Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "loch"

Nazm MATCHES FOR "loch"

Nazm

muhasara

qalandaraan-e-vafaa kii asaas to dekho
tumhaare saath hai kaun aas-paas to dekho
so shart ye hai jo jaa.n kii amaan chaahte ho
to apne lauh-o-qalam qatl-gaah me.n rakh do
vagarna ab ke nishaana kamaan-daaro.n kaa
bas ek tum ho so Gairat ko raah me.n rakh do

Ahmad Faraz
Nazm

kisan

KHuun jis kaa dau.Dtaa hai nabz-e-istiqlaal me.n
loch bhar detaa hai jo shahzaadiyo.n kii chaal me.n

Josh Malihabadi
Nazm

apni malka-e-suKHan se

mai.n vo huu.n jis ke Gam ne tire dil me.n raah kii
ik umr jis ke ishq me.n KHud tuu ne aah kii
soyaa hai shauq sej pe terii nigaah kii
raate.n kaTii hai.n saa.e me.n chashm-e-siyaah kii
kyuu.n kar na shaaKH-e-gul kii lachak ho bayaan me.n
terii kamar kaa loch hai merii zabaan me.n

Josh Malihabadi
Nazm

kya gul-badani hai

tan me.n hai vo KHushbuu ki hai.n gul sar-ba-garebaa.n
chehre pe vo surKHii hai ki hairaan gulistaa.n
vo chaal me.n hai loch ki shaaKHe.n hai.n pashemaa.n
aur la.al-e-guhar-baar pe vo naGma hai Galtaa.n
vo naGma ki ik valvala-e-sho.ala-zanii hai
kyaa gul-badanii gul-badanii gul-badanii hai

Josh Malihabadi
Nazm

husn aur mazduri

dhuup me.n lahraa rahii hai kaakul-e-ambar-sarisht
ho rahaa hai kam-sinii kaa loch juzv-e-sa.ng-o-KHisht

Josh Malihabadi
Nazm

aurat

larzish-e-siimaab bijlii kii ta.Dap shaaKHo.n kaa loch
aql kii tezii tabii.at kii upach shaa.ir kaa soch

Shaad Aarfi
Nazm

kaif se KHumar tak

guftuguu me.n bal KHaamushii me.n loch
raat karvaTe.n karvaTo.n me.n soch

Mahboob Khizan
Nazm

tawaif

terii ho shoKHii lachar hai teraa har andaaz poch
saKHt-tar hai sa.ng-o-aahan se tirii baaho.n kaa loch

Mahirul Qadri
Nazm

naya aazar

havaa ke loch galii se nikhaar maa.ngaa thaa
tire jamaal kaa chehra sa.nvaarne ke liye

Mustafa Zaidi
Nazm

tawahhum

un ke lahje me.n vo kuchh loch vo jhankaar vo ras
ek be-qasd tarannum ke sivaa kuchh bhii na thaa
kaa.npte ho.nTo.n me.n uljhe hu.e mub.ham fiqre
vo bhii andaaz-e-takallum ke sivaa kuchh bhii na thaa
saik.Do.n Tiise.n nazar aatii thii.n jis me.n mujh ko
vo bhii ik saada tabassum ke sivaa kuchh bhii na thaa
sard o taabinda sii peshaanii vo machle hu.e ashk
din me.n nuur-e-mah-o-anjum ke sivaa kuchh bhii na thaa
tund aaho.n ke dabaane me.n vo siine kaa ubhaar
ek yuu.nhii se talaatum ke sivaa kuchh bhii na thaa
mai.n ne jo dekhaa thaa, jo sochaa thaa, jo samjhaa thaa
haa.e 'jazbii' vo tavahhum ke sivaa kuchh bhii na thaa

Moin Ahsan Jazbi
Nazm

minar-e-sukut

saa.e
biitii sadiyaa.n jaise par phailaa.e uThii.n gol gol
apnii laashe.n chho.D kar merii taraf aa.ii.n
ki jaise noch khaa.e.ngii mujhe
aur phir murda laashe.n yak-ba-yak vahshii baguulo.n kii tarah
raqs kartii chaar-suu
Dhol-taasho.n aur naqqaaro.n kii haibat-naak aavaazo.n pe raqs
kha.Dkha.Daatii haDDiyaa.n KHud sho.ale ban kar naachtii hai.n chaar-suu
aur ik zartusht sajda rez ho kar
un kii haibat un kii azmat un kii be-rahmii ko kartaa ho salaam
aur vo
us ko apnii gul-fishaa.n aaGosh me.n le kar uThii.n
jaise maa.n
apne bachche ko uThaa.e
aur mai.n
vaqt ke be-rahm haatho.n me.n ho.n jaise gidh ke changul me.n ko.ii zinda parind
biitii sadiyaa.n shab ke sannaaTe mai.n shab-KHuu.n maar kar
is tarah yalGaar kartii hai.n ki jaise mai.n nihattaa huu.n
mire tarkash ke tiir
mere hii siine me.n hai.n paivast
mai.n zinda nahii.n
zinda nahii.n
2
dekh ai chashm-e-KHayaal
saar ke taaro.n pe iThlaatii hu.ii vo juu-e-naGma buu-e-gul
vo uruus-e-aarzuu vo chaa.ndnii ke pairahan me.n husn-e-raqsaa.n mauj-e-mai
vo bahaaro.n kaa tabassum vo javaanii kaa Guruur
titliyo.n kii KHaamushii gungunaatii raagnii
aa rahii hai merii jaanib haath phailaa.e hu.e
husn jis ke loch se hai sa.ng-e-marmar me.n gudaaz
husn jis ke ruup se aahan hu.aa aa.iina-saaz
husn a.ng.Daa.ii me.n jis kii saik.Do.n qaumo.n kaa raaz
husn jis ke abruu.o.n kaa jalva mehraab-e-namaaz
husn jis kaa ras-bharaa siina hazaaro.n gumbado.n par sarfaraaz
kyaa hu.aa vo husn vo doshiiza vo mere
KHayaalo.n kii dulhan
kho ga.ii apnii numuu ke parda-e-ra.ngii.n ke piichhe kho ga.ii
vaqt ke sahraa me.n aivaano.n kii azmat sa.ng-saazo.n kii taraash
hajla-e-siimii.n kii ra.anaa.ii kaa afsuu.n ho ga.ii
husn patthar ban gayaa fan kii rago.n kaa garm KHuu.n
murda sadiyo.n ke shabistaano.n me.n apnii aarzuu se jii uThaa
aur suuraj kii tarah raushan hu.aa

Yusuf Zafar
Nazm

jawani

bedaar hu.ii.n mahr-e-javaanii kii shu.aa.e.n
pa.Dne lagii.n aalam kii isii samt nigaahe.n
KHvaabiida the jazbaat badalne lage karvaT
ruu-e-sharar-e-tuur se ha.Tne lagaa ghuu.ngat
bharne lage baazuu to hu.e band-e-qabaa ta.ng
cha.Dhne lagaa tiflii pe javaanii kaa nayaa ra.ng
saaGar kii khanak ban ga.ii us shoKH kii aavaaz
barbat kii hu.ii gudgudii yaa jaag uThe saaz
a.azaa me.n lachak hai to hai ik loch kamar me.n
a.asaab me.n paara hai to bijlii hai nazar me.n
aane lagii har baat pe ruk ruk ke ha.nsii ab
ra.ngiin tamavvuj se giraa.n-baar hu.e lab
vo dekh badalte hu.e pahluu ko.ii uTThaa
vo dekh bigaa.De hu.e gesuu ko.ii uTThaa
vo dekh ki kis gul kii mahak phailii hai har-suu
vo dekh ki hai kaun ravaa.n bajte hai.n ghu.ngruu
kam-baKHt ajal thii ye javaanii kii qabaa me.n
Tuk.De hai.n kisii dil ke bhii naqsh-e-kaf-e-paa me.n

Makhdoom Mohiuddin
Nazm

subh se sham tak

naGme guu.nj uTThe hai.n paazeb kii jhankaar ke saath
nuqra.ii u.ngliyaa.n aafaaq pe lahraatii hai.n
jism ke loch me.n siimaab kii mauje.n hai.n ravaa.n
lahre.n baaho.n kii thiraktii hu.ii bal khaatii hai.n
naachte naachte ba.Dhtii hai magar ruktii hu.ii

Zia Jalandhari
Nazm

sawal

be-qusuur aahe.n
kar rahii.n savaal
ma.asuumiyat
kyuu.n hu.ii halaak
talKH hai javaab
kaun hai zimmedaar
badalte haalaat
maz.habii diivaar
qaanuunii loch
yaa hamaarii soch

Khadija Khan
Nazm

aariyon ki pahli aamad hindostan mein

taa.ir bhii yahaa.n paidaa hai.n kiye qudrat ne ajab gul-ra.ng-o-haasii.n
gar zamzame un kii raushnii sun le.n yaad aa.e unhii.n firdaus-e-barii.n
indr ke akhaa.De kii pariyaa.n gaatii hai.n jo dil-kash raagniyaa.n
ye loch suro.n me.n un ke nahii.n ye soz gulo.n me.n un ke kahaa.n

Syed Wahidudeen Salim
Nazm

qissa-e-chahaar-KHwab

avval
halqa-e-yaaraa.n me.n kan.aa.n raat ke pichhle pahar
bastiyo.n se duur nahro.n ke kinaare KHema-zan
vo daraKHto.n kii havaa.o.n me.n sitaare KHema-zan
bastiyo.n se duur sahraa ke nazaare KHema-zan
halqa-e-yaaraa.n me.n kitne naaznii.n naazuk kamar
dom
raqs ke ha.ngaam kitne baazu.o.n kaa pech-o-KHam
dekhne vaalo.n kii nazro.n me.n utar aane ko hai
ye badan kaa loch jaise ruuh bal khaane ko hai
ye nazar ke saamne kitne hii aalam KHvaab se
raqs ke ha.ngaam ubhar aate hai.n kitne shoKH ra.ng
aur kitne tez ho jaate hai.n nazro.n ke KHada.ng
ye KHayaalo.n ke gulistaa.n ye nigaaho.n ke qafas
raqs ke ye daa.ere shola-ba-daamaa.n har nafas
soyam
rasm adaa hone na paa.ii thii ki KHemo.n ke qariib
shah-nashii.n kii samt dau.De is tarah vahshii naqiib
kitne armaa.n kitne Gam ashko.n me.n Dhal kar rah ga.e
ain jashn-e-rasm ke ha.ngaam kan.aa.n kaa gurez
kitne manzar aariz-o-lab ke pighal kar rah ga.e
kitne lab hasrat-chashiida kitnii aa.nkhe.n ashk-rez
jaise saaGar aa.e.n haatho.n me.n magar TuuTe hu.e
chhe.Diyo mat zindagii ke baal-o-par TuuTe hu.e
taar hai.n is saaz ke ai naGma-gar TuuTe hu.e
chahaarum
ye qabiilo.n ke shuyuuKH-e-puKHta-umr o saKHt-kosh
vaadii-e-dajla ke shahrii kurd ke KHaana-ba-dosh
la.D rahe hai.n apnii apnii kaj-kulaahii ke liye
kaun daaruu ban ke aa.e kam-nigaahii ke liye
garmi-e-guftaar se mumkin nahii.n dil kaa rafuu
guftuguu se aur ba.Dh jaataa hai josh-e-guftuguu

Qamar Jameel
Nazm

shikayat

KHudaayaa sab ko judaa tuu ne zindagii baKHshii
kalii ko loch diyaa phuul ko ha.nsii baKHshii
ja.De hazaaro.n guhar kahkashaa.n kii zulfo.n me.n
sahar ko nuur diyaa shab ko chaa.ndnii baKHshii
ru-pahlii sub.h ke lab ko ataa kiye naGme
sunahrii shaam ke ho.nTo.n ko baa.nsurii baKHshii
zamii.n pe Guncha-o-gul ko mahak inaayat kii
falak pe maah-o-surayyaa ko raushnii baKHshii
har ek zarra-e-sahraa ko dii jilaa tuu ne
har ek qatra-e-shabnam ko aarsii baKHshii
taraa.iyo.n me.n maveshii charaane vaalo.n ko
galaa suriilaa diyaa raag raagnii baKHshii
kisaan menD pe baiThe jo dhuup khaate hai.n
unhe.n zamiin kii daulat harii-bharii baKHshii
shabaab-o-husn kii saaGar-ba-kaf hasiina ko
labo.n kii naazukii zulfo.n kii barhamii baKHshii
javaaniyo.n kii hasii.n niim baaz aa.nkho.n ko
sharaab tho.Dii sii dii kuchh Gunuudgii baKHshii
jo mutriba ko ataa kii sadaa-e-daa.uudii
to rind-e-mast ko miinaa-e-ahmarii baKHshii
jo shaa.iro.n pe suKHan kii kitaab naazil kii
to vaa.izo.n ko zamii.n kii payambarii baKHshii
vo jin kaa jhuuT hai pesha fareb-e-maz.hab hai
tirii KHudaa.ii ne un ko tavangarii baKHshii
hazaaro.n murtashiyo.n ko tirii mashiyyat ne
tilaa.ii baKHt diyaa ziist nuqra.ii baKHshii
buland-o-surKH makaano.n me.n rahne vaalo.n ko
suruur-o-kaif inaayat kiyaa KHushii baKHshii
magar azal me.n KHataa kyaa 'salaam' ne kii thii
ki is Gariib kii qismat ko muflisii baKHshii

Salam Sandelvi
Nazm

nuqush

us kii raftaar me.n loch guftaar me.n shahd hai
us ke andaaz me.n dilbarii
us kii aavaaz me.n saahirii
us kii aa.nkho.n me.n rang-e-hayaa
us ke maathe pe sabr-o-razaa
narm-rau narm aavaaz sii aab-e-juu
us kaa dariyaa talaatum se naa-aashnaa
us kii bijlii chamaktii nahii.n
us ke baadal baraste nahii.n
us ke sho.ale me.n hiddat nahii.n
us ke jazbe me.n shiddat nahii.n
ek habs-e-davaam
zindagii gumbado.n kii sadaa

Rabia Barni
Nazm

aah firaq sahab

ai parastaar-e-adab ruuh-e-adab shaah-e-suKHan
zaat se terii munavvar thii adab kii anjuman
tuu daraKHshaa.n maah-paara thaa adab ke charKH kaa
shakespeare shiblii aur milton se bhii tuu thaa ba.Daa
ai gul-e-naGma ke KHaaliq ai padam-bhushan 'firaaq'
miT nahii.n saktaa kabhii duniyaa se teraa fan 'firaaq'
chhaa.ii hai Gam kii ghaTaa Gamgii.n hai saarii kaa.enaat
kis qadar ausaaf kii haamil thii terii ek zaat
ro rahaa hai aaj har tifl-o-javaa.n har ik bashar
maah-o-anjum Guncha-o-gul har galii har baam-o-dar
tuu na.ii hindii kii tarkiibo.n ko raa.ij kar gayaa
jo tahii goshe the urdu ke unhe.n to bhar gayaa
loch thii terii zabaa.n me.n tere naGmo.n me.n kashish
tuu nahii.n to khaa.e jaatii hai mujhe dil kii KHalish
saaz se aavaaz se tuu ne sa.nvaarii har Gazal
ik na.e andaaz se tuu ne sa.nvaarii har Gazal
ai mujaahid ai mu'allim ai suKHnavar ‘asr-saaz
ham na bhuule.nge tiraa andaaz-e-fan soz o gudaaz
naam teraa sone ke lafzo.n me.n likkhaa jaa.egaa
har mo.arriKH har adiib apnii zabaa.n par laa.egaa

Basant Lakhnavi
Nazm

maKHdum marhum

ab vo aavaaz nahii.n aa.egii
jis ke har loch me.n a.ng.Daa.ii thii
jis ke har bol me.n shahnaa.ii thii
dard thaa jis me.n mohabbat thii fusuu.n-kaarii thii
har rag-e-mulk me.n jo saarii thii
zindagii us ko kahaa.n paa.egii
ab vo aavaaz nahii.n aa.egii
kabhii ik mard-e-siyaasat vo kabhii ik shaa.ir
naGma-e-ziist sunaataa hii rahaa
parcham-e-ishq u.Daataa hii rahaa
ek sho.ala thaa ki har bazm kaa sayyaara thaa
nuur hii nuur
dard ke shahr me.n aavaara thaa
kabhii KHud ek shikaarii vo kabhii ik taa.ir
kabhii ik mard-e-siyaasat vo kabhii ik shaa.ir
bharii barsaat se khelaa barso.n
marmarii.n jism kabhii chaa.ndii raat
husn kii baat thii us kii har baat
qissa-e-bhaag-matii soz se ma.amuur kiyaa
soz hii soz
saaz-o-aaha.ng se mas.huur kiyaa
dard ko jaan pe jhelaa barso.n
bharii barsaat se khelaa barso.n
KHidmat-e-ahl-e-vatan kar ke banaa thaa maKHduum
us kii har lai pe sitaare raqsaa.n
Hyderabad ke pyaare raqsaa.n
mard-e-aahan thaa aqiide kaa jo paaband rahaa
ja.ng hii ja.ng
ja.ng-juu ho ke bhii KHursand rahaa
haa.e afsos ki hai ab vo mujaahid marhuum
KHidmat-e-ahl-e-vatan kar ke banaa thaa maKHduum

Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now