa.n
mohabbat imtihaan-e-zabt-e-insaa.n
mohabbat kii alag sab se hai bolii
mohabbat kii girah fitrat ne kholii
mohabbat saahib-e-fikr-o-nazar hai
mohabbat me.n raqaabat kaa bhii Dar hai
mohabbat do-jahaa.n me.n surKH-ruu bhii
mohabbat gul mohabbat rang-o-buu bhii
mohabbat maahtaabo.n se banii hai
mohabbat inqilaabo.n se banii hai
mohabbat kaa nasha hai sab se behtar
mohabbat paara-e-tasniim-o-kausar
mohabbat sho'la hai sho’la-numaa hai
mohabbat hii haqiiqat me.n KHudaa hai

Abul Fitrat Meer Zaidi
Nazm

ajab hai khel carrom ka

mujhe raanii kii sharto.n par ba.Daa hii pyaar aayaa hai
khilaa.Dii to nahii.n raanii magar raanii to hai aaKHir
humaa fat.h-o-nusrat kaa
aur akasr kaamraanii kaa
usii ke sar pe jaataa hai
ki jis ke paas raanii hai

Ibn-e-Mufti
Nazm

mohabbat

mohabbat jis me.n laGzish bhii husuul-e-kaamraanii hai
mohabbat jis kii har kaavish suruur-e-jaavedaanii hai
mohabbat jis me.n Gam bhii intihaa-e-shaadmaanii hai
mohabbat jis kii tafsiir-o-vazaahat be-zabaanii hai

Rishi Patialvi
Nazm

ek nazm

har-chand hai zauq-e-kaamraanii
ha.ngaama-e-zindagii kaa baa.is
har-chand hai aagahii kii zad me.n
ye husn-e-gul-o-mah-o-sitaara
har-chand har aarzuu kaa dhaaraa
gum dasht-e-saraab me.n hu.aa hai
anjaam-e-amal hai sargiraanii
ik ashk-e-alam hai zindagaanii
lekin na rahe agar jahaa.n me.n
takmiil-e-hunar kii ko.ii suurat
duniyaa me.n ki be-KHayaal saahil
tuufaa.n hai hayaat kii ravaanii
manzil to nahii.n hai ko.ii manzil
taaham ye safar kaa barg-o-saamaa.n
ye ra.ng-e-nishaat-e-kaar-daanii
har gaam umiid-e-kaamraanii
arbaab-e-muraad kaa sila hai
gar ye bhii na ho to aur kyaa hai

Aslam Ansari
Nazm

shair ki duniya

merii duniyaa hasiin duniyaa hai
jis me.n suuraj hai chaa.nd taare hai.n
roz-o-shab husn ke nazaare hai.n
shab kii mahfil sajii hai taaro.n se
jii bahaltaa hai maah-paaro.n se
raat ko taare jagmagaate hai.n
KHud-baKHud giit yaad aate hai.n
kirne.n letii hai.n ruup pariyo.n kaa
chaa.nd raate.n hai.n raqs ke dariyaa
hai.n shu.aa.o.n me.n bijliyaa.n raqsaa.n
umaD aa.e hai.n nuur ke tuufaa.n
laala-zaaro.n me.n phuul nikhre hai.n
aabshaaro.n me.n giit bikhre hai.n
mauje.n a.ng.Daa.ii le ke chaltii hai.n
lahre.n bahte hu.e machaltii hai.n
har taraf bikhre bikhre gesuu hai.n
aur aa.nkho.n me.n prem jaaduu hai.n
muskuraahaT me.n bijliyaa.n pinhaa.n
dil kii barbaadiyo.n ke hai.n saamaa.n
har taraf husn hai javaanii hai
kaamraanii hai shaadmaanii hai
merii duniyaa hasiin duniyaa hai

Nazeer Mirza Barlas
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now