Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "sijn"

Nazm MATCHES FOR "sijn"

Nazm

daraKHt-e-zard

suno merii kahaanii par miyaa.n merii kahaanii kyaa
mai.n yaksar raa.igaanii huu.n hisaab-e-raa.igaanii kyaa
bahut kuchh thaa kabhii shaayad par ab kuchh bhii nahii.n huu.n mai.n
na apnaa ham-nafas huu.n mai.n na apnaa ham-nashii.n huu.n mai.n
kabhii kii baat hai fariyaad meraa vo kabhii ya.anii
nahii.n is kaa ko.ii matlab nahii.n is ke ko.ii ma.anii
mai.n apne shahr kaa sab se giraamii naam la.Dkaa thaa
mai.n be-ha.ngaam la.Dkaa thaa mai.n sad-ha.ngaam la.Dkaa thaa
mire dam se Gazab ha.ngaama rahtaa thaa mohallo.n me.n
mai.n hashr-aaGaaz la.Dkaa thaa mai.n hashr-anjaam la.Dkaa thaa
mire hinduu musalmaa.n sab mujhe sar par biThaate the
unhii ke faiz se ma.anii mujhe ma.anii sikhaate the
suKHan bahtaa chalaa aataa hai be-baa.is ke ho.nTo.n se
vo kuchh kahtaa chalaa aataa hai be-baa.is ke ho.nTo.n se
mai.n ashraaf-e-kamiina-kaar ko Thokar pe rakhtaa thaa
so mai.n mehnat-kasho.n kii juutiyaa.n mimbar pe rakhtaa thaa
mai.n shaayad ab nahii.n huu.n vo magar ab bhii vahii huu.n mai.n
Gazab ha.ngaama-parvar KHiira-sar ab bhii vahii huu.n mai.n
magar meraa thaa ik taur aur bhii jo aur hii kuchh thaa
magar meraa thaa ik daur aur bhii jo aur hii kuchh thaa
mai.n apne shahr-e-ilm-o-fan kaa thaa ik naujavaa.n kaahin
mire tilmiiz-e-ilm-o-fan mire baabaa ke the ham-sin
miraa baabaa mujhe KHaamosh aavaaze.n sunaataa thaa
vo apne-aap me.n gum mujh ko pur-haalii sikhaataa thaa

Jaun Eliya
Nazm

ek laDka

dayaar-e-sharq kii aabaadiyo.n ke uu.nche Tiilo.n par
kabhii aamo.n ke baaGo.n me.n kabhii kheto.n kii me.nDo.n par
kabhii jhiilo.n ke paanii me.n kabhii bastii kii galiyo.n me.n
kabhii kuchh niim uryaa.n kam-sino.n kii ra.ng-raliyo.n me.n
sahar-dam jhuTpuTe ke vaqt raato.n ke a.ndhere me.n
kabhii melo.n me.n naaTak-Toliyo.n me.n un ke Dere me.n
ta.aaqub me.n kabhii gum titliyo.n ke suunii raaho.n me.n
kabhii nanhe parindo.n kii nahufta KHvaab-gaaho.n me.n
barhana paa.nv jaltii ret yaKH-basta havaa.o.n me.n
gurezaa.n bastiyo.n se madraso.n se KHaanqaaho.n me.n
kabhii ham-sin hasiino.n me.n bahut KHush-kaam o dil-rafta
kabhii pechaa.n baguula saa.n kabhii jyuu.n chashm-e-KHuu.n-basta
havaa me.n tairtaa KHvaabo.n me.n baadal kii tarah u.Dtaa
parindo.n kii tarah shaaKHo.n me.n chhup kar jhuultaa mu.Dtaa
mujhe ik la.Dkaa aavaara-manush aazaad sailaanii
mujhe ik la.Dkaa jaise tund chashmo.n kaa ravaa.n paanii
nazar aataa hai yuu.n lagtaa hai jaise ye balaa-e-jaa.n
miraa ham-zaad hai har gaam par har mo.D par jaulaa.n
ise ham-raah paataa huu.n ye saa.e kii tarah meraa
ta.aaqub kar rahaa hai jaise mai.n mafruur mulzim huu.n
ye mujh se puuchhtaa hai aKHtar-ul-iimaan tum hii ho

Akhtarul Iman
Nazm

o des se aane wale bata

o des se aane vaale bataa
kyaa pahlii sii hai ma.asuum abhii
vo madrase kii shaadaab fazaa
kuchh bhuule hu.e din guzre hai.n
jis me.n vo misaal-e-KHvaab fazaa
vo khel vo ham-sin vo maidaa.n
vo KHvaab-gah-e-mahtaab fazaa
o des se aane vaale bataa

Akhtar Shirani
Nazm

jugnu

guzar rahe the mah-o-saal aur mausam par
isii tarah ka.ii barsaate.n aa.ii.n aur ga.ii.n
mai.n rafta rafta pahu.nchne lagaa ba-sinn-e-shu.uur
to jugnu.o.n kii haqiiqat samajh me.n aane lagii
ab un khilaa.iyo.n aur daa.iyo.n kii baato.n par
miraa yaqii.n na rahaa mujh pe ho gayaa zaahir
ki bhaTkii ruuho.n ko jugnuu nahii.n dikhaate charaaG
vo man-gha.Dat sii kahaanii thii ik fasaana thaa
vo be-pa.Dhii likhii kuchh aurato.n kii thii bakvaas
bhaTaktii ruuho.n ko jugnuu nahii.n dikhaate charaaG
ye khul gayaa mire bahlaane ko thii.n ye baate.n
miraa yaqii.n na rahaa in fuzuul qisso.n par

Firaq Gorakhpuri
Nazm

nanhi pujaran

ik nannhii munnii sii pujaaran
patlii baa.nhe.n patlii gardan
bhor bha.e mandir aa.ii hai
aa.ii nahii.n hai maa.n laa.ii hai
vaqt se pahle jaag uThii hai
niind abhii aa.nkho.n me.n bharii hai
Tho.Dii tak laT aa.ii hu.ii hai
yuu.nhii sii lahraa.ii hu.ii hai
aa.nkho.n me.n taaro.n kii chamak hai
mukh.De pe chaa.ndii kii jhalak hai
kaisii sundar hai kyaa kahiye
nannhii sii ik siitaa kahiye
dhuup cha.Dhe taaraa chamkaa hai
patthar par ik phuul khilaa hai
chaa.nd kaa Tuk.Daa phuul kii Daalii
kam-sin siidhii bholii bhaalii
haath me.n piital kii thaalii hai
kaan me.n chaa.ndii kii baalii hai
dil me.n lekin dhyaan nahii.n hai
puujaa kaa kuchh gyaan nahii.n hai
kaisii bholii chhat dekh rahii hai
maa.n ba.Dh kar chuTkii letii hai
chupke chupke ha.ns detii hai
ha.nsnaa ronaa us kaa maz.hab
us ko puujaa se kyaa matlab
KHud to aa.ii hai mandir me.n
man us kaa hai gu.Diyaa-ghar me.n

Asrarul Haq Majaz
Nazm

yaaden

duur kahii.n vo koyal kuukii raat ke sannaaTe me.n duur
kachchii zamii.n par bikhraa hogaa mahkaa mahkaa aam kaa bor
baar-e-mashaqqat kam karne ko khaliyaano.n me.n kaam se chuur
kam-sin la.Dke gaate ho.nge lo dekho vo sub.h kaa nuur
chaah-e-shab se phuuT ke niklaa mai.n maGmuum kabhii masruur
soch rahaa huu.n idhar udhar kii is aabaad KHaraabe me.n
dekho ham ne kaise basar kii is aabaad KHaraabe me.n

Akhtarul Iman
Nazm

zamana KHuda hai

mere sehan me.n ek kam-sin banafshe kaa paudaa hai
tayyaara ko.ii kabhii us ke sar par se guzre
to vo muskuraataa hai aur lahlahaataa hai
goyaa vo tayyaara, us kii mohabbat me.n
ahd-e-vafaa ke kisii jabr-e-taaqat-rubaa hii se guzraa!
vo KHush-emtimaadii se kahtaa hai
lo dekho, kaise isii ek rassii ke dono.n kinaaro.n
se ham tum ba.ndhe hai.n!
ye rassii na ho to kahaa.n ham me.n tum me.n
ho paidaa ye raah-e-visaal?
magar hijr ke in vasiilo.n ko vo dekh saktaa nahii.n
jo saraasar azal se abad tak tane hai.n!
jahaa.n ye zamaana hanuuz-e-zamaana
faqat ik girah hai!

Noon Meem Rashid
Nazm

badnam ho raha hun

faryaadii-e-jafaa-e-ayyaam ho rahaa huu.n
paamaal-e-jaur-e-baKHt-e-naakaam ho rahaa huu.n
sargashta-e-KHayaal-e-anjaam ho rahaa huu.n
bastii kii la.Dkiyo.n me.n badnaam ho rahaa huu.n
bad-naam ho rahaa huu.n
salmaa se dil lagaa kar
bastii kii la.Dkiyo.n me.n badnaam ho rahaa huu.n
salmaa se dil lagaa kar salmaa se dil lagaa kar
us huur-vash ke Gam me.n duniyaa-o-dii.n ga.nvaa kar
hosh-o-havaas kho kar sabr-o-sukuu.n luTaa kar
baiThe biThaa.e dil me.n Gam kii KHalish basaa kar
har chiiz ko bhulaa kar
salmaa se dil lagaa kar
bastii kii la.Dkiyo.n me.n badnaam ho rahaa huu.n
kahtii hai.n sab ye kis kii ta.Dpaa ga.ii hai suurat
salmaa kii shaayad is ke man bhaa ga.ii hai suurat
aur us ke Gam me.n itnii murjhaa ga.ii hai suurat
murjhaa ga.ii hai suurat kumhlaa ga.ii hai suurat
sa.nvlaa ga.ii hai suurat
salmaa se dil lagaa kar
bastii kii la.Dkiyo.n me.n badnaam ho rahaa huu.n
panghaT pe jab ki saarii hotii hai.n jam.a aa kar
gaagar ko apnii rakh kar, ghu.nghaT uThaa uThaa kar
ye qissa chhe.Dtii hai.n mujh ko bataa bataa kar
salmaa se baate.n karte dekhaa hai is ko jaa kar
ham ne nazar bachaa kar
salmaa se dil lagaa kar
bastii kii la.Dkiyo.n me.n badnaam ho rahaa huu.n
raato.n ko giit gaane jab mil kar aatii hai.n sab
taalaab ke kinaare dhuume.n machaatii hai.n sab
ja.ngal kii chaa.ndnii me.n ma.ngal manaatii hai.n sab
to mere aur salmaa ke giit gaatii hai.n sab
aur ha.nstii jaatii hai.n sab
salmaa se dil lagaa kar
bastii kii la.Dkiyo.n me.n badnaam ho rahaa huu.n
kheto.n se lauTtii hai.n jab din chhupe makaa.n ko
tab raaste me.n baaham vo merii daastaa.n ko
dohraa ke chhe.Dtii hai.n salmaa ko merii jaa.n ko
aur vo hayaa kii maarii sii letii hai zabaa.n ko
ki chhe.De is bayaa.n ko
salmaa se dil lagaa kar
bastii kii la.Dkiyo.n me.n badnaam ho rahaa huu.n
kahtii hai rahm khaa kar yuu.n ek maah-e-tal.at
ye shahrii naujavaa.n thaa kis darja KHuub-suurat
aa.nkho.n me.n bas rahii hai ab bhii vo pahlii ra.ngat
do din me.n aah kyaa hai kyaa ho ga.ii hai haalat
allaah terii qudarat
salmaa se dil lagaa kar
bastii kii la.Dkiyo.n me.n badnaam ho rahaa huu.n
us sham.a-ruu kaa jab se parvaana ban gayaa huu.n
bastii kii la.Dkiyo.n me.n afsaana bin gayaa huu.n
har maah-vash ke lab kaa paimaana ban gayaa huu.n
diivaana ho rahaa huu.n diivaana ban gayaa huu.n
diivaana ban gayaa huu.n
salmaa se dil lagaa kar
bastii kii la.Dkiyo.n me.n badnaam ho rahaa huu.n
un kii zabaa.n pe merii jitnii kahaaniyaa.n hai.n
kyaa jaane.n ye ki dil kii sab mehrbaaniyaa.n hai.n
kam-sin hai.n be-KHabar hai.n uThtii javaaniyaa.n hai.n
kyaa samjhe.n Gam ke haatho.n kyuu.n sar-giraaniyaa.n hai.n
kyuu.n KHuu.n-fishaaniyaa.n hai.n
salmaa se dil lagaa kar
bastii kii la.Dkiyo.n me.n badnaam ho rahaa huu.n
har ik ke rahm kaa yuu.n iz.haar ho rahaa hai
bechaare ko ye kaisaa aazaar ho rahaa hai
dekhe to ko.ii jaane biimaar ho rahaa hai
kis darja zindagii se bezaar ho rahaa hai
naa-chaar ho rahaa hai
salmaa se dil lagaa kar
bastii kii la.Dkiyo.n me.n badnaam ho rahaa huu.n
ik puuchhtii hai aa kar tum be-qaraar kyuu.n ho
kuchh to hame.n bataa.o yuu.n dil-figaar kyuu.n ho
kyaa rog hai kaho to tum ashk-baar kyuu.n ho
diivaane kyuu.n hu.e ho diivaana vaar kyuu.n ho
baa-haal-e-zaar kyuu.n ho
salmaa se dil lagaa kar
bastii kii la.Dkiyo.n me.n badnaam ho rahaa huu.n
jaa.uu.n shikaar ko gar baa-hamrahaan-e-sahraa
kheto.n se ghuurtii hai.n yuu.n duKHtaraan-e-sahraa
bijlii kii raushnii ko jaise miyaan-e-sahraa
taariik shab me.n dekhe.n kuchh aahuvaan-e-sahraa
hairat kushaan-e-sahraa
salmaa se dil lagaa kar
bastii kii la.Dkiyo.n me.n badnaam ho rahaa huu.n
ik shoKH chhe.Dtii hai is tarah paas aa kar
dekho vo jaa rahii hai salmaa nazar bachaa kar
sharmaa ke muskuraa kar aa.nchal se mu.nh chhupaa kar
jaa.o naa piichhe piichhe do baate.n kar lo jaa kar
kheto.n me.n chhup chhupaa kar
salmaa se dil lagaa kar
bastii kii la.Dkiyo.n me.n badnaam ho rahaa huu.n
goyaa hame.n hasad se kuchh naazniin nigaahe.n
salmaa kii bhaa ga.ii hai.n kyuu.n dil-nashii.n nigaahe.n
un se zyaada dilkash hai.n ye hasii.n nigaahe.n
al-qissa ek dil hai sau KHashmagii.n nigaahe.n
shauq aafrii.n nigaahe.n
salmaa se dil lagaa kar
bastii kii la.Dkiyo.n me.n badnaam ho rahaa huu.n
ik shoKH taaza daarad sasuraal se ghar aa kar
sakhiyo.n se puuchhtii hai jis dam mujhe bataa kar
ye kaun hai to zaalim kahtii hai.n muskuraa kar
tum is kaa haal puuchho salmaa ke dil se jaa kar
ye giit use sunaa kar
salmaa se dil lagaa kar
bastii kii la.Dkiyo.n me.n badnaam ho rahaa huu.n

Akhtar Shirani
Nazm

panwaDi

sub.h bhajan kii taan manohar jhanan jhanan lahraa.e
ek chitaa kii raakh havaa ke jho.nko.n me.n kho jaa.e
shaam ko us kaa kam-sin baalaa baiThaa paan lagaa.e
jhan jhan Than Than chuune vaalii kaTorii bajtii jaa.e
ek pati.ngaa diipak par jal jaa.e duusraa aa.e

Majeed Amjad
Nazm

sayyad se aaj hazrat-e-waiz ne ye kaha

sayyad se aaj hazrat-e-vaa.iz ne ye kahaa
charchaa hai jaa-ba-jaa tire haal-e-tabaah kaa
samjhaa hai tuu ne nature o tadbiir ko KHudaa
dil me.n zaraa asar na rahaa laa-ilaah kaa
ho tujh se tark-e-saum-o-salaat-o-zakaat-o-haj
kuchh Dar nahii.n janaab-e-risaalat-panaah kaa
shaitaan ne dikhaa ke jamaal-e-uruus-e-dahr
banda banaa diyaa hai tujhe hubb-e-jaah kaa
us ne diyaa javaab ki maz.hab ho yaa rivaaj
raahat me.n jo muKHil ho vo kaa.nTaa hai raah kaa
afsos hai ki aap hai.n duniyaa se be-KHabar
kyaa jaaniye jo rang hai shaam-o-pagaah kaa
europe kaa pesh aa.e agar aap ko safar
guzre nazar se haal re.aayaa-o-shaah kaa
vo aab-o-taab-o-shaukat-e-aivaan-e-khusravii
vo mahakmo.n kii shaan vo jalva sipaah kaa
aa.e nazar uluum-e-jadiidah kii raushnii
jis se KHajil ho nuur ruKH-e-mehr-o-maah kaa
daavat kisii amiir ke ghar me.n ho aap kii
kam-sin miso.n se zikr ho ulfat kaa chaah kaa
nau-KHez dil-fareb gul-andaam naaznii.n
aariz pe jin ke baar ho daaman nigaah kaa
rukiye agar to ha.ns ke kahe ik but-e-hasii.n
sun maulvii ye baat nahii.n hai gunaah kaa
us vaqt qibla jhuk ke karuu.n aap ko salaam
phir naam bhii huzuur jo le.n KHaanqaah kaa
patluun-o-koT-o-ba.ngla-o-biscuit kii dhun ba.ndhe
saudaa janaab ko bhii ho turkii kulaah kaa
mimbar pe yuu.n to baiTh ke goshe me.n ai janaab
sab jaante hai.n va.az savaab-o-gunaah kaa

Akbar Allahabadi
Nazm

kale safed paron wala parinda aur meri ek sham

jab din Dhal jaataa hai, suuraj dhartii kii oT me.n ho jaataa hai
aur bhi.Do.n ke chhatte jaisii bhin-bhin
baazaaro.n kii garmii, afraa-tafrii
motor, bas, barqii railo.n kaa ha.ngaama tham jaataa hai
chaa.e-KHaano.n naach-gharo.n se kam-sin la.Dke
apne ham-sin maashuuqo.n ko
jin kii jinsii KHvaahish vaqt se pahle jaag uThii hai
le kar jaa chukte hai.n
ba.Dhtii phailtii uu.nchii himaala jaisii ta.amiiro.n par KHaamoshii chhaa jaatii hai
theater tafriih-gaaho.n me.n taale pa.D jaate hai.n
aur ba-zaahir duniyaa so jaatii hai
mai.n apne kamre me.n baiThaa sochaa kartaa huu.n
kutto.n kii dum Te.Dhii kyuu.n hotii hai
ye chitkabrii duniyaa jis kaa ko.ii bhii kirdaar nahii.n hai
ko.ii falsafa ko.ii paa.inda aqdaar nahii.n, me.aar nahii.n hai
is par ahl-e-daanish vidvaan, falsafii
moTii moTii adaq kitaabe.n kyuu.n likkhaa karte hai.n?
'furqat' kii maa.n ne shauhar ke marne par kitnaa kohraam machaayaa thaa
lekin iddat ke din puure hone se ik hafta pahle
'niilam' ke maamuu.n ke saath badaun jaa pahu.nchii thii
bii-bii kii sehnak ko.nDe faatiha-KHvaanii
ja.ng-e-siffiin, jamal aur badar ke qisso.n
siirat-e-nabvii tark-e-duniyaa aur maulvii-saahab ke halve maa.nDe me.n kyaa rishta hai?

Akhtarul Iman
Nazm

alif se ye tak

alif jo aaluu khaa.egaa
vo moTaa ho jaa.egaa
be baarish jab aatii hai
koyal shor machaatii hai
pe paalii mai.n ne billii
chal dii chho.D ke vo dillii
te titlii hai zinda phuul
jo na maane naa-maaquul
Te TaTTuu par cha.Dh bhayyaa
Dar mat aage ba.Dh bhayyaa
se saabit hai ye laTTuu
chunnuu jaa le aa paTTuu
jiim mai.n juute khaa.uu.ngaa
ro kar chup ho jaa.uu.ngaa
che chunnuu hai ik la.Dkaa
nanhaa munnaa chhoTaa saa
he vo haa tuu aayaa hai
hii.ng aur paTTuu laayaa hai
KHe KHachchar mai.n laa.uu.ngaa
apne ghar me.n nachau.ngaa
daal na daal pakaa ammii
barfii mujhe khilaa ammii
Daal Daruu.n mai.n bhaaluu se
mai.n nahii.n Dartaa KHaaluu se
re ronaa mujhe aataa hai
jab miraa bhayyaa gaataa hai
siin sarautaa laa ammii
mujh ko paan khilaa ammii
bas bhaa.ii aage mat jaa
ittii bas nazm na hogaa

Raja Mehdi Ali Khan
Nazm

bazar

ek majbuur kaa tan biktaa hai man biktaa hai
in dukaano.n me.n sharaafat kaa chalan biktaa hai
saudaa hotaa hai a.ndhero.n me.n gunaaho.n kaa yahaa.n
zindagii naam hai ha.nstii hu.ii aaho.n kaa yahaa.n
zinda laasho.n ke liye surKH kafan biktaa hai
jhuuTii ulfat ke ishaaro.n pe vafaa raqs kare
chand sikko.n ke chhanaake pe hayaa raqs kare
husn-e-ma.asuum kaa be-saaKHta-pan biktaa hai
bech kar apnaa lahuu aag kamaa.ii jaa.e
aabruu qaum kii siijo.n pe luTaa.ii jaa.e
sar-e-baazaar-e-havas pyaar kaa fan biktaa hai

Muzaffar Warsi
Nazm

dil mere sahra-naward-e-pir dil

naGma-dar-jaa.n raqs barpaa KHanda-bar-lab
dil tamannaa.o.n ke be-paayaa.n alaav ke qariib
dil mire sahraa-navard-e-piir dil
reg ke dil-shaad shahrii reg tuu
aur reg hii terii talab
reg kii nik.hat tire paikar me.n terii jaa.n me.n hai
reg sub.h-e-iid ke maanind zartaab-o-jaliil
reg sadiyo.n kaa jamaal
jashn-e-aadam par bichha.D kar milne vaalo.n kaa visaal
shauq ke lamhaat ke maanind aazaad-o-aziim
reg naGma-zan
ki zarre reg-zaaro.n kii vo paazeb-e-qadiim
jis pe pa.D saktaa nahii.n dast-e-la.iim
reg-e-sahraa zar-garii kii ek kii lahro.n se duur
chashma-e-makr-o-riyaa shahro.n se duur
reg shab-bedaar hai suntii hai har jaabir kii chaap
reg shab-bedaar hai nigaraa.n hai maanind-e-naqiib
dekhtii hai saaya-e-aamir kii chaap
reg har ayyaar Gaarat-gar kii maut
reg istibdaad ke tuGyaa.n ke shor-o-shar kii maut
reg jab uThtii hai u.D jaatii hai har faateh kii nii.nd
reg ke nezo.n se zaKHmii sab shahanshaaho.n ke KHvaab
reg ai sahraa kii reg
mujh ko apne jaagte zarro.n ke KHvaabo.n kii
na.ii ta.abiir de
reg ke zarro.n ubhartii sub.h tum
aa.o sahraa kii hado.n tak aa gayaa roz-e-tarab
dil mire sahraa-navard-e-piir dil
aa chuum reg
hai KHayaalo.n ke parii-zaado.n se bhii ma.asuum reg
reg-e-raqsaa.n maah-o-saal nuur tak raqsaa.n rahe
us kaa abresham mulaa.em narm-KHuu KHandaa.n rahe
dil mire sahraa-navard-e-piir dil
ye tamannaa.o.n kaa be-paayaa.n alaav
raah gum kar duu.n kii mash.al is ke lab par aa.o aa.o
tere maazii ke KHazaf rezo.n se jaagii hai ye aag
aag kii qurmuz zabaa.n par imbisaat-e-nau ke raag
dil mire sahraa-navard-e-piir dil
sargiraanii kii shab-e-rafta se jaag
kuchh sharar aaGosh sarsar me.n hai.n gum
aur kuchh ziina ba ziina sho.alo.n ke miinaar par cha.Dhte hu.e
aur kuchh tah me.n alaav kii abhii
muztarib lekin muzabzab tifl-e-kam-sin kii tarah
aag ziina aag ra.ngo.n kaa KHaziina
aag un lazzaat kaa sar-chashma hai
jis se letaa hai Gizaa ushshaaq ke dil kaa tapaak
chob-e-KHushk anguur us kii mai hai aag
sarsaraatii hai rago.n me.n iid ke din kii tarah
aag kaahin yaad se utrii hu.ii sadiyo.n kii ye afsaana-KHvaa.n
aane vaale qarnahaa kii daastaane.n lab pe hai.n
dil miraa sahraa-navard-e-piir dil sun kar javaa.n
aag aazaadii kaa dil-shaadii kaa naam
aag paidaa.ish kaa afzaa.ish kaa naam
aag ke phuulo.n me.n nasrii.n yaasman sumbul shafiiq-o-nastaran
aag aaraa.ish kaa zebaa.ish kaa naam
aag vo taqdiis dhul jaate hai.n jis se sab gunaah
aag insaano.n kii pahlii saa.ns ke maanind ik aisaa karam
umr kaa ik tuul bhii jis kaa nahii.n kaafii javaab
ye tamannaa.o.n kaa be-paayaa.n alaav gar na ho
is laq-o-daq me.n nikal aa.e.n kahii.n se bhe.Diye
is alaav ko sadaa raushan rakho
reg-e-sahraa ko bashaarat ho ki zinda hai alaav
bhe.Diyo.n kii chaap tak aatii nahii.n
aag se sahraa kaa rishta hai qadiim
aag se sahraa ke Te.Dhe re.ngne vaale
girah-aaluud zholiida daraKHt
jaagte hai.n naGma-dar-jaa.n raqs barpaa KHanda-bar-lab
aur manaa lete hai.n tanhaa.ii me.n jashn-e-maahtaab
un kii shaaKHe.n Gair-mara.ii tabl kii aavaaz par detii hai.n taal
biikH-o-bun se aane lagtii hai KHudaavandii jalaajil kii sadaa
aag se sahraa kaa rishta hai qadiim
rahravo.n sahraa-navardo.n ke liye hai rahnumaa
kaarvaano.n kaa sahaaraa bhii hai aag
aur sahraa.o.n kii tanhaa.ii ko kam kartii hai aag
aag ke chaaro.n taraf pashmiina-o-dastaar me.n lipTe hu.e
afsaana-go
jaise gird-e-chashm mizhgaa.n kaa hujuum
un ke hairat-naak dilkash tajrabo.n se
jab damak uThtii hai ret
zarra zarra bajne lagtaa hai misaal-e-saaz-e-jaa.n
gosh-bar-aavaaz rahte hai.n daraKHt
aur ha.ns dete hai.n apnii aarifaana be-niyaazii se kabhii
ye tamannaa.o.n kaa be-paayaa.n alaav gar na ho
reg apnii KHalvat-e-be-nuur-o-KHud-bii.n me.n rahe
apnii yaktaa.ii kii tahsii.n me.n rahe
is alaav ko sadaa raushan rakho
ye tamannaa.o.n kaa be-paayaa.n alaav gar na ho
asia africa pahnaa.ii kaa naam
be-kaar pahnaa.ii kaa naam
europe aur america daaraa.ii kaa naam
takraar-e-daaraa.ii kaa naam
meraa dil sahraa-navard-e-piir dil
jaag uThaa hai mashriq-o-maGrib kii aisii yak-dilii
ke kaarvaano.n kaa nayaa ruuyaa liye
yak-dilii aisii ki hogii fahm-e-insaa.n se varaa
yak-dilii aisii ki ham sab kah uThe.n
is qadar ujlat na kar
izhdihaam-e-gul na ban
kah uThe.n ham
tuu Gam-e-kul to na thii
ab lazzat-e-kul bhii na ban
roz-e-aasaa.ish kii bedardii na ban
yak-dilii ban aisaa sannaaTaa na ban
jis me.n taabistaa.n kii dopahro.n kii
be-haasil kasaalat ke sivaa kuchh bhii na ho
is jafaa-gar yak-dilii ke kaarvaa.n yuu.n aa.e.nge
dast-e-jaaduu-gar se jaise phuuT nikle ho.n tilism
ishq-e-haasil-KHez se yaa zor-e-paidaa.ii se jaise naa-gahaa.n
khul ga.e ho.n mashriq-o-maGrib ke jism
jism sadiyo.n ke aqiim
kaarvaa.n farKHanda-pai aur un kaa baar
kiisa kiisa taKHt-e-jam aur taaj-e-kai
kuuza kuuza fard kii satvat kii mai
jaama jaama roz-o-shab mehnat kaa KHai
naGma naGma hurriyat kii garm lai
saaliko firoz-baKHto aane vaale qaaflo
shahr se lauToge tum to paa.oge
ret ke sarhad pe jo ruuh-e-abad KHvaabiida thii
jaag uThii hai shikva-haa-e-nai se vo
ret kii tah me.n jo sharmiilii sahar ro.iida thii
jaag uThii hai hurriyat kii lai se vo
itnii doshiiza thii itnii mard-e-naa-diida thii sub.h
puuchh sakte the na us kii umr ham
dard se ha.nstii na thii
zarro.n kii ra.anaa.ii pe bhii ha.nstii na thii
ek mahjuubaana be-KHabarii me.n ha.ns detii thii sub.h
ab manaatii hai vo sahraa kaa jalaal
jaise izz-o-jal ke paa.nv kii yahii mehraab ho
zer-e-mehraab aa ga.ii ho us ko bedaarii kii raat
KHud janaab-e-izz-o-jal se jaise umiid-e-zafaaf
saare naa-karda gunaah is ke mu.aaf
sub.h-e-sahraa shaad-baad
ai uruus-e-izz-o-jal farKHanda ro taabinda kho
tuu ik aise hujra-e-shab se nikal kar aa.ii hai
dast-e-qaatil ne bahaayaa thaa jahaa.n har sej par
sai.nka.Do.n taaro.n kaa raKHshanda lahuu phuulo.n ke paas
sub.h-e-sahraa sar mire zaanuu pe rakh kar daastaa.n
un tamannaa ke shahiido.n kii na kah
un kii niima-ras uma.ngo.n aarzuu.o.n kii na kah
jin se milne kaa ko.ii imkaa.n nahii.n
shahd teraa jin ko nashsh-e-jaa.n nahii.n
aaj bhii kuchh duur is sahraa ke paar
dev kii diivaar ke niiche nasiim
roz-o-shab chaltii hai mub.ham KHauf se sahmii hu.ii
jis tarah shahro.n kii raaho.n par yatiim
naGma-bar-lab taaki un kii jaa.n kaa sannaaTaa ho duur
aaj bhii is reg ke zarro.n me.n hai.n
aise zarre aap hii apne Ganiim
aaj bhii is aag ke sho.alo.n me.n hai.n
vo sharar jo us kii tah me.n par-buriida rah ga.e
misl-e-harf naa-shuniida rah ga.e
sub.h-e-sahraa ai uruus-e-izz-o-jal
aa ki un kii daastaa.n dohraa.e.n ham
un kii izzat un kii azmat gaa.e.n ham
sub.h ret aur aag ham sab kaa jalaal
yak-dilii ke kaarvaa.n un kaa jamaal
aa.o
is tahliil ke halqe me.n ham mil jaa.e.n
aa.o
shaad-baaG apnii tamannaa.o.n kaa be-paayaa.n alaav

Noon Meem Rashid
Nazm

doraha

der se ruuh pe ik KHvaab-e-giraa.n taarii hai
aaj biimaar pe ye raat bahut bhaarii hai
aaj phir dosh-e-tamannaa pe hai dil kaa taabuut
jaag ai narm-nigaahii ke masiihaana sukuut
varna insaan kii fitrat kaa talavvun mat puuchh
is sin-o-saal kaa maGruur la.Dakpan mat puuchh
aadmii terii is uftaad se bad-dil ho kar
aur do-chaar KHudaa.o.n ke alam puujegaa
aur ik roz is andaaz se bhii uktaa kar
apne be-naam KHayaalo.n ke sanam puujegaa

Mustafa Zaidi
Nazm

aaKHiri raat

liyaa aaGosh me.n phuulo.n kii siijo.n ne amiirii ko
muhayyaa KHaak hii ne kar diye aasan faqiirii ko

Hafeez Jalandhari
Nazm

madrase ka ek hi kamra

master jii baahar ga.e hai.n
master jii ga.e zaraa baahar
ab nazar kyaa rahe kitaabo.n par
dil hii dil me.n hai.n saare la.Dke shaad
goyaa qaidii the ab hu.e aazaad
ab kitaabe.n kahaa.n sabaq kis kaa
pa.Dhnaa-va.Dhnaa KHayaal se khiskaa
ek ha.nstaa hai ek gaataa hai
aur ik chuTkiyaa.n bajaataa hai
ek baiThe hii baiThe sotaa hai
aur ik jhuuT-muuT rotaa hai
mashvare kar rahe hai.n do baaham
aa.o chupke se uTh ke chal de.n ham
ek goshe me.n goliyaa.n khele.n
yaa ground me.n chal ke Da.nD pele.n
copy ik jald jald bhartaa hai
duusraa us se naqal kartaa hai
ghar se laa.e nahii.n hai.n kar ke savaal
master jii se ab kare.nge chaal
ik ne baa.ndhaa hai gaal par ruumaal
taaki puuchhe.n na is se ko.ii savaal
daa.Dh ke dard kaa bahaanaa hai
chhuTTii lenii hai ghar ko jaanaa hai
saath baate.n bhii hotii jaatii hai.n
shoKH ghaate.n bhii hotii jaatii hai.n
ek kahtaa hai nazm yaad nahii.n
master saahab aa na jaa.e.n kahii.n
yuu.n hii TarKHaa.uu.ngaa sune.nge jab
aataa-vaataa mujhe nahii.n matlab
ma.anii mujh ko sujhaate jaanaa tum
chupke chupke bataate jaanaa tum
aur geograph chup are chup kar
miim alif siin maas Te re Tar

Hafeez Jalandhari
Nazm

mujhe abhi bahut dur jaana hai

kyaa pairo.n kii thakan is safar ko rok saktii hai
kyaa raaste ke ro.De mere iraade ko to.D sakte hai.n
kyaa mai.n yahaa.n se vaapas lauT jaa.uu.ngaa
kyaa mai.n aur aage chal nahii.n paa.uu.ngaa
nahii.n nahii.n
shaayad mujhe jaanaa hai bahut duur
go huu.n mai.n thakan se chuur
aur be-zaar har manzar se
jo baar baar lauT kar nazar kii uktaahaT ban jaataa hai
vahii aasmaan
vahii zamiin
vahii chaa.nd vahii sitaare
chaa.ndnii me.n chamakte aur mahakte vahii phuul
haatho.n me.n chubhte vahii babuul
vahii mere man ko salaaKHo.n me.n lahuu karne vaale aqvaal
lekin shaayad uktaahaT bhii maane na ho
qadmo.n kii
shaayad zindagii qaidii na bane lamho.n kii
ye to havaa-e-barg-o-baar kii tarah hai
jo kabhii na kabhii guzar jaa.egii
mere zehn ke KHazaane kii uuprii sat.h ko bhii
kabhii na chhuu paa.egii
shaayad abhii aage bahut duur jaanaa hai
aur in baar baar aate lamho.n
har baar aa.nkh ke saamne ubharte manzaro.n
dariyaa.o.n sahraa.o.n ja.ngalo.n
gaa.nv aur shahro.n
ke bhii.D se mujhe ko.ii nayaa ra.ng
nikaalnaa hogaa
apne paraaganda zehn ko qabr me.n dafn kar ke
nayaa but nayaa mandir banaanaa hogaa
puraane lafzo.n se nayaa lafz
puraane ma.aanii se na.e ma.aanii
KHalq karne ho.nge
yahii nahii.n
mujhe paariina kaano.n me.n
samaa.ato.n ke na.e paimaane
aa.nkho.n ke liye
na.e manzar-naame se tartiib dene ho.nge
chalte chalte mere juute bhii ghis ga.e hai.n
mujhe uff juuto.n ko hii badalnaa hogaa
aur aa.nkho.n par na.ii ainak lagaanii hogii
taaki puraane shiishe me.n na.e ra.ng
puraane na dikhaa.ii de.n
shaayad ye thakan mujhe rok na paa.e
shaayad mai.n in roado.n ko phalaa.ng duu.n
shaayad apne haatho.n se babuulo.n ko noch
phe.nkuu.n
shaayad mai.n sin kii salaaKHo.n ko to.D kar
baahar aa jaa.uu.n
aur malgajii chaa.ndnii ke aks ghar
apne lahuu se surKH-ruu kar duu.n
aur qadam ba.Dhaate aage nigal jaa.uu.n
shaayad mujhe abhii bahut duur jaanaa hai

Khaleel Mamoon
Nazm

id

log sab iid pa.Dh ke nikle hai.n
goyaa parvaan cha.Dh ke nikle hai.n
KHush hai.n sab aur karte hai.n KHairaat
luuTte hai.n savaab haatho.n haat
jaan pahchaan milte hai.n aksar
iid milte hai.n sab gale mil kar
bachche-baale bhii saath hai.n saare
jo ki hai.n iid dekhne aa.e
un ko melaa dikhaate phirte hai.n
chiizyaa.n bhii khilaate phirte hai.n
bachche laTTuu hu.e khilauno.n par
vo bhii jholii me.n rakh liye le kar
kyo.n na ho khel kaa yahii sin hai
aur phir aaj iid kaa din hai

Hafeez Jalandhari
Nazm

KHizan mein chini chae ki dawat

aa.o lawn me.n baiThe.n
shaam kaa suuraj dekhe.n
zard KHizaa.n kii sargam se
jii ko bahlaa.e.n
ja.ngal ko ik giit sunaa.ii.n
surKH sunahre
pe.D se girte
dard ke patte
haath me.n le kar
un kii rekhaa.o.n ko dekhe.n
patto.n ko chuTkii me.n ghumaa.e.n
apne apne haath kii dono.n pa.Dhe.n lakiire.n
ik duuje kii aa.nkho.n kii gahraa.ii me.n utre.n
phuul saje hai.n jo gul-daan me.n mez ke uupar
un ko chuume.n
duudh ke jaise ujle cupo.n me.n
ketlii se tum chaa.e unDelo
binaa shakar aur binaa duudh kii chaa.e sunahrii
achchhii lagtii hai jab pyaar kii baat kare.n
maazii ke qisse dohraa.e.n
ha.nste ha.nste aa.nkho.n me.n aa.nsuu aa jaa.e.n
in baato.n se chaa.e miiThii ho jaatii hai
aa.o lawn me.n baiThe.n
chiinii chaa.e piye.n ham

Fay Seen Ejaz
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now