Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "maavara-e-zehn-e-faqiihaa.n"

Nazm MATCHES FOR "maavara-e-zehn-e-faqiihaa.n"

Nazm

kisi ki sada

yuu.n fazaa.o.n me.n ravaa.n hai ye sadaa-e-dil-nashii.n
zehn-e-shaa.ir me.n ho jaise ik achhuutaa saa KHayaal
yaa sahar ke siim-guu.n ruKHsaar par pahlii kiran
surKH ho.nTo.n se bichhaa.e jis tarah boso.n ke jaal

Ibn-e-Safi
Nazm

katik ka chand

chaa.nd kab se hai sar-e-shaaKH-e-sanobar aTkaa
ghaas shabnam me.n sharaabor hai shab hai aadhii
baam suunaa hai, kahaa.n Dhuu.nDe.n kisii kaa chehraa
(log samjhe.nge ki be-rabt hai.n baate.n apnii)
sher ugte hai.n dukhii zehn se ko.npal ko.npal
kaun mausam hai ki bharpuur hai.n Gam kii bele.n
duur pahu.nche hai.n sarakte hu.e uude baadal
chaa.nd tanhaa hai (agar us kii balaa.e.n le le.n?)
dosto jii kaa ajab haal hai, lenaa ba.Dhnaa
chaa.ndnii raat hai kaatik kaa mahiina hogaa
miir-e-maGfuur ke ash.aar na paiham pa.Dhnaa
jiine vaalo.n ko abhii aur bhii jiinaa hogaa
chaa.nd ThiThkaa hai sar-e-shaaKH-e-sanobar kab se
kaun saa chaa.nd hai kis rut kii hai.n raate.n logo
dhund u.Dne lagii bun.ne lagii kyaa kyaa chehre
achchhii lagtii hai.n divaano.n kii sii baate.n logo
bhiigtii raat me.n dubkaa hu.aa jhii.ngar bolaa
kasmasaatii kisii jhaa.Dii me.n se KHushbuu lapkii
ko.ii kaakul ko.ii daaman, ko.ii aa.nchal hogaa
ek duniyaa thii magar ham se sameTii na ga.ii

Ibn۔e۔Insha
Nazm

mukashafa-2

ye kis kii nidaa maavaraa-e-nidaa aa rahii hai
ye ro.e ma.ashiyat hai yaa Gaib kaa ko.ii nuuraanii haalaa
maut kii aamad aamad hai
maut maktab-e-ilm-e-adam se nikal ke
jism KHaak-o-KHaashaak se jaan nikaaltii hai
phir apnii bartarii surKH-ravii liye
zamii.n-taa-zamii.n aur aasmaa.n-taa-aasmaa.n phirtii hai
maut ek kartab-baaz hai
yaa tamaam kartabo.n kii mojid hai
us ne nar aur maada ko iijaad kiyaa
aur dono.n ko ham-badan kiyaa
phir inzaal kii mausiiqii me.n mausiiqii me.n us kaa gum honaa hii to azal-o-abad hai
kabhii na zaahir hone vaalii zamiin kii fazaa aur us kaa aasmaan to
parinde ke baatin me.n hotaa hai
varna jism se jaan nikalte hu.e kis ne dekhaa hai
kis ne dekhaa hai ek duusre me.n sote-jaagte pe.D-paudo.n ko
hashraat ko jamaadaat ko
nii.nd to kisii gum-shuda jaziire kaa naam hai
aur bedaarii to aa.nkho.n ko dhokaa dene vaalii dhund hai
aur is dhund me.n an-ginat sadiyaa.n biit ga.ii
phir na jaziira hii milaa na sadiyaa.n mustaqbil hu.ii.n

Ahmad Hamesh
Nazm

kitab-e-zehn

shahr sab jal ga.e
dil bujhaa
dono.n aa.nkho.n me.n merii dhu.aa.n bhar gayaa
saaraa sarmaaya meraa
asaasa sabhii jal gayaa
valvale hausle saare armaa.n mire
phir bhii bas ik jagah
ik taraf
'aql ke taaq me.n
ik kitaab-e-zehn
jo dharii kii dharii rah ga.ii
saare alfaaz us ke mujhe
lau diye jaa.e.nge
jab ki jalne ko kuchh bhii nahii.n
raakh ho chukaa

Abida Karamat
Nazm

hama-giriyyat

taz.iin kaa KHayaal agar aa.e zehn me.n
qaid-e-maqaam kaa na tasavvur rahe ravaa
jazbaat qalb me.n jo mohabbat ke jaag uThe.n
in.aam un kaa saare zamaane ko ho ataa
ik gosha-e-jahaa.n kaa sa.nvarnaa bhii KHuub hai
lekin hai KHuub-tar ki sa.nvar jaa.e kaa.enaat
apne vatan se pyaar ba.Dii baat hai magar
sab ke vatan se pyaar hai afzal tariin baat

Akhtar Bastavi
Nazm

tashwish

zehn-o-dil se yahaa.n baa.njh logo.n me.n ab
ahl-e-afkaar kaa baa.nkpan jurm hai
ahl-e-kirdaar kaa baa.nkpan jurm hai
ahl-e-dastaar kaa baa.nkpan jurm hai
fahm-o-idraak-o-ash'aar kii aa.D me.n
mausam-e-gul baratnaa ba.Daa jurm hai
dekhnaa jaanib-e-mai-kada jurm hai
jhiil sii aa.nkh me.n Duubnaa jurm hai
phuul se jism ko sochnaa jurm hai
aur is se bhii aage KHudaa kii qasam
ahl-e-maz.hab se kuchh puuchhnaa jurm hai
puuchhnaa raah-e-haq kaa pata jurm hai
kaj-kulaaho.n ko bhii Toknaa jurm hai
zahr me.n zindagii Dhuu.nDhnaa jurm hai
KHud ko suqraat saa maan.naa jurm hai
meraa dil merii aa.nkhe.n yaa merii zabaa.n
lamha lamha aur ik ik gha.Dii KHud-baKHud
apne sach ko bayaa.n tum se karte hu.e
apne baare me.n kuchh bhii chhupaayaa nahii.n
jabki sach ye hai mere ta'alluq se tum
zaahirii ham-KHayaal aur hamdard ho
varna yuu.n tum ko tashviish hotii nahii.n
KHud se kyo.n itnaa naaraaz rahtaa huu.n mai.n

Misdaque Azmi
Nazm

bujhta suraj jalta dip

har qadam pe ik ehsaas zehn-o-dil kii duniyaa me.n
kuchh diye jalaataa hai kuchh diye bujhaataa hai
zindagii kii mahfil hai zindagii se begaana
mai-kada mohabbat kaa jaise ko.ii viiraana
jaam-e-dil kii kaifiyyat jaise KHushk ik taalaab

Muslim Shameem
Nazm

aaseb

ye meraa vahm hai shaayad
magar aksar
mire har har nafas se be-sabab paiham ulajhte
silsilo.n kii raushnii me.n
mujhe mahsuus saa hone lagaa hai
ki har lamhe kii sangii.n oT me.n
simTaa hu.aa haalaat kaa ifriit
shikast-o-reKHt ke darpe
baraabar taak me.n baiThaa hu.aa hai
yahii haalaat kaa ifriit
inhii lamho.n kii parbat se utar kar
vasuuq-e-jabr se chhaa jaa.egaa yalGaar ban kar
taraddud se tadabbur se taraashii
in fazaa.o.n par
jinhe.n KHush-fahmiyaa.n merii
abhii tak shauq se detii rahii hai.n
suhaanaa naam apnii kaa.enaat-e-zehn-o-dil kaa
ye merii kaa.enaat-e-zehn-o-dil bhii
agar is umr ke mahduud arse tak
miraa hissa nahii.n hai
mire a.amaal par mabnii
na ko.ii haal hai meraa
na kuchh ummiid fardaa kii
mire a.amaal par mabnii
mirii uqbaa bhii kyaa hogii
mirii uqbaa bhii kyaa hogii

Ram Parkash Rahi
Nazm

shikast-o-fath

bujhe bujhe se hai.n shaa.ir ke zehn-o-dil ke diye
bhaTak rahaa hai kahaa.n jaa.e raushnii ke liye
ravish-ravish pe daraKHshaa.n hai barq-e-KHauf-o-hiraas
jhulas rahe hai.n dar-o-baam-e-jazba-o-ehsaas
nazar udaas hai viiraa.n hai.n saare nazaare
jabiin-e-sub.h se phuuTe lahuu ke favvaare
zamii.n pe laasho.n ke gulshan me.n KHuu.n kii namii
ab ehtimaam-e-bahaar-e-chaman me.n kyaa hai kamii
jamaal-e-sub.h-e-vatan aa.nsuu.o.n me.n mudGam hai
uruus-e-fasl-e-bahaaraa.n kii aa.nkh pur-nam hai
ba-faiz-e-jabr-o-sitam Gam ne fat.h paa.ii hai
vafaa ke naam pe dil ne shikast khaa.ii hai

Muslim Shameem
Nazm

mawara

aur vo rabb-e-jahaa.n raahat-e-jaa.n
maavaraa-e-nigah-e-kaun-o-makaa.n

Waheed Akhtar
Nazm

bolti lakiren

hai maavaraa-e-zamaan-o-makaa.n
ye aa.iina
is aa.ine me.n laraztii
lakiire.n boltii hai.n

Ghayas Mateen
Nazm

chaak

1
vo azal se apne aziim chaak pe
mumkinaat ke inkishaaf me.n mahv hai
falak-o-zamii.n mah-o-aaftaab-o-nujuum kohna karishme us ke kamaal ke
abhii is kii jiddat-e-be-panaah ko tarah-e-nau kii talaash hai
abhii arsh-o-farsh ke naa-shuniida shamaa.il us kii nazar me.n hai.n
abhii maavara-e-KHayaal-o-fikr-e-masaa.il us kii nazar me.n hai.n

Zia Jalandhari
Nazm

saped phul

saped phuul raat ke siyaah paaniyo.n se
aarzuu kii aabshaar se
lu.Dhaktaa tairtaa bhaTaktaa pattharo.n kii rahguzar se jaa.egaa
to rauzan-e-faraaz-e-kohsaar se
nazar uThaa ke us ko dekhnaa
vo kaun thaa
fuGaa.n ke marhalo.n me.n us ko kyaa hu.aa
vo barg barg hogaa zaKHm zaKHm sail-e-KHuu.n sadaa-e-KHuun
vo shaaKH se buriida ho gayaa to ek KHvaab thaa
vo KHvaab se buriida ho gayaa to sirf rah-rav-e-nidaa-e-maavaraa-e-qurb-o-lams
sirf barg-aasaa aaKHirii sadaa-e-dil
vo sabz thaa na surKH thaa na zard thaa
saped thaa
siyaah gar na ho sakaa to mahz ittifaaq thaa ye haadisa
ye saarii baate.n
tum se kah rahaa huu.n
tum jo sirf aa.nkh ho
faraaz-e-koh par tumhaaraa ruu-e-aaftaab hai
mai.n phuul huu.n saped phuul
kaun hai miraa vahaa.n
mai.n aabshaar kii jilaa-vatan udaas saltanat se
vaadiyo.n kii samt shaam se ravaa.n
muqaddaro.n kii ai sitam-zariif saa’at-e-garaa.n

Balraj Komal
Nazm

gurezan

agar tum sochtii ho maavaraa-e-roz-o-shab ho
vo bhii shaayad roz-o-shab se maavaraa hogaa
mai.n naa-biinaa musaafir huu.n na saahil par tumhaaraa ajnabii Thahraa
mulaaqaato.n ke banjar silsilo.n
ke paar kyaa hogaa
salaasil ke tasalsul me.n
mirii aavaaz ke chalte hu.e
gulshan kaa kyaa hogaa

Balraj Komal
Nazm

waqt

suno
vaqt kii aa.nkh hai
vo sab dekhtaa hai
nazar me.n us kii
zamaan-o-makaa.n
maavaraa-e-zamaan-o-makaa.n
vaqt ke haath hai.n
vo apne hii haatho.n se
shakle.n banaataa bhii hai
aur shaklo.n ko lamho.n me.n taqsiim kar ke
phe.nk detaa hai in ko
abad ke kinaare pe TuuTii hu.ii
kashtiyo.n kii tarah

Ghayas Mateen
Nazm

urdu

KHitta-e-arz pe kyaa shaan hai terii urdu
tuu mirii ziist kaa armaan hai merii urdu
tujh ko baKHshaa gayaa duniyaa me.n mua.allaa kaa KHitaab
tuu vo jauhar hai ki teraa nahii.n duniyaa me.n javaab
gulshan-e-dahr me.n maujuud hai KHushbuu kii tarah
tuu hai sahraa-e-KHayaalaat me.n aahuu kii tarah
terii azmat ko.ii 'ashraf' kii zabaa.n se puuchhe
nafs-e-mazmuu.n tiraa 'KHusrav' ke bayaa.n se puuchhe
yuu.n to kahne ko vatan hai tiraa ye barr-e-saGiir
magar ai lailaa-e-jaa.n teraa har ik dil hai asiir
tujh pe naazaa.n thii qulii 'qutb' ke jazbaat kii rau
kabhii dillii to kabhii lakhna.uu pahu.nchii tirii zau
tujh ko e.azaaz-e-ajab shaahjahaa.n ne baKHshaa
lutf-e-shaa.istagii 'saudaa' kii zabaa.n ne baKHshaa
aa gayaa dil me.n tire 'miir-taqii-miir' kaa soz
de gayaa dard kii lazzat tujhe 'dil-giir' kaa soz
'momin'-o-'zauq' ke afkaar tujhe raas aa.e
zehn-e-'Gaalib' ke KHayaalaat tire paas aa.e
aa gayaa tere kaf-e-dast me.n aalam kaa zamiir
kar ga.e tujh ko sar-afraaz 'aniis' aur 'dabiir'
'daaG' ne tujh ko diye ishq ke andaaz na.e
fikr-e-'iqbaal' se kyaa kyaa na mile raaz na.e
'josh' kii sho.ala-bayaanii ne tujhe dii vus.at
'aarzuu' kii hama-daanii ne tujhe dii vaq.at
kar gayaa tujh ko buland 'aal-e-razaa' kaa usluub
de gayaa lahja-e-nau 'faiz' kaa dhiimaa usluub
shaadii-o-Gam me.n tujhe yaad kiyaa karte hai.n
terii aavaaz me.n fariyaad kiyaa karte hai.n

Habeeb Jaunpuri
Nazm

europe ki pahli jhalak

baad-o-baaraa.n se ulajhtaa KHanda-zan girdaab par
ik jaziira tairtaa jaataa hai sat.h-e-aab par
gum ka.ii sadiyo.n kaa us me.n jazba-e-tahqiiq hai
ye jaziira aadmii ke zehn kii taKHliiq hai
jaa rahaa hai har gha.Dii maujo.n se Takraataa hu.aa
apne hii andaaz me.n apnaa rajaz gaataa hu.aa
bahr kii amvaaj par bahte hu.e shahr-e-jamiil
har qadam teraa liye hai terii azmat kii daliil
aa.ndhiyo.n kaa zor, maujo.n kii ravaanii tujh me.n hai
irtiqaa-e-zehn-e-insaa.n kii kahaanii tujh me.n hai
har bha.nvar me.n aur har tuufaan me.n saahil hai tuu
siina-e-imroz-o-fardaa kaa dha.Daktaa dil hai tuu
to tajallii hii tajallii hai a.ndherii raat me.n
raushnii kaa hai manaara aalam-e-zulmaat me.n
raat aa.ii jaag uThaa insaa.n kaa zauq-e-be-bisaat
aaKHirii is kaa Thikaana mard o zan kaa iKHtilaat
kis qadar arzaa.n hu.e tahziib ke lam.aat-e-nuur
allaah allaah chaar jaanib raushnii kaa ye vafuur
is tarah se mai.n ne kab dekhii thii mai-KHaane me.n dhuum
aurato.n mardo.n kaa la.Dko.n la.Dkiyo.n kaa ye hujuum
sab nashe me.n mast hai.n lekin hai.n kitne baa-KHabar
phir rahe hai.n sab ke sab ik duusre ko thaam kar
ahmarii.n saaGar, lab-e-laalii.n, nigaahe.n mai-farosh
har taraf hai ek mastii, har taraf hai ik KHarosh
is jagah idraak se begaana ko.ii bhii nahii.n
sab hai.n farzaane yahaa.n diivaana ko.ii bhii nahii.n
aql kii is bazm me.n diivaangii kaa kaam kyaa
Dhuu.nDhtaa hai tuu yahaa.n aa kar dil-e-naakaam kyaa
itnii aagaahii kisii ko ho ye mohlat hii nahii.n
kis kii baahe.n kis kii gardan me.n hamaa.il ho ga.ii.n
aa ke aaGosh-e-havas me.n KHud yahaa.n girtaa hai husn
kis qadar kachche sahaare Dhuu.nDhtaa phirtaa hai husn
jis se KHiira terii aa.nkhe.n hai.n chamak europe kii hai
dekh ai 'aazaad'! ye pahlii jhalak europe kii hai

Jagan Nath Azad
Nazm

KHuddari

teraa ye kahte hu.e siine me.n dil hiltaa nahii.n
ham-nashii.n kyo.n KHud-parastaaro.n se mai.n miltaa nahii.n
puuchhtaa hai mujh se is mohmal se fiqre kaa javaab
sun kiye detaa huu.n mai.n saarii haqiiqat be-naqaab
siina-e-shaa.ir me.n pinhaa.n jazba-e-KHuddaar hai
aa.nkh bhii raushan hai merii ruuh bhii bedaar hai
un ke aage ruuh merii pech-o-KHam khaatii rahii
phabtiyaa.n kastaa rahaa dil ruuh sharmaatii rahii
sard-mehrii se tamannaa-e-dilii shal ho ga.ii
baar-e-Gam se Gairat-e-taqdiir bojhal ho ga.ii
garmii-e-KHurshiid se sonaa pighaltaa hai kahii.n
jauharii bhii nuqs ke saa.nche me.n Dhaltaa hai kahii.n
jab ra.uunat chhe.Dtii hai KHud-parastii kaa sitaar
bhes me.n aaho.n ke dil hotaa hai meraa naGma-baar
qalb meraa daulat-e-ehsaas kho saktaa nahii.n
aab-o-taab-e-zar me.n KHuddaarii Dubo saktaa nahii.n
miT nahii.n saktaa miTaa.e se Gayuuraana-shikoh
kyaa banaa saktaa hai aKHlaaqii darindo.n kaa giroh
jazba-e-Gairat kisii ke paa.nv pa.D saktaa nahii.n
mar to saktaa huu.n zamii.n me.n zinda ga.D saktaa nahii.n
rahzan-e-insaaniyat rahte hai.n har dam ghaat me.n
apnii azmat kaa ko.ii rakhte hai.n pahluu baat me.n
Gairat-e-muKHlis halaak-e-jazba-e-pindaar ho
ai hariif-e-zehn-o-dil bedaar ho bedaar ho
un kii behis khaal par ko.ii asar hotaa nahii.n
tang-nazro.n me.n haqiiqat kaa guzar hotaa nahii.n
merii taariiKH-o-adab hii me.n nahii.n alfaaz-e-laaf
banda-parvar hai mujhe kam-maa.egii kaa e'tiraaf
aisii haalat me.n kisii se jhuk ke milnaa hai gunaah
ye KHuluus-e-be-mahal kartaa hai ruuho.n ko siyaah
apnaa dil apne hii haatho.n se masal saktaa nahii.n
ham-nashii.n mai.n apnii fitrat ko badal saktaa nahii.n

Nakhshab Jaarchawi
Nazm

mujhe sharminda rakhte hain

ye har shab soch kar sotaa huu.n aane vaalii sub.ho.n me.n
gulo.n se pattiyo.n se os kii buu.nde.n churaanii hai.n
shah aakaash kii nazre.n-numaa kirno.n se pahle jaag jaanaa hai
sabaa-e-ambarii.n ke lams ko mahsuus karnaa hai
libaas-e-sabz me.n malbuus alha.D pattiyo.n kii baate.n sun.nii hai.n
hasii.n doshiiza kii muskaan sii kaliyo.n se do ik baat kar luu.ngaa
magar kuchh kar nahii.n paataa ki raahat roke rakhtii hai
ko.ii afsaana pa.Dhnaa ho kisii kii shaa.irii pe baat karnii ho
kisii taKHliiq se pahle KHayaal-o-fikr ko aazaad rakhnaa ho
kisii saariq kisii shaatir kisii kam-fahm se sachchaa.ii kahnii ho
ba.Dii ma.asuum shaklo.n me.n chhupe ayyaar ko makkaar ko shiisha dikhaanaa ho
faqiih-e-vaqt amiir-e-shahr kaa qazzaaq se mal.uun se rishta bataanaa ho
magar ye kar nahii.n saktaa maslahat KHaamosh rakhtii hai
hariim-e-mai-kade me.n KHaanqaaho.n maTh madraso.n me.n
barahman shaiKH se piir-e-muGaa.n se saaqiyo.n se aur vaa.iz se
ye aksar sochtaa huu.n jaa ke kah duu.n mai.n
riyaa-o-kibr tahii-iKHlaas aur bad-atvaarii se tere
jahaa.n me.n ishq uKHuvvat ilm aur aKHlaaq marte hai.n
magar mai.n kah nahii.n saktaa aqiidat baaz rakhtii hai
ta.assub KHud-pasandii buGz se kibr-o-hasad se
bisaat-e-zehn-o-dil ko chaahtaa huu.n paak kar luu.n
zar-o-imlaak kii KHvaahish se apne aap ko aazaad kar luu.n
ki jab jab sa.ii kartaa huu.n havas inkaar kartii hai
magar iiqaan hai meraa hamaare ahd ke bachche
mire kizb-o-riyaa ko makr ko aur be-iimaanii ko
nafaaq-o-bad-qimaashii ko mire zaahir ko baatin ko
huvaidaa kar ke chho.De.nge alal-ailaan kah de.nge
ki mere baap aise the mire ustaaz aise the
so un kii baat se a.amaal se sharminda huu.n mai.n bhii
ye kahne se unhe.n izzat na rokegii
na un ko KHauf rokegaa
unhe.n kuchh bhii na rokegaa
chalan badlaa hu.aa hogaa
hamaarii saarii izzat saarii zillat duusro.n ke haq kii paamaalii
kitaab-e-haq ke panno.n par bahut vaazeh likhii ho.ngii

Abu Bakr Abbad
Nazm

taKHliq

naabuud ke kaamil sannaaTe me.n
zehn-e-aafaaqii
shor KHayaalo.n kaa apne suntaa hai

Asif Raza
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now